Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Këshilltari ekonomik i Grupit Parlamentar CDU në Bundestagun gjerman, Martin Henze, ka momentuar situatën aktuale politike në SHqipëri, në një kohë kur pritet vendimi për hapjen ose jo të negociatave me Bashkimin Europian.
Në një intervistë për gazetën “Panorama”, Henze shprehet se mbështet idenë e kryeopozitarit Lulzim Basha, për krijimin e një qeverie tranzitore dhe zhvillimin e zgjedhjeve të parakohshme.
Ndër të tjera Henze thekson se gjatë 5 viteve qeverisje, kryeministri Edi Rama ka rritur korrupsionin në nivele të frikshme dhe është shtuar numri i të rinjve që largohen nga vendi.
Më tej këshilltari i CDU-së theksoi se ndikimi i Kinës, Rusisë dhe Turqisë, po e mban Shqipërinë sa më larg Europës.
Pjesë nga intervista
Si i shikoni zhvillimet e fundit në rajon dhe perspektivën europiane të Ballkanit Perëndimor?
Në muajt e fundit, konfliktet politike në Ballkanin Perëndimor dhe veçanërisht në Shqipëri janë bërë më akute. Aktorët politikë po flasin përsëri për një lëvizje etno-nacionaliste në Shqipëri, duke tentuar të bëjnë presion ose “kërcënuar” Europën, që është totalisht e gabuar. Kryeministrin Edi Rama – i mbështetur nga Presidenti i Kosovës, Hashim Thaçi – ka artikuluar disa herë tezën e bashkimit të Shqipërisë dhe Kosovës, që është një non sens, pasi e ardhmja e Kosovës dhe Shqipërisë duhet dhe është Europa. Mund të them që janë dy arsye përgjegjëse për këto zhvillime shqetësuese: një, është faktori i brendshëm dhe, dy, i politikës së jashtme. Faktori i brendshëm në Shqipëri është se qeveria dëshiron të shkëpusë vëmendjen nga problemet e shumta dhe shqetësuese politike të vendit.
Sipas jush, cilat janë këto problematika shqetësuese?
Me lejoni të them diçka. Në Shqipëri, sipas të gjitha vlerësimeve të brendshme e të jashtme, në 5 vitet e fundit qeveria e kryesuar nga zoti Rama nuk ka arritur të sjellë një zhvillimin politik dhe ligjor në Shqipëri. Përkundrazi, korrupsioni në nivele të frikshme, kriminaliteti, varfëria, shkalla e lartë e papunësisë, eksodi masiv i të rinjve nga Shqipëria, borxhi i lartë publik, projekte të papranueshme dhe qartësisht korruptive të PPP-ve, bëjnë të qartë se në 5 vitet e fundit Shqipëria ka bërë hapa pas. Raporti i publikuar kohët e fundit nga Departamenti Amerikan i Shtetit mbi korrupsionin dhe trafikimin e drogës është shumë i qartë dhe është jo vetëm një kambanë alarmi, por një realitet tashmë.
Në situatën aktuale ku është Shqipëria, a po funksionin sistemi demokratik?
Një pikë tjetër shumë e rëndësishme është sistemi ligjor, që është jofunksional, Gjykata Kushtetuese dhe Gjykata e Lartë kanë më shumë se një vit që nuk funksionojnë, pra, një kontroll i vendimeve të qeverisë dhe Parlamentit nuk mund të kryhet, opozita nuk ka asnjë mënyrë për të kontrolluar veprimet e qeverisë e të Parlamentit, apo vendime antikushtetuese, nuk ekziston asnjë mënyrë për të apeluar ose kërkuar të drejtën kushtetuese dhe kjo është tragjike. Edhe në qoftë se Gjykata Kushtetuese dhe Gjykata e Lartë do të bëhet aktive përsëri, aktualisht janë rreth 40,000 raste të pazgjidhura të mbledhura në kohë. Ky grumbullim i rasteve është i mjaftueshëm për të neutralizuar në vitet e ardhshme veprimtarinë e gjyqësorit shqiptar. Ekzekutivi është i korruptuar, sipas opinionit ndërkombëtar dhe jo vetëm. Shkeljet e mundshme të Kushtetutës shqiptare nga qeveria shqiptare nuk mund të korrigjohen nga asnjë gjykatë, një situatë e papranueshme për një vend demokratike. Ndarja e pushteteve, një nga parimet bazë të demokracisë, është jofunksionale. Kjo nuk i përmbush standardet minimale për një sistem demokratik. Në këtë drejtim, mund të thuhet me bindje se Shqipëria nuk ka një demokraci parlamentare funksionale.
