Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Rrëzimi i qeverisë së Albin Kurtit mbrëmjen e 25 marsit, vetëm 51 ditë pas mandatimit ka hapur një valë debati në Prishtinë e Tiranë. Palët janë ndarë në ata që mbrojnë Vetëvendosjen dhe qëndrimin e saj kundër një marrëveshjeje me Serbinë, (që solli edhe ashpërsimin e marrëdhënieve me SHBA-të), dhe në ata që mbështesin Shtetet e Bashkuara të Amerikës në çdo vendimmarrje). Dhe kjo ka prekur edhe gazetarët e analistët. Andi Bushati, botues i “Lapsi.al”, shkroi dy ditë më parë, se zgjidhja për Kosovën është që militantët e Vetëvendosjes të marrin situatën në kontroll. Në një letër të hapur, Bushati arsyetonte se ky revolucion “me çdo kosto dhe me çdo çmim”, është një shpresë jo vetëm për Kosovën, por edhe për rajonin.
Letra duket se nuk i ka pëlqyer gazetarit Berat Buzhala. Botuesi i “Ekspress”, shkruan në rrjetet sociale, pa iu referuar me emër, por duke e lënë qartë të kuptohet se “gazetarët e Shqipërisë”, (duke shigjetuar Bushatin), duhet të rrëzojnë njëherë Ramën përmes revolucionit e më pas të kërkojnë revoltë në Kosovë, që siç thotë ai, ka zgjedhje dhe media shumë herë më të lira se Shqipëria.
Reagimi i Berat Buzhalës:
Me kerku gazetaret e Shqiperise revolucion ne Kosove ne emer te demokracise, eshte sikur me kerku revolucion demokratik ne Egjipt gazetaret e Arabise Saudite. Kosova ka zgjedhje te lira e media te lira ku e ku me te avancuara se Shqiperia. Kur ta rrezoni Ramen lajmerohuni.
Letra e plotë e Andi Bushatit:
Që kur koalicioni i maska(renj)ve vendosi të rrëzojë përmes një mocioni absurd, qeverinë e dalë nga zgjedhjet e 6 tetorit, të gjithë ju që nuk u pajtuat më këtë akt të neveritshëm, jeni vënë në bankën e të akuzuarit, nga një luzmë intelektualësh kafenesh. Ata po ju kritikojnë për gjithçka. Disa ju krahasojnë me besimtarë të verbër të një profeti të rremë, disa me militantët bolivarianë të Hugo Chavezit, disa me falangat fashiste që mbjellin terror.
Dhe cili është faji që ju vënë mbi shpinë? Ai se nuk qëndroni dot të heshtur para një padrejtësie ulëritëse. Ai se nuk përkulni shtyllën kurrizore ndaj një kaste, që ose i ka duart me gjak, ose xhepat me euro, ose të dyja këto së bashku.
Ai se shprehni hidhërimin dhe dufin tuaj, se si kjo pakicë, me një grusht të ndyrë shteti parlamentar, përmbysi vullnetin për ndryshim të votuesve të 6 tetorit. Ai se nuk pranoni dot, që kjo bandë të uzurpatorësh, të dojë sërish të shmangë zgjedhjet, duke e lënë Kosovën peng të një qeverie të pavotuar dhe duke rifutur në institucione të njëjtat fosile që zvarriten aty prej dy dekadash. Natyrisht edhe unë, ashtu si kushdo, e kam parë lumin e zhgënjimit tuaj në rrjetet sociale. I kam lexuar etetiketimet e forta që i keni vënë gjithësejcilit, i kam ndjekur denoncimet për ata që i ndryshojnë qëndrimet sipas flladit të parë që fryn në horizont. Pikërisht për këto po ju akuzojnë, duke u shqetësuar se, në origjinë të dhunës është fjala, se në gjenezë të fashizmit është gjuha e urrejtjes, se në fund të fundit, diktaturat kanë në bazë atmosferën e një linçimi publik. Por, ata harrojnë se, në këtë rast, gjuha e ashpër është vetëm kundërreagim ndaj dhunës së një kaste, se revolta është kundërshtim ndaj instalimit të regjimit të një pakice, se po, historia njeh vërtet edhe raste kur diktatura mund të vijë nga fjala, por se rëndom ajo buron nga vullneti i një grushti maskarenjsh, për të mos lëshuar me asnjë mjet privilegjet e tyre. Pra, gjithëkush që është përfshirë në këtë ballo me maska, ju përshkruan ju si rrezikun më të madh, pasi do të fshehi krimin e vërtetë, ju etiketon si fajtorët kryesorë, pasi s’ka forcë morale, pavarësi intelektuale dhe ndershmëri financiare, për të vënë gishtin mbi djajtë realë.
Po për çfarë ju kërkojnë të heshni, të mos buçisni, të mos revoltoheni? Duan që të rrini squk, kur vota popullore hidhet në koshin e plehrave. Kur, e vetmja qeveri e porsa zgjedhur në glob, rrëzohet në kohë pandemie. Kur, një parti, nxjer tjetër figurë për të mashtruar ekektoratin dhe pastaj rikthen të njëjtit pleq të pavotuar për të marrë vendimet. Kur, që prej gushtit 2008 është gati plani për të coptuar Kosovën. Kur, SHBA nuk e ka përgënjeshtruar kurrë doktrinën e saj për të përkrahur çdo marëveshje për të cilën dakordësohen palët. Kur, Gjermania dhe shumë shtete të rajonit, kanë vënë alarmin për hapjen e kutisë së Pandorës.
