Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Kuvendi u mblodh ditën e sotme në një seancë të jashtëzakonshme, aty ku u votuan dekretet e Presidentit Bajram Begaj, për ndryshimet e propozuara nga kryeministri Edi Rama. •Nga dita e sotme, Belinda Balluku do të mbajë postin e zv.kryeministres duke zëvendësuar Arben Ahmetajn. •Ndryshimet në kabinet u miratuan me 106 vota pro dhe 3 kundër. • Po me aq vota u zëvendësua edhe Zef Mazi, nga kryenegociatorja e re, Majlinda Dhuka. •Seanca nisi me debate nga ana e opozitës. Deputeti i Partisë Demokratike Enkelejd Alibeaj dhe kryetari i PD-së, Sali Berisha kërkuan që seanca të shoqërohej me debate. •Propozimi i opozitës nuk u miratua nga mazhoranca. •Taulant Balla, për dosjen ku rezulton se ish presidenti ka qenë bashkëpunëtor i sigurimit të Shtetit, tha se çështja është alarmante dhe kërkohet reflektim serioz e urgjent. • Ndër të tjera iu përgjigj akuzave të Metës se kryetarja e Autoritetit të Dosjes, Genta Sula është patronazhiste. •Sipas tij, vete Meta e ka votuar kur mori detyrën, pasi ishte në krye të Kuvendit. •Pas votimit, Belinda Balluku dhe Majlinda Dhuka, u betuan para Presidentit te Republikës Bajram Begaj.
10 artikuj për këtë temë.
TIRANË- Deputetja e Partisë Demokratike, Jorida Tabaku deklaroi para gazetarëve pas përfundimit të seancës plenare se ajo që ndodhi brenda ishte e papranueshme. Sipas saj, qeveria ka vendosur prioritete të tjera duke i mohuar të drejtën e fjalës opozitës. Deputetja shpreson se në shtator situata do të ndryshoje nga ana e kryeparlamentares mirëpo nuk ka shpresa se do të ndryshojë qëndrimi i kryeministrit Edi Rama.
'Sot parlamenti mohoi kërkesën e PD, u ndryshuan dhe prioritetet e qeverisë. E papranueshme që opozita të mos ketë asnjë hapësirë parlamentare. Besoj se ndryshimi i zëvendës kryeministrit është i papranueshëm. A kishte lidhje me aferën e inceneratorëve. Unë e kuptoj llogoren politike, ne jemi për parimin e hapjes së Dosjeve, ligj që do sjellë ndarjen e Shqipërisë nga tranzicioni. Të gjithë deputetët e parlamentit duhet të bien dakord për hapjen e dosjeve, nuk patëm mundësi që të diskutonim as për rezoltën e Kosovës. Shpresoj shumë që sjellja të ndryshojë në shtator, shpresoj që kryetarja e Parlamentit të dalë mbi palët, nuk shpresoj se Rama do të ndryshojë. '- u shpreh Tabaku.
TIRANË- Kuvendi i Shqipërisë ka votuar ditën e sotme dekretet e Presidentit Bajram Begajt për ndryshimet në qeveri. Dekreti për shkarkimin e Arben Ahmetajt nga posti i zv.kryeministrit dhe emërimi në vend të tij i Belinda Balluku ka marrë 76 vota pro dhe 32 vota kunder nga 108 deputetë pjesëmarres në votim. Po kaq vota mori edhe vendimi për Majlinda Dhokën si kryenegociatore e Shqipërisë me BE-në. Opozita votoi kundër duke mbledhur gjithsej 32 vota.
Balluku mori kështu postin e Arben Ahmetajt, i cili tashmë është një deputet i thjeshtë, kurse Dhuka zëvendësoi në detyrë Zef Mazin.
Seanca e sotme e Kuvendit u zhvillua vetëm për të miratuar ndryshimet në qeveri dhe nuk pati debat, gjë që shkaktoi reagimin e opozitës, të cilët thanë se Nikolla nuk u dha fjalën për të fshehur aferat që sipas tyre është përfshirë kryeministri Rama. Deputeti i Partisë Demokratikie Enkelejd Alibeaj dhe kryetari i Partisë Demokratike, Sali Berisha kundërshtuan vendimin e kryetares së Kuvendit, Lindita Nikollës, e cila nuk lejoi që në sallë të kishte debate.
