Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ministrja Elisa Spiropali deklaroi nga salla e Kuvendit se deputeti Agron Shehaj po cënon reputacionin e investitorëve
TIRANË- Deputeti i Partisë Demokratike, Agron Shehaj deklaroi ditën e sotme në seancën e Kuvendit se parlamenti është përdorur për të kryer vjedhje të mëdha në vend. Gjatë interpelancës së kërkuar për investimet strategjike, deputeti tha se Rama dhe Xhaçka nuk mundohen as të fshehin vjedhjet. Ai tha se Rama i ka falur plazhin ministres e familjes së saj, duke ia dhënë për 30 vite. Në seancë mori fjalën ministrja Elisa Spiropali e cila deklaroi se deputeti po cënon reputacionin e investitorëve. Po ashtu, ajo u shpreh se statusi 'investitor strategjik' nuk është nder.
REPLIKAT:
Agron Shehaj: Të bësh interpelancë për një vjedhje në këtë Parlament me këtë qeveri mund të tingëllojë absurde. Ky Parlament është përdorur për disa nga vjedhjet më të mëdha në vend. Çdo tender një grabitje dhe çdo ligj një favor. Pse mendoni ju se Rama dhe Xhaçka nuk marrin as mundimin më të vogël të fshehin vjedhjen? Sepse ato pak metër katrorë për ata nuk janë asgjë në krahasim me 400 mln euro e inceneratorëve. Ndaj afera për të cilën flasim sot tregon një qeveri që mblidhet për ti dhënë përfitime nga fondet publike një anëtari të kabinetit. Më 2 mars Komiteti për Investimet Strategjike vendosi miratimin për Drimadhes Luxury Suite. Me firmë të kryeministrit. A e dinte kryeministri se me këtë firmë i dha ministres së jashtme statusin e investitorit strategjik? I fali plazhin publik për 30 vjet ministres. A e dinte se përmes këtij vendimi po i falte taksat ministres së Jashtme? E dinte shumë mirë se kompania AGTÇ Shpk është në pronësi të zotit Gaçi, bashkëshortit të ministres. Ishin të vetëdijshëm se kishin bërë një krim. Familja Xhaçka e dinte se përfitimet ishin në shkelje të Kushtetutës. Dhe për të mashtruar ligjin familja ministrore krijon një kompani me emër shumë të ngjashëm me të parën, por jo në emër të bashkëshortit por në emër të një personi të afërt. Tre javë pas ndryshimit të emrit të kësaj kompanie, Edi Rama ndryshoi vendimin. Pronarja e kësaj kompanie të re është një shtetase amerikane, zonja Saton që bashkëjeton me vëllain e ministres së jashtme dhe s’ka asnjë kapital dhe asnjë eksperiencë në menaxhim hotelerie. Ajo bashkëjeton në të njëjtën adresë me vëllain e ministres. Edi Rama mblodhi qeverinë dhe i dha kompanisë AGTCC Mengament për 30 vjet pronën publike në Himarë. Kushtetua e Shqipërisë thotë se deputetët nuk duhet të kryejnë asnjë veprimtari që përfiton nga pronat publike. Familja Xhaçka ishte e vetëdijshme se përfitimet ishin në shkelje të kushtetutës tani duhej gjetur rruga për të mashtruar ligjin pa hequr dorë nga afera. Më pas për të mashtruar ligjin familja ministrore krijon një kompani me një emër shumë të ngjashëm me emrin e kompanisë së saj por këtë radhë jo në emër të bashkëshortit por në emër të një personi tjetër shumë të afërt. Në 15 korrik Rama ndryshoi vendimin e mëparshëm duke shtuar si investitor strategjik dhe kompaninë në pronësi të shtetases amerikane. Kompania e re pronare në letra është shtetase amerikane 31 vjec kapitali i vetëm i saj është bashkëjetesa me vëllain e ministres së jashtme
Elisa Spiropali: I nderuar zoti Shehaj, faleminderit për pyetjet tuaja. Ekziston një bindje që shkon përtej kësaj salle, që pretendon se s’ka pyetje të gabuara, por përgjigje. Edhe pse nuk është rasti. Jeni ju vetë personi i gabuar për ti ngritur këto pikëpyetje. Sipas asaj sindromës së famshme; po të isha unë aty, kushedi çdo bëja. Ata mendojnë jo me logjikë, por i nënshtrohen arsyes. Ju zoti Shehaj, po tentoni të bëni të njëjtën gjë në politikë, si në biznes, por ju po dëshmoni moskuptim. Bashkë me të tjetër, në rastin e një kërkese absurde për ngritjen e një gjyqi popullor. Po tentoni që të cënoni reputacionin e investitorëve. Më vjen mirë që përmes kësaj interpelance kam mundësinë të theksoj se Investimet Strategjike duhet të shihen si një mundësi, si një potencial zhvillimi dhe si projekte të cilat meritojnë mbështetjen nga ana e organeve shtetërore dhe pse fatkeqësisht, ato sot janë shndërruar në ushqimin e radhës për traditën e vjetër politike, të përbaltjkes së sulmeve ndaj qeverisë. Jam e kënaqur sot qe do mund te qartësoj njëherë e mirë për qytetarët e këtij vendi, se statusi i investitorit strategjik nuk është një favor apo dhuratë që qeveria, në mënyrë selektive ua bën individëve të