Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ministrja e Shëndetësisë, Ogerta Manastirliu dhe kompania “Farma Net Albania”, të cilët aktualisht janë nën hetim nga Prokuroria Speciale për tenderat “urgjentë” të pandemisë, janë përfshirë në një tjetër procedurë prokurimi publik, me vlerë 800 milionë lekë, për të cilin ka dyshime të forta për fitues të paracaktuar.
Në një procedurë të mbyllur në 30 Mars, por të publikuar nga Ministria e Shëndetësisë vetëm së fundmi nga, “Farma Net Albania” është shpallur fitues i tenderit për “blerje medikamente dhe pajisje mjekësore për qëndrat shëndetësore turistike”, me fond limit 87.646.057 lekë (të reja), megjithëse ka dhënë ofertën më të lartë.
“Bileta fituese”, siç ka ndodhur edhe më parë me “Farma Net Albania”, është një lloj ilaçi, aspak çudibërës, kundër helmimit nga gjarpri, i cili quhet “Viper Venom Serum”, në flakonë 5 mililitra.
Ky medikament është i paregjistruar në Shqipëri. Ligji “Për Barnat” parashikon se medikamentet e paregjistruara mund të qarkullojnë në vendin tonë, vetëm me autorizim të Ministrit të Shëndetësisë.
Disa kompani farmaceutike e qarkullojnë “Viper Venom Serum” në Shqipëri. Por, vetëm “Farma Net Albania” qarkullon këtë medikament në flakonë 5 mililitra. Të tjerët e kanë në flakokë 1 mililitra, 10 mililitra, etj.
Ministria e Shëndetësisë, në specifikimet teknike të tenderit 800 milionë lekë, e kërkonte medikamentin anti-helmim vetëm në sasinë 5 mililitra. Pra, as më shumë e as më pak se sa atë medikament që ka ekskuzivitetin vetëm “Farma Net Albania”.
Fitues me ofertën më të lartë
Në bazë të dokumentave zyrtarë, rezulton se kompania fituese e tenderit për “blerje medikamente dhe pajisje mjekësore për qëndrat shëndetësore turistike”, pra “Farma Net Albania”, ka paraqitur ofertën më të lartë.
Në tender rezulton se kanë marrë pjesë tre kompani, nga të cilat njëra është skualifikuar, pasi nuk ka paraqitur ofertë ekonomike.
Ndër dy kompanitë e mbetura në garë, “Farma Net Albania” ka paraqitur ofertën më të lartë, në vlerën 86.935.174 lekë (të reja). Kompania, e renditur e para, kishte dhënë një ofertë më të ulët, konkretisht 85.583.000 lekë.
Por, autoriteti kontraktor, Ministria e Shëndetësisë, vendosi të skualifikojë kompaninë me ofertën më të ulët, duke lënë në garë vetëm “Farma Net Albania”, e cila rrjedhimisht u shpall edhe fituese e tenderit mbi 800 milionë lekë. Skualifikimi i kompanisë së renditur e para është bërë pikërisht për çështjet që lidhen me autorizimin e medikamenteve të paregjistruara në Shqipëri.
“Helmi i gjarprit”, SPAK, “Farma Net”
“Farma Net Albania”, një kompani jo shumë e njohur në tregun farmaceutik, mori një lloj publiciteti negativ pasi Prokuroria Speciale-SPAK-nisi hetimin për një tender pa garë, në vlerë 3.5 milionë euro, për “Blerjen e pajisjeve mbrojtëse nga Covid-19”.
Ministria e Shëndetësisë, me një procedurë të dyshimtë, i dha “Farma Net Albania” dhe “Euromed” 3.5 milionë euro, megjithëse, siç rezultoi nga disa dokumenta të siguruar nga “Boldnews.al”, ajo ofroi çmimin më të larta të produkteve të kërkuara “me urgjencë” nga institucioni i drejtuar nga Ogerta Manastirliu.