Kryeministri Edi Rama njoftoi shkarkimin e Arben Ahmetajt nga posti i zëvendës kryeministrit dhe i ministrit të shtetit më 25 korrik. Në vend të Ahmetajt, Rama ka emëruar ministren e Energjitikës dhe Infrastrukturës Belinda Ballukut. Java nisi dhe me ndryshime në disa poste të tjera. Rama ndryshoi dhe Kryenegociatorit me BE Zef Mazin, duke e zëvendësuar me Majlinda Dhukën. Sipas Ramës, tani që prioriteti i Rindërtimit ia lë vendin prioritetit të Negociatave me BE do të ndërrojë edhe profili i ministrave.
TIRANË- Deputeti i Partisë Demokratike, Ervin Salianji ka bërë publike një foto nga seanca plenare, aty ku do votohet për shkarkimin e Arben Ahmetajt nga posti i zëvendëskryeministrit. Në një postim në rrjetin social ‘Facebook’, Salianji mes ironisë shkruan se makineria e plaçkitjes i hoqi fjalën opozitës.
“Makineria e plaçkitjes! I marrin të gjitha, heqin fjalën e opozitës, përdhosin parlamentarizmin!”, shkruan Salianji.
TIRANË- Kreu i Partisë Demokratike, Sali Berisha nuk i ka ndalur akuzat ndaj kryeministrit Edi Rama edhe jashtë parlamentit, duke e akuzuat atë si përgjegjësin kryesor të aferave. Jashtë, në një prononcim për mediat jashtë Kuvendit, Berisha e cilësoi Ramën si padrinon e Arben Ahmetajn, i cili u shkarkua nga posti i zv.kryeministrit.
"Në parlamentit e monizmit të plotë dhe në nenin 110 të saj sanksonon programin dhe përbërjen e qeverisë. Në çdo parlament në botë do të bëhej debat, e ka të qartë Edi Rama, por bën çdo lloj përpjekje për të mbuluar faktin se është padrinoja e Arben Ahmetajt. Unë ia thashë në parlament se qyrkun e hajdutit nuk e heq dot nga shpina. Ai ka firmosur për të vjedhur. Edi Rama ka urdhëruar shumëfishin e Arben Ahmetajt. Përdoret vetëm në raste fatkeqësish natytrore. Edi Rama është firmëtari i famshëm që ka dhënë për tenderin e Sharrës 8 pikë kompanisë së tij. Ja pse nuk lejojnë diskutimin se këto do ua thonim me dokumenta shqiptarëve. Erion Veliaj ka firmosur për miliona euro. Në fakt këshilli ka bërë mbledhje javë më vonë për të miratuar për të hyrë në fuqi dhe për të bërë aktive marrëveshjen. Këta nuk njohin asnjë ligj dhe moral,"-tha Berisha ndër të tjera.
Prononcimi për mediat i kryetarit të PD, Sali Berisha, jashtë sallës së Kuvendit
Në Parlamentin e monizmit të plotë, Edi Rama shkelmon rregulloren e cila në nenin 110 të saj sanksionon debatin Parlamentar për programin, por edhe për përbërjen e Këshillit të Ministrave. Sot ndryshon përbërja e Këshillit të Ministrave dhe në çdo Parlament në botë, përveç Parlamentit të monizmit të plotë do të bëhej debat. Këtë e ka të qartë Edi Rama, por ai bën çdo lloj manovre dhe çdo lloj përpjekje për të mbuluar faktin se ai, Rama, është padrino i Arben Ahmetajt. Ia thash edhe në Parlament, vish çdo lloj xhakete, por qyrkun e hajdutit nuk e heq dot kurrë nga shpina. Kjo është e vërteta. E vërteta është se ai ka firmosur në shkelmim të ligjeve të vendit dhe vetëm e vetëm për të vjedhur. Kontratë me negociata të mbyllura që s’mund të firmosej kurrë nga një kryeministër që do të zbatojë ligjin.
