Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Ditën e djeshme prokuroria e Tiranës ka kërkuar 35 vite burg për pandehurin Islam Mylkaj, i cili akuzohet se një vit më parë ka vrarë shokun e tij, Haxhi Baçinozi, te Liqeni Artificial në Tiranë. Nga hetimet rezultoi se ngjarja ndodhi për shkak të një borxhi të pashlyer. Viktima Haxhi Baçinozi i kishte dhënë mikut të tij Islam Mylkaj 45 mijë euro, por që kjo shumë nuk ishte shlyer ende.
Si ndodhi vrasja dhe përplasjet verbale:
Dy miqtë nga Mallakastra, Mylkaj dhe Baçinozi, janë shkëmbyer në një nga shëtitoret e Liqenit Artificial më datë 16 mars, ku mes tyre ka pasur një debat. Baçinozi i ka kërkuar sasinë e eurove Mylkajt dhe në debat e sipër ai i është drejtuar “…e ore shkërdh***, ti luan me lekët mia?…” . Më pas dy ish-miqtë janë përplasur fizikisht duke bërë që Mylkaj ta nxjerrë armën nga brezi dhe ta qëllojë Baçinozin plot katër herë. Ky i fundit humbi jetën menjëherë. Pas ngjarjes së rëndë Islam Mylkaj është vetëdorëzuar më pas në Policinë e Tiranës duke shpjeguar edhe ngjarjen. Ekzekutimi i Baçinozit ka ndodhur në sy të djalit të viktimës, Elio Baçinozi, dhe shokut të autorit të krimit, Myftar Pasha. Këta të fundit kanë dhënë dëshminë e tyre në Polici.
“Më 16 mars 2019, rreth orës 16:30, kam dalë vetëm për një shëtitje te Liqeni Artificial.Në momentin që unë isha te Liqeni, më ka marrë në telefon Islam Mylkaj, i cili banon në të njëjtën lagje me mua, dhe më ka pyetur se ku isha. Unë i thashë që ‘jam te Liqeni’ dhe ai më tha që ‘po vij edhe unë’. Dua të them se unë shpesh dal për ecje nga Liqeni dhe nja dy herë kam qenë së bashku me Islamin. Pas rreth gjysmë ore Islami erdhi dhe jemi takuar diku në mes të digës te Liqeni dhe ecëm në drejtim të Kodrave të Liqenit. Pasi kaluam shkollën, Islami ndryshoi mënyrën e të folurit dhe qëndrimin e tij. Unë e vura re që ai u shqetësua dhe e pyeta se çfarë kishte dhe ai më tha se ‘… është një person nga mbrapa nesh me të cilin kam një problem, por më vjen keq pasi jemi bashkë…’. Përsëri e pyeta se çfarë problemi kishte dhe ai m’u përgjigj se ‘nuk ka asnjë problem, s’ka gjë, s’ka gjë…’. Pas disa metrash, konkretisht pasi kishim kaluar shkollën, një person rreth 60 vjeç, me kapuç xhuboksi në kokë, me ngjyrë të errët, me sa mbaj mend, të cilin unë nuk e njihja, u afrua dhe iu drejtua Islamit duke i thënë: ‘E, ore shkërdh***, ti luan me lekët mia?…’. Në atë moment unë kam ndërhyrë, duke u thënë të qetësohen, pasi janë burra të mëdhenj e nuk ka lezet, por personi që ishte afruar dhe po fliste me Islamin, më tha konkretisht: ‘… a paguan ti për këtë?…’. Unë i thashë: ‘Jo, unë s’kam lidhje me këtë problem që diskutoni’. Në këtë moment personi gjuajti me grusht Islamin dhe Islami u spostua disa metra dhe në atë moment, nxori një armë që unë nuk e kuptova ku e gjeti apo nga e nxori, dhe ka qëlluar një herë në momentin që ishte përballë meje dhe më pas dëgjova disa të shtëna të tjera, pasi u tremba dhe nuk po shikoja më çfarë ndodhi. Mbaj mend vetëm që kishte disa persona pranë nesh dhe morën në telefon Policinë, ndërsa Islami u drejtua për nga Kodrat sipër Liqenit, në mos gaboj, me drejtim nga Sauku”, ka treguar Myftar Pasha.
