Aktualitet

Shkoi për kurim në Barcelonë, shqiptari kthehet pa zemër! Prokuroria e Tiranës nis hetimet për ‘trafikim organesh’, Saimir Sula i shkruante motrës: Po më vrasin…

  • Motra e 33-vjeçarit tregon historinë: Vdiq pa kaluar 24 orë, thoshte eja më merrni se po më vrasin…
  • Saimir Sula ka dalë nga spitali i Barcelonës pa zemër. Motra e tij ka kërkuar nisjen e hetimeve në Spanjë, ndërsa autopsia në Shqipëri, ka dalë në përfundimin se në trup mungonin disa organe, mes tyre dhe zemra. Prokuroria shqiptare i ka dërguar homologëe spanjollë 10 kërkesa, ku kërkojnë të gjendet shkaku pse mungon zemra e 33-vjeçarit të quajtur Saimir Sula. Gjithë çfarë dihet deri më tani është fakti se në Spanjë janë marrë nën hetim 4 mjekë.
    Featured image of article: Shkoi për kurim në Barcelonë, shqiptari kthehet pa zemër! Prokuroria e Tiranës nis hetimet për ‘trafikim organesh’, Saimir Sula i shkruante motrës: Po më vrasin… Saimir Sula dhe motra e tijë

    TIRANË– Saimir Sula ka dalë i vdekur nga spitali i Barcelonës. I riu u shtrua në maj ë vitit të shkuar në spital për shkak se dyshonte se ishte i infektuar nga pandemia e koronavirusit, por as 24 orë më pas ka dalë i vdekur nga godina. Për shkak të vdekjes së papritur, e motra Majlinda Sula ka kërkuar nisjen e hetimeve, pasi fillimisht ka dyshuar për neglizhencë.

    Kjo pasi mjekja spanjolle i kishte komunikuar se të vëllait i kishin injektuar një qetësues. Me të sjellë trupin në Shqipëri, ajo kërkoi nga autoritetet shqiptarë kryerjen e një autopsie të dytë për të mësuar shkakun e vdekjes. Rezuloi se në kufomën e të riut mungonte organi i zemrës dhe disa të tjerë, duke e bërë të pamundur që të përcaktohej shkaku i vdekjes.

    Në kartelën spitalore të Saimir Sulës, nuk ishte specifikuar në asnjë rresht se 33-vjeçari nga Tirana kishte pasur probleme, apo se organi ishte hequr nga trupi për një arsye të caktuar.

    Për më shumë bëhu pjesë e grupit më viral në Facebook, Dosja.al

    Familjarët e tij kanë bërë kallëzim në Spanjë dhe në Tiranë për ngjarjen e rëndë. Prokuroria në Tiranë ka dërguar një letër-porosi tek ajo në Spanjë por ende nuk ka marrë një përgjigje sesi po zhvillohen hetimet. Në letërporosinë e dërguar për autoritetet spanjolle, Prokuroria shqiptare ka 10 kërkesa, kërkojnë të gjendet shkaku pse mungon zemra e 33-vjeçarit të quajtur Saimir Sula. Gjithë çfarë dihet deri më tani është fakti se në Spanjë janë marrë nën hetim 4 mjekë.

    Paraprakisht dyshohet se gjatë mjekimit në Barcelonë, 33-vjeçarit i është marrë zemra për trafik organesh, por ende nuk ka një verdikt final nga ana e Gjykatës.

    (k.m/dosja.al)

    • 14:43

      Shqiptarit i hoqën zemrën, niset letërporosia në Spanjë (E PLOTË)

      Prokuroria e Tiranës dërgon letërporosi në Barcelonë në kuadër të hetimit për skandalin e heqjes së zemrës së 33-vjeçarit shqiptar që u kthye i pa jetë në atdhe pa organin jetësor. Prokuroria kërkon që të administrohet akti i eskpertimit definitiv/përfundimtar i bërë nga Autoritetet Spanjolle, per Saimir Sula. Të kryhen hetime dhe verifikime ne lidhje me cdo dokumentacion tjetër që çmohet i nevojshem ne lidhje me rastin objekt hetimi. Gjithashtu ata kërkojnë që të verifikohet se kush ka qene mjeku qe ka komunikuar ne telefon me motren e te ndjerit nga numri i spitalit 0034-649288801, rreth ores 12.08 min AM si dhe ti merren shpjegime mjekes Psikiatre Ana Martin, qe ka ndjekur pacientin ndermjt Muajit Prill dhe Maj 2020, mjeke psikiatre prane Spitalit Sant Pau, në Barcelonë.

