Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Debate të ashpra në Komisionin e Ligjeve mes ministrit të Brendshëm, Sandër Lleshaj dhe deputetit të Partisë Socialiste, Bashkim Fino. Shkak u bënë ndryshimet e propozuara në lidhje me Agjencinë e Konfiskimit të Pasurive, ku ministri kërkoi që të gjitha këto asete t’i mbajë ky institucion, ndërsa Fino tha se agjencia duhet të mbajë aq sa i duhen në bazë të planifikimit buxhetor për të gjithë vitin. Në debat ndërhyri edhe Vasilika Hysi që solli si shembull suksesin e Reformës në Drejtësi. Kaq i ka mjaftuar Bashkim Finos, i cili tha se KLGJ e KLP po marrin para pafund dhe nuk arrijnë dot të realizojnë buxhetin.
REPLIKAT NË KOMISIONIN E LIGJEVE:
Ulsi Manja: Është harmonizimi i ligjit për prokurorinë.
Alket Hyseni: Në pikën 8 kërkoj mirëkuptimin e ministrit. Fondi nuk mund të përdoret për shpërblimi. Ky nuk është fond pagash apo shpërblimesh.
Sander Lleshaj: Lidhur me transferimin e fondit për vitin pasardhës, kjo është diskutuar në qeveri. Këtu nuk bëhet fjalë për të ardhura buxhetore. Meqë nuk i shohim sekuestrimet si të ardhura buxhetore, i kemi bërë si transferime në mënyrë që të luftohet me efikasitet parandalimi i krimit. Po i futëm tek buxheti largohen tek destinacioni ku është parashikuar.
Bashkim Fino: Meqënëse nuk jeni ekspert i fushës, kjo nuk është agjenci vetë-financuese është agjenci shtetërore, ka një buxhet brenda Ministrisë së Brendshme. Ju e thoni vetë në pikën 7 se të ardhurat e papërdorura “transferohen në buxhetin e vitit pasardhës”. Ka buxhet agjencia që miratohet nga ministria juaj dhe vjen në parlament, ligji i buxhetit që është më i rëndësishëm nga çdo ligj tjetër, nuk mund të transferohen në vitin tjetër. Ju mund të merrni vitin tjetër lekë më shumë, malet më të larta… qeveria le t’i japë lekë më shumë. Ka ligj buxhetor nuk të lejon financa ta bësh. E ke institucion brenda ministrisë, jo me vetë-financim që s’merr kokërr leku nga buxheti që të mbash lekët e konfiskuara, dhe ata specialistët e tu duhet të ta thonë ty këtë gjë.
Sander Lleshaj: Unë s’jam ekspert, por di që ekspertët e kanë diskutuar këtë gjë që ne kemi ardhur këtu. Unë ftoj ekspertët e Ministrisë së Financave që të vijnë e të shprehen. Unë di që agjencia menaxhon të ardhura, ka pulari, restorante, hotele. Këtu flitet për buxhetin pasardhës të agjencisë jo të shtetit.
Ulsi Manja: Zoti Fino një konsideratë të fundit nga Hyseni.
Bashkim Fino: Kam një gjë të fundit e pastaj vazhdoni sa të doni. Më duket një gjë absurde që Financat të mos e kalojnë këtë gjë. Më duket absurde kjo gjë. Pasi të gjitha institucionet kanë para të paharxhuara gjatë një viti por nuk i mbart këto para për vitin tjetër. Kjo është absurde nëse ndodh.
Vasilika Hysi: Ky fond i Agjencisë është për 4 fusha të ndara. Si mund të kontrollohet si përdoret vetëm për këtë funksion? A humbet destinacionin duke kaluar në buxhetin e madh të qeverisë? Kjo besoj se do të ishte joefektive.
Alket Hyseni: E mirëkuptoj shqetësimin e kolegëve, por financieri numër një i komisionit që është zoti Fino, unë jam i dyti por jo me aq eksperiencë. Mendoj të bëjmë rekomandimin tonë për hartimin e ligjit për buxhetin, pastaj Komisioni me MF ta diskutojnë. Unë jam dakord me zotin Fino.
Bashkim Fino: Buxheti nuk është OJF Vasilika, që ti marrë lekët këtë vit e ti përdorë edhe vitin tjetër. Buxheti është buxhet, miratohet dhe mbaron.
