Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Balla e nisi fjalën e tij me një përshëndetje për udhëheqësit e UÇK-së që po përballen me gjyqin në Hagë dhe kërkoi që të gjithë të pranishmit të valëvisnin flamujt kuqezi në formë përshëndetjeje.
FIER- Kryetari i grupit parlamentar të Partisë Socialiste, Taulant Balla ka prezantuar kandidatin e Partisë Socialiste në Fier, Armando Subashin, që është dhe kryebashkiaku aktual. I panishëm në Fier, Balla e nisi fjalën e tij me një përshëndetje për udhëheqësit e UÇK-së që po përballen me gjyqin në Hagë dhe kërkoi që të gjithë të pranishmit të valëvisnin flamujt kuqezi në formë përshëndetjeje.
Balla deklaroi gjithashtu se faturat e Monika Kryemadhit, rferuar akuzave për financime ruse janë vetëm maja e Ajsbergut dhe se Partia Socialiste nuk do të ndalet deri sa t’i shkoje në fund dhe të zbulojë të vërtetën e pagesave të kryera nga kompanitë ruse për Kryemadhin. Balla tha gjithashtu se Kryemadhi nuk duhet të kërcënojë mediat, por tu japë një shpjegim qytetarëve rreth pagesave të rrjedhura nga kompanitë ruse.
Fjala e plotë e Taulant Ballës:
Shumë faleminderit për këtë prezencë në këtë moment të rëndësishëm të pjesës që paraprin fushatën parazgjedhore. E them parazgjedhore pasi nuk kam asnjë dyshim se në 14 maj populli i Fierit do t’i rinovojë kontratën krytarit tonë të Bashkisë Armando Subashi. Dhe jam shumë i sigurtë që rezultati i 14 Majit për Armandon do të jetë shumë më i mirë se në 2015-n, shumë më i mirë se në 2019. Do të jetë kurorëzimi i një pune shumë të shkëlqyer në dobi të këtij qyteti. Por mos harroni Armando ka nevojë që në 14 maj të marrë mbështetjen për Këshillin Bashkiak. Na duhet që Parlamenti vendor i Fierit të jetë me një shumicë të cilësuar socialiste për të mbështetur të gjitha projektet që Bashkia do të vijojë të implementojë në dobi të zhvillimit të qëndueshëm të kësaj Bashkie. Motra e vëllezër, kur planifikuam këtë takim të prezantimit të anëtarëve të Këshillit Bashkiak nën udhëheqjen e Armandos si kandidati ynë për Bashkinë në fakt menduam ta bëjmë në Pallatin tonë të Kulturës por duke ditur se kërkesa e të gjithëve ishte shumë e madhe për të qenë pjesë atëherë zgjodhëm këtë shesh të bukur këtu i cili do të vazhdojë të transformohet sikurse po transformohen të gjitha sheshet e Fierit. Pikërisht për t’i dhënë mundësinë çdo qytetari të Fierit të jetë prezent. Sot unë kam nderin që të prezantojmë të gjithë anëtarët e Këshillit Bashkiak dhe Armando në fund do t’i ftojë për të qenë prezent këtu në mënyrë që nga sot në çdo lagje të qytetit të Fierit dhe në çdo cep të kësaj Bashkisë të madhe edhe anëtarët e Këshillit Bashkiak të marrin kontakt me zgjedhësit, të njihen me zgjedhësit dhe natyrshëm t’i kërkojnë atyre besimin. Këto zgjedhje nuk duken të jenë zgjedhje të vështira për sa i përket ofertës për të cilën qytetarët kanë përpara. Në Fier jo e jo por unë mendoj në çdo Bashki të vendit