Kur dëgjoni ambasadorin Grenell, që ka harruar të gjitha kushtet ndaj Vuçiçit, të mbysë me ultimatume Prishtinën. Kur shikoni se si shndërrohet në gogol edhe pinjolli më i parëndësishëm i dinastisë Trump, për të ngjallur frikë dhe terror. Po, për këto ju kërkojnë të mbyllni gojën dhe nëse nuk e bëni, jeni ose komunistë, ose fashistë, ose islamistë. Nëse nuk duroni me nofullat shtrënguar, i kanë gati etiketimet për ti’u akuzuar qoftë si amerikanofobë, qoftë si homofobë. Natyrisht, unë e di se kjo fortunë në gotë, e stisur në sallonet meskine të Prishtinës, nuk ju bën aspak përshtypje.
Ju që keni parë shokët të bien në tokë nga plumbat, ju qe ende s’keni mbyllur plagën e gjetjes së vrasësve të tyre, ju që jeni mbytur nëpër burgje dhe që keni parë njerëzit tuaj më të dashur të prangosen duke protestuar kundër krimeve të pushtetit, as që doni ti’a dini për këto masturbime pseudo -intelektuale.
Ato as ju ndalin, as ju frikësojnë. Prandaj, kjo letër për ju, nuk është një mbështetje, në kohë të vështrirë, sepse për të nuk keni nevojë. Ajo është më tepër një thirrje për të hapur sytë ndaj atyre që nuk kuptojnë. Për të shkundur nga përgjumja idiotët e dobishëm, që e shohin të keqen tek gjuha dhe zemërimi juaj. Për të ndërgjegjësuar ata që nuk e dallojnë dot kontradiktën e vërtetë, atë të rikapjes së shtetit prej një grushti uzurpatorësh dhe rezistencës suaj të çfarëdollojshme për të ngritur barikada ndaj kësaj. Në këtë kuptim, revolta juaj, me çdo kosto dhe me çdo çmim, është një nga vlerat e rralla të asaj shoqërie të re që po tentoni të ndërtoni. Në çdo formë të saj, ajo është një aspiratë dhe një shpresë. Ajo përbën një rast unik, jo vetëm për Kosovën, por pothuajse për të gjithë këtë rajon, që po tregon se e ka më të lehtë të nënshtrohet, sesa të mendojë.
Ajo është një rreze drite edhe për shqiptarët e pjesës tjetër të kombit, të dorëzuar ndaj rotacioneve që s’prodhojnë transformin edhe për serbët që përshtaten me lehtësi nga diktatura e Millosheviçit tek regjimi i Vuçiçit edhe për malazezët që durojnë prej tre dekadash sundimin e një familjeje të vetme. Ndryshe nga ç’ndodh përreth, ju keni shancin real dhe privilegjin historik për të qenë faktor i ndryshimit. Prandaj, revoltë dhe rebelim të mbarë, sepse dëmet kolaterale të aksionit tuaj, janë ku e ku më të vogla, se sa e keqja që “viktimat” e tij po i bëjnë Kosovës.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
Tiranë- Enkelejd Alibeaj, nga selia e Partisë Demokratike ka deklaruar se qeveria po bën propagandë, pasi në rezervat e shtetit nuk ka ushqime për qytetarët në ...
TIRANË– Komisioni Hetimor për shkarkimin e Presidentit Ilir Meta është shtyrë për në datën 31 korrik. Mbledhja e drejtuar nga Ulsi Manja u zhvillua d...
TIRANË– Kryeministri Edi Rama ka pranuar se 30 mjekët dhe infermierët që kanë shkuar në Itali të luftojnë me Covid-19 kanë shkuar pa lejen e prindërv...
TIRANË– Profesor Përparim Kabo ka kundërshtuar ish-deputetin Tritan Shehu, i cili shprehet se mjekët dhe infermierët që u dërguan nga Shqipëria për të ndih...
TIRANË- Ish-kryeministri i Shqipërisë, Sali Berisha ka publikuar sot një denocim të një qytetari, i cili shprehet se Policia dhunon qytetarin në Lushnje. N...
TIRANË- Kryeministri Edi Rama ka bërë me dije se Policia gjatë ditës së sotme nuk ka vënë gjoba për këmbësorët gjatë orarit kur lejohet lëvizja dhe të njëj...
TIRANË- Kryeministri Edi Rama ka vijuar dhe sot me telefonatat me qytetarët dhe u ka kërkuar atyre që t’i tregojnë problemin. Një qytetar nuk është bindur ...
TIRANË- Kryeministri Edi Rama ka vijuar dhe gjatë ditës së sotme me telefonat me qytetarët, ku dëgjon problemet e tyre. Sot ishte radha e Adritatikut për t...
TIRANË– Kryeministri Edi Rama, edhe pasditen e sotme, ka vijuar me ritualin e telefonatave me qytetarët, të cilët kërkojnë informacion lidhur me problemet ...
