LIVE UPDATES
Politike

Berisha kërkesë Gjykatës Kushtetuese: Të përshpejtohet shqyrtimi për heqjen e masës së arrestit

Berisha e ka paraqitur kërkesën përmes avokates së tij Klodiana Gjyzarit. 

25 Nëntor 2024, 18:22 Nga r.ll
Berisha kërkesë Gjykatës Kushtetuese: Të përshpejtohet
sali berisha

TIRANË- Kryetari i Partisë Demokratike, Sali Berisha ka kërkuar në Gjykatën Kushteutese përshpejtimin e gjykimit të kërkesës për heqjen e masës së arrestit. Berisha e ka paraqitur kërkesën përmes avokates së tij Klodiana Gjyzarit. 

"Në interes të pluralizmit zgjedhësve duhet t`u ofrohen disa alternativa dhe opozita duhet të ketë kushtet që të paraqesë alternativën e saj para zgjedhësve pa pengesa. Vazhdimi i masës së sigurimit personal “arrest në shtëpi” caktuar me vendimet objekt kundërshtimi cënon jo vetëm lirinë personale të kërkuesit, por kufizon të drejtën e tij të organizimit, të shprehjes, të përfaqësimit real të një alternative tjetër para zgjedhësve.", thuhet ndër të tjera në kërkesë. 

Kërkesa e Berishës vjen pasi Gjykata e Strasburgut ka pranuar padinë e tij kundër vendimit të SPAK për masën e sigurisë, ‘arrest shtëpie’. Pas pranimit të padisë, Gjykata e Strasburgut ka vendosur ta kalojë çështjen me përparësi, për vetë rëndësinë që paraqet kjo çështje për demokracinë dhe Shqipërinë  Gjykata e Strasburgut e ka klasifikuar si rast “leading” pra të rëndësishëm dhe se e kanë komunikuar shumë shpejt, duke pasur parasysh se nuk ka ende as shterim të mjeteve të brendshme. Çështja ka të bëjë me kërkesën e kryetarit të Partisë Demokratike Sali Berisha për rishikim gjyqësor të arrestit të tij shtëpiak.

KËRKESA E PLOTË DREJTUAR GJYKATËS KUSHTETUESE: 

KËRKUES: Prof. Dr. Sali BERISHA, i biri i Ram-ës dhe i Shiqere-s, i datëlindjes 15.10.1944, lindur në Tropojë dhe banues në Tiranë, në adresën: Rruga "Mustafa Matohiti", ndërtesa nr.36, hyrja 1/036, me nr. personal E40701031R, i mbrojtur sipas prokurës së posaçme nr.rep 1088, nr.kol.495/1, date 23.07.2024 nga av.Klodiana Gjyzari, nr. liçence 12079, nr. NIPT M 37002201N, adresë elektronike [email protected], nr. tel. 0694077644.

OBJEKTI:  Përshpejtimin e shqyrtimit të gjykimit të Kërkesës Kushtetuese, regjistruar prane Gjykatës Kushtetuese më datë 18.11.2024

E Nderuar Znj. Kryetare!

Kërkuesi Prof. Dr. Sali BERISHA, aktualisht Kryetar i Partisë Demokratike të Shqipërisë, ka paraqitur Kërkesë Kushtetuese, kundër Vendimeve nr.520 datë 30.12.2023 dhe Vendimit nr. 521, datë 27.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, Vendimit nr.15, datë 25.01.2024 të Gjykatës së Apelit për Korrupsionin dhe Krimin e Organizuar Tiranë dhe Vendimit nr. Nr. 00-2024-667 i Vendimit (94) datë 09.04.2024 të Kolegjit Penal të Gjykatës  së Lartë kërkesë e cila është regjistruar më datë 18.11.2024.

Shkaqet e për të cilat kundërshtohen vendimet gjyqësore të mësipërme kanë të bëjnë me shkeljen dhe mosrespektimin e parimeve të Demokracisë, të drejtat dhe liritë e njeriut, drejtësisë shoqërore, pluralizmit, që janë bazat e shtetit (neni 3 i Kushtetutës). Vendimet cënojnë parimin e ligjshmërisë, si dhe të ndarjes së pushteteve. 

Kushtetuta jonë parashikon që qeverisja bazohet mbi një sistem zgjedhjesh të lira dhe të barabarta dhe sovraniteti në Republikën e Shqipërisë i përket popullit. Cënimi i sovranitetit popullor, mosrespektimi i vullnetit të tij të shprehur nëpërmjet zgjedhjeve është shkelja më e rëndë që parashikon Kushtetuta, pasi shkelen nenet 1 dhe 2 të saj.  Për shkak të vendimeve gjyqësore objekt ankimi, Kërkuesi nuk kryen dot shërbimin për të cilin është zgjedhur, pasi pengohet të përfaqësojë zgjedhësit.

Gjykata Kushtetuese në vendimin nr. 48/2024 është shprehur se: “42. Koncepti i mandatit parlamentar përmban detyrimin e përfaqësimit real të zgjedhësve. Populli merr pjesë në vendimmarrjen parlamentare nëpërmjet tërësisë së anëtarëve të tij dhe për këtë qëllim duhet të garantohet pjesëmarrja e të gjithë deputetëve në vendimmarrje sipas kuadrit kushtetues. Sipas Gjykatës, vetëm duke qenë plotësisht efektiv, pra i përfaqësuar tërësisht me të gjithë anëtarët e tij, parlamenti mund të realizojë funksionin e tij demokratik. Nëse një deputet, për arsye të ndryshme, ndalohet ose pengohet të ushtrojë funksionin e tij si pjesë e parlamentit, atëherë cenohet parimi i përfaqësimit, si dhe raporti shumicë/pakicë i vendosur nga vullneti i zgjedhësve dhe që duhet të gjejë patjetër pasqyrim në parlament gjatë gjithë legjislaturës (shih vendimet nr. 1 datë 16.02.2022; nr. 44, datë 07.10.2011 të Gjykatës Kushtetuese).”

