Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dosja.al ju sjell disa prej skandaleve që kanë rrethuar Lamen për 10 vitet që ka drejtuar Kadastrën.
TIRANË- Artan Lame hoqi dorë nga drejtimi i Kadastrës përtu bërë kryebashkiak, por pa la një pirg me skandale, dosje të grisura, regjistra të dëmtuar dhe qytetarë që me zë e figurë flasin për ryshfetet që u japin sekserëve vetëm që të arrrijnë takime me drejtorët e Kadastrave apo që të marrin një ‘Ok’ prej tyre lidhur me regjistrimin e pronave.
Dosja.al ju sjell disa prej skandaleve që kanë rrethuar Lamen për 10 vitet që ka drejtuar Kadastrën.
Kadastra e Vlorës
Kadastra e Vlorës për shkak të pronave të bregdetit nuk ka gjetur rehati! Në vetëm 10 muajt e vitit 2021, Kadastra e Vlorës ka ndërruar shtatë drejtorë të ndryshëm. Njëri pas tjetrit, drejtorët kanë hequr dorë nga posti i tyre, në mënyrë të pashpjegueshme.
Vetë rejtori i Përgjithshëm i Kadastrës, Artan Lame ka pranuar se lëvizjet e shpeshta në kadastrën e Vlorës kanë ndodhur si rezultat i presioneve kriminale. Ai ka thënë se interesat e larta të tokave të bregdetit në këtë zonë kanë sjellë një situatë të tillë në kadastrën e Vlorës.
Ka pasur presione nga më i vogli dhe në me i madhi pasi ka individë që presin mbi 20 vite për të marrë lejen e legalizimit,”- thoshte Lame.
Akuzat e Partisë Demokratike
Partia Demokratike ka bërë disa kallëzime penale për drejtorin larguar të Kadastrës, Artan Lame të cilin e akuzojnë për përdorim politik të lejeve të legalizimeve. Akuzat datojnë që nga viti 2014. Në atë kohë, Partia Demokratike hodhi akuza ndaj kreut të ALUIZNIT (siç quhej në atë kohë institucioni), Artan Lame duke shtuar se i ka bërë ndere një mikut të tij duke i dhuruar 1.5 mln dollar për një punë të kryer më parë nga vetë punonjësit e ALUIZNIT.
Partia Demokratike e ka akuzuar gjithashtu Lamen, se në mënyrë korruptive i ka falur një truall një subjekti privat. Sipas PD-së, Lame me një leje legalizimi i ka dhënë Hotel Diplomatit 372 metra katrorë tokë, që është sipërfaqja që rrethon këtë hotel.
“Vetë Hotel Diplomati ka bërë kërkesë për të legalizuar vetëm një shtesë kati. Me 14 shkurt, Artan Lame është treguar më i dashur dhe më bujar se sa duhet duke i falur hotelit edhe 372 metra katrorë truall në mes të Tiranës. Kjo është një shkelje e rëndë, një veprim qartazi korruptiv dhe në kundërshtim me ligjin,”- thuhej në denoncimin e asaj kohe.
Kreu i Partisë Demokratike Sali Berisha akuzoi qeveritarët po falsifikojnë, djegin dhe shkatërrojnë dokumentet e pronave të shqiptarëve.
“Para 3 ditësh doli shefi i kadastrës Artan Lame në televizion. Renditi me dhjetëra probleme me të cilat tregonte se kadastra nuk ekziston më, se tapitë fabrikohen te Rruga e Kavajës. Në Kadastrën e Tiranës në 2013 çdo gjë në mënyrë absolute është lënë e digjitalizuar dhe ai me atë dëshmi që ka bërë, ka faktuar se është një kriminel i përmasave të paimagjinueshme,”- tha Berisha duke shtuar se qeveria ka një projekt për grabitjen e pronave.
