Ekonomi

Qeveria gati ligjin e ri për sistemin fiskal, ja sa do të paguajnë në total bizneset për faturimin elektronik

Ndryshimi i sistemit fiskal lidhet me raportimin e aktiviteti të biznesit tek Tatimet. Të gjitha bizneset, nga 1 janari 2020, edhe pse kanë blerë një kasë 350 euro dhe paguajnë 60 euro në vit për mirëmbajtjen e saj, do të duhet të pajisen me një sistem tjetër kompjuterik.
Featured image of article: Qeveria gati ligjin e ri për sistemin fiskal, ja sa do të paguajnë në total bizneset për faturimin elektronik Foto ilustruese

TIRANË- Kryeministri Edi Rama e njoftoi dy javë më parë se sistemi i faturimit elektronik për bizneset do të ndryshojë. Rama tha se kjo është zgjidhja e vetme, në një kohë kur informaliteti është rritur.

Ndryshimi i sistemit fiskal lidhet me raportimin e aktiviteti të biznesit tek Tatimet. Të gjitha bizneset, nga 1 janari 2020, edhe pse kanë blerë një kasë 350 euro dhe paguajnë 60 euro në vit për mirëmbajtjen e saj, do të duhet të pajisen me një sistem tjetër kompjuterik.

Programi i ri, që do të zëvendësojë atë aktualin në kasat fiskale, bën të mundur raportimin në kohë reale të çdo transaksioni që bën biznesi.

Administrata Tatimore do të ketë informacion dhe pasqyrim për secilën faturë të lëshuar dhe të paguar me para në dorë ose në mënyra tjera në kohë reale, nëpërmjet një lidhjeje interneti me tatimpaguesin, institucionet financiare ose ndërmjetësit financiar”.

 Tarifa e kostove dhe e shërbimeve administrative për nënshkrimin elektronik, së bashku me pajisjen përkatëse për organet dhe institucionet e administratës publike, do të ofrohet me tarifë 0 (zero) lekë.

Për subjektet private do të ofrohet me tarifë fikse prej: – 6 400 (gjashtë mijë e katërqind) lekësh, përfshirë TVSH-në për pajisje me usb Token; – 7 300 (shtatë mijë e treqind) lekësh, përfshirë TVSH-në për asistencë teknike 12-mujore. Pagesa e kësaj tarife kryhet nga subjektet private në momentin e aplikimit on-line për kryerjen e veprimeve dhe procedurave, nëpërmjet pagesës elektronike në portalin e-Albania. Në total, bizneset do të paguajnë 137 mijë lekë të vjetra, ose 13 mijë e 700 lekë të reja.

Po kasat fiskale?

Ministria e Financave pretendon se shumica e kasave fiskale do ta suportojnë programin e ri. Programi i ri do t’i kushtojë biznesit rreth 60-80 euro në vit. Nëse kasat nuk e suportojnë? Atëherë Financat kanë menduar që programi të instalohet në kompjuterët e shitjeve që ka çdo biznes. Programi mund të instalohet edhe në telefonat smart dhe të lidhet me një printer fiskal.

Faturat e printuara, menjëherë do të jenë të raportuara edhe në Tatime. Pra, kostoja e një biznesi nga 1 janari do të shtohet me të paktën 100 euro në vit, në mënyrë që Tatimet të jenë në gjendje të kontrollojnë çdo veprim të tij. Nga ana tjetër, bizneset nuk do të pagujnë më rreth 60 euro në vit për mirëmbajtjen e kasave, ndërsa kostoja e kasave që nuk e ndërthurin dot programin e ri fiskal, mbetet tek biznesi.

Shto Koment