Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
GJERMANI– Kryeministri Edi Rama ka dhënë një intervistë për BILD, median gjermane që njihet në Shqipëri për përgjimet e bujshme që ka publikuar për dosjet ‘339’ dhe ‘184’.
Pasi deklaroi se do ta hidhte në gjyq këtë medie për publikimin e atyre përgjimeve, kryeministri deklaroi se ishte tërhequr, pasi takimi me shefat e ‘Bild’ i kishte shkuar në mënyrë fantastike. Dhe tashmë, si për ta konsoliduar këtë miqësi, kryeministri i Shqipërisë, është shfaqur në këtë media, me anë të një interviste ku flet për koronavirusin në Ballkan.
I pyetur nëse një vend si Shqipëria, apo Ballkani, po kthehen në një rrezik për shtetet e tjera, në lidhje me infektimet me Covid-19, Rama tha se nuk mendon se shtetet e Ballkanit paraqesin kërcënim për Gjermaninë apo ndonjë tjetër në Bashkimin Europian, sepse në fund të fundit shifrat flasin vetë. Numrat e lartë janë për këdo një kërcënim. Kryeministri shtoi sen ë botë po luhet me shifrat e të infektuarve, ndërsa sipas tij, Ballkani dhe Shqipëria janë treguar transparentë.
Përsa i përket termit ‘mafia ballkanike’, Rama tha se e gjitha kjo është një politikë. “Kjo është politikë, sepse nuk ka Korona Ballkanike, nuk ka Mafia Ballkanike dhe as Tërmet Ballkanik ose Sëmundje Ballkanike. Por, politika ndonjëherë ka nevojë – dhe në ditët e sotme gjithnjë e më shumë – për këto shenja dalluese për të arritur te njerëzit. Sigurisht që na trishton, por jemi mësuar me të. Nuk është hera e parë. Ne duhet të merremi me këtë stereotip dhe të përpiqemi të shpëtojmë prej tij,”– u shpreh kryeministri.
I pyetur për një këshillë që do t’u jepte gjermanëve, që do të donin të vizitonin Shqipërinë, kryeministri kujtoi Franz Josef Strauss.
BILD: Zoti kryeministër, janë vendet tuaja që fajësohen pjesërisht për këtë fakt. A po rriten të prekurit me koronavirus?
Rama: Unë nuk mendoj se shtetet e Ballkanit paraqesin kërcënim për Gjermaninë apo ndonjë tjetër në Bashkimin Europian, sepse në fund të fundit shifrat flasin vetë. Numrat e lartë janë për këdo një kërcënim. Por kur mendoj se Kina ka pesë raste sot dhe Shqipëria ka 100, atëherë ka diçka që nuk shkon. Dua të them që ka shumë lojëra në veprim me numrat. Ne kemi vendosur të jemi jashtëzakonisht transparent në këtë drejtim. Sigurisht, pas hapjes, u përballëm me një sfidë që ishte më e madhe, sepse ka të bëjë edhe me sjelljen e të gjithë qytetarëveve.
BILD: Por, përsëri: A është Shqipëria pjesërisht fajtore për numrat në rritje në Gjermani?
Rama: Unë kam prirjen të mos pajtohem me këtë, jo sepse unë duhet të mbroj vendin tim, por për shkak të matematikës së thjeshtë. Është e pamundur për ne, për sa i përket numrave, që të jemi në gjendje për të ndikuar te një vend i madh si Gjermania apo shtete të tjera ballkanike të ndikojnë te Franca a vende të tjera të Europës. Dua të them që është më tepër politikë sesa realitet.
BILD: Pse ka akoma një ndalim hyrjeje për njerëzit nga Ballkani?
Rama: Sepse ka BE dhe jo BE. Pra, është shumë e thjeshtë. Ne kemi një ndarje që në terma praktikë vendoset nga ana e BE-së dhe jo BE-së. Për sa i përket numrave, më lejoni të përsëris se ka sigurisht arsye të mira për këtë dhe se ka një kujdes të arsyeshëm në Gjermani dhe në vendet e tjera. Dhe jo rastësisht, Gjermania është mbi të gjitha, pasi ajo po e trajton Covid-in në një mënyrë mjeshtërore.
BILD: A duhet të paguajë Kina për dëmin e shkaktuar nga Corona?
