Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË-Presidenti i Republikës, Ilir Meta me anë të një ceremonie solemne, dekoroi me Titullin e lartë “Mjeshtër i Madh” peshëngritës të spikatur, me kontribute të rëndësishme për zhvillimin cilësor të këtij sporti në vendin tonë.
Kreu i Shtetit dekoroi peshëngritësin e shquar, z.Vehap Xhindoli “Në shenjë vlerësimi për veprimtarinë e shquar sportive, si një nga figurat historike të peshëngritjes së qytetit të Elbasanit, me kontribut të çmuar si sportist e trajner i suksesshëm, duke ngritur lart emrin e prestigjin e peshëngritjes shqiptare.”
Esat Ademi “Në shenjë vlerësimi për kontributin e çmuar në sportin e Peshëngritjes, si sportist Kampion me ekipet ‘Vllaznia’, ‘Partizani’ dhe Ekipin Kombëtar. Drejtues i suksesshëm i Federatës së Peshëngritjes, me rezultate të larta në arenën kombëtare dhe ndërkombëtare.”
Ilir Çelaj “Në shenjë vlerësimi për kontributin e shquar si trajner i rezultateve të larta në sportin e Peshëngritjes të ekipit ‘Elbasani’ dhe Ekipit Kombëtar. Figurë e shquar e sportit në qytet, shembull në përgatitjen e sportistëve, duke ngritur lart emrin e prestigjin e peshëngritjes shqiptare.”
Endri Haxhihyseni “Në shenjë vlerësimi për rezultatet e larta si Kampion dhe Rekordmen në sportin e Peshëngritjes, me ekipet ‘Elbasani’, ‘Tirana’ dhe Ekipin Kombëtar, të arritura në garat kombëtare dhe ndërkombëtare. Sportist i përkushtuar e peshëngritës i talentuar.”
Gerti Trasha “Në shenjë vlerësimi për kontributin e shquar në sportin e peshëngritjes. Sportist kampion, me rezultate të shkëlqyera në arenën kombëtare dhe ndërkombëtare.”
Në fjalën e Tij përshëndetëse drejtuar sportistëve të dekoruar, familjarëve dhe kolegëve të tyre të pranishëm në ceremoni, Presidenti Meta u shpreh:
“Është një privilegj i veçantë, nderimi i disa personaliteteve të shquara të peshëngritjes dhe të sportit tonë, të cilët me rezultatet e tyre kanë kontribuar, për të përfaqësuar me dinjitet këtë sport në arenën kombëtare dhe ndërkombëtare. Sporti ynë është i mbushur me shumë ngjarje të suksesshme nga peshëngritja, që vazhdon të ushtrohet me të njëjtin pasion, për fat të mirë edhe sot, nga të rinjtë dhe fëmijët shqiptarë. Padyshim, që peshëngritja është pjesë shumë e rëndësishme e historisë së sportit shqiptar, dhe rezultatet e saj na kanë bërë të ndihemi krenarë, nga rekordi botëror i të madhit dhe të paharruarit Ymer Papmuri e deri në medaljet më të fundit të Briken Caljas. Kam kënaqësinë të vlerësoj me Titullin e lartë ‘Mjeshtër i Madh’, veteranin e peshëngritjes dhe të shumë sporteve të tjera, z. Vehap Xhindoli, një personalitet i njohur për sportin e peshëngritjes, por dhe për atletikën, akrobacinë, njëkohësisht edhe themelues i cirkut të Elbasanit. Me punën dhe falë talentit të tij, z.Xhindoli ka thyer 70 rekorde kombëtare, ka fituar titullin Kampion për 8 vite rresht dhe ka shënuar arritje të tjera të shquara. Kënaqësi e veçantë të vlerësoj gjithashtu edhe z.Esat Ademi, një tjetër personalitet i njohur i peshëngritjes, sportist i niveleve më të larta me ‘Vllazninë’, me ‘Partizanin’ dhe me Ekipet Kombëtare, i cili ka arritur të jetë jo vetëm