Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
•Këshilli Kombëtar i Partisë Demokratike miratoi sot draftin për primaret për përzgjedhjen e kandidatëve për kryetarë bashkie për zgjedhjet lokale që mbahen vitin e ardhshëm. • U vendos, që për primaret do të votojnë jo vetëm anëtarët e Partisë Demokratike, por edhe simpatizantët e saj. • Në fjalën e tij, Kryetari i Partisë Demokratike, Sali Berisha kërkoi nga anëtarët e Partisë Demokratike që të ndryshohet situata në Parti. •Berisha deklaroi se termi Rithemelim duhet të lexohet dhe kuptohet si një detyrim madhor i çdo demokrati dhe demokrateje. •Ai tha se detyra më kryesore e PD është që të fitojnë mendjet dhe zemrat e qytetarëve shqiptarë.•Po ashtu, kreu i PD ishte kritik për punën e bërë deri tani dhe shtoi se situata brenda partisë nuk është e mirë. •Berisha kërkon të miratohet një plan pune si dhe shtoi se krerët e degëve duhet të mbledhin kryesinë. •Kreu i Këshillit Kombëtar, Edi Paloka ka zbuluar se do të votojnë jo vetëm anëtarët e PD por edhe simpatizantët e PD. •Ai shtoi se pas miratimit të rregullores për primare, do të vijojnë bisedimet me aleatët e se vetë kreu i PD-së Berisha do të jetë negociatori kryesor.
8 artikuj për këtë temë.
TIRANË - Sot, Partia Demokratike do të jetë kontaktet me aleatët për përcaktimin e kandidatëve për zgjedhjet lokale. Kështu deklaroi pas mbledhjes së Këshillit Kombëtar, Edi Paloka. Ai tha se pas miratimit të rregulloreve për primare, do të vijojnë bisedimet me aleatët dhe se vetë kreu i PD-së, Berisha do të jetë negociatori kryesor.
“ Menjëherë pas sot meqenëse ishte procesi i miratimit të rregulloreve të pengesave, do të kontaktojë me aleatët me të cilët do të bashkërendohen puna. Detajet se si do veprohet në rast se do të vendoset që aleatëve t'iu lihet një zonë e lirë, do të përcaktohen gjatë bisedimeve. Sot mbyllëm rregulloren, të gjitha këto do të përcaktohen në ditët në vazhdim. Besoj që vetë kryetari i PD do të jetë negociatori kryesor, z. Berisha ”, tha Paloka.
I pyetur nëse është një protestë për aksionin dhe atë deklaroi se ka marrë vendimet e duhura.
“Është një çështje që ishte në rëndin e ditës, u diskutua dhe u mor dhe vendimet e duhura që ju bëni t'i merrni vesh në momentin e kujdesit”, tha Paloka.
Sa i lidhur me deputetët e tjerë të PD-së, ai tha se janë të mirëpritur. “Deputetët e PD-së janë deputetë të PD-së kudo qofshin. Jane zgjedhur nga anëtarësia e PD-së. Janë mirëpritur në çdo moment dhe sigurisht janë të njëjta me pjesën tjetër, nuk ka asnjë mes nesh”, u Paloka.
TIRANË- Kreu i Këshillit Kombëtar të Partisë Demokratike, Edi Paloka bëri të ditur se për primaret do të votojnë jo vetëm anëtarët e Partisë Demokratike, por edhe simpatizantët e saj. Në një deklaratë për mediat nga selia blu, Paloka tha kryetarët e degëve, nuk do t’i ushtrojnë funksionet e tyre, teksa kandidojnë në primaret.
Ai u shpreh se gjatë kohës që ata do kandidojnë në primaret, funksionet do t’i ushtrojnë nënkryetarët e degëve. Ndër të tjera, Paloka nënvizoi se në mbledhje u vendos që të mbetet balotazhi si proces në primaret.
“Ato që mund të konsiderohen risi nga primaret e fundit janë që në votime, që e përcakton statusi, në votime nuk do të marrë pjesë vetëm anëtarësia e PD-së, por do të marrin pjesë edhe simpatizantët e PD-së. U miratua propozimi i grupit të punës dhe i Kryesisë, sipas së cilëve, kryetarët e degëve që do të kandidojnë në primare, gjatë kohës që kandidojnë në primare, funksionet e tyre do t’i kryejnë një nga nënkryetarët e partisë, së degës. Gjatë primareve, kryetarët nuk do t’i ushtrojnë detyrat e tyre si kryetar.