Ndërtesa tek sheshi Italia
Me firmë të Artan Lames, shteti shqiptar ka humbur disa qindra milionë lekë në vitin 2020 për legalizimin e një ndërtesë katër katëshe në mes të sheshit “Italia”. Kjo ndërtesë është shembur në korrik të vitit 2019 nga Bashkia e Tiranës për t’i hapur rrugën rikualifikimit të sheshit “Italia”, i cili tani është tërësisht i hapur. Pas legalizimit pronarët e ndërtesës janë dëshmpërblyer pas shembjes së ndërtesës. Sheshi i zënë rezultoi të ishte 421.9 dhe jo 348 metra katror sa ishte trualli ne lejen e ndërtimit. Pra dokumenti i legalizimit i miratuar nga institucioni që drejton Artan Lame, hoqi nga xhepat e taksapaguesve disa qindra milionë lekë për t’ja kaluar si kompesim pronarëve të ndërtimit me shkelje të rënda të lejes së ndërtimit. Cila ishte marrëveshja me të cilën u realizua ky legalizim? Lame e mori me vete!
Audio-skandali/ Artan Lame përdor legalizimet për fushatën e Rilindjes
Gazetari investigativ Artan Hoxha nxorri në dritë një tjetër skandal që komprometonte procesin zgjedhor të 25 prillit. Në një material audio që gazetari publikoi, shpalosej qartë se si administrata shtetërore po përdorte procesin e legalizimeve në funksion të fushatës elektorale të Partisë Socialiste. Lame dëgjohej se si udhëzonte punonjësit e tij të mbanin peng rreth 100 mijë legalizime për të mos krijuar pakënaqësi që mund të dëmtojnë PS në zgjedhje. Ndonëse këto ndërtime nuk do të legalizohen, Lame kërkonte që kjo të mos u thuhet qytetarëve të interesuar pasi mund të kalojnë me kundërshtarët në zgjedhje.
Këtë gjë, Kryeministri Edi Rama e justifikoi duke thënë se audio-përgjimi i dalë në media ishte i katër viteve më parë kur nuk ishte ndryshuar ende ligi për legalizimet.
Më poshtë materiali i plotë i publikuar nga Artan Hoxha:
Dëmtimi i regjistrave:
Një tjetër skandal përfshiu Kadastrën një vit më parë, kur vetë Lame denoncoi dëmtimin e regjistrave të pronave në kryeqytet. Përmes njoftimit për shtyp, Prokuroria deklaroi se kishte filluar hetimin kryesisht dhe se kishte regjistruar procedim penal për veprat e “shpërdorimit të detyrës” dhe “zhdukjes dhe vjedhjes së dokumenteve”, por se nuk kishte ende autorë të dyshuar. Gjatë një komunikimi për mediat më 18 qershor 2022, Lame e cilësoi situatën e regjistrave pronësorë në Tiranë si mjaft problematike, por të pakrahasueshme me ‘situatën katastrofike” në kadastën e Durrësit, ku regjistrat u grisën. Sipas tij, nga 2342 regjistra pronash të Kadastrës së Tiranës, vetëm 250 ose 10% e tyre rezultojnë pa dëmtime.
Ai sqaroi se mungojnë tërësisht 515 faqe që rezultojnë të jenë grisur prej regjistrave dhe nuk janë zëvendësuar; me qindra faqe të tjera dyshohet se janë zëvendësuar pasi kanë dallime në ngjyrë dhe në format me faqet e tjera të regjistrave. Lame tha gjithashtu se një kontroll i brendshëm i ASHK-së ka zbuluar se 914 faqe janë dubluar. Sipas Lames, në regjistrat e pronave në Tiranë ka gjithashtu me mijëra faqe bosh që u përkasin pronave shtetërore, por që nuk janë plotësuar në të shkuarën. Më parë, Lame denoncoi publikisht edhe situatën në Kadastrën e Durrësit. Sipas tij, vetëm 15% e regjistrave kanë qenë pa probleme, ndërsa pjesa tjetër ka rezultuar me mungesa të faqeve, faqe të grisura dhe të dubluara. Prokuroria nisi hetimet.
Kulmin e pati Durrësi!
