Politike

Shqipëria zgjodhi PS/ Rama shtrin dorën për bashkëpunim, Basha nuk dorëzohet, Marku: S’e njohim rezultatin. LSI: Do ripërtërihemi si Feniksi. Abazi: Ma vodhën mandatin! (ZHVILLIMET+ URIMET)

Në festën e ifitores, Rama i shtriu dorën për bashkëpunim kryedemokratit Lulzim Basha dhe i bëri thirrje që ai të pranonte humbjen denjësisht. Presidenti Ilir Meta ka shpërndarë një mesazh për të gjithë shqiptarët pas publikimit të rezultatit të zgjedhjeve të 25 prillit, ku fituese doli Partia Socialiste. Në një deklaratë nga selia blu, Basha foli për herë të parë para kamerave dhe akuzoi drejtpërdrejt kryesocialistin Rama se kishte bashkëpunuar me krimin dhe Tom Doshin për të vjedhur zgjedhjet dhe për të instaluar një regjim në Shqipëri.
Featured image of article: Shqipëria zgjodhi PS/ Rama shtrin dorën për bashkëpunim, Basha nuk dorëzohet, Marku: S’e njohim rezultatin. LSI: Do ripërtërihemi si Feniksi. Abazi: Ma vodhën mandatin! (ZHVILLIMET+ URIMET) Zgjedhjet ne Shqiperi
Përditësuar:

TIRANË– Zyrtarisht Edi Rama do të jetë kryeministri i Shqipërisë edhe për një mandat tjetër 4-vjeçar. Nga rezultatet e zgjedhjeve, PS ka fituar 74 mandate, PD 59 mandate, LSI 4 mandate dhe PSD 3 mandate. Edhe pse PD “rrëmbeu” votat në Veri në vendit, ishin të pamjaftueshme përball Shqipërisë së Mesme dhe Jugut, që i besuan Ramës edhe në 4 vitet e ardhshme. Por Rama nuk ka bërë vetëm histori duke fituar tre herë zgjedhjet, por edhe duke u bërë i pari kandidat për deputet, që ka thyer herësin dhe ka marrë 10,117 vota duke siguruar kandidaturën e tij për deputet.

Si po e pret politika rezultatin?

Kryeministri Rama u bë sot ‘i gjallë’, pasi u sigurua se Jugu po i jep fitoren e thellë me mbi 175 mijë vota para Partisë Demokratike. Ai qëndroi në heshtje për dy ditë me radhë, që pas rezultateve të Exit-Polleve që ishin në favor të PD-së. Kur mbi gjysma e qarqeve kanë dhënë rezultatin final në favor të tij, Rama doli sot i buzëqeshur në selinë e PS dhe ‘sinjalizoi’ me gisht që gjithçka është ‘ok’. Më vonë në festën e ifitores, Rama i shtriu dorën për bashkëpunim kryedemokratit Lulzim Basha dhe i bëri thirrje që ai të pranonte humbjen denjësisht.

Eksponentët e tjerë të PS të cilët e shpallën fitoren para se të dilnin rezultatet, tashmë kanë paralajmëruar festa, teksa disa prej tyre i kanë hapur tashmë shampanjat. Drejtuesi politik i Qarkut të Beratit për Partinë Socialiste, Blendi Klosi, është shfaqur duke festuar teksa mbështetësit e marrin ‘hopa’ në krahë, ku ka thënë se është një fitore fantastike. Si gjithmonë, Erion Veliaj falenderon mbështetësit dhe patronazhistët, teksa flet për ‘fitore të thellë’. Nga ana tjetër, Ballës nuk i ka mjaftuar fitorja në Elbasan. Edhe pse Partia Socialiste është kryesuese e rezultatit në Elbasan, Taulant Balla kishte ankesa. Në një reagim për mediat lokale, Balla tha se PS ka fituar edhe mandatin e 9-të, por fleta e votimit është e komplikuar. 

PS i shtrin dorën opozitës

Niko Peleshi, nga Korça falenderoi mbështetësit për rezultatin që Partia Socialiste ka arritur, me mbi 10 mijë vota më shumë. Mirëpo, mes emocionesh ai u shpreh se kanë nevojë për bashkëpunim duke thënë se do ti shtrijë dorën kundërshtarëve të tij politikë. “I shtrij dorën të gjithë kundërshtarëve tanë politikë, opozitës, Partisë Demokratike”, tha Peleshi teksa i buzëqeshte fitores.

Meta: Vendosi sovrani

Presidenti Ilir Meta ka shpërndarë një mesazh për të gjithë shqiptarët pas publikimit të rezultatit të zgjedhjeve të 25 prillit, ku fituese doli Partia Socialiste. Në një komunikim nga zyra e tij në Presidencë, kreu i shtetit i cilësoi zgjedhjet parlamentare si fitore, duke e quajtur të përmbushur misionin e tij. Ndërsa pranoi edhe rezultatin e nxjerrë nga votat e hedhura më 25 prill. Në fund të fjalës së tij, Meta kërkoi nga të gjithë palët politike që të reflektojnë deri në shtator kur të kostituohet edhe Kuvendi i ri. 

PD shpreh pakënaqësitë e para

Për më shumë bëhu pjesë e grupit më viral në Facebook, Dosja.al

“Zgjedhjet u vodhën me paratë e krimit!” Këto janë fjalët e para që tha kryedemokrati Lulzim Basha pas humbjes së zgjedhjeve të 25 prillit, duke i dhënë kështu mandatin e tretë kryeministrit Edi Rama. Në një deklaratë nga selia blu, Basha foli për herë të parë para kamerave dhe akuzoi drejtpërdrejt kryesocialistin Rama se kishte bashkëpunuar me krimin dhe Tom Doshin për të vjedhur zgjedhjet dhe për të instaluar një regjim në Shqipëri. Kryedemokrati Lulzim Basha ka deklaruar se do të vazhdojë betejën me gjithë fuqinë e tij dhe se nuk do të dorëzohet para pushtetit të Ramës. Sipas Bashës nëse ai dorëzohet dhe tërhiqet, për Shqipërinë nuk ka më asnjë mundësi për demokraci. Nga radhët e demokratëve ishte kandidati Mark Marku ai që tha se PD-ja nuk do t’i pranojë këto zgjedhje. 

