Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
I vetmi funksion që kanë ushtarët që mbrëmjen e 21 gushtit ishin ‘heronj’, është ‘roje që i mbrojnë nga zaptimet’.
TIRANË- Ajo që u konisderua si kapja e ‘spiunëve të Putin’ që zuri dhe faqet e para të mediave ndërkombëtare është quajtur sot një histori qesharake nga kryeministri Edi Rama. Ndryshe nga reagimi i parë i kreut të qeverisë pas incidentit të ndodhur në Uzinën e Gramshit, sot, vetë Rama ka eliminuar totalisht mundësinë që ky objekt të ketë qenë në shënjestër të një rrjeti spiunazhi rus.
Mbrëmjen e 21 gushtit, kryesocialisti e konsideroi një temë mjaft delikat incidentin në Gramsh dhe ende pa u zbardhur emrat e personave që ishin kapur aty, u vuri epitetin ‘spiunë’.
“Çfarë trishtimi që edhe kur bëhet fjalë për një ngjarje kaq delikate sa ajo e Gramshit, gjithëfarë gjelash laramanë ia marrin avazit majë plehut të interesave të tyre mizerabël! Po edhe çfarë krenarie për rojet ushtarake që i neutralizuan tre individët e dyshuar për spiunazh! Shërim të shpejtë të lënduarve dhe tani të presim zbardhjen e plotë të kësaj ngjarjeje! "Me u gjet Kola në punë!" është një shprehje popullore që kaq shumë u shkron mbrojtësve të zellshëm të Sigurisë Kombëtare,shfaqur me të gjitha bateritë në ekrane,portale e faqe personale,duke mos lënë gjë pa thënë përveç të vërtetës: Institucionet kanë funksionuar siç duhet!”- tha Rama mbrëmjen e incidentit.
Por, akuzat për spiunazh që ende sot figurojnë zyrtarisht në Prokurorinë e Elbasanit, u ‘rrëzuan’ pak ditë më vonë nga ministrat Bledi Çuçi e Niko Peleshi.
Vetëm dy ditë pasi të gjithë insitutcionet e ‘ngritën’ në këmbë për hetim të një rrjeti spiunazhi, dyshja e ministrave dolën në një konferencë për shtyp nga ku ‘qetësuan’ qytetarët me fjalët: Ka një kategori turistësh që gjejnë uzina të vjetra dhe i kanë si koleksion fotosh dhe kjo nuk bën vepër penale. Të gjitha objektet e fotografuara janë të deklasifikuara. Pa diskutim, ka sot në botë shumë turistë aventurierë që e kanë si qëllim këtë lloj turizmi, për të fotografuar objekte të një karakteri të veçantë, dhe Europa Lindore bën pjesë me këto uzina të vjetra, ne e dimë shumë mirë këtë ndaj do të hetohet për të sqaruar deri në fund këtë ngjarje. Hetimet do tregojnë nëse ishte tentativë spiunazhi apo bëhet fjalë turistë aventurierë.
Gjithsesi Peleshi la dy pista të hapura, atë të tërheqjes së vëmendjes nga një tjetër skenar dhe sulmin kibernetik që iu bë faqeve zyrtare pak javë më parë.
“Nga ana tjetër mund të ketë pasur edhe synim për të devijuar vëmendjen nga një skenar tjetër. Kemi agjenci të inteligjencës, sigurisë dhe mbrojtjes që përpunojnë çdo informacion kryesisht pas nisjes së agresionit në Ukrainë, jemi në Ballkan. Mos harroni sulmin kibernetik,”- tha Peleshi.
E vetmja shkelje sipas ministrave ishte fakti që turistët nuk kishin marrë leje, sepse pavaraësisht se bëhet fjalë për godina të deklasifikuara, nuk mund të futet kushdo që t’i vizitojë.
Por, sot, Rama doli me një tjetër qëndrim. Ai madje citoi edhe ‘meme’-t e përhapura në rrjet dhe tha se incidenti i ndodhur në Gramsh jo vetëm që nuk ka cënuar sigurinë kombëtare, por nuk ka përhapur as panik, pasi qytetarët e kanë marrë me humor.
