Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Erion Braçe tha se nuk mund të kalohet një ligj që parashikon tatimin për këtë aktivitet, kur ende nuk është gati ligji për rregullimin e tij. Ndërsa nga ana e saj ministrja e Ekonomisë dhe Financave, Delina Ibrahimaj u shpreh se projektligji ende nuk ka përfunduar së hartuari dhe se brenda muajit dhjetor kalon në Kuvend.
TIRANË- Tatimi i lojërave të fatit në vend ka qenë në fokus të komisionit të sotëm të Ekonomisë, por pa një dokument për t'u diskutuar se si do të takohet. Në mbledhjen e sotme të Komisionit, deputeti socialist, Erion Braçe tha se nuk mund të kalohet një ligj që parashikon tatimin për këtë aktivitet, kur ende nuk është gati ligji për rregullimin e tij. Ndërsa nga ana e saj ministrja e Ekonomisë dhe Financave, Delina Ibrahimaj u shpreh se projektligji ende nuk ka përfunduar së hartuari dhe se brenda muajit dhjetor do t'i depozitohet Kuvendit. Por pavarësisht mungesës së dokumentit, kërkoi kalimin lidhur me mënyrën e taksimit nga kolegët prezentë në mbledhje.
“Dua fjalën për procedurë. Ligji flet për lojrat e fatit, do ishte mirë që të kemi ligjin për të diskutuar. Deri më tani nuk ka ndonjë shpjegim se deri ku do të shkojmë me lojat e fatit. Për të ditur edhe ne për të gjykuar për normën tatimore që duhet të vendosim. Ky ligj është shumë i rëndësishëm. Të përcakojmë ne gamën e të ardhurave dhe fitimet tatimore. Data 1 dhjetor dhe qeveria se ka sjell ligjin në parlament. Duhet të kemi minimalisht para ligjin për të ardhurat dhe tatimin e lojërave të fatit. Pa hyrë në fuqi ky ligj duhet të hyjë në fuqi ligj tjetër. Si mund ta përcaktojmë ne normën e tatimit kur nuk e dimë se si do të rregullohet ky aktivitet? Bëhet fjalë për të ardhurat apo fitimin? E bëmë këtë gjë për buxhetin, por nuk e bëjmë dot në çdo rast. Deri tani nuk ka ndonjë shpjegim se deri ku do të shkojmë me lojërat e fatit. Për sa kohë e kemi ditur sa të ardhura do të vijnë nga ato, pse pse nuk ka vjen ligji në kohë? Kemi llogaritur 2 mld lekë të ardhura nga tatimi i lojërave të fatit dhe 8 mld lekë nga mbifitimi i kompanive të energjisë,”- u shpreh Braçe përballë ministres së Financave, Delina Ibrahimaj.
Ministrja shpjegoi se ligji i tatimit mbi të ardhurat, ku përfshihen dhe lojërat e fatit, është ligj ombrell që parashikon taksimin e çdo të ardhure që prodhon individi duke shtuar se ligji për rregullimin e lojërave të fatit do të duhet të kalojë në Kuvend më 22 dhjetor.
“Duhet që çdo formë tatime të jetë e rregulluar me ligjin bazë. Pritet të dorëzohet nrenda dhjetor ligji për lojërat e fatit do të jetë në parlament. Nuk do ketë ligj të ri, është aktuali me disa amendime. Do të jetë ligji aktual me disa ndryshime dhe ligji i ri për pensionet private. Ligji për tatimin mbi të ardhurat dhe ligji për Agjencinë e Trajtimit të Kredive. Më 22 dhjetor parashikojmë të miratojmë ligjin për TAP. Në bazë të tij do të adaptohen dhe ligjet tjera, të pasuara me akte nënligjore. është e rëndësishme që ka ndryshime, por po punohet,” -u shpreh ministrja Ibrahimaj.
Më pas fjalën e mori sërish socialisti Braçe, i cili me ngulm kërkoi dokumentin, duke kërkuar që kalimi i projektbuxhetit në një mënyrë të ngjashme nuk mund të kthehet në një precedent për të gjithë ligjet e tjera që kalohen, ndërsa deputetët të mjaftohen me faktin që e "di dikush" se si veprohet.