PD duket se ka bërë paqe me PS

Tritan Shehu i Partisë Demokratike, i shoqëruar nga Dasho Aliko është fotografuar jashtë ambienteve të Pallatit të Sportit të qytetit duke shtrënguar duart me ministrin Bledi Çuçi dhe me ish-ministren Mirela Kumbaro.Mesa duket ata kanë ndjekur shembullin e kandidates demokrate Ina Zhupa e cila është përqafuar dje mbrëma në Sarandë me ministren Anila Denaj. Një që e tillë ka bërë që të pranishmit të shpërthejnë në duartrokitje.

LSI paralajmëron ripërtëritje!

Zëdhënësi i LSI, Klajdi Bodlli ka shpërndarë një video, në të cilën thuhet se LSI do të ripërtërihet sërish, njësoj si zogu Feniks, shpendi që ripërtërihet nga hiri i tij. Si reagimi i parë nga Lëvizja Socialiste për Integrim pas humbjes së thellë në këto zgjedhje, ku mori vetëm 4 mandate, partia ka zgjedhur të përcjellë mesazhin se do të ripërtërihet nga hiri i saj, pasi të djegë vetën. Ajo që vihet re është se videoja nis me një episode ‘tradëhtie’ nga Skënderbeu që mëson se shtigjet turqve ua ka treguar Hamzai. Mos ndoshta LSI-ja kërkon të thotë se janë tradhëtuar nga të vetët?

Urimet për fitoren e PS-së

Të parët që kanë uruar kryeministrin Rama për fitoren e zgjedhjeve kanë qënë Presidenti turk Rexhep Tajip Erdogan dhe kryeministri grek Kyriakos Mitsotakis. Pas tyre urime për fitoren kanë ardhur edhe nga Italia, ku Ministri i Punëve të Jashtme, Luigi Di Majo, dhe kreu i opozitës Matteo Salvini kanë uruar Ramën. Nga Maqedonia e Veriut, Ramën e kanë uruar Kryeminstri i vendit Zoran Zaev dhe Kreu i BDI Ali Ahmeti. Urime për fitoren Ramës i ka dërguar edhe ish-Presidenti i Kosovës, Hashim Thaçi, i cili i dërgoi një letër nga Haga. Nga Brukseli, Ramën e uroi Grupi socialist dhe demokrat në Parlamentin Evropian.    

(I.A;Kle.mu;f.m/dosja.al)

  • 22:48

    Grupi socialist dhe demokrat në Parlamentin Evropian urojnë Ramën për fitoren e zgjedhjeve: Forcat politike të angazhohen në përpjekjet për rrugën evropiane të vendit

    Grupi i përbashkët i socialistëve dhe demokratëve në Parlamentin Evropian kanë uruar kryeminstrin Edi Rama për fitoren e zgjedhjeve parlamentare. Në një postim në Twitter, “S and D Group”, gjithashtu kanë inkurajuar të gjitha forcat politike në vend  që të angazhohen për të futur Shqipërinë në rrugën evropiane.

    “Urime miqve tanë Edi Ramës dhe partisë PS për fitoren e tyre të fortë në zgjedhjet e Shqipërisë. Ne inkurajojmë tani të gjitha forcat politike të angazhohen në përpjekjet e përbashkëta në rrugën evropiane. Populli shqiptar e meriton atë “,shkruan S and D Group.

  • 22:20

    Mark Marku i prerë: Partia Demokratike nuk do t’i njohë kurrë këto zgjedhje, Lukashenkoja i Ballkanit nuk do ketë as mbështetjen e SHBA-ve e BE-së

    Kandidati për deputet i PD në qarkun e Lezhës, Mark Marku ka treguar se Partia Demokratike nuk ka në plan që t’i njohë zgjedhjet e 25 prillit. Në një status në Facebook, Marku shkruan se është mjaft i bindur që as SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij.

    Statusi i plotë:

    Të dashur qytetarë të Lezhës, Kurbinit, Mirditës. Të dashur vëllezër dhe motra. Falë mbështetjes tuaj, ne arritëm një fitore të madhe në gjithë qarkun (5900 vota plus) më të madhe, në gjithë historinë e pluralizmit. Me gjithë milionat e parave të hedhura nga pushteti i korruptuar i Ramës, me gjithë llumin e krimit që përmbyti si asnjëherë tjetër Lezhën, Kurbinin dhe Mirditën, ju treguat në mënyrë shembullore se asgjë nuk e mposht karakterin, dinjitetin dhe shpirtin e lirë të qytetarëve të zonës sonë, asgjë dhe askush nuk e përdhos krenarinë tonë. Si drejtues politik i qarkut bashkë me kolegët ju falenderoj përzemërsisht dhe ju garantoj se do të jemi në lartësinë e gjestit tuaj fisnik. Shumë prej jush me lot në sy, sot më kanë shprehur deshpërimin për faktin se ajo që nuk ndodhi në Lezhë apo diku tjetër ndodhi në Shqipëri. Paratë që u janë vjedhur juve nga qeveria më e korruptuar në botë, pra nga Rama, dhe llumi i krimit na i vodhën zgjedhjet në shkallë vendi.

    Ju garantoj se Partia Demokratike nuk do ti njohë kurrë këto zgjedhje, dhe do punojë që shumë shpejt pushteti nga duart e bandës grabitëse të Rilindjes të kalojë tek populli. Jam i bindur se SHBA, BE dhe gjithë bota demokratike nuk do ta njohin Lukashenkon e Ballkanit, Edi Rama dhe zgjedhjet e tij. Shumë shpejt e gjithë Shqipëria do bëhet si Qarku jonë, zonë e lirë dhe demokratike. Miqësisht, Mark Marku.

