Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Ilir Gjerbea, ish-kampion noti, i cili njihej dhe me nofkën ‘peshkani’ ka ndërruar jetë nga Covid-19. Mësohet se Gjebrea nuk ia ka dalë dot që ta fitojë betejën me virusin e tmerrshëm, duke u bërë një nga 905 viktimat e regjistruara në vendin tonë.
Gjebrea ka qenë një nga rekordmenët e notit që ka garuar kryesisht në 100 dhe 200 metra. Pas lajmit të hidhur, nipi i tij, Edmond Prifti ka lënë disa fjalë prekëse në faqen e tij në facebook. Prifti shkruan se ende nuk i besohet që daja i tij nuk ia doli dot në një kohë kur zemra dhe mushkëria e tij luftoi e mori rekorde e dhjetëra medalje.
Postimi i plotë
Peshkaqeni ynë, gjiganti, daja im i shtrenjtë, si munde ta bëje këtë o kampioni Ilir Gjebrea të mos luftoje me Covidin, kur ti e mushkëria jote, zemra e madhe, luftoi e mori rekorde dhe dhjetëra medalje? Me ty që u rrita duke dëgjuar historitë e notit, çunave të liqenit, të medaljeve që i mbaje ne kavanozë…ti që mbaje në këmbë gjithë lagjen…historitë e tua te pafundme që i dinte gjithë Shqipëria…nuk di sa mund të shkruhet për ty…e mua nuk më besohet se po shkruaj për atë dajën tim, legjendën, mbi këtë fotografi të fundme. Sa krenar që jam ndjerë e ndihem që jo veçse ishte daja im, ai legjenda e notit shqiptar, apo siç e njihnin dikur Peshkaqeni një nofkë e ngjitur gjatë garave në Sarandë në vitet 70, apo Gjiganti e Profesori siç e njihnin shumë, por se Legjenda, Ilir Gjebrea, e jetoi këtë jetë plotësisht. Plotësisht në mënyrën më të qeshur dhe fisnike. Ishte ai që ishte për këdo, një krah, një histori, një forcë për guxim, për të buzëqeshur dhe për të ecur para. Energjiku! Nuk ishte veçse për miqtë teksa mblidheshin se bashku në lokalin J’adore, me Florin, Nikun, Gustin, Andrea Markon, Kastriot Hysin, Gjergjin apo shumë të tjerë dhe me dajen rrinim e me pas deri në orët e vona, me rrëfenja, e miq, të vjetër që mi prezantoje, e vinin e takonin gjigantin, deri tek Xhevoja me historitë e tij amerikane…(edhe ath kur i thoje Dones që jam me Edin). Po ath kur punoja për revistën One…mezi të kam bindur e ulur, të më jepje një intervistë të gjatë e plot detaje dhe as doje ti nxirje ato shumë medaljet e xhinglat e tjera, që i mbaje në kavanozët e dollapit të dytë… Ti nuk ishe veçse Mjeshtër Sporti por edhe ai profesori që kur vije pranë shtëpisë e merrte vesh gjithë lagja…teksa uleshim tek ai vendi ku përballë kishim diellin dhe të rrethuara nga lulet që mbillte Gusti? Po kur vije drejt lagjes me atë ecjen tënde karakteristike, me çantën e profesorit, e berete, pa dalë në pension nga Arbana? Epo sa pak vite e gezove atë pensionin tend more kampion! … E mban mend ath kur dole me Donen tek Love Story dhe rrëfeve historinë e bukur të dashurisë në detaje, të ju te dyve si çift? (do ta marr dhe do të rikujtojmë nga arkiva). Të gjithë do të të kujtojnë atë shpirtin tënd qe dha ngaherë copëza shpirti gjithkujt… Jam krenar për ato copëzat e historive që u rritem nga ata çunat harakate të liqenit, nga zadrat e liqenit, nga ai që u persekutove nga biografia, nga ato thashethemet që dëgjoja për të për mirë, se ku bëhet ai Kampioni Ilir Gjebrea, e i thoja kishit gjë me dajën? Eh more daje, ke jetuar jo veçse jetën tënde por të të gjithëve, e ishe ngado, kudo…sa shumë copëza për të krijuar atë Ilirin plot kurajë, plot buzëqeshje por edhe krenari. Po kur pinim verë sa herë tek shtëpia? Në një nga të fundmet, e mban mend se si Gusti nuk e dinte që të kisha treguar sekretin e lojës Ëoë në shqip, e më mbyllje syrin? Tashmë së fundmi që zhdukeshe me ditë në kampionatet e notit. Po kur doktorët e veshur me të bardha hyjnë në kuzhinë dhe me hodhe