Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Rama theksoi se Rexhepi, ashtu si dhe 3 komandantët e tjerë të ndodhur në Hagë janë thirrur të paguajnë për një çmim që nuk e meritojnë.
TIRANË- Kryeministri Edi Rama ka qenë i pranishëm ditën e sotme në ekspozitën me veprat e Rexhep Selimit, ish-pjesëtarit të UÇK-së në vigjilje të Ditës së Pavarësisë së Kosovës. Rama theksoi se Rexhepi, ashtu si dhe 3 komandantët e tjerë të ndodhur në Hagë janë thirrur të paguajnë për një çmim që nuk e meritojnë.
“Sot ata janë thirrur të paguajnë një çmim që nuk e meritojnë por që jeta e solli këtu, nga ana jonë përveç shtrirjes së dorës së vëllazërisë kemi detyrën të bëjmë atë që mundemi për ta bërë më të lehtë barrën e tyrë në një përpjekje që është totalisht e pabarabartë”, tha kreu i qeverisë.
Rama garantoi bashkëshorten e Selimi dhe dy fëmijët se shumë shpejt do të kenë në dorë pasaportat shqiptare.
"Rastësisht sot, pak përpara mora vesh diçka që nuk e dija, jo se dua të heq ndonjë faj nga vetja, që Shqipja nuk e ka akoma pasaportën e kësaj Republike dhe jam i bindur se ne mund ta korrigjojmë këtë gabim të madh. Do të jem shumë i lumtur nëse më jepet mundësia që shumë shpejt t'ua dorëzoj pasaportën jo vetëm ju por edhe fëmijëve që familjarisht të jeni dhe me dokumenta qytetarë të Republikës së Shqipërisë se me zemër dhe mendje ju jeni".
Fjala e plotë e Kryeministrit:
Në pozitën time ndodh shpesh që të japin merita që nuk i ke ashtu sikurse na ndodh që të të marrin meritat që ke, por në këtë rast është e para. Kjo ekspozitë nuk do ishte e mundur pa dy revolucionarë që rriten si Leart Kola dhe Andi Kananaj të cilët ishin të parët që më propozuan idenë e kësaj ngjarjeje kaq të veçantë. Dua t’i falënderoj ata për meritat që mora pa i pasur.
Së dyti patjetër që iu bashkova me shumë kënaqësi, më vjen mirë që sot është këtu familja e Rexhep Selimit, një prej 4 komandantëve të UÇK-së që sot gjenden të mbyllur padrejtësisht si rezultat i një historie të gjatë për t’u treguar sot por edhe i një fati të shenjuar nga barra më e madhe sesa vetë ata, një barrë që e morën përsipër kur ishin të rinj dhe janë të detyruar ta mbajnë deri në fund pavarësisht se kjo barrë vjen si zgjedhje ose pamundësi për të zgjedhur ndryshe. Është nder i veçantë që sot këtu kemi bashkëshorten, bashkëluftëtaren dhe bashkëvuajtësen e Rexhep Selimit, kemi të bëjmë me një çift bashkëluftëtarësh.
Për të thënë dy fjalë për këtë ekspozitë e cila nuk është e një artisti por e një njeriu që në izolimin e imponuar, ka gjetur rrugën e krijimit që në këndvështrimin tim është një rrugë lutjeje. Unë gjithmonë kam menduar qysh se kam hyrë në këtë arenë se politika është luftë e arti është lutje dhe kush ka fatin t’i bëjë të dyja ka gjithmonë një hapësirë të vetën intime për të reflektuar apo për të lëpirë plagët siç do të thuhej për luanët. Të tilla janë të gjitha këto vepra që do t’i quaja lutje me ngjyra. Lutje jo për mëshirë, jo për drejtësi por për njerëzillëk edhe për mundësinë e një udhëtimi brenda vetes që e kemi të vështirë në të përditshëm në të cilën vetja jonë është e detyruar të përshtatet dhe të përballet me pengesa të cilat të bëjnë të harrosh se veç vetes. Eksplorimi i kësaj zone në kushtet e një izolimi dramatik siç është ai në Hagë janë momente vërtet prekëse dhe është privilegj që na u dha kjo mundësi. Në ditët kur këto punë të jenë të varura në mure, krijuesit të përpiqen të krijojnë në këtë hapësirë një seri ngjarjesh, takimesh, reflektimesh për atë që është historia e Kosovës, e lidhur pazgjidhshmërisht me historinë e UÇK-së. Ne bëhemi mikëpritësit e kësaj historie eventesh.
Edhe meritën për krijimin e këtij eventi kryesor ta mbani me dinjitet deri në fund, dua t’i shpreh solidaritetin tim të gjithë familjarëve dhe bashkëluftëtarëve që nuk kanë bërë asnjë mëkat tjetër perveçse kanë guxuar përtej të gjitha parashikimeve dhe kundër çdo opinioni , për të çliruar vendin e tyre. Sot ata janë thirrur të paguajnë një çmim që nuk e meritojnë por që jeta e solli këtu, nga ana jonë përveç shtrirjes së dorës së vëllazërisë kemi detyrën të bëjmë atë që mundemi për ta bërë më të lehtë barrën e tyre në një përpjekje që është totalisht e pabarabartë. Dua të respektojmë deri në fund krijuesin e këtyre veprave. Shumë faleminderit të gjithëve dhe rastësisht sot mora vesh diçka që nuk e dija, që Shqipja nuk ka pasaportë shqiptare, ne mund ta korrigjojmë këtë gabim të madh dhe do jem shumë i lumtur nëse do më jepet mundësia që shumë shpejt tua dorëzoj pasaportën, jo vetëm ju por edhe fëmijëve që të jeni qytetarë të Shqipërisë edhe me dokumenta, jo veç me zemër.
Biznesi dhe Agron Shehaj TIRANË- Ditën e sotme është rrethuar me shirit biznesi i deputetit të Partisë Demokratike, Agron She...
Taulant Balla TIRANË- Kreu i grupit parlamentar në PS, Taulant Balla jashtë ambienteve të Kuvendit, tha se kërkesa e opozitës...
Taulant Balla TIRANË- Kreu i grupit parlamentar të Partisë Socialiste Taulant Balla deklaroi jashtë ambienteve të Kuvendit pas p&e...
Ermonela Felaj TIRANË- Kuvendi i Shqipërisë ka rrëzuar kërkesën e 28 deputetëve demokratë për shkarkimin nga d...
Opozita TIRANË- Opozita braktisi seancën plenare në momentin kur nisi votimi. I vetmi nga demokratët që qëndroi në sall&...
Enkelejd Alibeaj TIRANË-Deputeti i Partisë Demokratike, Enkelejd Alibeaj ka kërkuar të zhvillojë interpelancën mne kryeminist...
Jorida Tabaku TIRANË- Deputetja e Partisë Demokratike, Jorida Tabaku paralajmëroi nënkryetaren e Kuvendit se nëse nuk do të d...
Edmond Spaho TIRANË- Një tjetër deputet i Partisë Demokratike është përjashtuar sot nga seanca plenare pasi i ka rë...
Kuvendi TIRANË-Nënkryetarja e Parlamentit, Ermonela Felaj ka kërkuar nga komisioni i etikës që të përjashtojë nga p...
Seanca TIRANË- Kryeministri Edi Rama, ministrat dhe deputetët e Partisë Socialiste, duartrokitën fjalimin e kryetares së Kuvendit ...