  • 22:09

    Humbi zgjedhjet, Boiken Abazi: E kam fituar mandatin, votat tona i ka vjedhur PS-ja, kam prova nga vëshguesit

    Kandidati i pavarur për deputet, Boiken Abazi ka kërkuar që të vendoset drejtësi për krimin elektoral. Në një postim në Facebook, Abazi ka shkruar se është i sigurtë që e ka fituar mandatin në Tiranë për deputet dhe se ka marrë vota në të gjithë qarkun e Tiranës. Abazi është shprehur se shumica e votave janë shpallur të pavlefshme duke ju vendosur ‘X’ në fletën e votimit, dhe se për këtë krim elektoral ka mjaftueshëm prova. Abazi gjithashtu ka thënë se sipas ekipit ligjor të tij ai mund ta ketë fituar mandatin në Tiranë.

    Postimi i plotë:

    Të vendoset drejtësi për krimin elektoral! Nuk është largmendsh ta kemi fituar mandatin në Tiranë. Rezultatet paraprake tregojnë se kemi marrë vota në të gjithë territorin e Qarkut të Tiranës, në qytet e në fshat, nga Shën Gjergji në Rrogozhinë, nga Vora në Kavajë, nga Kamza në lagjet e qendrës së Tiranës. Kjo është edhe arsyeja pse shumica e votave tona janë shpallur të pavlefshme duke vendosur një “X” të dytë në fletën e votimit, ose duke ia kaluar subjekteve të tjera politike (kryesisht te PS). Për këtë krim elektoral tashmë kemi grumbulluar mjaftueshëm prova nga vëzhguesit tanë. Deri tani janë shpallur mbi 81.000 vota të pavlefshme në rang Republike dhe mbi 17.000 vota të pavlefshme vetëm në Tiranë. Pas vjedhjes industriale që na kanë bërë, i kemi tashmë rreth 3.000 vota në Qarkun Tiranë sipas rezultateve paraprake të KQZ-së. Ne do të kërkojmë hetim të plotë dhe rinumërim në të gjithë Qarkun e Tiranës për të gjitha qendrat e votimit! Drejtësia duhet të veprojë ndaj atyre që kanë vjedhur vullnetin e qytetarëve. Ekipi ynë ligjor ka dalë në përfundimin se ekziston realisht mundësia ta kemi fituar mandatin në Tiranë.

  • 22:07

    Nga Haga, Hashim Thaçi uron për fitoren e zgjedhjeve Ramën: Muret e qelisë nuk e mbajnë dot entuziazmin tim

    Ish-presidenti i Kosovës, Hashim Thaçi ka uruar Kryeministrin Edi Rama për fitoren e mandatit të tretë. Në një letër të shkruar nga dhomat e burgut në Hagë, Thaçi ka uruar Ramën për fitore, duke shkruar se është shumë i lumtur dhe entuziast për rezultatin e këtyre zgjedhjeve. Letrën e Thaçi e ka postuar vetë Rama më anë të një postimi në Facebook. Në shkimin e tij, Thaçi është shprehur se Rama është një shok i mirë i atij dhe se është zgjedhja e duhur për ta bërë Shqipërinë një shtet të fuqishëm dhe të denjë për shqiptarët.

    Shkrimi i plotë:

    Vëlla Edi, Dhomat e ngushta e muret e qelisë së Hagës nuk e përmbajnë dot shpërthimin e entuziazmit tim për fitoren tënde. Entuziazëm ky që vështirë gjen vend në zymtësinë e vetmisë së ditëve të burgut. Por, si rrallë herë kohëve të fundit, sot jam i lumtur dhe i qetë për fitoren tënde, vëllau im.

    Sot, dielli ngrohte zemrën e Shqiptarit brenda meje. Sot, për Shqipërinë kam mall, dashuri, e nostalgji. Sot, si jo-rrallë herë kohëve të fundit, u fundosa i buzëqeshur në dallgët e kujtimeve të lavdishme të ditëve të luftës. U kujtova për ata që luftuan me mua, ata që ranë që lirinë ta sjellin mes nesh, dhe krejt atë çka idealizuam aq shumë për Shqipërinë, sa u betuam të jepnim edhe jetën për çlirimin dhe bashkimin e trojeve Shqiptare. Ky ishte betimi im dhe i shokëve të mi si ushtarë të UÇK-së, betim e luftë që sot më mban të qëndroj kokë-lartë e me ndërgjegje qetësisht të pastër përballë të panjohurës.

    Me gjithë ndërgjegjen e pastër e luftën e dinjitetshme për t’u bashkuar me Shqipërinë, mu kujtua se vetëm atëherë kur Kosova u çlirua, ne e kuptuam se bashkimi ishte larg dhe i pamundshëm. Shqipëria e poezive dhe librave ishte dëshirë e ideal, e jo pasqyrë e realitetit të kohës. Unë edhe kam luftuar për kët’ ideal me Kosovën brenda Shqipërisë. Kur mundësitë u kufizuan, unë luftova për Kosovën shtet – krenarinë e jetës time.
    Jam munduar shumë për Kosovën, por edhe kam gabuar – dikur me entuziazmin e idealistit, e më vonë me arrogancën e pushtetarit.

    Ama, vëllau im Edi, kurrë s’kam gabuar me raportin të cilin kemi krijuar bashkë. Ti je vëlla i ditëve të vështira, e shok i ditëve të bukura. Je Kryeministri i Shqipërisë që idealizova, dhe vëllau shqiptar për të cilin me entuziazëm luftova. Sot, Shqipëria që ti aq shumë punove ta ndërtosh, është Shqipëria për të cilën dikur u betova të luftoj. Është Shqipëria e poezive të Naimit – Shqipëria me malet e bukura e lisat e gjatë që sot, në tavanin e qelisë së burgut, më vizatohen e më rrin n’mend dit’ e natë.

    Pra, vëllau im Edi, ti që bëre Shqipërinë të cilën e idealizova si i ri e u betova si ushtar, po të them i bindur se fitoren tënde e gëzojnë shqiptarët. Me ta, u gëzova edhe unë pa masë. Prandaj, me librat që më shoqërojnë në vetminë e këtyre ditëve ku koha refuzon të nxitojë, unë të përqafoj dhe uroj vëllazërisht nga larg për shkak të pamundësisë për të festuar bashkë. Është e shëmtuar që nuk mund të jem aty, por përtej afshit revolucionar të kujtimeve të mia si ushtar dhe pragmatizmit prej politikani që m’godet herë-pas-here në formë kujtimesh, sot nuk të uroj si miku me të cilin ndave copa të rrugëtimit politik, por si vëllaut tim nga gjaku.