duhen votuar kandidatët e Partisë Socialiste të cilët kanë dëshmuar aty ku kandidojnë por edhe aty ku ne kandidojmë me kandidatë të rinj se janë e vetmja ofertë e besueshme bashkv me ta është e gjithë mbështetja e Kryeministrit tonë Edi Rama. Na duhet që Armando dhe Edi Rama të punojnë bashkë për Fierin ashtu sikurse na duhet se edhe në Patos Fatjoni dhe Edi Rama të punojnë bashkë për Patosin; në Mallakastër Qerimi dhe Edi Rama të punojnë bashkë për Mallakastrën; në Roskovec na duhet që Majlinda dhe Edi Rama të punojnë së bashku për Roskovecin; Në Lushnje Eriselda dhe Edi Rama të punojnë bashkë për Lushnjen; Në Divjakë Josifi bashkë me Edi Ramën të punojnë për Divjakën. Nuk ka asnjë dyshim se rezultati i 14 majit do të jetë 6 me 0 për qarkun Fier sepse duhet t’i japim njjë përgjigje siç i shkon për shtat Sali Berishës dhe Ilir Metës. Socialistët mezi presin që më në fund t’i kenë përballë të dy bashkë edhe Saliun dhe Ilirin. Këto ditë opinioni publik është njohur me një fakt që është thjesht dhe vetëm maja e ajsbergut e një historie financimesh ruse për dyshen Berisha-Meta dhe në vend që bashkëshortja e ish-Presidentit, deputetja e Fierit të dalë dhe të sqarojë nga vijnë këto pagesa dividentësh e të qenurit aksioner me kompani përfituesish të pushtetit të Vladimir Putinit, kërcënon mediat se do të padisë mediat. Gjëja e parë që duhet të bëjë një politikan ndaj të cilit ngrihet një akuzë, duhet të dalë përpara publikut dhe të sqarojë se si ka mundësi që përfituesit drejtpërdrejtë të pushtetit të Putin financojnë deputeten e Fierit? Ne nuk do të heshtim. Ne do të vazhdojmë t’i kërkojmë prokurorisë Speciale Antikorrupsion të sqarojë sikurse është e detyrueshme për prokurorinë të hetojë financimet e Sali Berishës. Sepse një gjë duhet të dini, asgjë nuk është e rastësishme nga financimet e Rusisë për Saliun dhe Ilir Metën. Këto ditë ne jemi duke diskutuar më së shumti për pagat e punonjësve, pagat e punonjësve janë çështja themelore për të cilën do të vazhdojmë ta diskutojmë edhe përgjatë takimeve në çdo cep dhe në çdo ditë të kësaj fushate. Kemi marrë vendimin historik për ta rritur pagën minimale në 400 mijë lek në muaj. Unë e di se shumë mund të thonë se edhe 400 mijë lek janë pak por mos harroni kurrë se në 2013 paga minimale ishte vetëm 190 mijë lek. Të vjetra. Kemi arritur pvr një kohë të shkurt ta dyfishojmë dhe ta tejkalojmë dyfishin dhe synojmë që të vazhdojmë ta rrisim pagën minimale edhe në muajt dhe në vitet në vijim. Mos harroni vendimet e partisë socialiste dhe qeverisë për rritjen e rrogës mesatare, për të rritur pagat e administrates, mësuesve, infermierve, të mjekëve, mjekëve specialist i rritet paga me 500 mijë lekë aq sa ishte paga e nnjë muaji në 2013. Dhe këto janë detyrimet që ne kemi ndaj atyre që me përkushtim kemi arritur të tejkalojmë sfidat e mëdha që na u vunë përpara qv nga termeti i 2019, pastaj pandemia e pastaj kjo Luftë.