atë shikim, apo që ta dija që ishte hera e fundme që bëje gallata me Infermieren dhe doktorin e ambulancës 135 AA kur mësuan se kishte ardhur nipi gazetar te te sillte gjërat e nevojshme si pa e ditur që ishte momenti i fundmë… E mban mend se sa u mblodhën aty rreth e rrotull? Se si erdhën të gjithë infermiere dhe doktorë? Po me tej… Ajo dhoma aty. Nuk dua ta mendoj të gjithë me të bardha që mezi I dukeshin syte, fytyra të panjohura, oksigjen, aparaturat që nuk pushonin zhurmën e tyre…deri një çast nuk doje me të luftoje si dikur kur mposhte e more medalje të panumërta dhe rekorde kombëtare…ke një çun daje me zemër e po flas ende me të, ndonëse larg, kujtimet e bukura e të trishta që na ndajnë, me video të tuat, e foto…ato që të kujtojnë ty ku shpirti ndodhet pranë vëllait të madh, nënës, e babit tënd… Je aty sipër, na sheh dhe buzëqesh me atë kapelen me flamur norvegjez, pa atë cigaren e fundme që nuk e pije prej disa muajsh nga foto me telefonin e ri dhe me sytë e shndritshëm që flisnin ngaherë të folurat e pafolura…veçse një kapitull i vogël nga një libër i gjatë, tejet i gjatë me copëza historish… Pusho i qetë shpirt i bukur, pasi jetove jo veçse jetën tënde, por edhe jetën e çdokujt, e ndjeve si të ishin të tuat. Të gjithë sot që kujtojnë Ilirin, kujtojnë jo veçse dajen, atë gjigantin e Tiranës së Re, e dje të Ali Demit, por atë që e njeh çdokush…të gjithë nga çunat e vegjël të pallatit që i mbaje afër, e deri tek shpirtin e madh që kishe për të gjithë, të njohur apo te panjohur… Janë me mijëra copëza të bukura të një njeriu të bukur që jetoi plotësisht…U ndridte shpirti yt atje ku je… Edhe limoni yt këtu në korridor tashmë, ka nxjerrë kokërr. Për gjithë të afërmit, miqtë e të dashurit e legjendës dhe ish- rekordmenit të notit, profesorit, Ilir Gjebrea, varrimi do të kryhet tek pjesa e nënstacionit (pllajes) i Varrezave Publike të Sharrës, në orën 14.00. Në zbatim të rregullave të COVID-19 dhe të gjendjes së pandemisë në vend, ju mirëkuptojmë në çdo rast, për mos prezencën tuaj në dhënien e lamtumirës së kampionit.
Bilanci i Covid-19 në Shqipëri sa vjen e rëndohet. Në 24 orët e fundit ndërruan jetë 16 persona dhe u identifikuan 840 raste të reja. Në total, numri i jetëve të fundit ka shkuar në 905, ndërsa 20 mijë e 466 persona janë të infektuar aktivë. Nga ana tjetër, 21 mijë e 617 qytetarë e kanë fituar betejën me këtë virus të tmerrshëm.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
1 vit nga zgjedhjet e 25 prillit si e shikoni gjendjen e vendit:View Results...
KOLONJË– Bredhi me dritat e ndezura për festat e fundvitit në Kolonjë është rrëzuar. Siç shihet në fotot e mëposhtme, pema e gjelbër dhe e zbu...
TIRANË– GazetaSi ka publikuar një shkrim me përgjimet e punonjësve të qendrës së masazhit në “Don Bosko” ku ushtrohej dhe prostitucion. Në shkrim, dallohet...
TIRANË– 905 viktima, 20.466 të infektuar aktivë dhe 21.617 të shëruar. Ky është bilanci i Covid-19 në Shqipëri që nga fillimi i pandemisë. Ministria e Shën...
TIRANË- Kreu i Bashkisë së Tiranës, Erion Veliaj ka kryer një bisedim më disa të rinjë për të diskutuar projetbuxhetin e vitit 2021. Në mbledhje ka marrë p...
TIRANË– Dosja.al ka zbardhur detaje në lidhje me pistat se ku janë fokusuar hetimet për vrasjen e efektivit të Forcave të Ndërhyrjes së Shpejtë në Shkodër,...
Albert Demirneli, prokuror në Prokurorinë e Tiranës do të përballet të hënën më 7 dhjetor me Komisionin e Pavarur të Kualifikimit. Procesi i vetingut po kryhet ...
KOSOVE- Një ngjarje e rëndë ka ndodhur në Prishtinë ditën e sotme ku një person, shtetas turk është ekzekutuar me armë zjarri. Policia e Kosovës njofton se vras...