    Me shpresën që do të mund të takohemi përsëri duke frymuar nën qiellin e bukur dhe diellin që ngroh Shqipërinë dhe Kosovën, po të uroj të vazhdosh të japësh gjithçka nga shpirti yt për Shqipërinë. Kjo sepse edhe kur në ditët ku drita e diellit nuk depërton në muret e mbyllura të qelisë, dielli ngroh zemrën time vetëm at’herë kur Shqipëria dhe Kosova janë mirë. Sot Shqipëria fitoi! Sot shqiptarët janë mirë. Kujdesu për Shqipërinë, vlla, dhe mos harro që t’kujdesesh edhe për Kosovën. Kur ti kujdesesh për Kosovën, ti kujdesesh edhe për shqiptarët. Me dashuri, Vëllau yt, Hashimi.

  • 17:06

    Zgjedhjet 2021/ Raportuesja për Shqipërinë në PE: Aktorët politikë të vazhdojnë rrugën drejt BE

    Isabel Santos

    Raportuesja për Shqipërinë në Parlamentin Europian, Isabel Santos ka përshëndetur procesin e zgjedhjeve parlamentare në Shqipëri. Me anë të një postimi në Twitter, ajo shkruan se tanimë është koha që politikanët shqiptarë të vazhdojnë rrugën drejt Europës.

    Përgëzime për njerëzit e Shqipërisë për një proces zgjedhor që pavarësisht pandemisë Covid19 ishte i organizuar mirë. Tani është koha që të gjithë aktorët politikë të lëvizin përpara dhe së bashku të vazhdojnë rrugën drejt BE. Paç fat Shqipëri!,”-shkruan Santos.

  • 16:14

    FOTOT: Rivalë por në paqe! Ori Nebiaj përballë Majkos, batuta dhe buzëqeshje në distancë…Bashkë ndjekin numërimin e votave

    Pas mbylljes së kutive të votimit, në vend ka nisur numërimi i votave për kandidatët që garuan për deputetë. Por rivalët duket se janë në paqe me njëri-tjetrin.

    Në një prej qendrave të numërimit, procesi i numërimi po ndiqet nga afër nga ministri i Diasporës, Pandeli Majko dhe kandidatja për deputete e Partisë Demokratike, Ori Nebiaj. Në një moment ata janë kapur nga kamerat duke shkëmbyer batuta në distancë, ku nuk kanë munguar as buzëqeshjet. 

  • 15:47

    Kryeministri grek dhe presidenti turk urojnë Ramën për fitoren! KQZ konfirmoi 74 mandate, liderët telefonojnë kreun e PS-së

    Lulzim Basha

    Kryeministri grek dhe presidenti turk kanë uruar Edi Ramën për fitoren në zgjedhjet e 25 prillit. Presidenti turk dhe kryeministri grek kanë zhvilluar bisedën telefonike me Ramën pak minuta më parë.Mësohet se një urim për fitoren e Ramës ka ardhur edhe nga Ministri i Jashtëm i Italisë Di Maio dhe lideri i opozitës italiane Salvini. Urimet vijnë pas daljes për media të kreut të KQZ-së, pasi bëri me dije se PS ka siguruar 74 mandate.

  • 15:59

    Zgjedhjet e 25 prillit, Vezaj: SPAK ka vënë në përgjim shumë numra prej dy javësh, a do të heshtë deri në publikimin e bisedave të radhës?

    Gazetari Flamur Fezaj shkruan se zgjedhjet e 25 prillit janë vjedhur nga kryeministri Edi Rama. Në një status në rrjetet sociale Fezaj shton se për këtë gjë ka meritë edhe SPAK që vazhdon të heshtë dhe pse ka dy javë që ka vënë në përgjim shumë numra. Vezaj pyet më tej nëse do të reagojë SPAK apo do të heshtë deri në momentin që të publikohen përgjimet dhe më pas të themi, “ua qenkan vjedhur”.

    Postimi i Vezajt:

    Mos u çudisni! Kete radhe struktura kriminale e blerjes se votes se zgjedhjeve lokale ne 2016 ne Diber dhe me pas ajo ne Durres u shtri ne disa qytetet! Si ne Tirane, Elbasan, Durres, Shkoder, Vlore etj! Eshte i njejti model qe edhe kete radhe triumfoje! E per kete ka edhe merite SPAK-u qe i lejoje te bejne kerdine dhe po vazhdon te hesht edhe pse ka dy jave qe ka vene shume numra ne pergjime! Por ne teren kane munguar operacionalet e policise, thone gojet e liga! A do te reagoje SPAK-u apo do te pres qe te publikohen pergjimet pas dy a tre vitesh e te themi perseri “qenkan vjedhur”! Deri atehere shijoni fitoren ne shesh dhe mos harroni fajin e ka Saliu perseri dhe sfurqet e komandantit.

  • 15:22

    Ish-deputeti Fatbardh Kadilli kërkon dorëheqjen e Bashës dhe shpall kandidaturën: Dështuam të frymëzonim opozitën dhe elektoratin gri, i bëj thirrje kryesisë të mblidhet (REAGIMI)

    Fatbardh Kadilli, ish-deputet dhe anetar i Kryesise se PD

    Fatbardh Kadilli, ish-deputet i Partisë Demokratike, njëherazi anëtar i Këshillit Kombëtar ka pranuar humbjen. Në një reagim në rrjetet sociale, Kadilli thotë se PD dështoi që të ngrinte frymëzimin në elektoratin gri dhe atë opozitar. Ai i kërkon kryesisë së PD që të mblidhet ndërsa bën Bashën përgjegjës për humbjen. Kadilli thotë se Basha duhet të largohet për të dhënë dorëheqjen njësoj siç ka bërë edhe lideri historik i PD, Sali Berisha.