      LETËRPOROSIA E PLOTË:

      Prokuroria prane Gjykates se Shkalles se Pare Tirane, u kërkon autoriteteve të Drejtësisë Spanjolle, dhënien e ndihmës juridike në kuadër te procedimin penal Nr 6607, dt 09.10.2020, per vepren penale te “Shitblerja e paligjshme e organeve”, te parashikuar nga neni 89/a te K.Penal. Përmbledhje e fakteve objekt hetimi lidhur me procedimin penal.

      Me date 27.05.2020, rreth ores 08.00 eshte marre njoftim nga Salla Operative Tirane, per kryerjen e veprimeve prane IML-se Tirane , per kufomen e te ndjerit shtetasit Saimir Sula. Nga veprimet hetimore te kryera eshte bere kqyrja e kufomes, si dhe eshte perpiluar vendimi per kryerjen e ekspertimit mjeko- ligjore i kufomes.

      Nga deklarimet e e marra shtetases Manushaqe Sula (halla e te ndjerit Saimir Sula) ,deklaron se eshte njoftuar me date 09.05.2020, nga motra e te njerit shtetesja Majlina Sula, se i ndjeri Saimir Sula (datelindja 17.12.1988) kishte nderruar jete ne nje nga Spitalet ne Spanje.

      Ne deklarimin e saj shtetesja Majilina Sula ka shpjeguar se i ndjeri vellaj i saj shtetasi Simir Sula ka nderruar jete ne Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje. Heren e fundit qe i ndjeri vellaj i saj ka shkuar ne Spanje, ka qene ne ne muajin Shkurt te vitetit 2020, gjenja e tij shendetesore ishte e mire.

      Qellimi i vajtjes ne Spanje te te ndjerit, ishte qe te punesohej atje. Ajo sqaroj se vellaj i saj mjekohej me antipsikotik edhe diazepan per gjume, ex abuzues i subs narkotike, dhe me kete mjekim ne vitin e fundit e ka marre me shkeputje, por muajit e fundit e ka marre rregullisht.

      Pra ndermjt Muajit Prill dhe Maj te vitit 2020, psikiatria Ana Martin, mjeke psikiatre prane Spitalit Sant Pau, ne Barcelone, Spanje e ka ndjekur si rast duke shkuar cdo dite ne shtepi, pra duke e ndjekur rregullisht me problematiken qe kishte vellaj. I ndjeri vellaj i saj, ka qene perdorues i lendeve narkotike, por vitin e fundit nuk konsumonte me lende narkotike, por kishte filluar mjekimin e nevojshem, pra nuk konsumonte me.

      Persa i perket ngjarjes se ndodhur me date 09.05.2020 , ajo me date 08-05-2020, e ka shoqeruar vellajn e saj te ndjerin Saimir Sula, ne spitatin e quajtur Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje, pasi me date 08.05.2020 kishte temperature , rreth 37.5, apo 38 dhe rreth ora 22;30, ka lajmeruar ambulancen per ti bere nje prove/ test Covid 19. E ka shoqeruar me ambulance ne Hospital Del Mar ne Barcelona, i bejne proven e virusit, por e cila rezultoj negative.

      Ne kartele e tij shkruhet qe tac i pulmonit eshte mire, edhe nuk evidencohen shenja te pneumonise, por hyri ne spital me dyshimin se mund te kishte Covid 19. Te nesermen ne mengjes rreth ores 12:08, eshte telefonuar nga spitali, nga numri i spitalit 0034- 649288801, dhe infermierja e telefonon qe Majlina te njoftonte vellajn e saj qe siptali do e dergonte per ti bere nje prove tac i mushkerise, dhe pacienti te rrij i qete.

      Pas kesaj bisede me infermieren ajo komunikon me vellajn e saj, dhe e ve ne dijni se spitali do ta dergonte per te bere nje prove te mushkerive dhe vellaj i thote duke qare e bertitur, “Majlinda ketu po me marrin shpirtit, i thuaj infermieres te me liroje pak se po vdes, ok i them po vij aty, per pak minuta”

      Pas kesaj bisede me vellajn, sipas shjegime te saj ajo eshte nisur menjeher per ne spitali, shkon ne spital tek recepsioni kerkon te flas me doktoret, i pyet nese ato kishin dijeni per testin per Covid 19 dhe ju kerkon te me nxjerrin vellajn nga spitali, pasi semundja e tij eshte se ai ka alucinacione, edhe ka shume frike nga njerezit, ju lutem me lerni te hyj sa te shohi nje here sepse e dije qe ai do te qetesohet, me thone qe per shkak te situates se Covid 19, nuk mund te hyj ne spital .