caktuar, por një e drejtë ligjore që u jepet investitorëve, që plotësojnë kriteret ligjore për ta marrë atë, kundrejt një të mire të madhe qe këta investitorë do t’i sjellin Shqipërisë, qofshin këta vendas apo të huaj. Qeveria Rama ka pasur dhe ka ne fokus të saj nxitjen dhe tërheqjen e investimeve duke promovuar klimën e biznesit, procedurat lehtësuese, masat mbështetëse dhe kuadrin ligjor favorizues me synim afrimin e investimeve te huaja të drejtpërdrejta në Shqipëri, si dhe promovimin e potencialit turistik vendas. Investimet strategjike kanë peshën e tyre domethënëse në zhvillimin ekonomik të vendit dhe kuadri rregullator i lidhur me to përfaqëson risi, posaçërisht të fokusuar në tërheqjen e investimeve të huaja, apo “zgjimit”, të kapitalit të vendas. Jemi ne që i nxisim investitorët. Jemi më shumë se ajo që thoni ju.Të kaloj tek pyetjet tuaja, që në thelbësisht janë të njëjtat pyetje që e keni parashtrur me tonin e një prokurori, si duket në një garë të ethshme me Gazin, që tenton të imitojë Joridën në komision. Së pari pyetja e shtruar ka një terminologji të gabuar, pasi në asnjë parashikim ligjor dhe në asnjë dispozite referuese te vendimeve të Komitetit të Investimeve Strategjike nuk përdoret termi “përfitues bregdeti”. Bregdeti është pasuri Kombëtare Shtetërore i njohur nga Kushtetuta i cili vetëm mund te lihet në përdorim per hapësirën e plazhit, por në asnjë rast ai nuk mund “te përfitohet”. Vendimi i Këshillit te Ministrave vjen si rrjedhojë e parashikimit ligjor te Ligjit të Investimeve Strategjike sipas te cilit vendimet e Komitetitit të Investimeve Strategjike, janë vendime në parim dhe se ato shoqërohen me Vendim te Këshillit te Ministrave, përmes te cilit realizohet miratimi përfundimtar, koordinatat e sakta si dhe tarifa e përdorimit të brigjeve të detit dhe të zonës përkatëse së plazhit në funksion të realizimit të projektit investues strategjik. Ne rastin konkret ka patur nje Vendim te KIS i cili ka parendur vendimin e Keshillit te Ministrave. Ndaj “motivi” qe kërkoni gjendet ne vendimin e KIS per te cilin do ju japim shpjegime ne pyetjen dy. Për qartësimin tuaj, Xhaçka nuk është është anëtare e KIS -si, organi i vetëm vendimmarrës për dhënien e statusit te investitorit strategjik dhe rrjedhimisht nuk mund të jetë pjesë e vendimmarrjes se këtij organi, që përjashton qartazi përfshirjen e saj në gjendjen e konfliktit te interesit të dukshëm apo të mundshëm, pasi as kjo zyrtare e lartë dhe as institucioni që ajo drejton nuk përfaqësohen në asnjë mënyrë, qoftë të drejtpërdrejtë apo të tërthortë në vendimmarrjen e KIS. Ndërsa sa i takon mbledhjes së Këshillit të Ministrave, ju bëj me dije se Znj. Xhaçka, Ministër për Evropën dhe Punët e Jashtme, me shkresë zyrtare, përpara mbledhjes, ka njoftuar që të mos marrë pjesë në shqyrtimin dhe vendimmarrjen e këtij vendimi, për të garantuar paanshmërinë e anëtarëve të Këshillit të Ministrave. Heqja dorë nga vendimmarrja nëpërmjet shkresës së depozituar garanton respektimin e ligjit për parandalimin e konfliktit të interesit, por edhe të ligjit nr.9000/2003, “Për organizimin dhe funksionimin e Këshillit të Ministrave” si dhe të Kodit Etik Ministror
Elisa Spiropali TIRANË- Ministrja Elisa Spiropali i është përgjigjur deputetes së Partisë Demokratike Joria Tabaku, e cila t...
Tritan Shehu TIRANË- Deputeti i Partisë Demokraitke Tritan Shehu ka debatuar me kryetaren e Kuvendit Lindita Nikolla. Shehu e akuzoi Nikollë...
Jorida Tabaku TIRANË- Deputetja e Partisë Demokratike Jorida Tabaku e ka konsideruar një rrugëtim si ‘çeço’ n...
Elisa Spiropali dhe Gazment Bardhi TIRANË- Ministrja e shtetit, Elisa Spiropali u përplas ditën e sotme në seancën plenare me dep...
Sali Berisha TIRANË- Ish-kryeministri Sali Berisha ka ftuar të gjithë qytetarët shqiptarë që t'i bashkohen në protest&e...
Kuvendi TIRANË- Në seancën e sotme plenare u vendos që të hiqet nga rendi i ditës miratimi i aktit normativ për kompensi...
Emmanuel Macron dhe Vjosa Osmani BRUKSEL- Presidentja e Kosovës, Vjosa Omsnai ka zhvilluar një takim me homologun francez, Emmanuel Macron. Ky ta...
Foto Ilustruese MAQEDONI E VERIUT- Qeveria po përçahet në Maqedoninë e Veriut pasi një pjesë e koalicionit qeverisës k...
Edi Rama para gazetarëve bullgarë BRUKSEL- Kryeministri Edi Rama nuk është kursyer para gazetarëve bullgarë. I ndodhur në...
Rama dhr Kovaçevski BRUKSEL- Kryeministri Edi Rama ka ndarë një selfie me kryeministrin e Maqedonisë së Veriut, Dimitar Kov...