    POSTIMI I PLOTË I FATBARDH KADILI: 

    Sot demokratët dhe opozitarët në Shqipëri ndihen të trishtuar.
    Partia jonë dështoi në krijimin e mekanizmave dhe të besimit popullor për t’u përballur me të keqen. Me makinerinë propagandistike, financiare dhe abuzuese të pushtetit.
    Ne nuk arritëm ta frymëzojmë mbështetjen e gjerë opozitare, dhe as elektoratin gri, për t’i dhënë votës forcën dhe vlerën që ka në demokraci.
    Ne nuk arritëm që të kapërcenim presionin, blerjet, makinacionet, joshjet dhe hilet e sistemit të ngritur nga ky pushtet.
    Ne nuk arritëm t’a kthenim në frymë ndryshimi zhgënjimin popullor.
    Si rrjedhojë jemi përballë këtij rezultati. Të cilin nuk e shmangim dot as me fajësim të njëri-tjetrit, as me taktika kalimtare, dhe as me demonizim të kundërshtarit.
    Rezultati negativ është i pamohueshëm.
    Të gjithë bashkë duhet të analizojmë mangësitë personale dhe kolektive në këtë humbje. Duke mos harruar: si në çdo skuadër, drejtuesi mban përgjegjësinë e humbjes, siç do të merrte edhe dafinat e fitores.
    U bëj thirje demokratëve: ndërkohë që nxjerrin konkluzione, të përmbahen nga etiketimi i atyre që nuk na zgjodhën ne, që nuk menduan si ne, që nuk na panë ne si alternativë. Kërkimi i arsyeve të humbjes duhet filluar te vetja dhe te kundërshtari politik, asnjëherë te votuesi dhe zgjedhja e tij.
    Ne duhet ta pranojmë se nuk kishim një propozim fitues për Shqipërinë. Alternativa jonë ishte vetëm kryetari i partisë, që u dëshmua përsëri e pamjaftueshme.
    Duke ndjerë keqardhje dhe solidarizim të plotë me sakrificën e demokratëve dhe strukturave të partisë gjatë një opozite 8 vjeçare, jo pak here edhe të pabusull, kërkoj largimin e menjëhershëm nga funksionet drejtuese dhe dorëheqjen e Lulzim Bashës.
    Jo vetëm për faktin se partia gjendet sot përballë humbjes së tretë, por më shumë se kaq, ky është një model që ka shterruar.
    Me anë të këtij akti, ai jo vetëm njeh përgjëgjësitë për rezultatin, por edhe respekton një standard të vendosur në Partinë Demokratike nga paraardhësi dhe themeluesi i kësaj force, Sali Berisha.
    I bëj thirrje Kryesisë të mblidhet sa më shpejt dhe të përcaktojë modalitetet e garës për lidershipin e ri. Nuk kemi kohë për të humbur. Përpara shqiptarëve kemi misionin për një opozitë të re!
    Gjithashtu, shpall sot kandidimin për detyrën e Kryetarit të Partisë Demokratike.
    Iu bëj thirrje të gjithë demokratëve të mos dorëzohen. Ne jemi parti e vlerave dhe forcës; trashëgimtare e Lëvizjes së Dhjetorit, besimtare e kredos: ‘e duam Shqipërinë si gjithë Evropa’.
    Me këtë rast, si anëtar Kryesie dhe si Kandidat për Kryetar, u bëj thirrje numëruesve dhe vëzhguesve, që sot janë në krye të punës më të vështirë, mbrojtjes së vullnetit të mbështetësve të opozitës dhe çdo shqiptari, të bëjnë të gjitha përpjekjet për të numëruar dhe ruajtur çdo votë.
    Nga sakrifica e tyre sot fillon ringritja nesër.
    Iu bëj thirrje të gjithë demokratëve të mos dorëzohen.
    Ne duhet të kthehemi te thelbi i misionit tonë, ringritja si parti e shpresës së shqiptarëve.
    Ringritja fillon që sot.

  • 13:58

    Besnik Mustafaj: PD nuk krijoi frymë, përgjegjës për humbjen është lideri i partisë. Na presin 4 vite të vështira

    Besnik Mustafaj, personi kyç që hartoi listat e kandidatëve për deputetë të Partisë Demokratike, thotë se përgjegjësia për humbjen është e liderit të Partisë, referuar indirekt Lulzim Bashës. Në një bisedë në News 24, ai theksoi se Partia Demokratike në këto vite arrite të rekuperojë abstenimet e simpatizantëve të saj, por nuk arriti sipas tij të krijojë një frymë për të sjellë fitore.

    “PD gjendet përpara katër vitesh shumë të vështira. E gjithë Shqipëria gjendet para 4 viteve shumë të vështira. PD rekuperoi në një masë shumë të madhe abstenimet e simpatizantëve të saj, por nuk arriti të krijojë frymë. Por për mua nuk mund të gjykohet vetëm fushata, por edhe lideri.Lideri është përgjegjësi kryesor një filozofinë e partive popullore të qendrës së djathtë. Sot ne nuk arritëm të krijojmë një frymë. Unë si demokrat pres që të ngrejë frymën të më çojë në fitore. Ne jemi në rrethanat ku nuk ekziston vota kundër. Pra nuk ka një shoqëri të lirë që voton kundër. Ne pamë që vota mori Tom Doshi, çfarë përfaqëson partia e Tom Doshit për të pakënaqurit, asnjë gjë. Pra nuk u votua kundër, por vetëm, pro”, tha Mustafaj.

  • 13:21

    FOTOT/ Gazment Bardhi shkon në selinë e PD pas humbjes së thellë në Elbasan

    Sekretari i Përgjithshëm i Partisë Demokratike, Gazment Bardhi ka shkuar në selinë blu paraditen e sotme. Gazment Bardhi, numri një i listës së PD në Elbasan ku rezultati është në favor të PS, është fotografuar nga LSA teksa hyn në PD.

    Rezultati në Elbasan është 8 për Partinë Socialiste dhe 4 për Partinë Demokratike.

  • 12:50

    Boiken Abazi DENONCON: Votat tona deformohen me një “X” të dytë nga komisionerët, ia kalojnë PS-së

    Boiken Abazi. kreu i degës së LVV në Shqipëri

    Kandidati i pavarur në Tiranë i mbështetur nga Vetëvendosje, Boiken Abazi ka denoncuar se po i vidhen votat. Abazi ka ndarë në ‘Facebook’ disa foto të fletave të votimit në të cilat shihet se qytetarët i kanë vendosur X për Vetëvendosjen dhe X për Partinë Socialiste. Ai shkruan se votat e tij po deformohen dhe po i kalohen PS-së për ti shpallur të pavlefshme.