      Me japin nje numer kontakti dhe konkrtishte numrin 0034-932209586, per te kerkuar informacion mbi paciente, ora diku do kete qene 15:00, e dates 09.05.2020 le nje mesazh vocal duke thene “jam familiar”, me telefoni ju lutem. Pas dy oresh me telefonojne dhe me thone qe pacienti eshte mire, dhe qe prova Covid 19, eshte negative.

      Akoma ndodhesha ne hyrje te spitalit , i lutem vajzes qe po komunikoja me te ne telefon, te komunikonte me mjekun, ti thote qe duhet te lexoje kartelat e vellait tim, te kene parasysh psikozen qe ka, ai ka shume frike nga njerezit, i lutem vajzes te me kaloj mjekun, ose ti coj mesazhin tim. Kam insistuar nepermjet telefonit qe te merja vellajn me vete, me qellim qe te kujdesesha vete ne shtepi. Pasi arsyeja e vajtjes ne spital me date 08.05.2020, ka qene pikerishte ajo pak temperature qe kishte vellaj dhe tesi doli negative dhe ajo prandaj ka insistuar per ta marre me vete.

      Vellai merrte mjekim ne shtepi, ne lidhje me problemet (halucinacionet) edhe mjekja Ana Martin Psikiatre, shkonte nje dite po nje dite jo, e shikonte ne shtepi. Meqe Covid 19, doli negative,ska arsye pse te rrije aty, te lutem kontrolloni kartelat. Rreth ores 18:00 me telefonon doktoresha Irene Petit, me thote hajde ne spital, shkoj atje duke menduar do mare vellain ne shtepi.

      Me thone se i pushoj zemra, se dime ndoshta kemi bere ndonje gabim, por do te cohet per autopsi ne mjeksi ligjore ne Barcelone. Pas ngjarjes ka kerkuar kopje te dokumentacionit pra te karteles klinke te ndjerit vellajt te saj Saimir Sula dhe ne kartelen klinike “ shkruhet i berem nje ampul haloperidol i pushoj zemra ne pak sekonda, nuk dijme arsyen pse”.

      Me date 11 apo 12 Maj 2020 ne Mjekesine Ligjore ne Brcelaone, ka marr kopje te autopsies preliminare,ku nuk percaktohet definitisht shkaku i vdekjes, po pritet per nje autopsi definitive, thone qe jane mar mostra te mushkrise melcise, zemres. Edhe priten analizat e toksike.

      Akoma sot ne 26.10.2020 jemi ne pritje. Pra nga ana e tyre nuk ka akoma pergjigje perfundimtare ne lidhje me shkakun e vdekjes. Ajo mendoj qe shkak i vdekjes se te ndjerit vellajt te saj ka qene neglizhenca e kujdesit mjekesor te stafit mjekesor ne Spitalin Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje. Ajo eshte ne pritjete marrjes se autopsesi definitive dhe do i kallazoj penalishte personelin mjekesor te spitalit te Spanjes ne atoritetet perkatese ne Spanje. Eshte e bindur se neglizhenca e personelit mjekesor ne Spanje, kane sjelle si pasoje humbjn e jetes te ndjerit Saimir Sula. Kjo ka qene arsyeja qe ajo ka kerkur nje autopsi te dyte ne Tirane. Eshte vene ne dijni nga ana e organit te akuzes per konkluzionet e arritura ne aktin e ekspertimit Mjeko-Ligjor Nr 540, Regj , date 07.10.2020, pra mungesa e zemres te ndjerit Saimir Sula.

      Duke lexuar autopsine preliminare te Bracelones jane pasqyruar se jane marre mostra te mushkrise, melcise, zemres, per analiza toksike, por absolutishte nuk ka dijnei te mungeses se zemres. Ajo thekson faktin se nga ana e saj dhe e familjareve te tyre, nuk eshte bere ne menyre kategorike, ndonje dhurim “zemre”, apo te jete dhene ndonje autorizim per marrjen e organeve te te ndjerit vellajt te saj. Ne funksion te hetimit eshte bere kqyrja e kufomes, ne ambinetet e morgut te I.M.L-se,Tirane ku nga kqyrja nuk jane konstatuar shenja dhune/ demtime.

