"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha e konsideron Carlo Bollinon, pronarin e medias në fjalë, si një njeri të një organizate kriminale. Sipas Berishës, ai gënjen për llogari të atyre që e mbajnë me prona publike, tendera e koncensione.
TIRANË- Ish-kryeministri Sali Berisha ka replikuar me median që sot raportoi se lideri historik i demokratëve kishte kërkuar një takim me ish-Sekretarin Amerikan të Shtetit Mike Pompeo, gjë që ishte refuzuar. Konkretisht, Shqiptarja.com në një artikull të publikuar sot, shkruan se në mënyrë ekskluzive ka mësuar se stafi i Mike Pompeo ka pranuar se ka patur një përpjekje të ish-Kryeministrit Sali Berisha për të krijuar një takim me ish-Sekretarin gjatë qëndrimit të tij në Tiranë, madje dhe spontanisht në korridoret e hotel Mak-Albania (ish-Sheraton). Në artikull shkruhet se ekipet e sigurisë janë njoftuar për këtë fakt dhe janë njohur me fotografinë e Berishës për të parandaluar prezencën e këtij personi në mjediset ku do të ndodhej Pompeo. Por, Berisha e ka mohuar një gjë të tillë. I pranishëm në një takim me demokratët e Beratit, Berisha sqaroi se nuk ka kërkuar kurrë takim me të dhe se aludimet e ngritura janë shpifje dhe trillim. Më pas një status të publikuar nga drejtoresha e komunikimit për mediat, Floriana Garo, Berisha e konsideron Carlo Bollinon, pronarin e medias në fjalë, si një njeri të një organizate kriminale. Sipas Berishës, ai gënjen për llogari të atyre që e mbajnë me prona publike, tendera e koncensione.
Artikulli i Shqiptarja.com:
Vizita e Mike Pompeo në Tiranë 2 ditë më parë duket se e ka mërzitur shumë Sali Berishën. Një prej njerëzve më të rëndësishëm të administratës së Trump nuk dënjoi ta takonte as 5 minuta dhe për këtë nuk akuzon dot as Sorosin. Mbështetësit e tij pretendojnë se kur të rikthehet në pushtet Donald Trump, do t’i heqin damkën e “non grata”-s. Por Berisha nuk e pranoi lehtësisht braktisjen e madhe edhe nga ata amerikanë që ai mendon se i ka aleat. Burime për Report TV pranë stafit të Mike Pompeo konfirmojnë se ka patur një përpjekje të ish-Kryeministrit Sali Berisha për të krijuar një takim me zotin Pompeo gjatë qëndrimit të tij në Tiranë, madje dhe spontanisht në korridoret e hotel Mak-Albania (ish-Sheraton). I njëjti burim konfirmon se ekipet e sigurisë janë njoftuar për këtë fakt dhe janë njohur me fotografinë e Berishës për të parandaluar prezencën e këtij personi në mjediset ku do të ndodhej zoti Pompeo. Ish sekretari amerikan i Shtetit, Mike Pompeo mbërriti në vendin tonë mbrëmjen e së dielës në kuadër të marrëdhënieve diplomatike Shqipëri-SHBA. Në fjalën e tij, Pompeo tha se përkushtimi vijon njësoj dhe uron që miqësia të ketë edhe 100 vite të tjera. Pompeo është një politikan i nivelit të lartë të republikanëve amerikanë, që përpara se të vijë Donald Trump President i SHBA-së. Por ai, u bë mjaft i rëndësishëm brenda kuadrit republikan, pikërisht kur Trump e emëroi Drejtor i CIA-s, pikërisht pasi sektori i inteligjencës u përplas me presidentin për çështjen e influencës ruse në zgjedhjet e 2016-s. Dhe fakti që ai e shmangu Sali Berishën i rrëzon këtij të fundit edhe teorine që mëton ta besojnë se shpallja e tij 'non grata' në SHBA është për shkak të lobimit të Ramës përmes Soros. I mërzitur Berisha i ndërsu edhe Evi Kokalarin që ta baltosë vizitën si “të paguar” dhe kjo tregon pastaj gjendjen e rëndë të situatës. Në aktivitetin për 100-vjetorin e marrëdhënieve Shqipëri-SHBA, Partinë Demokratike e përfaqësoi Enkelejd Alibaj, i cili edhe ai ka pasur një mesazh për Sali Berishën që ka marrë godinën e partitë, edhe pse ende nuk ka një qëndrim të formës së prerë të gjykatës. Alibeaj tha se ka njerëz që duan t’i tregojnë rrugën Amerikës edhe pse vetë kanë humbur busullën dhe janë mbetje të mentalitetit komunist. Gjatë vizitës, Pompou nderua nga Universiteti i Tiranës me titullin Honoris Causa për kontributin e dhënë në ruajtjen e paqes, ndërtimin e dialogut, garantimin e sigurisë dhe thellimin e marrëdhënieve diplomatike mes Amerikës dhe vendit tonë.