    POSTIMI:Për të mbuluar krimin elektoral, mbrëmë tentuan me të gjitha format e presioneve që mos t’i lejonin vëzhguesit tanë të bënin fotografi në qendrat e numërimit. Por ja që ia dolëm sërish me fakte të tjera të dëshmojmë se si votat tona deformohen me një “X” të dytë nga komisionerët, për t’ia kaluar votat tona PS ose për t’i shpallur ato të pavlefshme

  • 12:38

    Pedagogu Ermal Hasimja: Prostitutat e shesin trupin më shtrenjtë se shqiptarët votën

    Ermal Hasimja

    Pedagogu dhe analisti Ermal Hasimja thotë se fitorja e tretë e Edi Ramës ka ardhur për shkak të shqiptarëve që sipas tij kanë shitur votën. Në një postim në rrjetet sociale, Hasimja i cili thotë se një punonjëse seksi e shet trupin më shtrenjtë sesa shqiptari votën.

    POSTIMI I PLOTË: 

    Ushtrim 1: Një prostitutë e shet trupin për 10.000 lekë.

    Një shqiptar e shet votën për 5.000 lekë.

    Gjeni sa shqiptarë blihen me moralin e një prostitute.

  • 12:16

    "Pse je në trishtim Atdhe?"/ Flutura Açka e trishtuar për humbjen e opozitës: Shqiptarët i prenë biletat për në udhëbotë...

    Kandidatja e dytë e Partisë Demokratike në Elbasan, Flutura Açka e sheh me trishtim rezultatin e zgjedhjeve të 25 prillit 2021. Në një postim të shkurtër në rrjetet sociale, Açka thotë se 26 prilli ishte një ditë e zymtë dhe me marrje mendsh për shqiptarët.

    “Pse je n’trishtim Atdhe? Shqiptarët me marrje mendsh u gdhinë,i prenë biletat për nënë udhëbotë,e horrat cigaren ma shuajnë në shpinë”, shkruan shkrimtarja Açka.

    Rezultati i zgjedhjeve të 25 prillit deri më tani është 74 mandate për PS, 59 për Partinë Demokratike, 4 për LSI dhe 3 PSD.

  • 11:34

    Gjiknuri flet pas deklaratës për Metën: Nuk provokova, e citova. S’ka pasur komplote!

    Damian Gjiknuri

    Drejtuesi politik i PS në Vlorë dhe kandidati për deputet Damian Gjiknuri i ka kërkuar sot Presidentit të Republikës Ilir Meta të mbajë fjalë, siç e mbajti Vlora duke iu referuar deklaratës për dorëheqjen. Në një bisedë me gazetarin Sokol Balla në News24 ai tha se nuk ishte provokim, por një citim i fjalës së Presidentit.

    “Unë citova ato që kanë thënë Ilir Meta në publik. Aq më tepër që Presidenti erdhi si aktor i mirëfilltë elektoral, duke akuzuar dhe aktorët lokal të opozitës dhe e ktheu në një betejë personale, duke akuzuar qytetarët vlonjatë që ia kthyen përgjigjen me votë. Nuk provokova, por citova atë që ka thënë ai. Kur je figurë publike je skllav i fjalës tënde”, tha Gjiknuri. Sa i përket akuzave për komplote dhe takime me zëvendës kryetarin e LSI-së Luan Rama, ai tha se nuk ka pasur asnjë komplot dhe se mund të jetë takuar në rrugë me z. Rama ashtu si me kreun e listës së PD, Bujar Leskaj.

    “Janë gjëra aq banale sa më vjen keq që Presidenti bie në një nivel të tillë. Presidenti nuk ka punë fare se çfarë bëjnë aktorët lokalë elektoralë. Nuk ka asnjë takim apo komplot kundër interesave të LSI. Unë kam takuar rastësisht në rrugë dhe Bujar Leskaj dhe Luan Ramën. Mund të takoj këdo. Ma mbajnë si pikë të dobët që jam i qetë në politikë. Nga kjo pikëpamje është absurde një akuzë për komplote të tilla. Nuk i bën nder zyrës që përfaqëson.Nga analiza ime, unë mendoj që e dëmtoi vetë LSI-në sepse pati konfuzion. Nëse dekapiton kreun e listës, elektorati çdo votë që do hidhte do i shkonte kreut të listës. Të akuzosh se ka tradhtuar bashkëshorten tënde dhe i la të nënkuptojë që të votonin përfaqësuesit e PD.Mendoj që Presidenti i Republikës ka kontribut në rënien e LSI-së në gjithë vendin. Hyrja veç e PD dhe LSI çdo mandat i hequr nga LSI rriste probabilitetin e marrjes nga PS”, tha Gjiknuri.

    Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën. Sa i përket fushatës ai deklaroi se iu bë më e vështirë, por dhe më e rafinuar me ndërhyrjen e Presidentit.

    “Mua mu bë e vështirë sepse ardhja e presidentit, e bën fushatën të vështirë, por kjo e rafinon betejën dhe e bën më interesante, nga kjo pikëpamje tërmeta krijoi tërmetin. Unë nuk thashë asnjë fjalë për opozitën, nga deklaratat e mia, s’kemi pasur akuza për njëri-tjetrin. Nuk kemi hedhur akuza për kundërshtarët. Fushata ishte e qetë. Unë e falënderoj Bujar Leskajn për fushatën shumë qytetare që ka bërë dhe marrëdhënien korrekte me ligjin dhe elektoratit, edhe Luan Rama të njëjtën gjë”, deklaroi Gjiknuri.

  • 10:33

    VIDEO/ Socialistët festë pas fitores në Gjirokastër, Çuçi e Kumbaro puthen me stafin dhe mbështetësit

    GJIROKASTER- Fitorja e tri mandateve në qarkun e Gjirokastrës i ka sjellë në festë të deleguarit e Partisë Socialiste në këtë qark. Bledi Çuçi, ministër i Brendshëm dhe Mirela Kumbaro, deputete e qarkut kanë festuar vulosjen e mandatit në orët e para të mëngjesit, duke u puthur e përqafuar me të gjithë socialistët e pranishëm. Në këtë qark, PS nxorri 3 mandate dhe PD vetëm 1. Ndërsa LSI humbi deputetin historik, Vangjel Tavo.

