Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Sali Berisha e cilësoi akt të turpshëm dyfishimin e rrogave për zyrtarët e lartë, teksa tha se pagat e tjera në raport me inflacionin zbriten me 1%.
TIRANË- Ish-kryeministri Sali Berisha ka folur në Kuvend kundër projektligjit për rritjen e pagave për deputetët. Në fjalën e tij nga Foltorja e Kuvendit, Berisha e cilësoi akt të turpshëm dyfishimin e rrogave për zyrtarët e lartë, teksa tha se pagat e tjera në raport me inflacionin zbriten me 1%.
"Keni sjellë këtu një ligj të cilin pavarësisht të gjitha këto kundërshti, absolutisht që do të doja ta votoja se kam qenë dhe mbetem gjithnjë për rritjen e rrogave dhe pensioneve. Kam bindjen më të thellë se vetëm me gjysmën e atyre që ju vidhni çdo vit, pagat do mund të dyfishohen, dhe kjo jo nga të dhënat e mia, por nga të dhënat e Kontrollit të Lartë të Shtetit. Por nuk e votoj kurrë këtë ligj, sepse ky ligj është një mashtrim i tmerrshëm. Sepse institucionet e pavarur kanë përllogaritur dhe gjetur se ndërsa dyfishoni rrogat e zyrtarëve të lartë, defakto zbrisni me 1 përqind në raport me inflacionin rrogat e mësuesve, rrogat e arsimit parauniversitar, rrogat e policëve, rrogat e ushtarakëve, përveç Gardës e cila rritet me 3-4 për qind. Pra, ju kryeni një akt të turpshëm. Për vete rrisni rrogat, për të tjerat bëni një indeksim. Dhe çfarë indeksimi, indeksim thjeshtë me inflacionin 1-vjeçar, të rritjes nga viti 2022-2023. Dhe me gjithë këtë indeksim, përsëri në raport me inflacionin, disa kategori më në nevojë detyrohen të mbeten me minus. Propozuam që të vendosim minimumin jetik, në këtë periudhë kur sirenat e mjerimit po ulërijnë në gjithë vendin. T’i japim çdo shqiptari 200 euro, llogari kjo e Avokatit të Popullit, jo e opozitës. Jashtë çdo politike. Duke i dhënë nga 200 euro, ne nxjerrim nga varfëria ekstreme çdo shqiptar,"-tha Berisha.
DEKLARATA E PLOTË:
Së pari, jam këtu në emër të qindra-mijëra qytetarëve shqiptarë, të cilëve me mekanizmat më kriminale, të hapura dhe nën dorë, iu konfiskua vota dhe vullneti i tyre i lirë. Farsa elektorale 2023, do hyjë në histori si faqja më e zezë në Europë, pas rënies së Perdes së Hekurt. Në këtë farsë, e cila pati si fitimtar narkoshtetin dhe kartelet e drogës, narkoqeveria e Edi Ramës për herë të parë në 32 vite, përdori zarfin elektoral me 50 mijë lekë për çdo 678 mijë pensionistë, sikundër shpalli dhe realizoi rritje rrogash në mes të fushatës elektorale, me qëllimin e vetëm, blerjen e votës. Në këtë fushatë elektorale, për të gjithë ata të cilët thonë se rezultati ishte i thellë dhe bëjnë avokatinë e megakrimit elektoral, u them vetëm kaq; partia e blerjes së votës, aleati kryesor i kësaj partie, Tom Doshi, rriti mbështetjen e saj me zarfat nën dorë 240 për qind, apo 2.4 herë. Sigurisht, Tom Doshi nuk ka as një të qindtën e pasurisë që administron Edi Rama, nuk ka as një të mijtën e mekanizmit të shpërndarjes së parave që disponon Edi Rama. Dhe në këtë kontekst, blerësi më i madh i votave është Edi Rama me ministrat e tij të krimit. Ata që besojnë se blerja ishte jo e atillë sa të ndryshojë rezultatin, u them se vetëm sa mbroni blerjen dhe kontrollin e votimeve nga qeveria. Në rast se Tom Doshi rriti me 240 përqind blerjet, po Edi Rama me sa përqind e rriti? Duke shpërndarë 33 milionë euro ditën për drekë te 678 mijë pensionistë.