      Eshte derguar vendimi, date 27.05.2020 per ekspertimin mjeko-ligjor te kufoms, prane Institutit te Mjekesise Ligjore Tirane, per te zbuluar shkakun e vdekjes se te ndjerit Saimir Sula. Nga akti i ekspertimit mjeko-ligjor Nr 540, dt 07.10.2020, mbi ekzaminimin e kufomes se shtetases Saimir Sula, eshte arritur ne konkluzionin se ; Ne trupin e kufomes se shtetasit Sajmir Sula, ne kqyrjen e jashtme pervec prerejeve autoptike dhe ndryshimeve pas vdekjes nuk u vune re demtime te shkaktuara nga dhuna.

      Nga kqyrja e brendeshme e organeve dhe te dhenave mikroskopike nga ana jone u konstatuan; Bronkopneumoni sero- deskuamative. Aderenca pleurale ne anen e djathte te gjoksit. Hepatit Koronik persistent. Autolize e organeve. Mungese e zemres. Ne mungese te ekzaminimit te zemres, i cili eshte nje organ jetik dhe i rendesishem nuk mund te percaktojme shkakun e vdekjes se viktimes me saktesi shkencore. Ne gjakun e viktimes nuk u zbuluan metabolite te medikamentit haloperidol.

      Gjatë hetimit, jane administraur dokumentat spitalore me procesverbalin kqyrje marrje te e dates 26.10.2020 , jane administruar dokumenta te vena ne dispozicion nga motra e te ndjerit shtetesja Majlinda Sula, si fotokopje e autopsise preliminare, jo definitive ne gjuhen Spanjolle,f otokopje e karteles klinike te pacientit Saimir Sula, marre prane spitalit Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje , ne Sanjisht , të cilat janë në gjuhën spanjolle 4 Në konkludim të kësaj analize pra mungeses se zemres, referuar aktit te ekspertimit mjeko ligjor Nr 540, dt 07.10.2020, mbi ekzaminimin e kufomes se shtetases Saimir Sula, lindin dyshime per kryerjen e vepres penale“Shitblerja e paligjshme e organeve” te parashikuar nga neni 89/a te Kodit Penal.

      B.Teksti i dispozitave ligjore të zbatuara Neni 89/a i Kodit Penal “Shitblerja e paligjshme e organeve” Shitblerja e transplanteve, si dhe çdo veprimtari që lidhet me heqjen dhe implantimin e paligjshëm të organeve, dënohet me burgim nga tre deri në shtatë vjet. Kjo vepër e kryer nga personi që shpërdoron pozitën e tij ndaj një fëmije ose një personi tjetër të pambrojtur, dënohet me burgim nga shtatë deri në dhjetë vjet. Kjo vepër, kur kryhet më shumë se një herë ose në bashkëpunim, dënohen me burgim nga dhjetë deri në pesëmbëdhjetë vjet.

      Kur nga vepra e mësipërme shkaktohet vdekja e viktimës ose kjo vepër kryhet nga grup i strukturuar kriminal ose organizatë kriminale dënohet nga pesëmbëdhjetë deri në njëzet e pesë vjet burgim. Baza ligjore dhe ndihma e kërkuar Persa me siper, mbeshtetur ne nenin 509/1,2 te Kodit te Procedures Penale te Republikes se Shqiperise dhe nenin 15 te Konventes Evropiane “Per ndihme te ndersjellte juridike ne fushen penale”, ne interest e procedimit penal Nr 6607, date 09.10.2020, te Prokurorisë pranë Gjykatës së Shkallës së Parë Tirane, bazuar ne Parimin e Reciprocitetit dhe Vullnetin te mire te autoriteteve gjyqesore te Republikes se Spanjes, te procedoje me venie ne dispozicion te Prokurorise prane Gjykates se Shkalles se Pare Tirane , te akteve te meposhtme ;

      Te administrohet akti i eskpertimit definitiv/perfundimtar i bere nga Autoritetet Spanjolle, per te ndjerin Saimir Sula, ne te cilin eshte pasqyruar shkaku i vdekjes se te ndjerit ne Spitalin Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje. 2. Te verifikohet dhe te administrohen dokumenta spitalore, duke filluar nga data 08.05.2020 dhe ne vazhdim per te ndjerin Saimir Sula, ne lidhje me arsyet e shtrimit/ hospitalizimit te ketij pacineti? 3. Te informohemi ne lidhje me arsyet e mungeses se zemres se te ndjerit Saimir Sula, referuar aktit te ekspertimit mjeko- ligjor Nr 540, dt 07.10.2020 te kryer nga I.M.L.Tirane, mbi ekzaminimin e kufomes se shtetases Saimir Sula. 5 4.
      Te komunikohet dhe te merret deklarim stafit/ personelit mjekesor te spitalit Hospital Del Mar, me adrese “Passeig Maritim de la Barceloneta Nr 25, 29 Kodi Postar 08003, Barcelone Spanje, (apo dhe spitaleve te tjera ), ne lidhje me arsyet e parqitjes ne urgjensen e spitalit me date 08.05.2020 te te ndjerit Saimir Sula, diagnozen e shtrimit dhe mjekimin e marre etj, si dhe cdo te dhene tjeter ne lidhje me pacientin Saimir Sula.