Për shkak të efekteve të vendimeve gjyqësore objekt kundërshtimi, të drejtat kushtetuese që kanë cënuar, me qëllim rivendosjen e ligjshmërisë, shqyrtimi i Kërkesës Kushtetuese të ankuesit, merr rëndësi të veçantë jo vetëm për atë si individ, por edhe për zgjedhësit që ai përfaqëson, si dhe për forcën politike, udhëheqës i së cilës është, e cila është e vetmja forcë opozitare, që ushtron efektivisht kontrollin e veprimtarisë së qeverisë.

Është ne interes të Demokracisë dhe Pluralizmit, që të ekzistojë një forcë opozitare dhe shteti duhet të mbikqyret që të mos cënojë të drejtën e shprehjes, organizimit dhe përfaqësimit të forcave opozitare, të mos përdorë të drejtat që i ka dhënë Kushtetuta dhe Konventa, me qëllim që të përqëndrojë pushtetin. Bazuar në sa më lart, Kërkesa Kushtetuese e paraqitur nga z.Sali Berisha ka rëndësi jo vetëm për atë si individ por edhe për publikun. Nje pjesë e shkaqeve të tij ankimore janë parashtruar në Kërkesën Kushtetuese të 1/5 të deputetëve të Kuvendit të Shqipërisë, për të cilën Gjykata Kushtetuese është shprehur me vendimin nr. 273 datë 20.12.2023 për mosmarrjen ne shqyrtim të tyre, që provon interesin e opozitës në marrjen në shqyrtim të Kërkesës Kushtetuese të z.Sali Berisha.

Përveç sa më lart, siç konstatohet nga datat e vendimeve objekt kundërshtimi, organet gjyqësore kanë vepruar me vonesë në vendosjen në dispozicion të vendimeve gjyqësore, duke shkaktuar vonesa në ushtrimin e të drejtës së ankimit ndaj tyre, për pasojë është zgjatur gjendja e paligjshmërisë. Efektivisht kërkuesi deputeti Z.Sali Berisha nuk ushtron mandatin për të cilin është votuar që prej datës 30.12.2023, pra zgjedhësit që e kanë votuar janë të papërfaqësuar përfafërsisht për 1/4 e periudhës legjislative për të cilën është zgjedhur. Kërkuesi ka paraqitur kërkesë për t`u lejuar të marrë pjesë në sesionet e Kuvendit të Republikës së Shqipërisë, kërkesa të cilat i janë refuzuar nga organi procedues dhe kërkuesi ka ezauruar dhe të treja shkallët e ankimit gjyqësor ndaj vendimit të refuzimit.

Po ashtu periudha para nesh është përiudhë parazgjedhore. Në interes të pluralizmit zgjedhësve duhet t`u ofrohen disa alternativa dhe opozita duhet të ketë kushtet që të paraqesë alternativën e saj para zgjedhësve pa pengesa.

Vazhdimi i masës së sigurimit personal “arrest në shtëpi” caktuar me vendimet objekt kundërshtimi cënon jo vetëm lirinë personale të kërkuesit, por kufizon të drejtën e tij të organizimit, të shprehjes, të përfaqësimit real të një alternative tjetër para zgjedhësve.

Si i vetmi Institucion që kryeni interpretimin përfundimtar të Kushtetutës, për shkak të drejtave që janë në diskutim, si dhe interesin publik në shqyrtimin e Kërkesës Kushtetuese të z.Sali Berisha, kërkojmë:

Caktimin një  date sa më të shpejtë të gjykimit të Kërkesës Kushtetuese të regjistruar më datë 18.11.2024 të kërkuesit z.Sali Berisha.

Me respekt

KËRKUES

Prof. Dr. Sali BERISHA

Nëpërmjet av.Klodiana GJYZARI

sali berisha gjykata kushtetuese

Sondazh

Poll
MË SHUMË

Në zbatim të masës “detyrim paraqitje”, Berisha paraqitet në SPAK

Në zbatim të masës “detyrim paraqitje”, Berisha paraqitet në SPAK

Tensione në Komisionin e Jashtëm! Debatet e forta mbi deklaratën e ministres serbe për Kosovën

Nesër protestë para Kuvendit! Paralajmëron protestuesi: Më 23 tubimi i madh

Protestuesi: Nuk ndalojmë deri në largimin e atij që është strukur në Kryeministri

Nis marshimi drejt Kryeministrisë, protestuesit bëjnë thirrje për dorëheqjen e kryeministrit

Dita e 50-të e protestës/ Nis grumbullimi në sheshin "Skëndërbej"

Kryeministri Rama kryen nderimet në homazhet për gazetarin Enrik Mehmeti

Emigrantët bllokohen në pikën kufitare mes Kroacisë dhe Serbisë, kërkojnë informacion

Pesë turistë gjermanë mbetën të bllokuar në Karaburun, ekipet e shpëtimit bënë të mundur gjetjen

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Shiko video te tjera