Cili vend në botë ka bërë një akt në mes të procesit zgjedhor? Edi Rama ia doli të angazhojë të gjithë bandat në Shqipëri, t’i bashkojë ato me presione dhe trysni të tmerrshme ndaj qytetarëve, të shpërndajë qindra milionë euro me të cilat rrëzoi përtokë monedhën evropiane. Nuk po llogaris këtu qindra milionë euro të përdorura nga janari gjer më sot për asfalte elektorale, për zhavorre elektorale, mijëra e mijëra legalizime për qëllime elektorale. Terrori dhe tmerri që u ushtrua mbi bizneset dhe qytetarëve, avokatinë e shpifur, shpifur, për të cilën pagoi miliona, në një propagandë të pashembullt, me të cilën, kërkohej, apo bërtitej, thirrej haptas: Rroftë hajduti, rrofshin kriminelët elektoralë, lavdi partisë së krimit, lavdi vjedhjes së votës. Por nga ana tjetër u kaluan në sulme për likuidim fizik ndaj eksponentëve të opozitës në Vaun e Dejës, në Lezhë, në keqtrajtime barbare të komisionerëve të saj. Ky parlament qëndron mbi krimin çdo ditë që pajtohet me një situatë të tillë. Ndaj jam këtu për të dënuar me ashpërsinë më të madhe këtë farsë të turpshme zgjedhore, të pandodhur kurrë më parë, për t’u bërë shqiptarëve thirrje të marrin në dorë fatin e lirive tona, për t’u përulur me nderimin më të madh përpara atyre mbi 500 mijë burrave dhe grave që nuk pranuan të trysnohen, blihen dhe shiten por qëndruan besnikë të idealeve të tyre. Zonja dhe zotërinj! Keni sjellë këtu një ligj të cilin pavarësisht të gjitha këto kundërshti, absolutisht që do të doja ta votoja se kam qenë dhe mbetem gjithnjë për rritjen e rrogave dhe pensioneve. Kam bindjen më të thellë se vetëm me gjysmën e atyre që ju vidhni çdo vit, pagat do mund të dyfishohen, dhe kjo jo nga të dhënat e mia, por nga të dhënat e Kontrollit të Lartë të Shtetit. Por nuk e votoj kurrë këtë ligj, sepse ky ligj është një mashtrim i tmerrshëm. Sepse institucionet e pavarur kanë përllogaritur dhe gjetur se ndërsa dyfishoni rrogat e zyrtarëve të lartë, defakto zbrisni me 1 përqind në raport me inflacionin rrogat e mësuesve, rrogat e arsimit parauniversitar, rrogat e policëve, rrogat e ushtarakëve, përveç Gardës e cila rritet me 3-4 për qind. Pra, ju kryeni një akt të turpshëm. Për vete rrisni rrogat, për të tjerat bëni një indeksim. Dhe çfarë indeksimi, indeksim thjeshtë me inflacionin 1-vjeçar, të rritjes nga viti 2022-2023. Dhe me gjithë këtë indeksim, përsëri në raport me inflacionin, disa kategori më në nevojë detyrohen të mbeten me minus. Propozuam që të vendosim minimumin jetik, në këtë periudhë kur sirenat e mjerimit po ulërijnë në gjithë vendin. T’i japim çdo shqiptari 200 euro, llogari kjo e Avokatit të Popullit, jo e opozitës. Jashtë çdo politike. Duke i dhënë nga 200 euro, ne nxjerrim nga varfëria ekstreme çdo shqiptar. Asnjë shqiptar nuk meriton sot të jetojë në varfëri ekstreme. Njerëzit janë të varfër se i varfëron qeveria, nuk kanë lindur të varfër. I vjedh qeveria, i keqtrajton qeveria. Me 200 euro ne, çdo pensionist, çdo qytetar në ndihmë ekonomike, çdo të papunë, secilin e nxirrnim nga humnera ekstreme që quhet mjerim. Nuk e nxirrni nga varfëria, por nga ajo më e keqja e nxirrni. Kurse ju rrisni rrogat e larta nga sipër, poshtë dhe ato poshtë shkojnë poshtë e më poshtë. Ky është cinizëm, kjo është pashpirtësi. Ju nuk keni asnjë lidhje me qytetarët, e vetmja gjë që u lidh është t’u vidhni votat. Si kriminelë elektoral, fantazma nate që kaloni nga njëri komunitet në tjetrin, duke kërcënuar dhe vjedhur votën. Ndaj dhe bëni këtë ligj sot. Ligj i turpshëm dhe ligj cinik. Hajdeni rrisim rrogat nga poshtë, lart. Kështu fillohet. Ka njerëz që numërojnë kafshatën, të vendosim minimumin jetik. Shqipëria ka çdo potencial dhe e ka llogaritur nga Avokati i Shtetit, nuk po them nga opozita dhe e respektoj atë, pse e respektoj, sepse i jep çdo shqiptari 6 euro në ditë. Dhe 6 euro në ditë janë shumë pak, por nuk janë në varfëri ekstreme. Ndaj dhe bllokojeni këtë seancë dhe miratojmë minimumin jetik.
TIRANË- Kryeministri Edi Rama ka ironizuar sot deputetin demokrat Dashnor Sula, pasi ky i fundit deklaroi se shtesën e tij të pagës d...
Arben Ahmetaj TIRANË- Deputeti socialist Arben Ahmetaj ka delaruar se rritja e pagës për administratën është politkë...
Sali Berisha TIRANË- Ish-kryeministri Sali Berisha ka komentuar sërish rastin e Tom Doshit dhe votat që ia mblodhi përmes Partisë...
Sali Berisha TIRANË- Kryetari i Partisë Demokratike Sali Berisha ka propozuar që në parlament të vendosen gjoba për depu...
TIRANË- Kryeministri Edi Rama ka deklaruar se ai vet nuk ka për ta votuar rritjen e pagave për ministrat dhe deputetët. Gjatë fj...
Sali Berisha TIRANË- Kreu i Partisë Demokratike, Sali Berisha ka komentuar "rikthimin" e Lulzim Bashës. Para mediave teksa hynte në Kuv...
Sali Berisha TIRANË- Kreu i Partisë Demokratike, Sali Berisha ka shkuar në Kuvend, por jashtë për gazetarët tha se nuk do ta ...
Fredi Beleri TIRANË- Komisoni Qendror i Zgjedhjeve i ka dhënë mandatin kandidatit të 'Bashkë Fitojmë' Fredi Belerit, ...
Gazment Bardhi TIRANË- Deputeti demokrat Gazment Bardhi ka ngritur disa pyetje në lidhje me rritjen e pagave. Gjatë fjalës s&eum...
Gazment Bardhi TIRANË- Deputeti demokrat Gazment Bardhi ka deklaruar se në Durrës dhe në Shkodër Ramës ia dhanë pus...