A ndikon kjo në procesin integrues të Shqipërisë dhe në zhvillimin ekonomik?
Për fat të keq, mund të thuhet se mungon mbizotërimi i ligjit. Si mund të zhvillohen aktualisht zgjedhje demokratike në një sistem parlamentar jofunksional. Prandaj, në këto kushte, nuk kanë se si të hapen negociatat e pranimit me BE. Për shkak të kësaj situate, dhe investitorët e huaj hezitojnë dhe nuk pranojnë të vijnë në Shqipëri, kjo është e kuptueshme, e kjo çon në një përfshirje më të madhe të investitorëve nga vendet jodemokratike, të tilla si Kina, Turqia dhe Rusia, të cilat, në fund të fundit, vetëm sa e shkëpusin dhe e largojnë më shumë Shqipërinë nga Europa.
Ju përmendët vende si Kina dhe Rusia. Çfarë pasojash mund të ketë rritja e ndikimit të tyre në Shqipëri?
Vende si Rusia dhe Kina po përpiqen të shtojnë ndikimin e tyre në Ballkan. Për rusët, Ballkani është interesant për të arritur të destabilizojnë kufirin e BE-së. Ata përpiqen, si në Ukrainë apo Gjeorgji, që të zgjerojnë sferën e tyre të influencës edhe më shumë. Dhe këtu, sigurisht, Serbia ka një rol kyç. Për kinezët, Ballkani është interesant për arsye ekonomike. Ata duan të çojnë shtetet e Ballkanit Perëndimor në një “kurth borxhi”, nga i cili nuk arrihet të dilet nëse bie brenda. Kina dëshiron të krijojë ndikim politik në Europë. Marrëveshjet që qeveria socialiste e Ramës ka kryer me Republikën Popullore Komuniste, si në PPP, burimet natyrore, rrugë, aeroport, IT rrjet, veçanërisht në sektorin e infrastrukturës strategjike, janë për BE-në dhe SHBA-të diçka shumë delikate dhe problematike, të cilat padyshim kanë dhe koston e tyre në raport me BE-në dhe SHBA-të.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Dosja.al sjell fotot e ushtarakes shqiptare që humbi jetën mëngjesin e sotëm në Letoni. Ajo është Zarife Hasanaj, dhe ishte pjesë e misionit të NATO-s në Letoni...
Shefi i Shtabit të Forcave të Armatosura, Bardhyl Kollçaku ka dalë në një konferencë për mediat ku ka zbuluar detaje nga ngjarja e rëndë që ka ndodhur në...
TIRANË- Kryeministri Edi Rama, ka reaguar pas lajmit se ushtarakja shqiptare Zafire Hasanaj ka humbur jetën në Letoni. Rama shpreh ngushëllimet për familja...
LETONI-Humb jetën në krye të detyrës ushtarakja shqiptare në Letoni. Nëntetarja Zarife Hasanaj, 32 vjeçe, ka humbur jetën pasi gjatë një trajnimi për as...
BULQIZE- Në kulmin e situatës së rënduar që është në Bulqizë, ku rreth 100 qytetarë janë të helmuar, prefekti Nexhbedin Shehu, thotë se nuk dihet e sigurt nëse ...
Tiranë- Pasi në Bashkinë e Finiqit, u hoqën nga ARRSH-ja tabelat e fshatrave të cilat ishin shkruar fillimisht në gjuhën greke ka reaguar edhe shefi i Departam...
TIRANË– Një 42-vjeçar ka rënë në pranga pasi hiqej si punonjës policie. Gjithçka është raportuar nga një qytetar, i cili ka vënë re se shteta...
TIRANË- Edhe pse kanë kaluar dy muaj nga vetëdorezimi dhe më pas lirimi i Ervin Mates, Policia dhe Prokuroria nuk kanë denjuar të marrin dëshminë e tij së ...
ELBASAN– Xhevahir Budani, kreu i Partisë Socilaiste në Elbasan ka folur pasi i dogjën automjetin mbrëmjen e kaluar. Dosja.al mëson se Budani është shprehur se ë...
BULQIZË- Situatë alarmante në Bulqizë, ku prej tre ditësh, qytetarët shkojnë të helmuar në spital, me dhimbje barku, të vjella dhe marrje mendsh.Ditën e so...
