Dita e 27-të e protestës/ Mijëra qytetarë vijojnë revoltën e tyre, kërkohet dorëheqja e kryeministrit Rama: Jepe dorëheqjen!
Dita e 27-të e protestës/ Vijon revolta qytetare ndaj politikave në vend, shqiptarët nisin grumbullimin në shesh 26 Qe...
Dita e 27-të e protestës/ Vijon revolta qytetare ndaj politikave në vend, shqiptarët nisin grumbullimin në shesh 26 Qe...
"Analizat do të vërtetojnë shkakun"/ Helmimi i 64 kursantëve në Akademinë e Sigurisë, Salla: Kemi marrë ...
'Revolucioni i Flamingos'/ DW: Çfarë fshihet pas protestave në Shqipëri? 25 Qershor, 21:51 “Nga ky...
Qeveria e shpalli “non-grata”/ Igballe Huduti i përgjigjet Ramës: Dal në protestë kundër padrejtë...
Ai argumenton se arkitektura është historikisht e varur nga mbështetja e pushtetit dhe se një rotacion politik mund të ndikojë negativisht në vijimësinë e zhvillimeve urbanistike në vend
TIRANË- Akuzat se Edi Rama e ka kthyer Shqipërinë në një projekt personal, duke vizatuar një vend sipas dëshirës së tij, forcohet më shumë dhe nga një letër e publikuar në librin ‘Albanian Files’. Në pamje të parë, përmbajtja e saj mund të lexohet si një qasje ironike, por në të vërtet ajo paraqitet si një vlerësim për kryeministrin nga arkitekti holandez Ranier de Graaf.
Reinier de Graaf i ka drejtuar një letër të hapur kryeministrit Edi Rama, më 3 mars 2025, e cila është botuar edhe në librin "Dosjet Shqiptare". Në letrën e tij, ai thur lavdërata për kryeministrin, ndërsa thekson së nën sundimin e tij, Shqipëria ka arritur statusin pothuajse model.
Më tej, de Graaf shpreh shqetësimin e tij për varësinë e arkitekturës nga vendimmarrja politike, ndaj në lidhje me këtë ai sugjeron që Shqipëria të mos ketë më zgjedhje dhe Rama të vazhdojë të qeverisë.
Ai argumenton se arkitektura është historikisht e varur nga mbështetja e pushtetit dhe se një rotacion politik mund të ndikojë negativisht në vijimësinë e zhvillimeve urbanistike në vend.
Gjithashtu, arkitekti holandez parashikon edhe një mandat të pestë radhazi si kryeministër për Ramën, ndërsa shton se pas kësaj Rama mund të vazhdojë si president për gjithë jetën, ndoshta edhe Mbret.
Në fund të letrës, Reinier de Graaf e lidh këtë reflektim me zhvillimet globale, duke theksuar se autokracia po fiton terren në shumë vende, ndërsa shtron pyetjen retorike "Në një botë autokracish, a mund të kemi një autokrat dashamirës me shije?"
Arkitektit holandez, që shpreh admirimin e tij për modelin politik të Edi Ramës, është pjesë e jurive që vendosin për projekte të rëndësishme mbi prona shtetërore të administruara nga Korporata Shqiptare e Investimeve. Konkretisht ne 29 Janar, KSHI e njofton emrin e arkitektit holandez, Reinier de Graaf si vendimmarrës anëtar jurie në projektin për Korpusi i Inspektorateve dhe Shtëpia e re e fëmijëve “Zyber Hallulli”.
Letër
Letër e hapur drejtuar Edi Ramës
Kryeministri i Republikës së Shqipërisë
Roterdam, 3 mars 2025
Shkëlqesia juaj / e dashur Edi,
Ju lutem më falni që ju drejtohem në këtë mënyrë. Ju mund të mos më mbani mend; jemi takuar vetëm një herë dhe unë jam vetëm një nga shumë arkitektë të huaj që punojnë aktualisht në vendin tuaj. Po shkruaj për të shprehur mirënjohjen time për mundësinë për të punuar në Shqipëri dhe gjithashtu admirimin tim më të gjerë për gjithçka që keni arritur që kur u bëtë Kryeministër pak më shumë se një dekadë më parë.
