Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Zhupa thotë se qeveria ka vendosur t’u dhurojë të fuqishmëve, edhe copat e fundit të territorit shqiptar.
TIRANË- Ina Zhupa, depuetja e Partisë Demokratike ka reaguar ditën e sotme pas nismës së 12 deputetëve të Partisë Socialiste për të ndryshuar ligjin për zonat e mbrojtura. Zhupa thotë se qeveria ka vendosur t’u dhurojë të fuqishmëve, edhe copat e fundit të territorit shqiptar.
Sipas saj, ky projektligj është hapi i fundit që zona si Syri i Kaltër të përdoren për tubacione ujore për vendet fqinje, që zona si Vjosa-Narta të legjitimohen për ndërtime dhe infrastrukturë, që zonat si Butrinti, Velipoja dhe Shkodra të mbushen me resorte me emrin ‘investime strategjike’, duke shtuar se ky është përfundimisht shkatërrimi i këtyre zonave.
REAGIMI I INA ZHUPËS:
Qeveria dhe Parlamenti putinian, ndërkohë që kalojnë buxhetin e vjedhjes së taksave të shqiptarëve, ushqejnë, veç oreksit të tyre edhe atë të oligarkëve. Kanë vendosur t’ju ofrojnë më të pasurve dhe të fuqishmëve, edhe copat e fundit të territorit shqiptar, zonat e mbrojtura, që ata t’i shfrytëzojnë për resorte dhe fitime të reja.
12 deputetë të Partisë Socialiste kërkojnë ndryshimin e ligjit ‘Për zonat e mbrojtura’, me qëllim hapjen rrugë të investimeve në ato territore, aktualisht të ndaluara. Përmes një projektligji të depozituar në Kuvend me datë 20 nëntor, duhen të kthejnë zonat e mbrojtura, në zona të pambrojtura, sipas preferencave të pushtetit.
Në nenin 42 bëhen ndryshimet:
1. Në shkronjën ‘p’ të pikës 3, pas fjalëve’ ‘veprimtari tradicionale’ shtohen fjalët ‘dhe ekonomike’.
Ligji aktual e ndalon çdo lloj ndërtimi dhe veprimtarie ekonomike për shkak të dëmeve të pakthyeshme që sjellin në mjedis dhe rëndësisë që ka flora dhe fauna në këto zona.
Ky synim t’i hapet rrugë investimeve brenda zonave të mbrojtura, ka nisur me dy VKM të janarit 2022, ku qeveria hoqi mijëra hektarë nga zonat e mbrojtura, duke i reduktuar ato me 20% të sipërfaqes që kishin.
Tashmë kjo çështje është në gjykatë, teksa organizatat e ndryshme kanë argumentuar se ‘vendimet synojnë të ligjërojnë shkatërrimin e zonave të mbrojtura bregdetare dhe ligatinore të Shqipërisë, duke prekur Liqenin e Shkodrës, ekosistemin Bunë-Velipojë, ligatinat Kune-Vain, Tale dhe Patok, Parqet Kombëtare të Divjakë-Karavastasë dhe të Butrintit, si dhe zonat Vjosë-Nartë e Pishë-Poro’. Por qeveria nuk ndalet as të pres vendimin e gjykatës, por vazhdon me plane shkatërrimtare.
Ky ndryshim ligjor nuk është gjë tjetër veçse garantimi i mbrojtjes ligjore për ndërtimet e paligjshme që janë bërë deri tani në sytë e qeverisë në zonat e mbrojtura, siç është i denoncuar nga Fiks Fare ky solli pamje të 36 ndërtimeve pa leje të bëra në zonën e mbrojtur të Liqenit të Shkodrës. Sipërfaqja e dëmtuar është me mijëra metra katror.
Ky projektligj është hapi i fundit që zona si Syri i Kaltër të përdoren për tubacione ujore për vendet fqinje, që zona si Vjosa-Narta të legjitimohen për ndërtime dhe infrastrukturë, që zonat si Butrinti, Velipoja dhe Shkodra të mbushen me resorte me emrin ‘investime strategjike’. Ky është përfundimisht shkatërrimi i këtyre zonave.
Ju bëj thirrje 12 kolegëve, që ndoshta nuk e dinë se ç’kanë firmosur, të tërhiqen nga kjo nismë dhe mos bëhen vegla pas të cilave fshihen premtimet e Ramës për qoka kombëtare dhe ndërkombëtare. Në prag të festave kombëtare le t’i thërrasin ndërgjegjes atdhetare mbi atë partiake të interesave të shefit të tyre.
Parada TIRANË- Për festat e '28 Nëntorit', për herë të parë do të mbahet në Tiranë “Parada e shqipt...
Safet Gjici TIRANË- Prokuroria e Posaçme kundër Korrupsionit ka përfunduar hetimet për ish-kryebashkiakun e Kukësit Sa...
Sondazhi SPAK-u dhe puna e tij në përgjithësi, apo në raste të çështjeve konkrete, kanë qenë dhe janë k...
Frida Krifca TIRANË- Ish-ministrja e Bujqësisë Frida Krifca wshtw ngwrkuar swrish me detyrw, pasi u shkarkua nga Ministria qw drejtonte.&nbs...
Gazment Bardhi dhe Sali Berisha Diskutimet me dyer të mbyllura në mbledhjen e grupit parlamentar të PD-së ditën e djeshme janë...
Sali Berisha TIRANË- Diskutimet nga mbledhja me dyer të mbyllura e grupit parlamentar të PD ditën e djeshme. Gazetari Osman Stafa p&eum...
Edi Rama TIRANË- Kryeministri Edi Rama edhe pse ka deklaruar shumë herë që nuk i diskuton vendimet e Gjykatave, ka quajtur absurd ...
Edi Rama TIRANË- Kryeministri Edi Rama ka deklaruar se buxheti 2024 ka 250 milionë euro për pensionistët. Në Asamblenë e...
Gazment Bardhi TIRANË-Gazment Bardhi, Kreu i Grupit Parlamentar të Partisë Demokratike ka reaguar menjëherë pas konferencës ...
Edi Rama TIRANË- Kryeministri Edi Rama ka deklaruar se oponionet e akuzës mbi hetimin për ish-Ministrin Ilir Beqaj nuk janë të...
