Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dje, kryeministri zgjodhi jo vetëm të shtrembëronte akt-akuzën e FBI, por edhe të përtypte fjalët që vetë kishte thënë më herët për njohjen me zyrtarin Charles F.McGonigal.
TIRANE- Kur pa se sqarimi i bërë nga Sekretari i Përgjithshëm, Damian Gjiknuri për “McGonigal” nuk ngjiti dhe se krahasimi i Sami Amenit me Daniel Craig nuk bëri askënd për të qeshur, Edi Rama doli vetë.
Nga selia e PS, mbrëmë, kryeministri zgjodhi të jepte versionin e tij për njohjen me një zyrtar të FBI, i arrestuar, por që procesin do e ndjekë në liri falë garancisë pasurore. Rama u përpoq me forcë të jepte dy mesazhe: I pari, se skandali nuk është aq i madh sa duket, por se opozita e bën për të zhbërë rihetimin e 21 janarit dhe i dyti se akt-akuza nuk ka një përmbajtje që e implikon atë vetë, përveç disa takimeve këtu e atje.
Kryeministri qëllimisht bëri një lexim joobjektiv të akt-akuzës, tashmë e gjendshme kudo. Rama tha se hetimi ka përfunduar prandaj në Shqipëri nuk ka nevojë më për hetim dhe kjo është gënjeshtra e parë.
“Kjo çështje është hetuar nga drejtësia amerikane dhe kanë dalë konkluzionet. Çfarë do hetohet këtu? Do hetohen fantazitë e shfrenuara të një lidershipi që ka bastarduar çdo lloj raporti me të vërtetën dhe çdo lloj raporti me publikun? Kjo nuk është një çështje e parlamentit të Shqipërisë.”-tha Rama.
Si është e vërteta? Hetimi në SHBA nuk ka përfunduar, dy prokurorët janë ende duke mbledhur prova dhe fakte për McGonigal. Ky rast është duke u hetuar nga zyrat e FBI-së në Los Anxhelos dhe Uashington. Por edhe në këtë rast, hetimi në Shqipëri nuk lidhet me atë në SHBA.
Gënjeshtra e dytë lidhet me akt-akuzën, të cilën kryeministri e shiti para publikut si një çështje dytësore, me të cilën sipas tij, FBI është marrë rrugës. Për ta zhbërë vlerën e çështjes, ai tha:
Nuk kemi lidhje ne me një çështje dytësore të dalë rrugës, kur çështja kryesore është një tjetër, lidhur me akuzën që i është ngritur zyrtarit të FBI.
Në fakt, e vërteta është ndryshe. Çështja shqiptare e McGonigal nuk është dytësore në dosjen në ngarkim të tij. Drejtësia amerikane është duke e gjykuar ish-zyrtarin e FBI për dy çështje tërësisht të pavarura nga njëra-tjetra. E vërteta është se McGonigal është në proces me dy akt-akuza në Nju Jork dhe Uashington. Në Uashington ai akuzohet për falsifikim të të dhënave dhe dokumenteve dhe dhënie të deklaratave të rreme. Këto akuza lidhen me fshehjen nga formularët e FBI, të takimeve, pagesave, udhëtimeve dhe lidhjeve të tij me Agron Nezën. FBI e raportoi qartë në gjykatë se McGonigal fshehu raportin me Nezën dhe një biznesmen, duke marrë para dhe duke hetuar lobimin e një partie, një fushë në të cilën McGonigal kishte përgjegjësi ta mbikqyrte.
Prokurori Michael Graves ishte i ashpër në gjykatë kur tha se fshehja e përfitimeve financiare është portë drejt korrupsionit.“Mbulimi i kontakteve tuaja me shtetas të huaj dhe fshehja e marrëdhënieve tuaja personale financiare është një portë drejt korrupsionit”, tha prokurori amerikan.
Ndërsa akuza e ngritur në Nju York, lidhet me oligarkun e sanksionuar rus Oleg Derispaska. Ai akuzohet për shkelje të sanksioneve dhe pastrim parash pasi punoi për Derispaskën. Këto dy çështje janë tërësisht të ndara për autoritetet amerikane.
Gënjeshtra e tretë e kryeministrit lidhet me leximin që ai i bën konkluzioneve të akt-padisë. Rama thotë se “aty thuhet se çfarë thotë njëri dhe çfarë thotë tjetri, ndërsa vetë hetuesit thonë një gjë tjetër”. Por në këtë rast, kostumi i rrëfimtarit i rri më shumë se ngushtë.