Nën sundimin tuaj, Shqipëria ka arritur statusin pothuajse model. Grupe të shumta fetare dhe etnike jetojnë së bashku në paqe; ekziston një ndarje efektive e kishës dhe shtetit; një popullsi e re punëtore e mban ekonominë në këmbë; pjesëmarrja e grave në fuqinë punëtore është e lartë dhe në rritje të vazhdueshme; Shqipëria po kërkon në mënyrë aktive anëtarësimin në BE dhe, për të mos harruar, ka shije të shkëlqyer në arkitekturë.
Në një botë të padisiplinuar, Shqipëria ka filluar të ndihet si përjashtim shpresëdhënës: bashkëpunimi pro-ndërkombëtar, vlerat pro-progresive dhe, ndoshta më e rëndësishmja, pro-arsyes, një fener drite kundër të gjitha gjasave.
Qëllimi i shkrimit tim, megjithatë, shkon përtej lavdërimeve. Po ju shkruaj sepse jam i shqetësuar. Në këtë moment, partia juaj po kërkon një mandat të katërt radhazi. Mund të shpresoj vetëm që ata të kenë sukses. Është e vështirë të imagjinohet një regjim i ri që kujdeset për arkitektët po aq sa ai aktual.
Profesioni ynë historikisht është varur nga patronazhi politik dhe disa mendime të zymta kanë kaluar në kokën time kohët e fundit. Çfarë do të ndodhë nëse socialistët nuk fitojnë zgjedhjet? A do t'i përfundojë papritur kësaj meke të arkitekturës bashkëkohore? A do të thahet papritur një pus pune në dukje i pashtershëm? A mund të duhet Ushtria e Arkitektëve të ulë armët aq shpejt sa u mobilizua?
Nuk e them lehtë këtë, por për ne arkitektët, do të ishte më mirë që zgjedhjet e ardhshme thjesht të anuloheshin. Madje do të shkoja një hap më tej.
Duke pasur parasysh statusin e qëndrueshëm të Shqipërisë si një mbrojtës i ndriçuar i arkitekturës, profesioni ynë do të përfitonte shumë nëse vendi nuk do të kishte kurrë zgjedhje të tjera, dhe nëse ju, pas mandatit tuaj të pestë radhazi si kryeministër, do të vazhdoni si president për gjithë jetën, ndoshta edhe Mbret.
Ngjarjet e mëdha historike po shpalosen ndërsa flasim. Autokracia po fiton me shpejtësi terren si forma përfundimtare e qeverisjes së shekullit të njëzet e një. Shpresat për një alternativë produktive po shuhen çdo ditë. Ne duket se jemi dëshmitarë të fundit të "Fundit të Historisë". Në këtë kontekst, lutja ime është sa e thjeshtë aq edhe e drejtpërdrejtë: Në një botë autokracish, a mund të kemi një autokrat dashamirës me shije?
E di që ajo që po kërkoj nga ju nuk është një sakrificë e vogël, por ka një rëndësi të madhe. Shpresoj se do ta merrni parasysh./Dosja.al
Foto ilustruese TIRANË- Ministrja e Ekonomisë, Delina Ibrahimaj, ka njoftuar njoftoi miratimin e disa ligjeve, ku fokusi kryesor mbetet...
Edison Memolla TIRANË– Ish-kryebashkiaku i Rrogozhinës, Edison Memolla, do të vijojë të qëndrojë në qeli. Gj...
TIRANË- Deputetja e pavarur, Marjana Koçeku, e njohur si Neomalësorja, ka denoncuar ndërhyrjet që po bëhen në Lumin e Cur...
Armend Muja TIRANË- Ministri i Bujqësisë dhe Zhvillimit Rural, Andis Salla, mirëpriti në Tiranë homologun e tij nga Kosova, M...
Andis Salla TIRANË- Ministri i Bujqësisë, Andis Salla deklaroi gjatë konferencës me gazetarët se institucionet...
François Hollande, Edi Rama TIRANË- Kryeministri Edi Rama ka mirëpritur në Tiranë ish-presidentin e Francës, Fran&cced...
Andis Salla TIRANË- Shqipëria dhe Kosova kanë nënshkruar dy marrëveshje të reja bashkëpunimi për të forcuar pr...
Gjykata e Posaçme TIRANË- Gjykata e Posaçme ka vendosur të lehtësojë masën e sigurisë për ish-drejtorin e ...
foto ilustruese BRUKSEL- Komisioni Europian po harton plane për tu dhënë vendeve kandidate të BE-së përfitime ekonomike p&eum...
Cristina Guarda TIRANË- Eurodeputetja Cristina Guarda ka reaguar lidhur me protestat në vendin tonë, ku ka shprehur mbështjetje dh...
