Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndërkohë që theksoi se do të rriten pagat për të gjithë personelin mjekësor duke nisur nga infiermjerët dhe deri te mjekët.
TIRANË- Kreu i Partisë së Lirisë Ilir Meta ka prezantuar sot programin për shëndetësinë. Gjatë një tryeze për shëndetësinë, Meta u shpreh kur të vijnë në pushtet të gjitha ilaçet e pensionistëve do të rimbursohen. Ndërkohë që theksoi se do të rriten pagat për të gjithë personelin mjekësor duke nisur nga infiermjerët dhe deri te mjekët. Po ashtu Meta peremtoi se qendrat shëndetësore dhe ambulancat do të jenë shumë pranë qendrave të banuara.
"Ndaj sot është koha më shumë se kurrë më parë, për të marrë në duar dhe për të transformuar në rradhë të parë, në atë që është zemra e sistemit, mjekët dhe infermierët, me pagesa më të mira, dhe së dyti, duke financuar në mënyrë dinjitoze sistemin shëndetësor që ai të ketë infrastrukturë dhe të gjithë teknologjinë për të trajtuar në mënyrë profesionale shëndetin e popullit shqiptar. Është e pabesueshme dhe e papranueshme, por Tirana, sot megjithëse me një popullsi 7 herë më të madhe, ka thuajse të njëjtin numër Qendrash Shëndetësore dhe Poliklinikash si para viteve 90, kur kryeqyteti nuk kishte më shumë se 165 mijë banorë. Ndërkohë që jepen qindra mijëra metra katrorë për kulla pafund, nxirren njerëzit me dhunë nga shtëpitë, që në banesat e tyre të ndërtohen sërish kulla, nuk ndërtohen Qendra Shëndetësore të Reja, ndërkohë që ka njësi Administrative të Tiranës që kanë 10-fishuar popullsinë e tyre.
Kjo i lodh qytetarët, ezauron mjekët nga mbigarkesa, dhe i bën Shqiptarët t’i drejtohen shërbimit privat me shumë kosto, ose të largohen nga vendi. Ndaj shëndetësia kërkon veprime, kërkon masa, kërkon ndërhyrje. Nuk kërkon propagandë Rilindase që e rrënon përditë atë, me koncesionet më korruptive që janë parë ndonjëherë dhe që grabisin qindra milionë euro nga shëndeti i njerëzve. Disa ditë më parë kam marrë angazhimin publik, që me ardhjen në pushtet, të gjithë pensionistët e Shqipërisë nuk do të paguajnë asnjë lek, për barnat, që u duhen atyre për shëndetin dhe që mjekët ua rekomandojnë nëpërmjet recetës. Në shumë takime jam impresionuar nga vlerësimi shumë pozitiv i këtij angazhimi tonë si Parti e Lirisë, jo vetëm nga pensionistët e nderuar, por aq më shumë nga të rinjtë, apo qytetarë në moshë aktive, të cilët janë të preokupuar për shëndetin e prindërve dhe gjyshërve të tyre më shumë së për çdo gjë tjetër. Aksesi, pra marrja e shërbimit sa më afër banesës, është elementi thelbësor i sistemit shëndetësor. Element që ka marrë goditje shumë të Rënda nga çorganizimi i qëllimshëm Rilindas. Ne, duke zbatuar me këmbënguljeje hartën sanitare, do të afrojmë shërbimin shëndetësor pranë qytetarit duke e mbuluar territorin me qendra shëndetësore dhe ambulanca, sa më pranë banesës.
Nuk mund të kuptohet sistemi shëndetësor pa mjekë dhe infermierë të paguar në mënyrë dinjitoze. Pikërisht për këtë arsye kaq të rëndësishme, ne angazhohemi për rritje 50% e menjëhershme e pagës së mjekëve, specialistëve dhe infermierëve me synimin afatgjate te dyfishimit te pagave ne shendetesi. Kjo rritje është plotësisht e mundshme dhe do te mund të jetë edhe më e madhe, pasi mundësitë financiare janë të gjitha, por kjo eshte penguar deri tani sepse xhepat gjigand të oligarkëve dhe të qeverisë, përpijnë miliarda Euro. Një nga problemet që unë e kam ndjekur në mënyrë të vazhdueshme me ekspertët mjaft të përgatitur të Partisë së Lirisë, është pikërisht barnat pra ilaçet, si elementi më delikat i trajtimit që lidh Pacientin me sëmundjen dhe nga ku buron trajtimi i mirë apo trajtimi i gabuar ose jo efektiv. Ndaj, eliminimi i plotë i kontrabandës dhe furnizimi me barna 100% të sigurta të certifikuara nga institucionet Europiane të Barnave, është një sfidë pa kthim që ne do e fitojmë patjetër.
