Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Një rrugëtim mes deklaratave kontradiktore të kryeministrit Edi Rama për Open Balkan...
TIRANË- Kur Serbia, Shqipëria dhe Maqedonia e Veriut, në tetor 2019, paraqitën nismën e tyre, të quajtur "Mini-Shengen", BE-ja sapo e kishte shtyrë hapjen e negociatave të pranimit me Shqipërinë dhe Maqedoninë e Veriut. Kështu që, të tre vendet (me një mbështetje të dyshimtë nga BE-ja që e pretendonin vetëm ata) kishin krijuar vetë një simotër me Bashkimin Europian. Ose të paktën këtë tentuan... Me Malin e Zi dhe me Bosnje-Herzegovinën, me një këmbë brenda dhe një jashtë, Mini-Shengeni i Ballkanit u tërhoq zvarrë nga treshja e miqëve që ishin edhe politikanë, Edi Rama, Aleksandër Vuçiç dhe Zoran Zaev. Më 29 korrik 2021, në Forumin Ekonomik për Bashkëpunim Rajonal që u mbajt në Shkup, nisma mori një emër të ri, “Open Balkan” (Ballkani i hapur).
Në takimin e tre liderëve të rajonit nuk mori pjesë kryeministri i Kosovës, Albin Kurti, i cili për sa kohë ka në pushtet e ka kundërshtuar nismën e “mini-Shengenit”, pasi sipas tij rajoni duhet t’i kthehet agjendës së integrimit në evropian dhe jo nismave që, sipas kryeministrit të Kosovës, janë të dëmshme për shqiptarët. Ndërsa edhe pse jo personalisht, por në emër të qeverisë së Kosovës, Open Balkan e ka cilësuar si një "nismë pa vizion".
Komente këto që Rama i mori "personale".
Në të gjitha takimet e mbajtura, por edhe sa herë që pyetej, kërkonë pjesëmarrjen e Kosovës në nismë, edhe pse nuk e kishte të njëjtën këmbëngulje për vendet e tjera të Ballkanit Perëndimor që nuk nënshkruan asgjë. Disa herë në daljet e tij publike, Rama theksoi se: Kush thotë që kjo është një nismë e projektuar në bodrumet e ish-Jugosllavisë, për të rikompozuar Jugosllavinë dhe për t'i dhënë hegjemoninë Serbisë se ajo është më e madhe, se do të na marrë gjithë çfarë kemi, së pari jeton në një botë paralele, së dyti jeton për politikë në lëkurën e njerëzve dhe jo për rritjen e mirëqenies dhe forcimin e urave mes njerëzve, dhe së treti harron se po të nisemi kështu, atëherë duhet të themi se edhe BE-ja është një Jugosllavi e madhe. Nëse BE-ja është një Jugosllavi e madhe, atëherë kjo nismë do të ishte një Jugosllavi e vogël...Ne jemi këtu për të ardhmen. Çështjet e të shkuarës zgjidhen shumë më lehtë nëse sytë janë nga e ardhmja. Me sytë nga e shkuara nuk ka çështje të së shkuarës si zgjidhje drejt të së ardhmes. Të gjitha këto vende duhet të jenë pjesë e këtij procesi. Unë nuk e kuptoj Malin e Zi për çfarë mendohet. Mendohet se si të zgjidhë problemin me krahun e punës, duke qëndruar i mbyllur ndaj kësaj nisme, që është një problem serioz për të gjitha vendet, por që në Mal të Zi është bërë një problem shumë i madh. Po Bosnja për çfarë mendohet? Sepse e di për çfarë mendohet Kosova dhe në këtë pikë jam absolutisht me një qëndrim të kundërt, sepse për mua të gjitha këto vende duhet të jenë pjesë e këtij procesi dhe duhet të bëjnë maksimumin në këtë proces për veten e tyre, për njerëzit e tyre, për shoqëritë e tyre dhe për të gjithë së bashku.
Megjithatë për Kosovën kishte një këmbëngule të veçantë që të merrte pjesë në "Open Balkan" me pretendimin se takime të tilla do të rregullonin marrëdhëniet me Serbinë.