Vasilika Hysi: E kuptoj kryetar që s’është buxhet OJF-je por kur u miratua ligji u vendos kështu. Prandaj, nëse ne sot kemi një reformë në drejtësi që po zbatohet, nëse ministri vjen sot me propozime për të përforcuar luftën, suksesi nënkupton edhe kompesim për viktimat siç e ka parashikuar ligji që në 2014.
Bashkim Fino: Fondi është për ato 4 pika, ne themi ti shtrijë nga 1 janari për 31 dhjetor. Ne nuk i marrim këto fonde dhe ti fusim në buxhet. Ata që kanë mundësi e realizojnë ata të tjerët jo. E çna thua këtu Reforma në Drejtësi? KLGJ e KLP, që i kemi dhënë fonde pafund dhe ata nuk realizojnë dot buxhetin në paga, investime e shpenzime. E pse t’i jap fonde pafund, t’ua heq shqiptarëve dhe t’jua jap atyre? Nëse nuk i përdorin dot deri më 31 dhjetor është mangësi e tyre menaxheriale. Buxhetin e bën shteti nuk e bëjnë OJF-të.
Sander Lleshaj: Për këtë nenin që po diskutohet them ta lemë të hapur për diskutim nga ekspertë të financës. Por jap një shembull, Gjykata do të sekuestrojë një pasuri të caktuar më 31 dhjetor. Atëherë kjo ngelet. Nuk dëgjoj vetëm të shoh.
BashkimFino: Po e sekuestroi më 31, ta gëzojë për vitin tjetër. Ti nuk iu jep dot asnjë fond atyre. Se e hanë vitin tjetër.
Ulsi Manja: Faleminderit zoti ministër. E çuditshme, sa herë diskutohen punë buxheti ka debat. Si ka mundësi Zoti Fino?
Spartak Braho: Ajo që propozon Fino është racionale, pse lodheni kot.
Ulsi Manja: Kush është dakord? S’ka kundër miratohet.
Sander Lleshaj: Mund të shkëputem unë?
Ulsi Manja: Po, për këtë akt ju mund të ikni.
Sander Lleshaj: OK Flm.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Sot në mbledhjen e Komisionit të Sigurisë, zv/ministrja e Brendshme, Rovena Voda tha se nuk do të ketë shtyrje të afatit për aplikim për kartë iden...
TIRANË– Nesër më 23 qershor përfundon gjendja e fatkeqësisë natyrore, e cila u shpall për shkak të pandemisë së COVID-19. Që prej muajit mars vendi ka qenë...
TIRANË– Kryetari i komisionit parlamentar për Marrëdhëniet me Jashtë në Parlamentin Evropian z. David McAllister vë në dijeni se nesër, me datë 22 Qe...
TIRANË-Kreu i Partisë Demokratike, ka shprehur ngushëllime për ndarjen nga jeta të kreut të Degës së PD në Krujë, Reshit Merlika. Nëpërmjet një postimi në ...
TIRANË– Deputetja Rudina Hajdati ka mbështetur publikisht Vjosa Osmanin, pas shkarkimit të saj nga pozicioni i nënkryetares së Lidhjes Demokratike të...
TIRANË- Ministrja e Shëndetësisë, Ogerta Manastirliu ka apeluar qytetarët që të resopektojnë rregullat ndaj COVID-19. Nëpërmjet një video-mesazhi, ajo ka p...
KRUJË -Kreu i Partisë Demokratike të Krujës, Reshit Merlika ka ndërruar jetë në moshën 61-vjeçare. Shkak për vdekjen e tij është bërë një atak kardi...
TIRANË -Ish-deputetja Albana Vokshi ka akuzuar kryeministrin Edi Rama, për kapjen e Autoritetit të Mediave Audiovizive. Në një deklaratë për mediat, Vokshi...
LUSHNJE- Ministri Bledi Çuçi ishte në Krutje të Lushnjes ku vizitoi një fermë që kultivon manaferra, të cilat shiten kryesisht në tregun vendas. G...
TIRANË- Nënkrytetari i Partisë Demokratike, Edmond Spaho, ka humbur sot një të afërm të tij. Në një postim në Facebook, Spaho shkruan se ka humbur djalin e...