  • 10:27

    PD bën paqe me PS në Gjirokastër, Shehu qesh “vesh më vesh” me Kumbaron dhe Çuçin

    Tritan Shehu dhe Mirela Kumbaro

    Edhe pse Partia Socialiste ka marrë rekordin e votave në Gjirokastër duke rrëmbyer 3 mandate, politika ka bërë paqe në këtë qytet.Tritan Shehu i Partisë Demokratike, i shoqëruar nga Dasho Aliko është fotografuar jashtë ambienteve të Pallatit të Sportit të qytetit duke shtrënguar duart me ministrin Bledi Çuçi dhe me ish-ministren Mirela Kumbaro. Mesa duket ata kanë ndjekur shembullin e kandidates demokrate Ina Zhupa e cila është përqafuar dje mbrëma në Sarandë me ministren Anila Denaj.

  • 10:20

    PS fitoi në Korçë, Peleshi i emocionuar: Ftoj opozitën për bashkëpunim, iu përulem votuesve tanë dhe mbështetësve

    Niko Peleshi

    Niko Peleshi, nga Korça falenderoi mbështetësit për rezultatin që Partia Socialiste ka arritur. Mirëpo, mes emocionesh ai u shpreh se kanë nevojë për bashkëpunim duke thënë se do ti shtrijë dorën kundërshtarëve të tij politikë. ‘Fitorja ka emrin e qytetarëve.Përulem para çdo qytetar që na ka votuar dhe nuk ka votuar. Në këtë mandat kemi marrë angazhime të mëdha. I falenderoj të gjithë. Nuk ka nevojë vetëm për maxhorancë por edhe për opozitë. Kemi nevojë për bashkëpunim. I shtrij dorën të gjithë kundërshtarëve tanë politikë, opozitës, Partisë Demokratike. Të gjithë kryetarët e Bashkive kanë qënë një ndihmë për ne.’-tha Peleshi.

    PS ka dalë fituese me rreth 10 mijë vota më shumë, pra PS merr 6 deputetë në Korçë dhe PS 5 mandate. LSI mbetet pa mandat.

  • 10:03

    FOTO/ Me elefantin e “fitores” mbi tryezë, Rama pozon buzagaz: Kemi festë sot në Sheshin Skënderbej!

    Edi Rama

    Kryeministri Edi Rama ka bërë të ditur se ditën e sotme në orën 18:00 do të jetë i pranishëm në sheshin Skëndërbej së bashku me skuadrën e patronazhistëve. Me anë të një fotoje të publikuar në ‘Facebook’, Rama bën të ditur se do të ftojë të gjithë që ti bashkohen në shesh. Në foto Rama shihet i veshur me bluze të zezë dhe pranë mban elefantin e ‘fitores’.

    POSTIMI:Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores

  • 10:00

    Vjen pranimi i parë i humbjes nga opozita, Vangjel Tavo: Gara ishte e pabarabartë, fitorja ishte e vështirë për tu arritur, ky është realiteti (FALENDERIMI)

    Vangjel Tavo, ish-deputet

    Vangjel Tavo, ish- deputeti historik i Lëvizjes Socialiste për Integrim ka pranuar humbjen dhe ka njoftuar “largimin” nga politika. Edhe pse nuk e thotë drejtpërdrejt, nëpër rreshta Tavo thotë se beteja ishte e pabarabartë, por rezultati është një një fakt. Teksa falenderon votuesit e qarkut që i dhanë votën edhe këtë herë, por në pamundësi për të fituar mandatin, Tavo iu uron mbarësi mbështetësve të tij.“Njeriu nuk humbet kurrë kur tashmë ka dhënë gjithçka në shërbim të të tjerëve ndaj për këtë do jem gjithmonë fitimtar sepse kam dhënë zemrën dhe energjitë e mia për banorët e qarkut të Gjirokastrës”,-shkruan Tavo, që mori 5778 vota ose 12.68%. 

    REAGIMI I PLOTË I VANGJEL TAVOS: Miq,
    Ju shpreh mirënjohjen time të thellë për mbështetjen tuaj, për ju që besuat në mua jo vetëm në këto zgjedhje por që nga fillimi i jetës sime politike.
    Ka qenë privilegj t’ju shërbej ndër vite dhe të isha zëri juaj, duke ndarë çdo shqetësim me ju, duke ju qëndruar pranë e duke ju ndihmuar me dashamirësinë, mundësitë e mia maksimale dhe me gatishmërinë më të madhe.Ju kam shërbyer me të gjithë zemër dhe kjo ka qenë kënaqësia më e madhe në jetën time publike.Siç jeni dëshmitarë, kjo betejë që sapo kaloi ishte në kushte tërësisht të pabarabarta.Ky nuk është aspak justifikim por një fakt dhe një realitet që u pa dhe nga vetë ju.Në këto kushte të pabarabarta rrjedhimisht fitorja elektorale ishte e vështirë për t’u arritur.
    Shpreh mirënjohjen time të thellë njerëzore dhe personale për të gjithë ju mijëra banorë që më votuat, për të gjithë ju të rinj e të reja që besuat në mua, ju emigrantë që erdhët për të votuar pavarësisht masave anti-kushtetuese dhe diskriminuese të vëna ndaj jush.
    Jam krenar dhe mirënjohës për të gjithë ekipin e kandidatëve dhe strukturave të partisë, për komisionerët dhe numëruesit, për familjet e thjeshta që besuan në planin tim për të shuar varfërinë e skajshme që ka prekur qarkun tonë, miqtë dhe dashamirësit, dhe mbi të gjitha për familjet time e cila më është gjendur pranë gjithmonë duke qenë forca dhe mbështetja ime në çdo hap e çdo frymëmarrje.
    Qarku i Gjirokastrës është trevë e mrekullueshme dhe meriton shumë e më shumë nga gjendja që është sot, meriton mirëqenie dhe zhvillim. Dhe familjet e thjeshta meritojnë një jetë dhe të ardhme më të mirë.
    Ju uroj mbarësi në jetën dhe familjen tuaj dhe do jem gjithmonë miku juaj dhe do jeni përjetë të çmuar për mua.
    Njeriu nuk humbet kurrë kur tashmë ka dhënë gjithçka në shërbim të të tjerëve ndaj për këtë do jem gjithmonë fitimtar sepse kam dhënë zemrën dhe energjitë e mia për banorët e qarkut të Gjirokastrës.
    Me mirënjohje,
    Vangjel Tavo.

