Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Kryeministri Edi Rama takoi sot në Berlin kancelarin gjerman Olaf Scholz me të cilin diskutoi disa çështje me rëndësi. • Takimi zgjati një orë dhe u pasua nga një konferencë mes dy krerëve të qeverive. • Rama e Scholz njoftuan datën e Samitit të Procesit të Berlinit që do të zhvillohet në Tiranë më 16 tetor 2023. • Në takim u diskutua edhe gjetja e një qasjeje bashkëpunuese për kontributin që Shqipëria jep në sistemin shëndetësor gjerman. • Edi Rama u pyet edhe për marrëdhëniet diplomatike të Shqipërisë me Kinën dhe tha se bashkëpunimi është fare normal. • Ndërsa kancelari foli për çështjen e mjekëve si një "efekt" që pason lëvizjen e lirë të njerëze. • Scholz tha se Shqipëria ka bërë përpara në fushën e integrimit, por sfidat për sundimin e ligjit, median e lirë dhe të pavarur dhe sigurinë janë ende në rrugë për më shumë përparime. • Kancelari ishte optimist edhe për arritjen e një marrëveshje Kosovë-Serbi për planin franko-gjerman.
7 artikuj për këtë temë.
BERLIN- Kancelari gjerman Olaf Scholz u shpreh në fjalën e tij gjatë konferencës me kryeministrin shqiptar Edi Rama se në thelb të demokracisë evropiane qëndron media e lirë dhe e pavarur. Scholz tha se kjo garanton një mjedis ekonomik transparent.
“Mediat e lira dhe të pavarura janë pjesë përbërëse dhe thelbësore e demokracive tona europiane. Ndaj kemi nevojë për një mjedis ekonomik me siguri juridike dhe transparent. Integrimi i shpejtë i të gjashtë vendeve të Ballkanit Perëndimor ka rëndësi strategjike”, tha ndër të tjera ai.
Deklarata u bë në nisje të takimit 1 orë me kancelarin gjerman Olaf Scholz, ku u caktua edhe data e Samitit të Procesit të Berlinit që do të mbahet më 16 tetor në Shqipëri./Dosja.al
TIRANE- Kryeministri Edi Rama tha se vendet e rajonit duhet të marrin shembull nga Shqipëria për realizimin dhe efektet e Reformës në Drejtësi. Përpara kancelarit gjerman, Olaf Scholz, Rama tha se Shqipëria e ka ngritur stekën e njerëzve që heton për korrupsion dhe shtoi se në Shqipëri, tashmë drejtësia ka vepruar edhe për njerëz shumë pranë qeverisë.
Përsa i përket samitit është kënaqësi, nder dhe shprehje besimi e qeverisë dhe kancelarit që samiti vjen në rajon dhe vjen në Tiranë. Nuk diskutohet që samiti i dhjetorit ka lënë një gjurmë të thellë te ne dhe kjo është barrë për të fituar respektin dhe për të thelluar rrugën tonë për të qenë një vend gjithnjë e më evropian. Një vend shembull në luftën kundër korrupsionit, jemi vend i vetëm në rajon që falë Reformës në Drejtësi e kemi ngritur stekën atje ku nuk ka qenë. Rajoni duhet të marrë shembull nga ne. Drejtësia nuk do të dijë për pushtetin. Ka ende shumë për të bërë por ka ardhur dita që atë që nuk e besonte askush është bërë fakt. është fakt që njerëz të lidhur me qeverinë shkojnë para drejtësisë. Këto janë shenja domethënëse të një rruge që vazhdon. Procesi i Berlinit është krijuar për ta shtyrë më tej këtë rrugë. Kombinimi i Procesit të Berlinit dhe kombinimi Francë-Gjermani për normalizimin e marrëdhënieve Kosovë-Serbi, e plotësojnë këtë kaudër. Optimistë për të nesërmen e rajonit.
Edi Rama, kryeministër
Deklarata u bë në përfundim të takimit 1 orë me kancelarin gjerman Olaf Scholz, ku u caktua edhe data e Samitit të Procesit të Berlinit që do të mbahet më 16 tetor në Shqipëri./Dosja.al
TIRANE- Kryeministri Edi Rama tha se Shqipëria nuk do të largohet nga nisma "17+1" e inicuar nga Kina. kryeministri tha es ky është një forum nga i cili Shqipëria nuk do të largohet. Sipas tij, Shqipëria nuk ka përfituar asnjë investim kinez ndërsa shtoi se ndërprerja e komunikimit ndodhte vetëm në diktaturë.
Pyetje: Qeveria gjermane po ashpërson kursin e sistemit kinez në sistemin 5G, a duhet t'i largojmë? Shqipëria është pjesë e 17+1, a do jeni aktiv në këtë iniciativë?
Scholz: Bëhet fjalë për zbatimin e ligjeve dhe kompetencat janë në dispozicion për të gjithë. Më shumë nuk kam çfarë të them.