Kampion i vendit, por dhe fitues i shumë Kupave dhe medaljeve. Një kontribut të jashtëzakonshëm ai ka dhënë edhe si President i Federatës Shqiptare të Peshëngritjes, nëpërmjet mbështetjes së talenteve të reja dhe lidershipit të shquar të dëshmuar për arritjen e shumë sukseseve të rëndësishme në veprimtaritë ndërkombëtare të këtij sporti. Është kënaqësi të vlerësoj edhe z.Ilir Çelaj, një nga trajnerët më të njohur të peshëngritjes, jo vetëm të Elbasanit, por edhe të Ekipeve Kombëtare, i cili ka përgatitur kampionë dhe rekordmenë të njohur. Ilir Çelaj mban, që nga viti 1996, titullin e kryetrajnerit me Ekipin Kombëtar të Peshëngritjes dhe e ka përfaqësuar atë, pothuajse në të gjitha aktivitetet ndërkombëtare olimpike, botërore, europiane, Lojërat Mesdhetare dhe Lojërat Ballkanike. Dy peshëngritës të shkëlqyer, kampionë dhe rekordmenë, që i nderojmë me Titullin ‘Mjeshtër i Madh’ janë Endri Haxhihyseni dhe Gerti Trasha, të cilët me rezultatet e tyre në veprimtaritë kombëtare dhe ndërkombëtare, kanë ngritur lart prestigjin jo vetëm të peshëngritjes, por të mbarë sportit shqiptar. Këta sportistë dhe trajnerë janë një shembull frymëzimi për të gjithë të rinjtë dhe fëmijët në vendin tonë, të cilët kanë pasion peshëngritjen. Rezultatet e merituara, që këto personalitete të sportit tonë kanë arritur, janë shembull frymëzimi për edukimin e fëmijëve dhe të rinjve, me modelet më të mira, se si mund të arrihet suksesi me punë e me këmbëngulje dhe në këtë mënyrë të ngrihet lart me dinjitet edhe flamuri kombëtar.”
(E.K/dosja.al)
Iftar dhe politikë, a u prek Muaji i Ramazanit nga politikanët?
BULQIZË– Personi që u plagos ditën e sotme në minierën e Bulqizës është identifikuar si Valter Duriçi, 36 vjeç.Mësohet se në momentin që mini...
SHIJAK– Videoja që shikoni tregon momentin kur një person është afruar pranë shtëpisë së zyrtarit të Partisë Demokratike, Ilgner Vora dhe ka hedhur lëndën plasë...
SHIJAK– Ilgner Vora, kordinatori i Partisë Demokratike në Shijak, të cilit iu vendos mbrëmjen e djeshme tritol në banesë, ka dhënë dëshminë e tij për mediat. Ai...
KORÇË- Një plagosje me thikë ka ndodhur ditën e sotme në Malin e Moravës në Korçë. Mësohet se ngjarja ka nisur në një konflikt çasti m...
TIRANË– Gjykata e Posaçme e Apelit ka refuzuar të lërë të lirë, Ardian Çapjan, duke vendosur masën “arrst me burg” deri në përfundim të...
RRËSHEN– Xhaxhai i 15-vjeçares që u përdhunua në Rrëshen ka deklaruar se gjithsej janë 8 pedofilë të përfshirë në abuzimin seksual ndaj të miturës.N...
SHIJAK– Ilgner Vora, zyrtar i Partisë Demokratike është personi të cilit një natë më parë ju vendos një sasi lënde plasëse në derën e banesës. Vetë Vora është m...
LEZHË– Një 23-vjeçar me inicialet P.D., është shpallur në kërkim pasi rezulton të jetë një nga dy grabitësit që dhunuan dhe grabitën ciftin Gjergj d...
SHIJAK– Dosja.al ju sjell foto nga banesa e Ilgner Vorës, në hyrjen e të cilës u vendos një sasi lënde plasëse një natë më parë. Siç shihet edhe në këto ...
KUÇOVË– Banorët e fshatit Lumas në Kuçovë janë ngritur sërish ne protestë ditën e sotme për mbrojtjen e burimit të Sinecit. Që prej orëve të ...
