Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
Skenar filmi për ‘NETFLIX’/ Si Davide Pecorelli inskenoi vdekjen e tij për paratë e siguracioneve, zgjodhi Pukën
20 Shtator 2021, 14:01Nga DOSJA
TIRANË– Skenar filmi ‘Netflix’ është zhdukja dhe gjetja e Davide Pecorellit! Biznesmeni italian kishte në plan të shpëtonte nga borxhet që kishte marrë për bizneset e tij duke përfituar para nga siguracionet. Ndaj, Pecorelli vendosi të ‘inskenonte’ vdekjen për t’i shpëtuar detyrimeve e më pas të jetonte një jetë të qetë. Kështu shkruajnë mediat italiane për të famshmin e 9 muajve me radhë në Shqipëri dhe Itali. Kështu ai zgjodhi që qyteti i Pukës të ishte dhe vendi ku ai ‘vdiste’, i shkrumbuar brenda një makine të marrë me qira…
Pecorelli i cili u raportua nga mediat italiane se ishte një gjyqtar sportiv që ka drejtuar kryesisht në Serinë C në Itali, zotëronte një hotel në Lama, në komunën e San Giustino, sallone bukurie dhe parukerie mes Tiberit të Epërm dhe Valtiberinës. Po ashtu u tha se ai kishte themeluar dhe një nga dyqanet “Hairdressers Milan’.
SI INSKENOI VDEKJEN
Pecoreli mbërriti në Shqipëri më 6 janar. Ai mori me qira mjetin tip ‘Skoda Fabia” të cilin e la të braktisur në zonën e quajtur ‘Kodra e Bardhë’ në Pukë. Sipas gazetës italiane ‘La Nazione’, brenda makinës së djegur u gjetën gjetur disa sende personale të tij. Italiani kishte mbëritur në Shqipëri, me qëllim studimin e tregut të paisjeve kozmetike, ku edhe pretendonte se do të arrinte një marrëveshje të madhe. Biznesmeni kishte partneren shqiptare dhe ajo mund të jetë një prej arsyeve që e sillte më shpesh në vendin tonë, përveç biznesit. Pecorelli kishte edhe dy fëmijë të tjerë me gruan e parë, me të cilën është ndarë para shumë vitesh. Partnerja e tij shqiptare pretendon se 45-vjeçari kishte ardhur për të zgjeruar biznesin në Shqipëri, dhe se nuk kishte konflikte me njeri.
Ditët e para të vitit, ai ka zbritur në Rinas ku edhe ka marrë me qera një makinë tip “Skoda”. Më tej 45-vjeçari ka udhëtuar nga Tirana në Vlorë, ku edhe ka parë disa ambiente që mund t’i përshtateshin për zyra dhe më pas, për arsye që ende nuk dihen është nisur për në veri të vendit, në Shkodër. Pasi ka qëndruar disa ditë atje, ka zbritur në Pukë, ku ka qëndruar në hotelin e qytetit. Pasi kishte mbaruar “punët” e tij nëpër qytet, në kthim, makina e tij u shkrumbua nga flakët. Në datë 6 janar, “GPS” i mjetit mbeti në fshatin Reps, pa lëvizur më derisa u konstatua nga Policia e Shtetit.
Makina e tij u gjet e shkrumbuar ndërsa brenda ishin vendosur disa eshtra që megjithëse nuk rezultuan asnjëherë të tij, vonuan hetimin për disa muaj për shkak të analizave të ADN-së. Në Shqipëri hetimet zgjatën për disa muaj. Madje në Pukë mbërritën dhe grupet e hetimit italiane të cilat kishin dyshime për hetimin që po kryhej nga shqiptarët.
Gjatë hetimeve u zbulua se biznesmeni i kishte shkruar një miku të tij se në Shqipëri është luftë deri me datë 6. Ai i kishte thënë se do kthehej me datë 6 në Itali pasi kishte prenotuar biletën e kthimit. ‘Kam hapur show room në një qendër tregtare. Deri në datën 6 këtu është lufte. Kam prenotuar kthimin në datën 10 janar.’
GJETJA:
Pecorelli i kishte marrë të gjitha masat për të bërë një jetë të dytë, pasi kishte ndryshuar identitetin dhe siguruar dokumente rumune. Mbetja pa para, do të bënte që 45-vjeçari të drejtohej në bankomat për të tërhequr të hollat që i duheshin. Italiani ishte pronar i disa salloneve të bukurisë, midis Umbira dhe Toskana, por para se të intesifikonte zhdukjen, këto biznese ishin përfshirë në krizë ekonomike, duke hyrë në borxhe dhe sipërmarrje të tjera dhe me vetë sipërmarrjen e shtetit. Për herë të parë pas tetë muajve, më 12 shtator karta e kreditit e Davide Pecorelli u aktivizua. Për këtë gjë u informua partnerja e tij me anë të një mesazhi nga banka dhe bashkëpunëtori shqiptar, duke qenë se të dy kishin akses në këtë llogari. Bashkëpunëtori shqiptar i biznesmenit vuri në dijeni autoritetet për lëvizjen e llogarive dhe i orientoi ata drejt ishullit Giglio. Pecorelli u gjet dy ditë më parë i gjallë në ishullin Elba në Toskana.