Edi Rama: Shqipëria ka mbajtur një qëndrim të qartë publik madje duke bërë edhe thirrje më të gjitha vendet e Rajonit për të zgjedhur një alternativë për 5G dhe faktikisht e kemi bërë shumë kohë më parë. Në këtë aspekt nuk kemi asnjë problem. Ne jemi pjesë e formatit 17+1 dhe nuk kemi ndërmend që të largohemi edhe pse Shqipëria është vendi që nuk ka përfituar as edhe një investim dhe nuk e di se ku e bazoni këtë bashkëpunim të ngushtë me Kinën. Për arsye historike bashkëpunimi është fare normal. Ideja që ne të largohemi nga forumi për të mbajtur qëndrim për çfarëdo arsye më duket një ide e gabuar. Vendet demokratike që besojnë tek dialogu janë ato që duhet të japin shembullin, pasi ne e kemi kaluar një kohë me një regjim që gati si fliste askujt. Komunikimi duhen të jetë gjithmonë dhe me këdo./Dosja.al
TIRANE- Kryeministri Edi Rama dhe kancelari Olaf Scholz kanë diskutuar në takimin mes tyre edhe për ccështjen e mjekëve shqiptarë që punësohen në Gjermani. Rama tha se janë diskutuar mundësi për të parë sesi "Shqipëria të mos jetë financuesja direkte e sistemit shëndetësor gjerman". Kancelari gjerman pranoi që kjo ccështje është diskutuar por këto janë "pasojat" që vijnë nga lëvizja e lirë.
Pyetje: Ju keni thënë se mjekët shqiptarët në Gjermani ikin dhe duhet të kthehet ky borxh. Dhe ju zoti kancelar, jeni në dijeni dhe a jeni gati të paguani për mjekët që ne sjellim?
Edi Rama: Po, ne e kemi diskutuar këtë çështje, por nuk i kërkojmë dot asnjë vendi, as Britanisë së Madhe që të ndalojë lëvizjen e lirë të kapitalit njerëzor. Apo të atyre që nga Shqipëria duan të sprovojnë veten në tregje, por nga ana tjetër diskutuam me kancelarin sesi të gjejmë mënyra dhe mekanizma që Shqipëria të mos jetë financuesi i drejtpërdrejtë i sistemit shëndetësor gjerman, sepse i kam thënë 1/16 e kostos së arsimimit e paguan Shqipëria. Të gjitha vendet kanë nevojë për forcë të kualifikuar dhe pakualifikuar mesa po shoh. Duhet të gjejmë një rrugë evropiane për të balancuar atë që Shqipëria dhe vendet e tjera humbasin për të rritur cilësinë e jetës në vendet tona.
Olaf Scholz: Ne folëm për këtë. është një sfidë e madhe, arritje shumë e madhe e BE. U ka dhënë shumë qytetarëve ndjesinë e lirisë direkte. Mund të ikësh në çdo kohë dhe të punosh atje ku do. Më kujtohet koha kur kjo ishte e vështirë të bëje. Me këtë liri sot janë lidhur shumë sfida. Por përpunojmë ligjin për emigrimin e fuqisë punëtore. Me këtë hapet tregu i Gjermanisë dhe Evropës.
TIRANË- Kryeministri Edi Rama tha në konferencë e përbashkët me kancelarin gjerman Olaf Sholz tha se mbajtja e samitit të procesit të Berlinit në Shqipëri në 16 tetor do të thellojë bashkëpunimin në rajonin e Ballkanit. Gjatë konferencës për shtyp, në fjalën e tij, kryeministri Edi Rama tha se Shqipëria mbështet plotësisht planin evropian të paqes mes Kosovës dhe Serbisë si zgjidhja e vetme.
"Dua ta falenderoj për mikpritjen dhe angazhimin e tij personal. Për ta mbështetur Shqipërinë dhe BE për këtë periudhë kaq të rëndësishme për ne dhe jo vetëm. Jemi të lumtur që Samiti të spostohet në BE për herë të parë. Tirana është zgjedhur si vendi i zhvillimit të këtij samiti. Do vazhdohet thellimi i procesit. Do trajtohet bilanci dhe objektivat për t'u arritur më tutje edhe më shumë. Shqipëria, qeveria jonë, unë personalisht e mbështesim fuqimisht planin e paqes dhe normalizimit mes Kosovës dhe Serbisë, është një plan shumë përmbajtësor dhe realist. Po ashtu, sjell normalizimin e nevojshëm që të dyja palët duhet ta trajtojnë me seriozitet maksimal,"-tha Edi Rama.
GJERMANI- Më 16 tetor të këtij viti, në Tiranë do të mbahet Samiti i Procesit të Berlinit. Lajmin e ka bërë me dije vetë kancelari gjerman, Olaf Scholz gjatë një konferencë të përbashkët në shtyp me kryeministrin e Shqipërisë, Edi Rama.
“Përgatitjet për këtë tani kanë përparuar. Më 16 tetor, samiti do të zhvillohet. Samiti i Procesit të Berlinit, për herë të parë në historinë thuajse 10-vjeçare të procesit, do të zhvillohet në një kryeqytet të Ballkanit Perëndimor. Procesi i Berlinit, ka treguar që prej vitit 2014, se çfarë potenciali ndodhet në bashkëpunimin gjithëpërfshirës të 6 shteteve të Ballkanit Perëndimor,”-tha Scholz.
TIRANE- Kryeministri Edi Rama është pritur në një takim nga kancelari gjerman Olaf Scholz. Pamjet e hyrjes në ambientet e zyrës së kancelarit, janë shpërndarë vetë nga kryeministri Edi Rama që në këtë takim shoqërohet nga ministret Mirela Kumbaro dhe Frida Krifca.
POSTIMI I RAMËS:
Rama ndodhet në një vizitë zyrtare në Berlin, ku për 1 orë do të takojë kancelarin gjerman ndërsa në orën 12:30 pritet një konferencë e përbashkët me të./Dosja.al