Motra e Vëllezër të Fierit. Natyrshëm që Partia Socialiste pret një rezultat të rëndësishëm në Fier. Po mos harroni se ku e gjetëm Fierin nën qeverisjen e Partisë Demokratike. Mos harroni se në Fier Partia Demokratike ka qeverisur edhe në Bashki nga viti 1992 deri 2000 dhe po na duhet një punë e madhe për të pastruar të gjthaato pisllëqe që lanë pas duke filluar që nga pastrami i Gjanicës, transformimi i Gjanicës është pikërisht një nga veprat më domethënëse të punës së mirë të bërë nga Armando Subashi në krye të kësaj Bashkie. Dhe ne do të vazhdojmë të lirojmë hapësira publike se duam t’i kthejmë çdo banori të Fierit hapësirat publike. Dhe prandaj transformimi i Qytetit do të vazhdojë me transformimin e qëndrave të Njësive Administrative. Jemi duke bërë një punë të shkëlqyer në Cakran. Po bëjmë një punë të shkëlqyer në Libofshë. Do të vazhdojmë me të gjitha njësitv e tjera administrative sepse ne duam që Fieri të mos ketë vetëm një qendër në Qytet por çdo qendër Lagje, çdo qendër njësie, cdo qendër fshati të jetë me të njëjta standard. Kur m’u besua detyra e drejtuesit politik e Qarkut Fier e kam mirëpritur me shumë kënaqësi sepse nuk ka socialist që nuk do dëshironte që një herë të jetë drejtues politik në kryeqytetin e socialistëve, në Fier. Por kjo kënaqësi është edhe më e madhe kur sheh se si çdo ditë mbahen premtimet. Vetëm këtë vit ne realizojmë pothuajse 30 km asfalt vetëm me buxhetin e bashkisë, sikurse vazhdojmë këtë vit investimet në rrjetin shpërndarës të ujit të pijshëm dhe të kanalizimeve për të garantuar atë objektiv që i kemi vendosur vetes, furnizim 24 orë në çdo cep të Fierit. Po ashtu edhe në kanalizime, po ashtu edhe në rrjetin e shpërndarjes së energjisë elektrike ku e vërteta është që dyhet të bëjmë më shumë dhe më mirë në muajt dhe në vitet që vijnë. Do të doja shumë të flisja për shumë çështje por sot në fund të fundit jemi mbledhur këtu që të dëgjojmë atë që partia socialiste e Shqipërisë kishte një ndër vendimet më të lehta për të marrë, rikandidimin e Armando Subashit, sepse puna e Armandos është ajo që flet vet është ajo që flet më së miri dhe po ashtu dua që të jepni siç e thash besimin djemve dhe vajzave, burrave dhe grave që janë në këshillin bashkia. Gjej rastin të falenderoj një për një të gjithë ata anëtarë të këshillit bashkia që nuk do jenë më në këshill por që kanë bërë një punë të shkëlqyer gjatë 4 viteve. Por mos harroni kjo është partia socialiste, ka aq shumë burime njerëzore që i duhet herë pas here të ndryshojë edhe t’ju japi mundësi edhe më të rinjve por edhe profesionistëve, dhe në këshillin bashkiak, në parlamentin vendor të Fierit ne kemi bërë një përzgjedhje të atillë që të kemi mundësi që çdo komunitet çdo profesion çdo lagje, çdo rajon dhe njësi e fierit të ketë përfaqësuesit e vet. Të dashur motra e vëllezër pa u zgjatur më lejoni ti japë fjalën mikut tim dhe kryebashkiakut të Fierit, Armando Subashit, i cili ka detyrën që në zgjedhjet e 14 Majit bashkë me në e bashkë me ju ti japi partisë socialiste fitoren më të bukur të 14 Majit.
Sali Berisha DIVJAKË- Kryedemokrati Sali Berisha ka prezantuar kandidatin e Partisë Demokratike për Bashkinë e Divjakës në zg...
Sali Berisha DIVJAKË- Kryedemokrati Sali Berisha ka deklaruar se socialistët abuzojnë me fondet për të përfituar personalisht...
Julian Deda TIRANË- Anëtari i Këshillit Kombëtar të Partisë Demokratike dhe njëkohësisht kandidati për anë...
Erion Veliaj TIRANË- Kryebashkiaku Erion Veliaj ka prezantuar kandidatët për këshillin bashkiak të Tiranës. Në një...
Jola Hysaj TIRANË- Sekretarja e Marrëdhënieve me Publikun në PD, Jola Hysaj ka denoncuar të njëjtën skemë që &...
Ilir Meta SHKODËR- Kreu i Partisë së Lirisë Ilir Meta ka komentuar lajmet që kanë dalë sot se Agon Channel ka ...
Ilirjan Celibashi TIRANË- Kreu i Komisionit Qendror të Zgjedhjeve, Ilirjan Celibashi deklaroi se në listat e kandidatëve për k&eu...
Ilir Meta dhe Bardh Spahia SHKODËR- Kreu i Partisë së Lirisë Ilir Meta ka deklaruar se Shkodra në 14 maj do të f...
Yuri Kim dhe Edi Paloka TIRANË- Përplasje mes deputetit të Partisë Demokratike, Edi Paloka dhe ambasadores së Shteteve të Bas...
TIRANË- Kryeministri Edi Rama ka pranuar se në një aktivitet ku morën pjesë dhe anëtarë të kabinetit të qeveris&e...
