Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Boshku, i cili është gjyqtar në Gjykatën Administrative të Tiranës, ka rikthyer në detyre ish-kreun e AMP-së, pasi ishte hequr nga puna për shkak të një ndërtimi pa leje që kishte bërë në Ksamil.
TIRANË- Kryeministri Edi Rama ka vijuar sot sulmin ndaj një tjetër gjyqtari në vend Marko Boshku, për një vendim që ka marrë në favor të ish-drejtusit të Agjencisë së Mbikqyrjes Policore në Vlorë. Boshku, i cili është gjyqtar në Gjykatën Administrative të Tiranës, ka rikthyer në detyre ish-kreun e AMP-së, pasi ishte hequr nga puna për shkak të një ndërtimi pa leje që kishte bërë në Ksamil.
Pasi Boshku vendosi rikthimin e tij në detyrë dhe dhënien e pagave të prapambetura me vendim gjykate, Rama e ka quajtur këtë vendim të llahtarshë. Rama në fund shkruan se Ministria e Drejtësisë do ia përcjellin vendimet e Boshkut, Këshillit të Lartë Gjyqësor dhe Inspektoratit të Lartë të Drejtësisë.
Postimi i Plotë:
Një tjetër sport tradicional i gjykatësve pa flamur e pa atdhe të Drejtësisë së Vjetër, fatkeqësisht vazhdon të ushtrohet edhe nga gjykatës më të rinj, të cilët duhet të mbajnë lart flamurin e Drejtësisë së Re me pavarësinë, profesionalizmin e integritetin e tyre. Pa asnjë gajle fare, gjykatësi Boshku, ka vendosur të kthejë fishek në detyrë një shkelës brutal të ligjit dhe mashtrues të kapur me presh në duar, e për pasojë edhe të larguar nga detyra e të çuar në prokurori!
Rasti është i ububushëm! Si drejtues rajonal i Agjencisë së Mbikqyrjes Policore - pra i trupës që ligji ngarkon për të kontrolluar veprimet dhe garantuar integritetin e Policisë së Shtetit - një birbo pa din e pa iman, jo vetëm kishte marrë pjesë në një ndërtim pa leje në Ksamil (i denoncuar nga njerëzit e zonës), po edhe kishte mashtruar me shkrim, duke pretenduar legalizimin e ndërtimit, me gënjeshtrën se ndërtimi ishte bërë në 2018-ën. Por fotot satelitore nxorrën bishtin e gjatë të gënjeshtrës, duke provuar se ndërtimi është bërë shumë kohë pas vitit 2020; vit që sipas ligjit është edhe viti i fundit për marrjen në shqyrtim të kërkesave për legalizim.
Pra birboja kishte ndërtuar pa leje duke qenë edhe drejtor i një institucioni ligjzbatues, gjë që çoi në largimin e tij nga AMP-ja dhe dorëzimin e rastit të tij në Prokurorinë e Sarandës. Mirëpo, ka ligj ka edhe Maliq i thonë kësaj, sepse ndërkohë që shteti, përmes Policisë kërkon nga drejtësia në Sarandë ndëshkimin ligjor të birbos, drejtësia në Tiranë, përmes gjykatësit Boshku, kërkon nga shteti të rimarrë birbon në krahët e vet. Madje ta përqafojë dhe ta ulë përsëri në karrigen e drejtorit! Çfarë të thuash!!!
Ministria e Drejtësisë, do t’ia përcjellë keqbërjen e gjykatësit Boshku organeve të vetëqeverisjes së gjyqësorit (KLGJ - ILD), ndërsa me birbon uroj të merret seriozisht drejtësia. Por me këtë rast, dua t’u përcjell një mesazh të qartë edhe gjykatësve si ky Boshku, që pa parë fare dosjet, pa thirrur fare, hiç, shtetin si palë e dëmtuar, urdhërojnë kthimin në punë të të larguarve nga detyra për paudhësira, si puna ulëritëse e këtij ujkut me mëlçi në qafë të AMP-së së Vlorës; madje vendosin pa pikë turp si detyrime të shtetit, kaq e aq paga dëmshpërblim për tipa të tillë.
Mesazhi im është ky: Kush tallet me interesat e shtetit dhe përqesh ligjin, duke e përdorur pavarësinë e drejtësisë si pavarësi nga vetë drejtësia, e duke dhënë vendime haptazi të paligjshme në dëm të interesit publik, do të përballet me keqbërjen e vet jo vetëm në organet e lartpërmendura të vetëqeverisjes së gjyqësorit, po edhe në sytë e opinionit publik.
Jamarbër Malltezi TIRANË- Jamarbër Malltezi, deklaroi për gazetarët jashtë ambienteve të GJKKO, se ndaj tij ësht&eu...
Jurgis Çyrbja TIRANË- Prokuroria e Posaçme ka kaluar për gjykim dosjen në ngarkim të ish-deputetit socialist Jurgis ...
Sali Berisha TIRANË- Kreu i Partisë Demokratike Sali Berisha tha se ish-kryebashkiaku i Tiranës, Erion Veliaj, ndodhet në kushte të...
Sali Berisha TIRANË- Kreu i Partisë Demokratike, Sali Berisha ka deklaruar se kërcënimet ndaj gazetarëve janë të rë...
Taulant Balla TIRANË- Kreu i grupit parlamentar i PS Taulant Balla kërkesa së PS për zgjerimin e Komisioneve Parlamentare në ...
Gazment Bardhi TIRANË- Kreu i grupit parlamentar të Partisë Demokratike, Gazment Bardhi ka theksuar rëndësinë e transpar...
Sali Berisha TIRANË- Kryetari i Partisë Demokratike, Sali Berisha ka deklaruar se opozita nuk do t’i votojnë ndryshimet në strukt...
TIRANË- Partia Socialiste ka dorëzuar projektvendimin për ndryshimin e rregullores së Kuvendit, me qëllim shtimin e komisioneve ...
Tedi Blushi TIRANË- Kreu i grupit parlamentar të Partisë së Lirisë, Tedi Blushi ka kundërshtuar miratimin e propozimit të...
Sali Berisha TIRANË- Kreu i opozitës, Sali Berisha i ka bërë skanerin kabinetit qeveritar ‘Rama 4’, që sipas tij jan&e...