“Përfundimet e hetimit dhe fillimi i fazës tjetër të procesit, nuk ka asgjë nga këto që thoni ju. Asnjë konkluzion. Atje nuk përmendet absolutisht një gjë e tillë. Lexojini mirë. Aty thuhet se çfarë thotë njëri dhe çfarë thotë tjetri, ndërsa vetë hetuesit thonë një gjë tjetër. Hetimet kanë përfunduar dhe ka një të akuzuar për mosdeklarim dhe konflikt interesi me shokun e tij shqiptaro amerikan nga Tropoja, të cilin e kam njohur në takimin me të dhe nuk kam patur asnjë lloj raporti miqësor dhe shkëmbimeve pa interes me zyrtarin e FBI.”-tha Rama.
E vërteta është se në akt-akuzë, në asnjë moment FBI nuk bën një raportim dëshmish apo deklaratash. FBI ka renditur me data dhe të dhëna operative takimet e McGonigal dhe vendodhje, por në asnjë rast nuk jep të dhëna për pohim dhe mohim të akuzës.
Ky fakt përforcohet edhe nga një tjetër fakt. Gazetarja e “Zërit të Amerikës”, Keida Kostreci pohoi dje se zyrtari i FBI, nuk është pyetur akoma nga autoritetet amerikane për raportin me Ramën. Askush sot nuk e di se çfarë do të deklarojë McGonigal në gjykatë.
Në këtë moment, pasi sqaroi se shqiptari Agron Neza ishte nga Tropoja, fakt që për kryeministrin ishte special dhe u përmend 2 herë, Rama gënjeu sërish. Ai tha se nuk e ka takuar Nezën pa McGonigal.
“Nuk e kam njohur më parë asnjëherë, nuk kam shkëmbyer kurrë me të as letra dhe as interesa dhe asnjë gjë tjetër dhe e kam takuar vetëm në praninë e zyrtarit të FBI.”-tha ai.
Por e vërteta është ndyshe. Siç mund të shikohet në fotografinë e Dosja.al, Rama e ka takuar Nezën edhe pa McGonigal. Në një ceremoni në Nju York, Rama takoi Agron Nezën bashkë me një të afërmin e tij, I.Nezaj (emër i njohur për redaksinë, i punësuar si diplomat në selinë e OKB, pjesë e delegacionit shqiptar).
Fotoja e Ramës me Nezën
Por padyshim, mohimi që ai i bëri njohjes me McGonigal ishte një shpjegim i habitshëm. Rama përtypi fjalët që vetë kishte thënë duke u bërë lëmsh. Ai tha se kishte folur anglisht për një ‘friendly relation’. Në fakt, në shtator 2022, kur ai mbrojti miqësinë me zyrtarin, komunikata ishte e gjitha në shqip dhe në deklaratë s’pati asnjë ‘friendly’.
"E para punës, fjala mik është një fjalë shumë e madhe, unë kam folur në gjuhën angleze për natyrën e marrëdhënies dhe kam thënë “Friendly relation”, një raport miqësor. Në këtë sens kam thënë “Po, ka qenë një mik”, por jo mik në kuptimin që kam ndarë me të jetën për shumë vite.
Deklarata e Ramës video dhe tekst:
"Shefi i Kundërterrorit i FBI-së ka qenë dhe është miku im nuk diskutohet. Nëse ai ka një çështje të tijën me drejtësinë në SHBA kjo është çështje e tij me drejtësinë atje.”, deklaronte Rama, në shtator të vitit 2022./Dosja.al
Elisa Spiropali TIRANË- Ministrja e Shtetit për marrëdhëniet me Parlamentin, Elisa Spiropali deklaroi ditën e sotme se pë...
Fatmir Mediu TIRANË- Kryetari i grupit “Aleanca për ndryshim”, Fatmir Mediu mbajti një fjalim në Kuvendin e Shqipëris&...
Enkelejd Alibeaj TIRANË- Deputeti i Partisë Demokratike, Enkelejd Alibeaj mbajti një fjalë ditën e sotme në Kuvendin e Shqip&...
Taulant Balla TIRANË- Kreu i Grupit të Partisë Socialiste, Taulant Balla, mbajti një fjalë gjatë seancës së posa&cc...
Naftali Bennett TIRANË- Kuvendi i Shqipërisë po zhvillon ditën e sotme një seancë në përkujtim të viktimave t&...
Shkelzen Berisha TIRANË- Djali i kryetarit të Partisë Demokratike, Sali Berishës, Shkëlzen Berisha është paraqitur dit&e...
Kuvendi TIRANË- Ka nisur seanca plenare. Kuvendi ka mbajtur 1 minutë heshtje për të përkujtua viktimat e Holokaustit në kuad&...
PD TIRANË- Deputetë të Partisë Demokratike kanë depozituar kërkesën për ndryshimin e Rendit të Ditës n&eu...
Edi Rama Në Shqipëri, kryeministri Edi Rama mohoi kategorikisht që të ketë lidhje mes tij dhe akuzave të ngritura në Sht...
Artan Lame TIRANË- Drejtori i Përgjithshëm i Agjencisë Shtetërore të Kadastrës, Artan Lame ka dhënë m&eum...