Edi Rama është shumëfishi i Arben Ahmetajt. Ai ka urdhëruar Arben Ahmetajn për prekjen e fondit rezerve të Këshillit të Ministrave që përdoret për fatkeqësi natyrore apo truma të tjera, përdorimin e tij për inceneratorët, qoftë për Elbasanin, qoftë për Fierin. Edi Rama është firmëtari i famshëm që dha për tenderin e Sharrës 8 pikë kompanisë së vet Gugalja-Zoto-Mërtiri. Ja pse nuk lejoi diskutimin, se këto do ia tregonim me dokumente shqiptarëve. Do i tregonim shqiptarëve se vërtetë Ahmetaj është strumbullar i kësaj çështje, por bajlozët e zinj më kryesorë janë Edi Rama, Engëll Agaçi dhe Erion Veliaj. I cili siç e keni marrë vesh ka firmosur për 91 milionë euro duke falsifikuar dokumentin e firmosur prej tij e duke e paraqitur atë si dokument të të gjitha bashkive të Qarkut Tiranë. Duke falsifikuar, duke paraqitur 91 milionë euro të firmosura, të aprovuara nga Këshilli i qytetit të Tiranës, Parlamenti i Tiranës, dhe në fakt, Këshilli ka bërë mbledhjen javë më vonë për të miratuar atë dokument që kishte hyrë në fuqi dhe kishte bërë aktive marrëveshjen. Këta para vjedhjes nuk njohin asnjë pengesë, asnjë ligj, asnjë moral, prandaj sot nuk lejojnë Parlamentin të diskutojë.
TIRANË- 100-vjetorin e vendosjes së marrëdhënieve mes Shqipërisë dhe Amerikës, Sali Berisha do e festojë në Mirditë, ku sipas tij ka shqiptarë të vërtetë.Nga dalja për mediat prej selisë së Parlamentit, Sali Berisha komentoi edhe festimet që janë parashikuar të zhvillohen sot në Tiranë për çeljen zyrtare të negociatave me BE-në.
"Me kaq po ju falënderoj sepse unë po nisem për në Mirditë. Do festoj me mirditorët 100 vjetorin e vendosjes së marrëdhënieve diplomatike me SHBA. Rama bën anti-miting, ndërsa unë do e festoj me shqiptarët e vërtetë dhe jo me nëpunës të paguar të cilët siç patë mesazhet vijnë aty vetëm për të ruajtur kafshatën e gojës dhe vendin e punës.
Në fakt, të kremtosh marrëdhëniet me SHBA me Edi Ramën dhe Taulant Ballën është njëlloj si të shkosh me Saimir Tahirin në ‘Shtëpinë e Bardhë’.
TIRANË- Kreu i grupit parlamentar të Partisë Socialiste, Taulant Balla nga foltorja e Kuvendit deklaroi se nuk mund të ketë debat kur ka ndryshime qeverie. Në përgjigje nga Foltorja për akuzat e Enkelejt Alibeajt, Balla tha se kjo gjë nuk ka ndodhur as në 2007 kur ai u vendos si ministër, edhe pse atëherë opozita e kohës kishte kërkuar debat. Po ashtu, Balla u ndal edhe te kërkesa e Autoritetit të dosjeve për të ndërhyrë Kuvendi për rastin se një politikan i lartë, duke përmendur emrin e ish-presidentit Ilir Meta.
“Kushtetua e miratuar në 98 dhe rregullorja, u ftoj që të gjeni një rast të vetëm që kur ka pasur ndryshime të pjesshme në qeveri, që të jetë zhvilluar debat. Edhe në 2007, kur Alibeaj zëvendësoi Rusmailin unë kërkova debat. dhe kryetarja e asaj kohe dha sqarim se s’ka debat. Kjo është e mbyllur. Nuk ka pasur ndonjëherë debat në këtë pikë. Çështja e një shkrese të ardhur nga Autoriteti i Dosjeve nuk është procedurë, por e meriton sa më shpejt të mundemi që të kemi debat dhe reflektim serioz. Kërkon reflektim serioz që edhe fakti që një sekretar partie e përdhos këtë Kuvend me praninë dhe gjuhën e tij. Tani na doli se Zonja Sula është patronazhiste, se bën detyrën e saj me dinjitet. Na doli patronazhist, dhe dy zotërinj, zoti Marku dhe Vrioni. Ky është turp i madh, nëse ka ngelur më PD duhet të shohë dhe duhet të flasë, e njëjta linjë sikur u sulmua departamenti amerik i shtetit. Duhet t'i japim drejtim çështjeve, autoriteti i dosjeve duhet të rishikojë të gjithë dosjet e politikanëve. Unë shpresoj se dhe PD, nëse doni merrni iniciativën, ne do t'i mbështesim. Ngritja e bashkëpunëtorëve të Shtetit, shërbim terrori në të gjitha majat e politikës, kërkon reflektim. Unë dhe zoti Meta, kur zoti Meta ishte kryetar Kuvendi e kemi mbështetur së bashku zonjën Genta Sula si kryetare e Autoritetit. Pak javë më parë e votuam me konsensus. Genta Sula na doli patronazhiste,"-tha ndër të tjera Balla.