Në lidhje me këtë ngjarje janë pyetur edhe djali i viktimës, Eliot Baçinozi, i cili ka pohuar midis të tjerave se:“Rreth orës 17:20 kemi dalë nga shtëpia së bashku me babanë tim dhe kemi marrë rrugën për të shkuar nga Liqeni për të bërë ecje, siç dalim zakonisht. Kur po shkonim në afërsi të shkollës u shkëmbyem me një person të cilin unë e njoh që është nga Mallakastra dhe quhet Islam Mylkaj, me të cilin kemi pasur miqësi të vjetër dhe për punë të një borxhi babai im është prishur me të. Së bashku me të ishte dhe një person, rreth 50 vjeç. Në momentin që po shkëmbeheshim, pasi eci dhe pak, Islami ndaloi dhe nxori një pistoletë të zezë që e mbante në brez. Pasi e nxori, ia drejtoi babit”.
Ngjarja e rëndë ndodhi mbrëmjen e 16 marsit rreth orës 20:00 të mbrëmjes teksa 62-vjeçari kishte dalë për vrap me djalin e tij të mitur. Aty është afruar Islam Myrkaj dhe pas një konflikti verbal, ai ka nxjerrë armën e tij, tip pistoletë dhe e ka qëlluar disa herë. Pasi ka qëlluar ai është larguar me shpejtësi nga vendngjarja. Gjykata e Apelit ka lënë në fuqi masën e arrest me burg për Islam Myrkaj, i cili akuzohet të ketë vrarë me armë zjarri ish-të përndjekurin politik, Haxhi Baçinozi. Ndërsa Myftar Pasha, miku i Myrkajt është lënë në arrest shtëpie.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
VLORË- Klajdi Basha, Daniel Bako dhe Klaudjo Mistri janë arrestuar ditën e sotme nga policia pasi pas një kontrolli të bërë nga forcat e posaçme “Sh...
DURRËS– Prokuroria e Durrësit ka dhënë detaje lidhur me hetimet e zhvilluara brenda institucionit të Autoritetit Rrugor Shqiptar në Durrës. Në njoftimin zy...
TIRANË- Të burgosurit Emiljano Shullazi dhe Gilmando Dani kanë kallëzuar në Prokurorinë e Posaçme ose ndryshe SPAK, ish-kryeprokuroren e përkohëshme...
DURRËS– Një karburant në aksin rrugor “Plepa-Kavajë” ka sjellë prangosjen e nëntë zyrtarëve të Autoritetit Rrugor Shqiptar në Durrës. Prokuroria e Durrësit...
VLORË- Hipur në një taksi, me një kallashnikovë të mbështjellë me triko sportive, Klajdi Basha, 43 vjeç, i dënuar më herët në Itali për organizatë k...
Shaban Memia, ish kreu i aluzinit ne kohen qe PD ishte ne pushtet, u kallëzua penalisht për gjirin e Kakomesë.Ai[sgallery url=”akuzohet nga banorët e fsha...
Shaban Memia, ish kreu i aluzinit ne kohen qe PD ishte ne pushtet, u kallëzua penalisht për gjirin e Kakomesë.Ai ”akuzohet nga banorët e fshatit Nivicë se priva...
TIRANË-Kandidatët e parë për agjente të FBI-së shqiptare janë mbledhur në Pallatin e Kongreseve për të marrë përgjigjet e testit logjik, të cilat janë afis...
DURRËS– Dosja.al ka mësuar detaje të reja nga operacioni i zhvilluar paraditen e sotme në Durrës, ku u bë publike se janë arrestuar disa zyrtarë të ARRSH-s...
TIRANË– Dosja.al zbuloi identitetin e 4 porositësve të pengmarrjes dhe vrasjes së Jak Prengës. Një prej tyre është edhe famëkeqi Gramoz Dritan Rexhepi dhe ...