Paralelisht me këtë tender, “Farma Net Albania” dukej se ishte e paracaktuar për t’u shpallur fituese në një tjetër procedurë prokurimi publik, të zhviluar nga Operatori i Shërbimeve të Kujdesit Shëndetësor.
Ky institucion, i drejtuar nga Mirela Cami në postin e drejtoreshës së komanduar, shpalli në fillim të muajit Prill 2020 tenderin për “Blerje medikamente dhe pajisje mjekësore” për të gjithë qendrat shëndetësore, me vlerë 1.5 milionë euro.
Në tenderin e Operatorit, ashtu si edhe në atë që u përmend më lart në këtë shkrim, në morinë e objekteve të kërkuara, ishte edhe “Viper Venom Serum” në flakonë 5 ml, për të cilin ka ekskluzivitetin “Farma Net Albania”.
Një investigim i thelluar nga “Boldnews.al”, ku ngriheshin dyshime për fitues të paracaktuar, si edhe hetimi i nisur nga SPAK ndaj “Farma Net Albania-s” dhe Ministrisë së Shëndetësisë për tenderat e pandemisë, duket se detyroi drejtuesen e Operatorit të Shërbimeve të Kujdesit Shëndetësor, Mirela Cami, të anulonte procedurën.
Zyrtarisht, si shkak i anulimit u deklarua mungesa e ofertave në përputhje me kriteret e përcaktuara nga autoriteti kontraktor. Por, burime të “Boldnews.al” deklaruan se anulimi i tenderit 1.5 milionë euro është kryer për shkak të dyshimeve publike mbi fitues të paracaktuar. Marrë nga Boldnews.al
1 vit nga zgjedhjet e 25 prillit si e shikoni gjendjen e vendit:
TIRANË -Autoshkollat që nuk zbatojnë rregullat anti-Covid do të penalizohen, madje rrezikojnë deri në mbylljen e aktivitetit. Prej dy javësh në të gjithë v...
TIRANË- Ministria e Shëndetësisë pak javë më parë ngriti shqetësimin për bërjen e testeve kundër COVID-19 në laboratorët privat. Pas disa informacioneve Pr...
TIRANË-Studiuesi Agron Tufa ka denoncuar mosndëshkimin e personave, të cilët i kanë shërbyer sistemit dictatorial. Në një postim Facebook, Tufa ka akuzuar,...
ITALI- Një shqiptar 50-vjeçar është arrestuar ditën e sotme nga policia italiane me akuzën e dhunës ndaj gruas dhe djalit. Ka qenë gruaja në moshë 46 vje...
TIRANË– Shefja e Departamentit të Epidemiologjisë dhe Kontrollit të Sëmundjeve Infektive në ISHP, Silva Bino, tha se edhe të rinjtë janë të rrezikuar...
TIRANË- Shefja e Shërbimit Infektiv, Najada Çomo, ka deklaruar se graviteti i virusi vijon të jetë i pranishëm. Në mbledhjen e mbajtur ditën e sotme...
ELBASAN- Policia e Elbasanit ka arrestuar një 48-vjeçar, i cili ishte shpallur në kërkim ndërkombëtar pasi ishte dënuar për trafikim narkotikësh. Në një ...
TIRANË- Ministrja e Shëndetësisë dhe Mbrojtjes Sociale, Ogerta Manastirliu, ka mbledhur sot Komitetin e Ekpertëve dhe ka bërë me dije se disa nga masat leh...
TIRANË–Këshilli i Ministrave ka propozuar disa ndryshime në ligjin për Policinë e Shtetit, i cili pritet të kalojë në komisionet parlamentare. “Faxnews” ka...
Tiranë– Ishte vetëm 12-vjeç, kur fati e deshi që të martohej dhe të përballej me jetën e vështirë dhe vuajtjet e njëpasnjëshme. Sibora Ahmeti, vajza guxi...
