Aktualitet

SITUATA ME COVID-19! Ndërron jetë pediatri nga Kavajë, fluks tek spitalet. I infektuar nga pandemia dhe deputeti socialist në Berat

Sërish viktima tek bluzat e bardha në vendin tonë prej COVID-19. Ndërron jetë mjeku Hidajet Deda, ndërkohë që rriten infektimet në qarkun e Beratit. Mes të infektuarve është edhe deputeti Fadil Nasufi.
Featured image of article: SITUATA ME COVID-19! Ndërron jetë pediatri nga Kavajë, fluks tek spitalet. I infektuar nga pandemia dhe deputeti socialist në Berat Hidajet Deda

TIRANË– Një tjetër viktimë nga bluzat e bardha është shënuar nga koronavirusi në vendin tonë. Ditën e sotme ka ndërruar jetë mjeku pediatër nga Kavaja, Hidajet Deda.

Pediatri kishte prej më shumë se një muaji që ishte infektuar nga pandemia dhe disa ditë më parë kishte dalë negativ, por infektimi i kishte lënë pasoja shëndetësore që i kushtuan dhe jetën. 

Ndërkohë që fluksi vazhdon tek spitalet COVID në vend. Tek Sanatoriumi, para hyrjes kanë qënë 5-6 ambulanca me të sëmurë brenda që prisnin radhën për t’u futur në spital. Ndërkohë që shtim të rasteve ka pasur edhe në Berat, ku ndër të infektuarit ishte edhe deputeti i Partisë Socialiste, Fadil Nasufi.

Për më shumë bëhu pjesë e grupit më viral në Facebook, Dosja.al

Deri më tani në vendin tonë janë shënuar 36790 të infektuar nga pandemia që ka gjunjëzuar botën, nga të cilët kanë ndërruar jetë 787 pacientë. 

(k.m/dosja.al)

  • 12:31

    8 persona të infektuar me Covid në Berat, mes tyre dhe deputeti i Partisë Socialiste Fadil Nasufi

    8 persona janë infektuar me Covid-19 ditën e sotme në Berat. Burime për Dosja.al bëjnë të ditur se mes të infektuarve është edhe Deputeti i Partisë Socialiste, Fadil Nasufi. Personat e tjerë të infektuar janë 1 sanitare në Repartin Infektiv të Spitalit të Beratit, një mësuese në shkollën 9-vjeçare të fshatit Hinkë.

    1 mësues në shkollën 9-vjeçare të fshatit Dyshnik, 1 sanitare në shkollën e mesme të Beratit “Kristaq Çapo”, 1 inxhinier nafte në Kuçovë dhe 2 shofera institucionesh. Të infektuarit janë karantinuar të gjithë në shtëpitë e tyre dhe janë në gjendje të mirë shëndetësore.

  • 13:30

    ME FOTO: Ambulancat rreshtohen para Sanatoriumit, pacientët me COVID presin radhën që të shtrohen, i afërmi i shqetësuar hap derën herë pas here

    Shtim rastesh të infektuarish nga pandemia e koronavirusit në Shqipëri. Siç duket edhe nga fotot e mëposhtme, Sanatoriumi është mbushur me autoambulanca.

    Paraditen e sotme para hyrjes kanë qënë 5-6 ambulanca me të sëmurë brenda që prisnin radhën për t’u futur në spital. Në një prej mjeteve është edhe i afërmi i një prej të sëmurëve,  që herë pas here hap derën për të parë ç’ndodh brenda.

  • 11:14

    E TRISHTË/ Ndërron jetë nga Covid-19 një tjetër mjek nga Kavaja, 40 ditësh i infektuar

    Hidajet Deda

    Mjeku i njohur i spitalit të Kavajës, Hidajet Deda ka humbur betejën me Covid-19. Pediatri kishte prej më shumë se një muaji që ishte infektuar nga pandemia dhe disa ditë më parë kishte dalë negativ, por infektimi i kishte lënë pasoja shëndetësore. Aktualisht Deda ishte në pension por për shkak të nevojës spitalit të Kavajës për mjek ai kishte vendosur të rikthehej në shërbim të pacientëve.

Shto Koment