Në periudhën 2005-2013 u arrit eleminimi thuajse i plotë i kontrabadës së ilaceve. Ndersa nga 2013 me ardhjen e Rilindjes ne pushtet u shqyen portat e kontrabandës dhe per pasoje shqiptarët sot janë të pasigurt për barnat që marrin. Gjithashtu është ulur ne menyre kritike numri i barnave ne treg pasi monopolet rilindase kane larguar kompanite me prestigjioze boterore per ti zevendesuar me klientet rilindas te pushtetit. Pregatitja profesionale i mjekëve dhe infermierëve është jetik për trajtimin shëndetësor të qytetarëve. Ndaj, edukimi në vazhdim, për të cilën aq fort u investua në periudhën 2005-2013, me ndërtimin e Qendrës Kombëtare të Edukimit në Vazhdim dhe futjen e sistemit të krediteve, për të cilat sot thuajse nuk flitet më fare, do të marrë sërish vëmendje maksimale, duke krijuar mundesi financimi te rendesishme nga ana e shtetit, që mjekët dhe specialistët te trajnohen e specializohen per të njohur dhe përdorur të rejat më të fundit të shkencës dhe teknologjise mjekësore. Financimi i sistemit është pasqyra se si e shikon një qeveri shëndetësinë. Rritja e buxhetit të shëndetësisë në të paktën 5% të GDP, që do të arrinte nivelin mesatar të vendeve të Ballkanit, është detyrim përpara qytetarëve tanë. Mundësitë për ta arritur një objektiv të tillë janë aty dhe largimi i kësaj qeverie e bën të realizueshëm këtë objektiv kaq të madh. Ky financim deri ne 5% te GDP i jep realisht frymëmarrje sistemit shëndetësor, frenon ikjen e mjekëve dhe infermierëve, rrit cilësinë dhe u jep shqiptarëve sistemin shëndetësor, që ata meritojnë dhe për të cilin kontribuojnë aq shumë me taksat, me djersën dhe me mundin e tyre”, tha Meta.
Ilir Meta TIRANË- Kreu i Partisë së Lirisë ka deklaruar se shëndetësia në Shqipëri është në kol...
Taulant Balla, kryetar i grupit te PS TIRANE- Rendi dhe siguria publike nuk janë të cënuara. Ky ishte deklarimi i kreut të grupit parla...
Taulant Balla, kryetar i grupit te PS TIRANE- Kryetari i grupit parlamentar të Partisë Socialiste njoftoi se Kuvendi do të jetë më...
Taulant Balla, kryetar i grupit te PS TIRANE- Kryetari i grupit parlamentar të Partisë Socialiste, Taulant Balla tha se Partia Socialiste nuk do ...
Delina Ibrahimaj TIRANË- Ministrja e Financave Delina Ibrahimaj është shprehur se nuk kanë konstatuar një rritje të çm...
Ilir Meta TIRANË- Kreu i Partisë së Lirisë Ilir Meta ka theksuar se vetëm 6 javë na ndajnë nga dita e fitores histo...
Taulant Balla, kryetar i grupit te PS TIRANE- Partia Socialiste e ka marrë në mbrojtje kryetarin e Bashkisë Kuçove, Kreshnik Hajdari ...
Taulant Balla, kryetar i grupit te PS TIRANE- Kryetari i grupit parlamentar të Partisë Socialiste akuzoi deputeten e Partisë së Liris&e...
Edi Rama TIRANË- Kryeministri Edi Rama ka deklaruar se është nënshkruar marrëveshja për sigurimet shoqërore mes Shq...
Delina Ibrahimaj TIRANË- Ministrja e Financave Delina Ibrahimaj tha se rritja e pagave do të vijojë në një hark ko...