TIRANË- Kreu i Partisë Demokratike, Sali Berisha ka reaguar me akuza në seancën e sotme plenare, pas rrëzimit të kërkesës për debat për ndryshmet në kabinetin e qeverisë. Në fjalën e tij, në Kuvend, Berisha tha se kryeministri Edi Rama edhe pse po i shmanget deputetëve, nuk mund ta bëjë për një kohë të gjatë.
"Vendimi për të shkelur rregulloren e parlamentit, e cila garanton debatin për programin dhe përbërjen për Këshillin e Ministrave. Është një akt i pashembullt. Asgjë nuk të heq ty qyrkun e vjedhësit. Ti kërkon t'ua mohosh deputetëve të drejtën e fjalës. Nëse flasin, ju faktojnë shqiptarëve se padrinoja i Ahmetajt e ka emrin Edi Rama. Në emër të ligjit të këtij parlamenti hap debatin siç parashikon rregullorja dhe mos përdorni arbitraritetin. Mos të mendojë Edi Rama se duke i shpëtuar gjykimit në parlament, do i shpëtojë gjykimit në rrugët e Shqipërisë, kurrë jo,"-tha Berisha.
TIRANË- Kryeministri Edi Rama ka zgjedhur që në seancën e fundit parlamentare të vishet me ngjyrën rozë. Kjo është një pamje ndryshe e Ramës, i cili në daljet e mëparshme është shfaqur me kostum të bardhë.
Në këtë seancë do të votohet shkarkimi i zv.kryeministrit Arben Ahmetaj dhe emërimi në këtë post të Belinda Ballukut. Kjo seancë nuk do të shoqërohet me debat. Pavarësisht kërkesës së bërë nga Partia Demokratike disa ditë më parë, Kuvendi e rrëzoi duke mos pranuar debatin.
TIRANË- Deputeti i Partisë Demokratike, Enkelejd Alibeaj mori fjalën dhe akuzoi kryetren e Kuvendit Lindita Nikolla se po i ndërpret deputetëve të drejtën për të folur për ndryshimet e bëra nga kryeministri Edi Rama. Në fjalën e tij në Kuvendin e sotëm, Alibeaj tha se kjo ishte shkelje e Rregullores së Kuvendit, e se për 'çështje' të tjera si ajo e Autoritetit të Dosjeve, Nikolla e kishte telefonuar me urgjencë.
“Ka tre ditë që kam kërkuar që kjo seancë të nisë me debat. Ajo që diskutohet sot është shkarkimi dhe emërimi i ministrave. Ministrat nuk janë ekip basketbolli, hiq një mbrojtës vendos një sulmues, janë njerëz që marrin topin që është fati i shqiptarëve. Sot ju s’keni asnjë të drejte për ti bërë shqiptarët të kuptojnë se kush po i qeverisë. Zonjë është e udhës që sot, tani në këtë seancë ju tu ktheni parlamentin deputetëve edhe shqiptarëve. Të dëgjojmë, të diskutojmë dhe të shqyrtojmë aktet e para të presidentit të republikës. Më thirrët dje në pikë të mëngjesit e pataksuar nga dosja e Autoritetit të Dosjeve. Autoriteti nuk e ka të drejtën të paraqesë kërkesë për ndryshim ligjor, por duhet që çdo procedurë ligjore të diskutohet. Por sot që ky Parlament duhet të diskutojë kontrollin e ndryshimeve në qeveri kok është e papranueshme. Ju keni detyrimin që sot në këtë parlament të drejtën e fjalëve t’ia jepni deputetëve. Se shqiptarët janë ulur sot para Parlamentit të që të shohin e dëgjojnë pse ka ikur njëri dhe ka ikur tjetrit,”- tha Alibeaj.
TIRANË- Seanca e posaçme parlamentare për ndryshimet në qeveri ka nisur ndryshe për Arben Ahmetajn. Sot, Ahmetaj ka zbritur nga kabineti dhe është ulur në Kuvend si një deputet i thjeshtë. Ai është ulur në krah të sekretarit të Partisë Socialiste, Damian Gjiknuri.
Në këtë seancë do të votohet shkarkimi i zv.kryeministrit Arben Ahmetaj dhe emërimi në këtë post të Belinda Ballukut. Kjo seancë nuk do të shoqërohet me debat. Pavarësisht kërkesës së bërë nga Partia Demokratike disa ditë më parë, Kuvendi e rrëzoi duke mos pranuar debatin.