Raporti i KLSH-së nxorri në pah Kadastra e Durrësit po përdoret për vjedhjen e pronave në bregdet përmes dokumenteve të falsifikuara. Në raport, Kontrolli i Lartë i Shtetit bëri me dije se ka ushtruar një auditim në këtë institucion dhe ka parë një sërë pronash të regjistruara me dokumente të parregullta, apo ku manipulohen sipërfaqet. KLSH shprehet se, nga auditimi i procedurave për regjistrimin e pasurive të paluajtshme u konstatuan regjistrime në mungesë të titullit të pronësisë, të dokumentacionit tekniko-ligjor. Gjithashtu evidentohet të jenë bërë ndryshime të zërit kadastral dhe veprime të parregullta në kartelat e pasurive të paluajtshme. Të cilat kanë rezultuar në tjetërsime të paligjshme të pasurive. Të gjitha këto shkelje kanë sjellë tjetërsim pronash, fshirje të pronësisë, si dhe dhënie leje ndërtimi në zona shumë pranë bregut të detit.
Në raport KLSH, ka publikuar disa shembuj konkretë ku duken abuzimet e bëra me pronat. Bëhet fjalë për një truall në Zonën e Plazhit në Durrës. Pronari i vjetër i pronës, A.SH është shprehur se prona është regjistruar në vitin 1995, por në vitin 1997 është zaptuar nga familje të ardhura në Durrës, dhe në vitin 2002 Kadastra iu ka dhënë atyre pronësi për ndërtimet pa leje që ata kishin bërë. Këta të fundit bënë një padi dhe kërkonin certifikim e truallit si të tyrin. Dhe çfarë bëri Kadastra?! Në 2004 lëshoi një certifikatë pronësie për pronarin A.SH, por i ka reduktuar truallin me 338 m2 më pak.
Sipas KLSH, zaptimet dhe përplasjet me pronat kanë ardhur për shkak se, jepen ndërtime pa leje në shkelje të ligjit. Konkretisht, në 65 raste, lejet e legalizimit nuk janë lëshuar brenda afatit ligjor të përcaktuar në ligjin “Për legalizimin, urbanizimin dhe integrimin e ndërtimeve pa leje“. KLSH shprehet se Kadastra Durrës ka vepruar me 2 standarde, lidhur me procedurat e legalizimit. Duke përfunduar procedurën e kualifikimit të disa objekteve brenda ditës. Ndërsa për disa të tjerë është marrë vendimi për kualifikim ose është zbardhur leja e legalizimit mbas disa vitesh.
Ky raport siç duket ka rënë dhe në duart e kryeministrit Ram që e largoi Lamen nga ky post…sigurisht me dorëheqje!
Kryetari i Komisionit të Zgjedhjeve Ilirian Celibashi shpjegoi në “Top Story” detyrimet ligjore që Partia Demokratike ka për t...
Enkelejd Alibeaj TIRANË- Deputeti Enkelejd Alibeaj ka komentuar vendimin e bërë publik sot nga Komisioni Qendror i Zgjedhje lidhur me regjis...
Ilirjan Celibashi dhe Grida Duma TIRANË- Kryetari i Komisionit Qendror të Zgjedhjeve Ilirjan Celibashi është shprehur se Partia Demokra...
Arben Ahmetaj dhe Edi Rama TIRANË- Agjentët e Byrosë Kombëtare të Hetimit dhe prokurorët e Strukturës së Posa&ccedi...
Ina Zhupa TIRANË- Deputetja e Partisë Demokratike Ina Zhupa ka deklaruar se PD e vërtetë ka si kryetar Sali Berishën dhe ka s...
Sali Berisha LEZHË- Kreu i Partisë Demokratike, Sali Berisha ka prezantuar kandidatin për kryetar bashkie në Lezhë në ...
Ilir Meta TIRANË- Kryetari i Partisë së Lirisë, Ilir Meta ka komentuar njoftimin e DEA-s amerikane për Shqipërinë, agjen...
Kur del drejtori i tyre dhe thotë që edhe presidenca nuk i la letrat në rregull. Këta i kanë vënë syrin presidencës t&...
Oerd Bylykbashi TIRANË- Deputeti i Partisë Demokratike, Oerd Bylykbashi ka reaguar pas mbledhjes së sotme të Komisionit Qendror të...
Arlind Qori TIRANË- Beteja për Bashkinë e Tiranës duket se do të fokusohet vetëm mes Erjon Veliajt dhe Belind Këlli&cced...