      Te komunikohet dhe te merret deklarim Mjekes Irene Petit, qe ka komunikuar me shtetasen Majlinda Sula (mota e te ndjerit).
      Te merren shpjegime Mjekes Psikiatre Ana Martin, qe ka ndjekur pacientin ndermjt Muajit Prill dhe Maj 2020, mjeke psikiatre prane Spitalit Sant Pau, ne Barcelone, Spanje, ne lidhje me diagnozen e pacientit si dhe cdo te dhene tjeter per kete pacient.
      Te verifikohet se kush ka qene mjeku qe ka komunikuar ne telefon me motren e te ndjerit nga numri i spitalit 0034-649288801, rreth ores 12.08 min AM. 8. Te verifikohet se kush ka qene mjeku qe ka konaktuar ne telefon oteren e te ndjerit Saimir Sula nga numri 0034-932209586,rreth ores 15.00? 9. Kerkojme nga ana juaj, te informohemi nese nga Autoritetet e Drejtese se Spanjolle, kane filluar hetime ne lidhje me rastin objekt hetimi nga ana jone? Nese po jeni te lutur te na vini ne dispocion kopje te ketyre akteve?
      Te kryhen hetime dhe verifikime ne lidhje me cdo dokumentacion tjeter qe cmohet i nevojshem ne lidhje me rastin objekt hetimi. Theksojme se aktet dhe provat qe do te gumbullohen nga Autoritetet Spanjolle te na dergohen origjinale, nese ligji i autoritetit Spanjoll e lejon te jene origjinale ose fotokopje te vertetuara me orgjinalin. Prokuroria e prane Gjykates se Shkalles se Pare Tirane ju siguron autoriteteve gjyqesore te Spanjolle per nje bashkepunim (dyanshmeri) te plote. Ne perfundim ju bejme me dije se nje pergjigje sa me e shpejte nga ana juaj do të shmangte zvarritjen e hetimeve.

    • 12:32

      I vëllai iu kthye i vdekur e pa zemër! Motra e 33-vjeçarit tregon historinë: Vdiq pa kaluar 24 orë, thoshte eja më merrni se po më vrasin…

      Saimir Sula

      Motra e 33-vjeçarit shqiptar, Saimir Sula ka treguar detaje nga kurimi i të vëllait në Barcelonë, i cili u kthye në Shqipëri pa organin e zemrës. Në një intervistë për gazetarin Arsen Rusta, ajo ka treguar historinë tronditëse të vëllait të saj, i cili për më pak se 24 orë u nxorr i vdekur nga spitali në Barcelonë. Majlinda Sula ka bërë me dije se autopsia definitive në Spanjë nuk ka dalë ende, ndërsa nga ajo shqiptare janë konstatuar se të riut i mungonin disa organe, ndër to edhe zemra, pa të cilën nuk e konstatuan dot shkakun e vdekjes.

      INTERVISTA E PLOTË: 

      Pyetja: Pse humbi jetën?

      Majlinda Sula: Ne jetonim në Barcelonë. Vëllai u shtrua në shtëpi, sepse nuk kishte vende në spital. Një pasdite kishte temperaturë. Testi COVID i doli negativ. Hyri në spital për të bërë testin, dhe të nesërmën më telefonoi e më tha: Hajde më merr se po më vrasin. Nuk kam COVID-19 më tha. U paraqita aty dhe nuk hyra dot në spital. Irena Petit më telefonoi që të paraqitesha. MË thanë nuk e dimë pse por ndërroi jetë. U axhitua tha dhe i bëmë qetësues. Ndoshta doza ishte shumë e lartë. I pushoi zemra.

      Pyetja: Ishte e shkruar mungesa e zemrës?

