Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Qeveria “Rama” ka gjetur një “zgjidhje” për të kënaqur pjesën më të madhe të kompanive që kanë fituar kontrata publike gjatë mandatit të saj, duke u dhënë nga një kontratë miliona-euroshe në kuadër të procesit të Rindërtimit, pas dëmtimeve të tërmetit të 26 Nëntorit. Fondi Shqiptar i Zhvillimit, i cili u ngarkua për të menaxhuar pjesën e luanit të fondit për ndërtimit dhe rikonstruksionin e godinave publike të dëmtuara nga lëkundjet sizmike, ka publikuar së fundmi rezultatet e një seri të gjatë tenderash, me vlerë disa dhjetra miliona euro.
Nga të dhënat e publikuara prej Agjencisë së Prokurimit Publik rezultojnë të paktën dy të dhëna interesante;
– E para, të gjitha kompanitë kanë fituar vetëm nga një tender;
– E dyta, vlera e tenderave të fituara nga secila prej tyre është e përafërt dhe, në përgjithësi, varion nga 150 milionë deri në 250 milionë lekë të reja pa TVSH.
Megjithatë, ka disa kompani që kanë fituar kontrata me vlerë më të lartë se mesatarja e përgjithshme.
“Boldnews.al” ka konsultuar të dhënat zyrtare dhe ka hartuar dy lista, ku në njërën janë renditur kompanitë kryesore të cilat kanë fituar si operator i vetëm, ndërsa në tjetrën, ku janë paraqitur si bashkim operatorësh.
Operatorët e vetëm
Kompania “Gener 2” e biznesmenit Bashkim Ulaj rezulton që ka fituar kontratën me vlerë më të madhe, deri tani, për procesin e rindërtimit, me vlerë 576 milionë lekë të reja.
Pas saj vjen “4 A-M”, një shoqëri që gjatë viteve të fundit ka shënuar një rritje të ndjeshme në kontratat e fituara nga autoritetet shtetërore për punë publike.
Më tej renditet “Geci” shpk, e biznesmenit Ramë Geci, pronar, ndër të tjera, edhe i hotel “Tirana” (15-katëshit), si edhe investitor i një godine 30-katëshe në qendër të Tiranës. Lista e kompanive që kanë fituar kontrata mbi 1 milion euro si operator të vetëm vijon me kompanitë “Gjoka Konstruksion”, “Agi Kons”, “Alb-Star”, “Gjikuria” dhe “Trema Engineering 2”.
Bashkimi operatorësh
“GPG” shpk e biznesmenit Paqsor Buzi është kompania kryesore që ka fituar kontratën më të madhe si bashkim operatorësh në tenderat e zhvilluar nga Fondi Shqiptar i Zhvillimit, në kuadër të procesit të Rindërtimit. Vlera e kontratës është 323 milionë lekë të reja.
Në vend të dytë renditet një bashkim operatorësh, i drejtuar nga kompania “Fusha” shpk, kontraktorin më të madh të Bashkisë së Tiranës.
Kjo listë vijon me kompaninë “Colombo”, e cila ka rritur ndjeshëm gjatë vitit të fundit numrin e kontratave me entet shtetërore për punë publike.
Më tej, gjenden bashkimet e operatorëve të udhëhequr nga kompania “Curri”, “Euro-Alb”, shoqëria “2T” me pronar Artan Sako, vëllain e Komandantit të Gardës së Republikës, Gramoz Sako
Në vijim, kontrata në formën e bashkim operatorësh kanë fituar edhe disa kompani të tjera, të përmendura gjerësisht në publik;
– “Vëllezërit Hysa”, të cilët menaxhojnë pjesën më të madhe të punëve publike në qarkun e Elbasanit. Kjo kompani ishte pjesë e hetimeve për rrugën “Elbasan-Gjinar”, për të cilën prokuroria nuk arriti të finalizonte çështjen në gjykatë.
– “Alb Building”, e cila ka fituar, ndër të tjera, kontratën për ndërtimin e “by-pass-it” të Fierit dhe Bulevardit të ri në Tiranë.
– “Salillari”, kompani e cila fitoi tenderin 20 milionë euro për ndërtimin e dy kilometrave rrugë fushore në aksin “Pallati me Shigjeta-Sheshi Shqiponja”, në kuadër të Unazës së Re të Tiranës.
– Një kontratë rindërtimi ka fituar edhe bashkimi i operatorëve, i udhëhequr nga “Dajti Park 2007”, kompani e themeluar nga administratori i Njësisë Dajt, Kujtim Qefalia dhe e drejtuar prej vëllait të tij, Lulzim Qefalia. Vëllai i tretë i tyre është deputeti i Partisë Socialiste, Xhemal Qefalia.
– “Biba X”, kompani e cila ishte pjesë e fituesve të parë të tenderit për Unazën e Re, procedurë që u anulua pas shpërthimit të skandalit ‘DH-Albania”.
– Lista vijon me bashkimin e operatorëve të udhëhequr nga “Kevin Konstruksion”, si edhe nga shoqëria me seli në Lushnje, “Llazo” shpk.
Një kontratë me vlerë më të vogël se të parat ka fituar edhe bashkimi i operatorëve, i drejtuar nga “R&T” shpk.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
SHIJAK– Luçiano Boçi, ish-deputet në Partinë Demokratike dhe kryebashkiaku i Shijakut, Elton Arbana, janë përplasur ditën e sotme në distanc...
SHIJAK– Kryebashkiaku i Shijakut ka shkuar se Luçiano Boçi, është një turp për shoqërinë.Teksa vijojnë replikat, pas denoncimit të Partisë D...
TIRANË– Ish-deputeti Luçiano Boçi i është përgjigjur Elton Arbanës, i cili u shpreh se përsa u përket akuzave të të parit se shteti nuk...
TIRANË– Kryetari i Partisë Demokratike, Lulzim Basha është shprehur se kryeministri Edi Rama po e keq-qeveris Shqipërisë. Përmes një statusi në rrjet...
TIRANË- Ish- deputetja e Partisë Demokratike Grida Duma ditën e sotme ka ndarë një vdieo në rrjetet sociale ku tregohen pamje nga Laçi, ku shihen pa...
TIRANË– Kryeministri Edi Rama ka reaguar sërish në lidhje me marrëveshjen Kosovë-Serbi, të nënshkruar në SHBA, me ndërmjetësimin e Presidentit Donald Trum...
PWRRENJAS- Kryetari i Grupit Parlamentar të Partisë Socialiste Taulant Balla dirtën e sotme ka zhvilluar një takim me Asamblenw e PS- të Përrenjasit.Gjatë fjali...
TIRANË– Këshilli i Ambasadorëve Shqiptarë përmes një deklaraate ka përshëndetur nënëshkrimin e marrëveshjes mes Kosovës e Serbisë me ndërmjetësimin e Shtet...
VLORË– Bashkia e Vlorës ka fituar gjyqin në gjykatën e Arbritazhit në Paris ndaj kompanisë franceze “Tis Park”. Lajmin e ka bërë të ditur kryebashkiaku i q...