"Mendoj që edhe ҫështjet e konfliktit, domethënë ҫështjet që shfaqin simptomat e atij konflikti që është në themelin e marrëdhënies në mes të Serbisë dhe Kosovës, janë çështje që me Ballkanin e hapur, me komunikimin e vazhdueshëm, me adresimin e këtyre aspekteve të tjera do të mund të adresoheshin në mënyrë më pozitive nga palët: sepse sa më shumë palët të afrohen, sa më shumë palët të shihen në sy, sa më shumë palët të gjejnë interesa të përbashkëta, jo në teori por në praktikë, sa më shumë palët të krijojnë afinitet si njerëz përtej të gjitha atyre që i përcaktojnë ata si identitete etnike, si identitete fetare apo ҫfarëdo qoftë tjetër, në teori po flas, aq më shumë krijohen premisa për të adresuar konfliktin thelbësor në mënyrë pozitive,"-thoshte Rama në një intervistë të dhënë më 05 Nëntor 2021.
Koha e tregoi se e kishte gabim. 2 vitet e fundit në Veri të Kosovës ka pasur protesta dhe tensione që bënë që edhe ndërkombëtarët të kthenin kokën dhe të uleshin në tryezë për të negociuar me palët. Filloi për çështjen e targave serbe dhe u përshkallëzua me zgjedhjet e pjesshme lokale, ku për herë të parë 4 komunat serbe kishin në krye një kryekomunar shqiptar.
Pavarësisht thirrjeve për uljen e tensioneve, askush nuk dëgjoi! Vuçiç çoi ushtrinë në Veri, ndërsa Kurti nuk bëri asnjë hap pas për të garantuar zgjedhje të reja. Mirëpo çështja shkoi në një tjetër nivel, kur 3 policë të Forcave Speciale të Kosovës u rrëmbyen nga "Cobra-t" e Serbisë. Edhe pas thirrjeve të ndërkombëtarëve, por edhe të kryeministrit të Shqipërisë, Edi Rama për t'i liruar, asgjë nuk ndodhi. Në deklarata për shtyp, kreu i qeverisë shqiptare kërkonte lirimin e tyre, madje dhe duke kërcënuar publikisht se nëse nuk u ofrohej liria, Shqipëria do të ngrinte marrëdhëniet me ta. Kërcënimet, thirrjet dhe lutjet e Ramës, sa në deklarata urgjente për shtyp nga Kryeministria e sa nëpër rrjetet e tij sociale përfunduan në vesh të shurthët. Lirimi i tyre ndodhi vetëm pas negociatave të presidentit hungarez, Viktor Orban. Prej tij, Vuçiç liroi tre policët Rifat Zeka, Beqir Sefi e Mustafë Shemi u pritën nga kolegët e tyre në pikën kufitare në Merdarë dhe më pas të shoqëruar nga makinat e policisë së Kosovës u nisën drejt Prishtinë.
Ramës i mbeti vetëm për të përshëndetur lajmin nga Brukseli ku ndodhej për të folur me Presidentin e KiE, Charles Michel për situatën në veri të Kosovës. Po ashtu, kryeministri bëri thirrje që dy palët t’i rikthehen dialogut dhe të zbatohet plani franko-gjerman, duke mos përmendur më as bashkim në nismën "Open Ballkan" dhe as draftin e tij që u kishte prezantuar ndërkombëtarëve për zgjidhjen e tensioneve në Kosovë dhe në Serbi. Ndërsa me stil, në një intervistë i vuri zyrtarisht drynin procesit të nisur që më 2019.
“Në tetor Shqipëria pret për herë të parë Samitin e Berlinit. Ne duhet të futemi me kokë tani në procesin e Berlinit sepse e kemi këtë mundësi. Ballkani i Hapur ishte një iniciativë që lindi nga nevoja për ta shtyrë përpara procesin e Berlinit dhe e ka kryer atë mision për të cilin lindi,"-kështu u shpreh kryeministri Edi Rama në një intervistë për “Euroneës Albania”.
Ndërkohë ishte ai vetë që deklaronte se të dy nismat ishin komplementare ndaj njëra-tjetrës, e se asnjëra nuk përjashtonte tjetrën.