Kryeministri thotë se hetimet vijojnë, por i duket mjaft qesharake që një rrjet spoiunazhi të futet me makinë sportive në Shqipëri e të fotografojë mbetjet e komunizmit. Për të qarë dhe për të qeshur, kështu e komentoi ai kur tha se të ashtuquajturat objekte të rëndësisë së veçantë janë thjesht karantinë që nuk paguajnë dot as shpenzimet për energji elektrike. I vetmi funksion që kanë ushtarët që mbrëmjen e 21 gushtit ishin ‘heronj’, është ‘roje që i mbrojnë nga zaptimet’.
“Nuk kam pasur mundësi të shprehem për këtë. Meqë ma jepni këtë mundësi më lejoni të them që mjegulla e ngritur mbi të ashtuquajturat objekte të rëndësisë së veçantë ishte për të qarë dhe për të qeshur. Ato nuk janë as fabrika që prodhojnë armë. Ato janë karakatina të deklasifikuara si objekte të rëndësisë së veçantë. Kanë statusin e SHPK-ve të falimentuara. Janë deri në pikën kur për shkak se nuk kanë mundësi të paguajnë dritat ju priten edhe dritat. Kanë disa roje për ta mbrojtur nga zaptimet. Të thuash që po bëhej spiunazh duke fabrikuar mbetjet e komunizmit është shumë qesharake. Ajo që duhet të na shqetësonte është këta persona çfarë qëllimesh të vërteta kanë në vendin tonë. Një mision spiunazh me veturë sportive e cila duket sikur thërret aman hajdeni dhe më kapni është qesharake. Ajo që duhet t’ju shqetësonte ju vërtetë është se çfarë qëllimi kanë pasur në të vërtetë. I takon hetimit të nxjerrë më shumë, shqetësimi ynë është ku ka qenë qëllimi i vërtetë, përveç krijimit të kësaj mjegulle që në fund të ditës i shërbeu një segëlldie. Të shohësh dy spiunë që vijnë me makinë sportive…Pashë që njerëzit bënë shumë humor dhe nuk ka pasur as panic jo. Duhet të shohim nga hetimi dhe nga gjykimi se ku është qëllimi i vërtetë, nuk ka lidhje me objekte. Dikur flitej për predha e raketa supersonike, sot të flasësh për cënim të sigurisë kombëtare se u shfaqën disa personazhe…të dyshimtë, po. Është e vërtetë. Këta persona që për fat të mirë u ndaluan nga rojet që bënë detyrën e tyre, janë të dyshuar, kjo është e qartë, por çfarë fshihet pas gjithë kësaj shfaqjeje që mori mendjen e të gjithë dynjasë. Do dale,”- than ë fjalën e tij kryeministri.
Belinda Balluku VLORË- Është hapur ditën e sotme në mënyrë provizore segmenti i ri rrugor Palasë-Dhërmi....
Edi Rama TIRANË- Kryeministri Edi Rama do të mbledhë këtë fundjavë ministrat e kabintetit të tij për një &lsqu...
Bajram Begaj dhe Xavier Bettel TIRANË- Presidenti i vendit Bajram Begaj ka pritur sot në një takim kryeministrin e Luksemburgut Xavier ...
Ilir Meta TIRANË- Kreu i Partisë së Lirisë Ilir Meta ka komentuar edhe lajmin mbi shkarkimin e Edvin Shvarc, djalit të Robert Shva...
Edi Rama dhe Florian Marku TIRANË- Kryeministri Edi Rama do organizojë ditën e nesërme ceremoni nderimi për kampionin e boksi...
Ilir Meta TIRANË- Kryetari i Partisë së Lirisë, Ilir Meta ka sfiduar hapur kryeministrin Edi Rama se opozita është e gatshme ...
Ilir Meta TIRANË- Kreu i Partisë së Lirisë Ilir Meta e ka mbështetur Kreun e Partisë Demokratike Sali Berisha në paralaj...
Ilir Meta “Po më habit dhe çudit, do të trembem unë, nga do të trembet unë nga e vërteta. Ilir Meta kur firmos m...
Ilir Meta TIRANË- Kreu i Partisë së Lirisë Ilir Meta i ka konsideruar shpiefje akuzat e ngritura nga media austriake ndaj tij, për...
Ilir Meta TIRANË- Kryetari i Partisë së Lirisë Ilir Meta e ka konsideruar fletushkë spekulative artikullin e medias austriake&nbs...