  • 9:16

    Pakënaqësi në PD-në e Gjirokastrës, Roland Bejko: I kërkuam Vangjel Tavos që të ishte i dyti në listën tonë, s’pranoi! Zgjedhja e tij peshon mbi koalicionin

    Kandidati i PD-së në qarkun e Gjirokastrës, Roland Bejko, shpreson në një rezultat 2-2 në përfundim të procesit të numërimit. Në një intervistë përmes telefonit me studion e lajmeve në MCN, Bejko tha se një rezultat i tillë do të ishte i sigurt nëse Vangjel Tavo do të pranonte kandidimin në listën e PD.

    “Që në momentin që kam pasur kontakt me Bashën për mandatin, i kam rekomanduar zotit Basha që në vendin dy të PD të përfshihej zoti Tavo. Nëse ai do të pranonte, do të siguronim mandatin e dytë. Por Tavo nuk e pranoi këtë sepse ishte i sigurt që do merrte 8 mijë vota. Ai nuk ka arritur ta lexojë qartë elektoratin. Tavo bëri këtë zgjedhje dhe tani kjo peshon mbi koalicionin”, tha ai.

  • 9:31

    PS fiton në Sarandë! Politikanet kundështare bëjnë ‘paqe’, Ina Zhupa përqafohet me ministren Denaj

    Denaj dhe Zhupa

    Partia Socialiste dhe ajo Demokratike duket se kanë bërë paqe në qarkun e Vlorës. Socialistët kanë marrë 52.56 % të votave e ndërsa demokratët 33.84 %, e përkthyer në mandate , 8 me 4. Në mbyllje të procesit të numërimit në një nga KZAZ në Sarandë, është parë edhe një përqafim miqësor mes dy “rivaleve”, ministres Denaj dhe Ina Zhupës. Një që e tillë ka bërë që të pranishmit të shpërthejnë në duartrokitje.

  • 09:31

    Paulin Stërkaj shfaqet i zhgënjyer nga humbja: Nuk e prisja epersinë e PD-së

    Paulin Sterkaj

    Kandidati për deputet në listat e PS-së për Shkodrën, Paulin Sterkaj është shprehur i zhgënjyer nga humbja që ka pësuar në Malësinë e Madhe. Ai tha se pavarësisht humbjes, PS-ja do të hyjë në Shkodër edhe me pak deputetë.

    ʺNuk e prisja epërsinë e PD në Malësinë e Madhe. Shkaqet? Ka patur votues të ri, nuk di çfarë të them, nuk jam në gjendje të nxjerr një konkluzion pasi nuk ka përfunduar i gjithë numërimi i fletëve të numërimit. Në fund mund të dalim me një konkluzion dhe të bëjmë një listë të plotë të të gjithë këtij proçesi. Ne do të hyjmë në Shkodër edhe me pak deputetë. Në gjithë Shqipërinë fiton PS-ja ndërsa Shkodra e merr me vonesë mesazhin, edhe Malësia e Madhe është pjesë e Shkodrës. Kanë ikur disa vota duke menduar se u bë rotacion politik, por unë Paulini do të jem, do të jem gjithmonë këtu me investime për Shkodrën dhe rrethinat e saj,”– tha Stërkaj.

  • 9:50

    Edhe pse fituan thellë në Elbasan, Taulant Balla ka ankesa: Ne morëm edhe mandatin e 9-të por fleta e votimit është e komplikuar

    Taulant Balla, kryetari i grupit te PS

    Edhe pse Partia Socialiste është kryesuese e rezultatit në Elbasan, Taulant Balla është shfaqur i pakënaqur. Në një reagim për mediat lokale, Balla tha se PS ka fituar edhe mandatin e 9-të, por fleta e votimit është e komplikuar.“Na rezulton që e kemi kaluar votat e nevojshme për mandati e 9, kemi diferencë ne 28 mijë vota me PD që na siguron edhe mandatin e 9, por fleta e votimit është e komplikuar”, tha Balla.Deri më tani në Elbasan, Partia Socialiste ka 8 mandate, PD ka 6 mandate dhe partitë e tjera asnjë mandat.

  • 9:02

    FOTO/ Rama shkon në selinë e PS-së, jep SINJALIN: Gjithçka është ok!

    Kryeministri Edi Rama ka shkuar mëngjesin e sotëm në selinë e Partisë Socialiste. I veshur me të zeza dhe me maskë, kryeministri i bëri me shenjë gazetarëve shenjën e OK.

  • 8:55

    PS i merr mandatin LSI në Berat! Socialistët nisin festën, marrin Blendi Klosin në krahë

    Kur kanë mbetur edhe 2 kuti për t’u numëruar në Qarkun e Beratit, Partia Socialiste është duke kryesuar në këtë qark. Socialistët aktualisht numërojnë 41.700 vota, Partia Demokratike 22.700 dhe Lëvizja Socialiste për Integrim 8.350.Drejtuesi politik i Qarkut të Beratit për Partinë Socialiste, Blendi Klosi, tha se është një fitore fantastike, që në familjen socialiste pritej prej dekadash.“Është fantastike! Është një rezultat spektakolar, punë e madhe dhe përgatitje për këtë ditë. Është një punë disa mujore, por në fakt me dekada pritej që PS të bashkohej e gjithë e majta, 5 mandate të munguara, e për këtë arsye ishte ideja që të vendosshim në këtë kufi. Ashtu si drejtuesit e tjerë të partisë, edhe unë vendosa të je mi 5 në Qarkun e Beratit. Ishte një mandate sakrifice dhe luftë e madhe nga qindra njerëz që na mbështeten këtë fushatë”, tha Klosi.

Shto Koment