Nëse do fitojnë në primare, do shpallen kandidatë zyrtarë të Partisë Demokratike për zgjedhjet lokale, statuti parashikon që ata menjëherë nuk janë në pozicionin e kryetarit, por të kandidatit për pushtetin lokal. Nëse nuk fitojnë primaret, do të vazhdojnë të mbajnë postin e kryetarit të partisë. Me vendim, u vendos që balotazhi do të qëndrojë”, theksoi ai.
TIRANË- Ish-kryeministri Sali Berisha gjatë diskutimit me dyer të mbyllura në mbledhjen e Këshillit të PD-së ka thënë se mbështetja e protestës së sindikatës së universitetit më 5 tetor. 'Top Channel' raporton se Berisha ka deklaruar se duhet bërë çdo gjë për të mbështetur dhe garantuar suksesin e protestës.
“ Të dhënat 5 janë nga sindikata e universitetit si ditë proteste. Të gjithë degët do të dërgojnë mundësisht çdo student. Në orën 10 tek Univesiteti Politeknik duhet të jetë në jetë i madh dhe në solidaritet me pedagogët. Mbështetja jonë është e rëndësishme, është protesta e sindikatave. Ne do të bëjmë gjithçka që kjo rifillim beteje me sindikatat ta shndërrojmë në suksesin historik. Duhet të bëjmë gjithçka për suksesin e protestave më 5 tetor ”, tha Berisha.
TIRANË- Kreu i Partisë Demokratike Sali Berisha ka deklaruar se PD-ja ka potencialin e saj dhe se vetëm duhet që t'i arrijnë ato. Gjatë fjalëve të tij në mbledhjen e Këshillit Kombëtar të PD-së, Berisha tha se ata duhet të mobilizojnë çdo gjë në mënyrë që të bindin popullin me fjalë për ndryshimin.
"Bashkëpunëtorët e mi po bëjnë takime, por nuk janë përcjellur në nivele siç duhet. Ne kemi nevojë emergjente. Po t'u bëj një pyetje, ju i keni ndjekur foltoret dhe takimet. U them unë ju, që elementi më spikatës, më i Nuk janë të bukur fjalët e mia. . Po çfarë të deleguari doni ju më shumë se atë mjek, e cila në tre minuta, e bëri radiografinë e sistemit në më të mirën. E dëgjuat çfarë oratoreje. misionareje doni më shumë se çfarë mësuesi që denoncoi atë që po bëhet në arsim. Ne kemi me qindra e pesë oratorë, që duhet të mobilizojmë si misionarë. Ne duhet të jemi misionarë. Dhe misionarët kanë forcën e fjalës. Bind me fjalë. Unë personalisht kam shumë fjalë të demokratëve në takime. Shoh një nivel politik të shkëlqyer. Ata flasin sikur të gjithë analistë, sikur të krimit. Të gjithë këtë e thashë se kemi potenciale të mëdha, por urdhëroni t'i shpalosim," tha Berisha .
TIRANË- Kryetari i Këshillit Kombëtar të Partisë Demokratike Edi Paloka ka deklaruar se gjatë mbledhjes së sotme është vetëm një pikë në rend dite. Gjatë fjalës së tij në nisje të mbledhjes së, Paloka shtoi se pika në rendin e ditës do të jetë për zgjedhjet primare.
"Siç e dini sot në rend dite kemi vetëm një pikë që u kërkua në mbledhjen e Këshillit Kombëtar, shtyrja e rregullores për primaret. Fillimisht do marrë fjalën doktori dhe më pas do kalojmë me procedurën që ndoqën dhe në mbledhjen e fundit. Relatimi është bërë nga Z.Kaso, ju besoj e keni parë të gjithë rregulloren. Do të bëjmë pyetje, vërejtje që do të marrin përgjigje nga sepecialistët dhe më pas do kalojmë në votim sipas nenit apo edhe në tërësi të rregullores," tha Paloka.
TIRANË- Kryetari i Partisë Demokratike, Sali Berisha kërkoi ditën e sotme nga krerët e degëve që të mbledhin kryesinë. Gjatë mbledhjes së Këshillit Kombëtar, Berisha tha se duhet që secili prej tyre të jetë realist dhe të shikojë punën që po bëhet brenda partisë.