"Open Balkan është një nismë në përputhje të plotë 100% me frymën dhe germën e BE. Është pjellë e procesit të Berlinit. Në procesin e Berlinit të rifilluar kemi firmosur ato dokumente që ishin firmosur më parë në Ballkanin e Hapur. Nuk kemi arsye të ndryshojmë opinion për Ballkanin e Hapur, mbase ata që janë kundër është e drejta e tyre që të ketë një opinion ndryshe nga Ballkani i Hapur,"-thoshte Rama.
E po i njëjti person, më shtator 2021, nuk i kursente kritikat ndaj Procesit të Berlinit. Në një takim me studentët në Prishtinë, Rama u shpreh se kjo nismë është shumë e ngadaltë dhe se vështirëson punën e fermerëve.
“Ne duhet të bëjmë maksimumin që të zgjerohemi këtu sepse këtu nuk vjen dot Bashkimi Europian dhe të na thotë mos e bëni. Nga ana tjetër, BE ka nisur një process që quhet Procesi i Berlinit, duhet të financohet. Kanë kaluar 7 apo 8 vjet, në aspektin politik ka bërë shumë mirë, sepse të gjashtë Presidentë apo kryeministra ulen dhe bisedojnë, por nuk kemi parë asgjë tjetër. Nuk kemi parë ndonjë urë apo hekurushë. Dhe tjetra është që varet nga ata. Po pse do presim ata të mblidhen njëherë në vit që të flasim për fermerët? Që fermerët të çojnë patate të presim ata? Ne duhet të bëjmë një gjë të thjeshtë, dokumentacioni të mos jetë i shumëfishtë. Që kur bostani të niset nga Konipspoli të mos shkojë si fik i thatë në destinacion. Kur niset nga Italia nuk kontrollohet 7 herë, mjafton origjina, kjo do të thotë rritje qarkullimi e të ardhurave. Po të mbledhësh të gjitha pritjet, bëhen 1 mijë e 100 vite pritje,”- tha Rama ndër të tjera.
Tashmë që ideja e tij dështoi publikisht, duket se Rama zgjodhi rrugën më efektive për t'u tërhequr; la në fuqi të gjitha marrëveshjet dhe ktheu sërish sytë nga Procesi i Berlinit. Projekti "mëmë" për një bashkëpunim rajon, me supervizorë të huaj që rregullojnë marrëdhëniet mes vendeve që duket se ende janë peng i të shkuarës. Ndërsa Rama provoi edhe njëherë shijen e dështimit...të paktën në sferën ndërkombëtare, atje ku vërtetë ka një opozitë të fortë.
Agim Nesho KOSOVË- Ish-ambasadori i Shqipërisë në OKB, Agim Nesho, kritikon ashpër kryeministrin Edi Rama në lidhje me iden&e...
Bill Clinton TIRANË- Presidenti i 42-të i Shteteve të Bashkuara të Amerikës Bill Clinton do të vizitojë për her&eum...
Sonlia Meco TIRANË- Kryeministri Edi Rama ditën e djeshme deklaroi se nismës Ballkani i Hapur i ka ardhur zyrtarisht fundi. Ndërkoh&eum...
Andi Bejtja TIRANË- Sot u shënua fundi i "Ballkanit të Hapur". Ishte kryeministri Edi Rama, i cili në një mëngjes të s&e...
Andi Bushati TIRANË- Analisti Andi Bushati ka shprehur qëndrimin e tij në lidhje me vendimin e përçuar sot nga kryeministr...
Lulzim Basha KORÇË- Lulzim Basha ka zhvilluar një takim me demokratët e Korçës. Ai ka deklaruar se orojekti i tyre ...
Petrit Vasili TIRANË- Nënkryetari i PL-së, Petrit Vasili, ka reguar për daljen nga ‘Ballkani i Hapur’ që kryeministri...
Agron Duka TIRANË- Kryetari i PAA, Agron Duka, duke u ndalur tek fushata e “Nismës Thurje” për të ndryshuar sistemin zgjedh...
Erion Veliaj, Fatmir Xhafaj dhe Edi Rama Vetëm 1 muaj e gjysmë nga përfundimi i zgjedhjeve lokale, pas një fitoreje shqetësuese p&...
Edi Rama dhe Ben Houchen Kryetari konservator i Bashkisë së Tees Valley, Ben Houchen ka refuzuar të deklarojë ne regjistrin shtetë...