      Majlinda Sula: U nisa me dyshim në momentin kur më thanë se ndërroi jetë. Nuk kishte arsye. Nuk kishte COVID. Kështu që fillova të dyshoj. I thashë e ke vrarë vëllain tim, i kërkova kartelën klinike. Nuk është e shkruar që mungon zemra. Në 9 maj, ai ndërroi jetë dhe nuk e sillnin dot në Shqipëri. Vonoi deri më 27 maj, trupi gjeti në Gjykatë u bë autopsia. Kur sollën trupin në Shqipëri, ishinm të bindur se kishte ndodhur diçka. Bëmë autopsi në Shqipëri. Dyshonim për neglizhencë. Nuk e dinim që të shikonim trupin.

      Pyetja: Dyshimet janë se zemra është hequr në Spanjë apo këtu?

      Majlinda Sula: Nuk e kam idenë. Por dyshojmë se ishte e dyshimtë. Ishte shumë mirë, eci më këmbët e tij dhe s’kishte probleme me zemrën. Duhet të presim autopsinë definitive në Shqipëri. Autopsia në Shqipëri ishte më e shpejtë. Kam marrë nga prokuroja dhe OPGJ-ja, Suela Kalavaçi. Më thanë një kopje, por nuk e kam dërguar në Spanjë sepse po pres edhe autopsinë atje. Mund të ketë dalë tani. Nuk pashë arkivol fare. Kisha ditëlindjen. Po e prisja jashtë. Dhe më thanë që ka ndërruar jetë, nuk e dimë pse. Lajmërova Shqipërinë, dhe kërkova autopsi. Nga autopsia rezultoi mungesë organesh, pasi mungon zemra nuk përcaktohet dot arsyeja e vdekjes.

      Pyetja: Rikujtoni bisedën e fundit?

      Majlinda Sula: Vëllai po mësonte shumë urime për ty në spanjisht. Se kisha ditëlindjen. Unë shkova të merrja vëllain për të festuar ditëlindjen, por më thanë që i ka pushuar zemra. I thashë dërgojeni për autopsi.

      Pyetja: Një apel keni?

      Majlinda Sula: Kërkova autopsinë, është kryer me vështirësitë e veta, prej COVID. Mjafton që autopsia u bë dhe nxorrën këtë konstatim. Nuk di ç’të them nëse zemra është vjedhur këtu. Se di pse shërben zemra e një personi të vdekur pas 20 ditësh. Atje në spital, po.

      Pyetja: Mami e di?

      Majlinda Sula: E di, por do ishte mirë mos të përballej me këtë lloj lajmi. I kemi dhënë ndoshta një neglizhencë që mos të mendojë se është trafikuar organi. Unë kaloj shpesh këtu, dhe ndalova sepse dëgjova se po flitej për vëllain tim.

      Pyetja: Jetoni në Spanjë?

      Majlina Sula: Punoj në shtet, jetoj atje. Në këto 7 muaj, kemi qëndruar më shumë këtej.

    • 11:56

      ‘Hajde më merrni, po më marrin frymën’/ Motra e Saimir Sulës tregon bisedat e fundit me vëllanë që u kthye pa zemër nga Spanja

      Saimir Sula

      Detaje të reja kanë dalë në dritë nga ngjarja e rëndë e një shqiptari i cili u kthye i pajetë nga Spanja, duke u konstatuar se ishte pa zemër. Familjarët e tij kanë bërë kallëzim për këtë ngjarje të rëndë në Shqipëri dhe në Spanjë. Motra e Sulës ka treguar se i vëllai i kishte kërkuar ndihmë që të largohej nga aty: Hajde më merrni, po më marrin frymën. Fillimisht Sula kishte shkuar deri në Spanjë për të bërë një test Covid, i cili rezultoi negativ mirëpo më pas ai kishte kryer dhe disa ekzaminime të tjera. Në Shqipëri trupi i pajetë i 30-vjeçari erdhi pa organin e zemrës. Kjo është konstatuar dhe nga Mjekësia Ligjore në Shqipëri të cilët shprehen se trupi i Sulës nuk ka pasur zemër. Prokuroria e Tiranës ka nisur hetimet për “Shit-blerjen e paligjshme të organeve njerëzore”. Hetimet kanë nisur që në 27 maj të vitit 2020, ndërsa në Spanjë deri më tani po investigohen 4 mjekë. Paraprakisht dyshohet se gjatë mjekimit në Barcelonë, 33-vjeçarit i është marrë zemra në rrethana dhe arsye ende të paqarta, deri në zbardhjen e plotë të ngjarjes nga autoritetet përkatëse.

    Shto Koment