'Duhet të jemi realist. Për të qenë realist, duhet të njohim realitetin. Kjo është diçka që pas kësaj mbledhjeje, krerët e degëve të mbledhin kryesinë dhe të bëjnë një plan të detajuar pune për të gjithë aktin dhe takimet në nivel seksioni dhe grup-seksioni. Të deleguarit i keni ju. Po çfarë doni më shumë se fjalën e një mjeku, një inxhinieri, një pensionist.
Bashkë me ta të bëjnë, të takojnë, të trokasin, të verifikojnë. Mos të harrojmë se në zgjedhjet e fundit ne kemi pasur dhjetëra qendra votimi pa komisione. E turpshme, një parti kombëtare që nuk nxjerr dot komisionerë.'- u shpreh Berisha.
TIRANË- Kryetari i Partisë Demokratike, Sali Berisha deklaroi përballë anëtarëve të Partisë se ka marrë informacione për gjendjen e brendshme të saj. Ai u shpreh se situata duhet ndryshuar urgjentisht.
'Dicka tjetër më përcaktuese është mundi dhe djersa që duhet të derdhë çdo njëri prej nesh çdo ditë. Arritja e 7 marsit ishte madhore por jo vendimtare, arritja bëhet vendimtare kur çdo njëri prej jush të pyesë veten çfarë bëra sot, çfarë do bëj nesër për të fituar fitoren e PD. Është një oqean pune, një det pune, ku jemi ne me këtë? Jemi larg. Njeriu nuk ka gjë më të rëndësishme se realizmi, kushti themelor për të ndërtuar punën, suksesin, është të jesh realist. Koha është e veçantë, e rëndë, Shqipëria ka pasur diktatorë të frikshëm ama s'ka pasur kryeministër që tallej me qytetarët si Rama. Dje u thotë e hoqa fashon, sot thotë fasho është në fuqi. Sikur flet për kuzhinën e tij, për oborrin në Surrel, sikur energjinë e nxjerr nga shtëpia e tij dhe i trajton shqiptarët si askush tjetër. Ky ka kullën 14 kate pa leje, i duhet sateliti për ta parë, duhet të vjedhë me satelitët. PD është larg asaj që duhet të jetë. Si të jenë ata do të jemi ne, grup seksioni. Si funksionojnë qelizat tona, ashtu funksionon partia, se vjen një moment që nuk ka më konferenca shtypi, ai moment është votimi, mobilizimi, zhvillohet në nivel seksioni. Ku jemi ne në raport me këtë? Larg. Unë kam marrë gjatë gjithë kësaj kohë informacione, është urgjente ndryshimi i situatës. Askush të mos mendojë se mund të fitohet vetëm me makroaktivitete, jo nuk fitohet me këtë. Në këto kushte fitore nuk shohim, ne vetëm rrimë dhe shohim habira.'- tha Berisha.
TIRANË- Kryetari i Partisë Demokratike, Sali Berisha deklaroi ditën e sotme se detyra kryesore e PD është fitorja e zemrave të shqiptarëve. Gjatë mbledhjes së Këshillit Kombëtar, Berisha tha se PD duhet të qëndrojë e përkushtuar ndaj lirisë dhe vlerave të saj.
'Kjo është një mbledhje e rëndësishme se ne miratojmë rregullat në përputhje me statutin e PD, të zhvillimit të primareve për zgjedhjet vendore dhe disa prej tyre janë të njëjta për zgjedhjet e deputetëve. Ne sot, në përputhje me vendimet statutore, shënojmë një hap të madh si forcë politike e rithemeluar. Unë kërkoj nga ju që termin rithemelim të mos e lexojmë në asnjë mënyrë si një meritë e jona. Termin rithemelim duhet ta lexojmë dhe kuptojmë si një detyrim madhor i cdo demokrati e demokrateje që ka bërë gjithcka që forca politike t'u paraqitet shqiptarëve në parimet e saj të vërteta. Mos harroni se detyra më kryesore e jona është të fitojmë mendjen dhe zemrat e qytetarëve shqiptarë, ashtu siç ishim nuk i fitonim. Kërkohet një ndryshim i madh. Proces i cili jemi sot, në mënyrë që të paraqitetmi, të tregojmë vitalitetin tonë, si një forcë e ndryshuar, forcë politike e cila qëndron totalisht e përkushtuar ndaj lirisë dhe vlerave të saj.'- u shpreh Berisha.