Shkak i gjetjes u bë motori i gomones që ai kishte marrë me qira, pasi mori flakë dhe 45-vjeçari u detyrua të kërkonte ndihmë. Personi i parë që e pa, e njohu me njëherë dhe lajmëroi policinë. Kjo dëshmi ishte mjaft thelbësore dhe karabinierët prangosën Pecorellin një ditë më parë. Biznesmeni e kaloi natën në stacionin ushtarak, duke refuzuar të jepte të dhënat e tij personale, kur u gjet nga ushtarët e Piombino, por shenjat e gishtave që iu morën të nesërmen zbuluan inskenimin.
Gjëja e parë që ka thënë vetë Pecorelli kur është përballur me kamerat, është se duhet të takonte fëmijët. Në momentin që gazetari i TGCom afrohet për ta pyeturr, Pecorelli, i veshur me një palë pantalloa të shkurtra, kapuç, syze dhe maskë anti-Covid, largohet me nxitim, duke thënë se duhet të shkojë tek fëmijët.
HETIMET
Pecorelli është marrë në pyetje, por pritet që të dalë para prokurorëve të Perugia-s, për të dhënë llogari në lidhje me identitetin fals që ka përdorur. Ndërkohë prokuroria e Pukës ka ngritur dy akuza ndaj Pecorellit, për shkatërrim prone me zjarr dhe shkatërrim varresh. Hetimet janë nisur tashmë nga i njëjti prokuror që po hetonte rrëmbimin e vrasjen e inskenuar të Pecorrelit të ndodhur në Janar të këtij viti në Pukë. Akuzat për shkatërrimin e pronës me zjarr i përket djegies së automjetit që Pecorelli kish marrë me qira në rinas ndërsa shkatërrimi i varreve për kockat e gjetura në skeletin e djegur brenda automjetit model Skoda.
Këto kocka sipas hetuesve kanë pjesë gjymtyrë njeriu si dhe kafkë koke dhe dyshohet se janë marrë duke zhvarrosur një kufomë. Ky krim sipas hetuesve dyshohet se është kryer në bashkëpunim ndërsa pasditen e sotme biznesmeni italian do të merret në pyetje nga prokurorët italianë. Ai rrezikon edhe një procedim penal në Itali për falsifikim të letërnjoftimit pasi rezulton se gjatë kohës që qëndroi i fshehur përdorte një identitet të rremë.
A do mund të shpëtojë nga këto akuza? A ka gati Pecorelli panin B? Mbetet për tu parë në ditët në vijim….
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Ditën e sotme ministrja e Arsimit, Evis Kushi ka zhvilluar një takim me drejtuesit e Zyrave Vendore të Arsimit Parauniversitar mbi masat e ma...
Aktualitet20 Shtator 2021, 14:25
GREQI– Modelja e njohur Elena Polychronopoulou dhe partneri i saj ishin pjesë e një grupi kriminal që merrej me shpërndarjen e drogës, duke dërguar në pra...
ITALI-Një shqiptar 26-vjeçar është arrestuar ditën e djheshme, pasi akuzohet për grabitje dhe rezistncë ndaj një zyrtari publik. Ilgiorno shkruan se ai a...
TIRANË– Një autobus i linjës së Uzinës në kryeqytet është përfshirë në një aksident në Rrugën e Elbasanit, në zonën e njohur si kryqëzimi i “Shtatë X...
TIRANË – 35 drejtues mjetesh janë arrestuar gjatë fundjavës pasi nuk kanë respektuar rregullat e qarkullimit rrugor. Mësohet se 18 persona janë arres...
BULQIZË– Muharrem Plaku, minatori i cili u gjet i vdekur pas 6 ditësh kërkime në një nga galeritë private të kromit në Bulqizë është dërguar pranë fa...
Ata ulin sytë përpara gjykatësve. Herë shfaqen të turpëruar, ndonjëherë të penduar, por që të gjithë janë njësoj. Të dehur apo esëll, ata dalin para gjykatës pë...
TIRANË– Ditën e sotme përfaqësues të bizneseve ishin të ftuar në ABC Live me Juli Xhokaxhin. Ato janë shprehur se nëse afati i fiskalizimit nuk shtyh...
ZVICËR- Zvicra ka ashpërsuar rregullat anti-Covid në lidhje me hyrjen e turistëve, ose personave shqiptarë në vend. Në njoftimin e publikuar nga Ministria...