Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Këlliçi u shpreh se gara ishte e pabarabartë dhe sipas tij, kundërshtari politik përdori presione dhe kërcënime ndaj qytetarëve për të deformuar vullnetin e votuesve.
TIRANË- Kandidati i koalicionit 'Bashkë Fitojmë' për bashkinë e Tiranës, Belind Këlliçi ka deklaruar se rezultati në Tiranë është manipuluar. Gjatë një deklarate për mediat, Këlliçi është shprehur se po bën gati dosjet për çdo shkelje që është bërë nga qeveria dhe administrata shtetërore dhe bashkiake në fushatë, ditën e zgjedhjeve dhe gjatë numërimit. Po ashtu Këlliçi u shpreh se gara ishte e pabarabartë dhe sipas tij, kundërshtari politik përdori presione dhe kërcënime ndaj qytetarëve për të deformuar vullnetin e votuesve.
"Jam këtu për të falënderuar mbi 100.000 qytetarë që më 14 Maj besuan dhe votuan ndryshimin në Tiranë. Falenderoj strukturat e PD që dhanë gjithçka nga vetja, ekipin tim të fushatës, ekipin e kandidatëve për Këshillin Bashkiak, miqtë bashkëpunëtorët e shumtë të kësaj fushate, e në mënyrë të veçantë komisionerët, vëzhguesit dhe numëruesit tanë. I kërkoj me shumë përulje atyre, të vijojnë numërimin në çdo qendër ku ende duhen garantuar votat për anëtarët e Këshillit Bashkiak. Çdo votë e hedhur për ekipin tone, ka një rëndësi jetike për Tiranën. Rezultati i zgjedhjeve të 14 Majit, për fat të keq nuk pasqyron realitetin dhe nuk është shprehje e vullnetit të lirë të qytetarëve. Ky rezultat është i ndikuar nga një makineri shantazhi dhe dhune ndaj administratës publike, biznesit dhe qytetarëve.
Asetet publike janë vënë në dispozicion e janë shfrytëzuar në maksimum për të dhënë këtë rezultat të sotëm. Ne po punojmë çdo orë për të përgatitur dokumentacionin e plotë për çdo shkelje që është kryer. Rezultati nuk i përgjigjet asaj se çfarë njerëzit, qytetarët mendojnë për kryebashkiakun aktual dhe kjo është lehtësisht e verifikueshme kudo, në çdo cep të Tiranës, në qytet apo fshat. Unë u paraqita në këto zgjedhje në rrethana aspak normale, si të gjithë kandidatët e opozitës. Isha plotësisht i vetëdijshëm për pjesëmarrjen në garën elektorale më të pabarabartë të këtyre 33 viteve, e megjithatë sërish zgjodha të dal para qytetarëve me një program konkret, të detajuar dhe me një platformë e cila vuri në qender nevojat e qytetarëve dhe që ofronte zgjidhje reale për shqetësimet e përditshme. Megjithatë kjo nuk mjaftoi. Banorët dhe votuesit e Tiranës nuk reaguan në atë shkallë që ta mposhtnin mekanizmin e kundërshtarit që është i bazuar në presion, joshje, intimidim, para korrupsioni dhe në propagandë. Unë e kam lexuar shumë mirë këtë fakt. Shoqëria jonë mesa duket kërkon diçka ndryshe dhe pret më shumë prej nesh. Të gjithë ne duhet të reflektojmë rreth kësaj që ka ndodhur dhe unë sigurisht duhet ta bëj i pari.
Kjo nuk do të thotë se do tërhiqemi, përkundrazi, duhet që të gjithë bashkë të bëjmë shumë më shumë se kaq. Por së pari duhet të kërkojmë brenda nesh, për të kuptuar saktë dhe analizuar me ftohtësi se çfarë publiku, opinioni, banorët dhe votuesit kërkojnë prej nesh. Gjatë fushatës sime ja dola të bëj transparencë për punët publike të Bashkisë Tiranë, për bilancin real të saj, për abuzimin dhe vjedhjen e përditshme të taksave, keqpërdorimin e pushtetit si dhe nxorra në publik disa afera tronditëse. Çështje këto të trajtuara deri më tani si sekret shtetëror nga mediat dhe institucionet ligjzbatuese. Jam krenar për këtë shërbim që i kam bërë qytetit tim. Tirana ka nevojë për opozitë, po aq sa ka nevojë për ujë të pijshëm. Në këtë betejë unë dhashë gjithçka nga vetja ime, duke hequr dorë edhe nga mandati i Deputetit, mandat që e mora me shumë punë dhe mund. Gjithashtu e them me kënaqësi se ekipi ynë në Këshillin Bashkiak, do na përfaqësojë të gjithëve, pa asnjë dallim, e do na bëjë krenar me punën e tij. Tirana jonë meriton të qeveriset mirë dhe me ndershmëri. Tirana meriton shumë më shumë, dhe unë do vijoj ta bëj këtë në çdo pozicion apo angazhim që do të gjendem. Së fundmi dua të falenderoj familjen time, që më qëndroi pranë në çdo çast, edhe kur fushata e kundërshtarit solli baltosje e shpifje të ulta," tha Këlliçi.
Numermi HIMARË- Ka përfunduar numërimi i votave për këshillat bashkiakë në Himarë. Sipas të dhënave ...
Numerimi KLOS- Ka përfunduar numërimi i votave për këshillat bashkiakë në Klos. Sipas të dhënave nga KQZ-ja, P...
TIRANË- Një incident ka ndodhur ditëne sotme në njësinë numër 5 në Tiranë, në KZAZ-në numër ...
Erion Veliaj TIRANË- Kryebashkiaku i Tiranës, Erion Veliaj foli për rezultatet e zgjedhjeve lokale. Veliaj u ndal të denoncimi i k...
Erion Veliaj TIRANË- Erion Veliaj, fituesi në garën e '14 Majit' për Bashkinë e Tiranës, ende nuk është uruar nga r...
Sali Berisha TIRANË- Kryetari i Partisë Demokratike, Sali Berisha komentoi veprimin e Zef Hilës i cili shtrëngoi duart me kundërsh...
Sali Berisha TIRANË- Kryedemokrati Sali Berisha denoncoi me emra, personat që sipas tij kanë blerë vota. Ai tha se në Velipojë...
Sali Berisha TIRANË- Kryedemokrati Sali Berisha ka deklaruars e në shumë vende, mandat e Opozitës janë vjedhur përmes votave ...
Sali Berisha TIRANË- Kryetari i Partisë Demokratike, Sali Berisha edhe pse nuk pranon rezultatin e zgjedhjeve tha se statuti do të respektoh...
Sali Berisha TIRANË- Kryedemokrati Sali Berisha ka deklaruar se rënia e numrit të votuesve është përgjegj&eum...