Fjala e Berishës me demokratët e Beratit
Shpifin dhe trillojnë se unë kam kërkuar takim me të. Kurrë nuk kam kërkuar takim. Këto ditë patëm një vizitë të ish-sekretarit Mike Pompeu, dua t’ju them se kam ndjerë një trishtim të madh. Absolutisht jo sepse nuk u takova, sepse unë tani jam në një proces. Por çfarë ndodhi miqtë e mi. Kush e ftoi në konferencën e 100 vjetorit ish-sekretarin? Ftesat u shpërndanë nga Taulant Bego Yaris, i cili me të gjithë dokumentat është 56 herë udhëtar me Edmond Begon, të dënuar për trafik droge, i njohur botërisht. Ish-sekretarin e shtetit mund ta ftonte Ministria e Jashtme, Universiteti, bota akademike, institute ndërkombëtar, por që ta ftonte Taulant Balla, e di ç’më kujtoi o miqtë e mi? Më kujtoi Saimir Tahirin në Shtëpinë e Bardhë. Aty shkohet me ministrin e Jashtëm se ka një rregull protokollar, se po shkove me tre, do pritesh me tre. E kanë shumë të studiuar protokollin. Por atij që nuk i shkon kurrë të shkojë aty është ministri i Brendshëm. Ky e mori na e çoi. Por na e çoi në një kohë kur Saimir Tahirin e kishim akuzuar me dokumenta se makina e tij po përdorej për trafik droge nga Habilajt, jo vetëm ne por dhe shefi i anti-drogës Zagani. I njëjti mekanizëm u përdor dhe me Ballën”.
Postimi i Floriana Garos:
Nje shpifje e ulet e Karlo Malavites! Te dashur miq, njeriu qe genjeu boten se shqiptaret vodhen oren e Presidentit Bush, shperndau sot shpifjen e rradhes, sipas te ciles, ish kryeministri Berisha paska kerkuar te takoje ish sekretarin Pompeo, e madje kjo paska sjelle shqetesim tek punonjesit e sigurise ne mjediset e Mac Albania. Kjo eshte nje shpifje e ulet e nje njeriu te cilesuar nga Z. Berisha si anetar i organizates kriminale te Edi Rames, mbasi me firmen e ketij te fundit, ai ka grabitur token e caktuar per ndertimin e gjimnazit te nje zone prej 50 mije banoresh. Eshte krejt e qarte se si ne rastin e vizites se Presidentit Bush ashtu dhe ne ate te Sekretarit Pompeo, detyra e Karlo Malavites eshte te genjeje per llogari te atyre qe e ushqejne me prona publike, tendera dhe koncesione.
(F.m/dosja.al)
Edi Rama TIRANË- Kryeministri Edi Rama u është përgjigjur Presidentes së Koovës Vjosa Osmani e ati jtë Malit të Zi...
Sali Berisha TIRANË- Ish-kryeministri Sali Berisha ka deklaruar se e majta amerikane po kërkon që të zgjedh dhe vendosë kreun e Pa...
Sali Berisha BERAT- Ish-kryeministri Sali Berisha ka komentuar fjalët e Edi Ramës se një i gjatë nuk mund të vjedhë. Gjat&eum...
Sali Berisha BERAT- Ish-kryeministri Sali Berisha ka dekalruar se Edi Rama i ka thurur himn Presidentit serb Aleksandër Vuçiç. Gjatë...
Sali Berisha BERAT- Ish-kryeministri Sali Berisha ka deklaruar se ambasadorja amerikane Yuri Kim në vend u ka kërkuar gazetarëve që t&e...
Demokrati dhe Berisha Një demokrat në Berat ka ndritur sërish një dolli për ish-kryeministrin Sali Berisha. Gjatë fjalës...
Sali Berisha Ish-kryeministri Sali Berisha ka deklaruar se Edi Rama duhet të japë llogari se si e ka firmosur tenderin e djegësve 420 m...
Sali Berisha BERAT- Ish-kryeministri Sali Berisha teksa u ka bërë thirrje demokratëve të votojnë për zgjedhjen e kryetarit t&...
Gazment Bardhi dhe Sali Berisha TIRANË- Përplasje mes ish-kryeministrit Sali Berisha e deputetit të Partisë Demokratike Gazment Bardhi....
Sali Berisha TIRANË- Ish-kryeministri Sali Berisha ka deklaruar se opozita e mëparshme me pasivitetin dhe pazaret e saj nuk kanë ngjall...