Rama: Unë do të mbroja fuqimisht idenë që të sqarohet se si po ndodh gjithçka. Dhe sigurisht nëse dikush ka luajtur kartat e gabuara, duhet të paguajë. E gjithë çështja është se pse bota nuk u informua në kohën e duhur. Pse ka kaq shumë pyetje në lidhje me karantinën në Kinë dhe udhëtimin falas nga Kina? Këto janë pyetje që nuk duhet të çojnë në teori konspirative, por në një hetim të qartë dhe në një analizë shumë më të plotë. Dhe nëse përfundimi është se luhet në mënyrë jo të pastër, atëherë ata që janë përgjegjës duhet të paguajnë.
BILD: Kthehemi përsëri në Ballkan: çfarë mendoni për pretendimet e bëra nga disa politikanë për një itinerar ballkanik “Korona”?
Rama: Kjo është politikë, sepse nuk ka Korona Ballkanike, nuk ka Mafia Ballkanike dhe as Tërmet Ballkanik ose Sëmundje Ballkanike. Por, politika ndonjëherë ka nevojë – dhe në ditët e sotme gjithnjë e më shumë – për këto shenja dalluese për të arritur te njerëzit. Sigurisht që na trishton, por jemi mësuar me të. Nuk është hera e parë. Ne duhet të merremi me këtë stereotip dhe të përpiqemi të shpëtojmë prej tij.
BILD: Çfarë u thoni gjermanëve që duan të shkojnë për pushime në Shqipëri?
Rama: Unë u them gjermanëve që të kujtojnë Franz Josef Strauss. Ai erdhi shumë kohë më parë – në 1984. Ai ishte aq entuziast për Shqipërinë atëherë sa sugjeroi – dhe në atë kohë kishte akoma një regjim komunist – se vendi mund të jetë i hapur për turistët gjermanë dhe duhet të gjendet një rrugë midis Shqipërisë dhe Bavarisë. Sepse mendimi i tij, vizioni i tij, bindja e tij ishte që Shqipëria ishte një parajsë që gjermanët duhet të zbulonin. Pra, nëse gjermanët kanë nevojë për një dëshmitar, ndoshta nuk ka asnjë më të mirë se sa Franz Josef Strauss.
Një vit më parë, media ‘Bild’, bëri xhiron e mediave shqiptare me përgjimet e publikuara nga gazetari gjerman Peter Tiede. Kryeministri Edi Rama lajmëroi një padi ndaj tij dhe më pas u tërhoq, teksa deklaroi se në këtë mënyrë, kishte kursyer disa para nga arka e shtetit shqiptar.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
BE-Këshilli Evropian ka zhvilluar sot një mbledhje, ku temë kryesore ishte kriza politike në Bjellorusi. Gjatë takimin është diskutuar edhe për propozimin e OSB...
TIRANË -Eksperti për Ekonominë pranë Partisë Demokratike, ka reaguar sërish në lidhje me falimentimin e bizneseve. Në një postim në Facebook, Teliti shpreh...
TIRANË -Komisioni për vlerësimin e kandidaturave për përzgjedhjen e kandidatëve për deputetë në Partinë Demokratike po vijon punën intensivisht. Njëra nga...
TIRANË-Kryeministri Edi Rama ka deklaruar se dhënia e librave falas ishte një premtim i qeverive të mëparshme, por që u realizua gjatë qeverisjes së tij. N...
TIRANË- Partia Demokratike ka denoncuar para Ministrisë së Arsimit mungesën e një plani për sigurinë e nxënësve, për fillimin e procesit mësimor në shkolla...
TIRANË -Ish-ministri i Drejtësisë, Ylli Manjani ka rënë pre e hakerave në internet. Një blog në Maqedoninë e Veriut, ka publikuar një postim të datës 17 gu...
TIRANË -Sekretari për Çështjet Ligjore në Partinë Demokratike, Çlirim Gjata, ka reaguar në lidhje me vendimin e Prokurorisë së Posaçme...
TIRANË- Ministrja e Arsimit, Besa Shahini ka dhënë lajmin se këtë vit qeveria do t’i japë librat falas për nxënësit nga klasa e parë deri në klasën e shtat...
“Prsh joq. Ja cfar nderhyrje bon kryetari bashkis shijak ne biznesin e tij privat ne shijak , bon nderhyrje ne mur duke shembur etj etj duket ditur ...
TIRANË -Anëtari në ikje i KQZ, Bledar Skënderi, nëpërmjet një postimi në Facebook, ka bërë me dije, se mandati i tij dhe kolegëve të tjerë tashmë ka mbarua...