"Unë fola parimisht. Kemi 2 masa me karakter fiskal me ndikimin në buxhet, ligjin e ri për lojrat e fatit. Të dy ligjet nuk kanë ardhur në Kuvend. Mendoj se kaq lojra fati sa kemi, janë shumë. Unë në lagje kam 2 kazino. Por nëse do i shtojmë këto, të flasim me një kapitull të posaçëm. Këtu minimalisht të kishim ligjin, unë dua t'i mbitaksojmë. Ne nuk vendosim dot duke e marrë me mend. Apo i di dikush dhe ne votojmë. Pa hyrë në fuqi ky ligj duhet të miratohet edhe tjetri. Edhe për fondin e pensioneve. Si do tatojmë pa e ditur si do rregullohet? Nëse e pranuam dhe kaluam buxhetin, kjo nuk mund të ndodhë në çdo rast. Nuk është precedent që mund të vijojë. Sa kohë që në maj hidhen parimet lidhur me buxhetin. Nuk e kuptoj pse vijnë ligjet këtu në kohë. Ne nuk gjykojmë në padije. Minimumi të kemi letrat para, se pjesa tjetër e di si funksionon,"-shtoi Braçe.
Në Shqipëri është çelur një debat pas propozimit të federatave sportive për rikthmin e basteve sportive on line, që u ndaluan me ligj më shumë se 3 vjet më parë. Propozimi ka ardhur nga qarqet sportive, të cilat thonë se të ardhurat nga taksimi i tyre mund të përdoren për të financuar sportin në vend.Qeveria e ka marrë në konsideratë dhe organizoi një dëgjesë publike për këtë çështje. Autoritetet zyrtare e kanë marrë në shqyrtim këtë propozim dhe janë në fazën e dëgjesave publike, duke pranuar se ndalimi i basteve dhe lojrave të fatit në Janar të vitit 2019, me përjashtim të kazinove në hotelet me 5 yje, nxiti aktivitetin informal të tyre. Përfaqësues të opozitës dhe ekspertë mendojnë se kjo industri ka nevojë për një disiplinim të thellë, pasi siç thonë ata, në të pastrohen para dhe janë të përfshirë mjaft eksponentë të krimit të organizuar.
Bastet sportive on line dhe lojrat e fatit me përjashtim të kazinove në hotelet me 5 yje, u ndaluan me ligj në Shqipëri me një vendim të para tre viteve. Mbyllja e tyre në Janar të 2019-ës u argumentua nga zyrtarët me dëmin ekonomik dhe social, që po shkaktonte aktivititeti i mbi 4 mijë qendrave të basteve që ekzistonin në vend, dhe me shkeljen e mjaft kritereve si largësia nga njëra-tjetra, apo vendodhja pranë shkollave. Qeveria tha se na atë kohë kjo industri pastronte para dhe financohej në mjaft raste nga krimi i organizuar.
Edi Rama TIRANE- Kryeministri Edi Rama deklaroi sot se protesta e 6 dhjetorit cënon standartet dhe masat e sigurisë për zhvillimin e samitit...
Edi Rama TIRANË- Për kryeministrin Edi Rama largimi i Erion Braçes nga Partia Socialiste është diçka e pamundur. Duke e ...
Edi Rama TIRANË- Kryeministri Edi Rama u pyet ditën e sotme për shembjen në 'Prestige Resort'. Pas përfundimit të mbledhjes s...
Sali Berisha TIRANË- E marta e 6 dhjetorit, do e kthejë Tiranën në një kryeqytet të blinduar. Deklarata u bë nga k...
Edi Rama TIRANË- Kryeministri Edi Rama u pyet ditën e sotme nga gazetarët për nismën Open Balkan dhe mënyrën sesi ë...
Edi Rama TIRANE- Kryeministri Edi Rama kërkoi fakte dhe vërtetim të akuzave nga akuzuesit për kryetarin e grupit të Partisë S...
Edi Rama TIRANË- Kryeministri Edi Rama ka komentuar shembjet e "Prestige Resort". Ndërsa sot u pyet nga gazetarja e BIRN për veprimin m...
Edi Rama TIRANË- Kryeministri Edi Rama ka mohuar lajmin se dita 6 dhjetor është ditë pushimi për administratën, në kuad...
Edi Rama TIRANË- Kryeministri Edi Rama ka njoftuar paketën e bonusit për fundvitin. Pas mbledhjes së Këshillit të Ministrave...
Bajram Begaj dhe Steinmeier TIRANË- Gjatë konferencës së përbashkët me homologun gjerman, Presidenti Bajram Begaj u pyet lidh...
