Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kurti vuri në dukje se kjo datë është e lidhur jo vetëm me ngritjen e flamurit nga Gjergj Kastriot Skënderbeu në Krujë më 1443, por edhe me shpalljen e Pavarësisë së Shqipërisë më 28 nëntor 1912 në Vlorë nga Ismail Qemali.
KOSOVA- Kryeministri në detyrë i Kosovës, Albin Kurti, ka uruar shqiptarët me rastin e 113-vjetorit të Pavarësisë së Shqipërisë, duke theksuar rëndësinë historike të datës 28 nëntor dhe lidhjen e saj me rrugëtimin e kombit shqiptar. Kurti vuri në dukje se kjo datë është e lidhur jo vetëm me ngritjen e flamurit nga Gjergj Kastriot Skënderbeu në Krujë më 1443, por edhe me shpalljen e Pavarësisë së Shqipërisë më 28 nëntor 1912 në Vlorë nga Ismail Qemali.
Kurti theksoi se, përtej kujtesës historike, fokusin e ka kah e ardhmja dhe një “Nëntor i Tretë”, i cili simbolizon përpjekjet e vazhdueshme për zhvillim, punë dhe përkushtim të kombit shqiptar. Ai shtoi se arritja e këtij qëllimi do të përmbushë amanetin e të gjithë atdhetarëve shqiptarë, duke bashkuar të kaluarën heroike me vizionin për një të ardhme më të fortë dhe të lirë.
Reagimi i plotë:
Nuk dihet të ketë një tjetër komb në botë që fati i tij të jetë ndërthurur kaq pazgjidhshmërisht me një datë të caktuar ashtu siç gërshetohet data 28 Nëntor me fatin e kombit tonë. Kjo ditë e 28-të e muajit të njëmbëdhjetë vërtet ishte një aksident historik i vitit 1443, por një aksident i këtillë, i përsëritur me kaq ngulm përgjatë historisë, doemos u kthye dhe u bë një shenjë e shenjtë e kalendarit tonë kombëtar. Në këtë datë, mbi Kështjellën e Krujës, u ngrit flamuri kuq e zi i Kastriotëve, që u kthy e u bë edhe flamur yni kombëtar. Kështu nisi rrugëtimi i nëntorëve tanë që erdhën e u lidhën si hallka të një zinxhiri të pashkëputshëm, duke shënuar jo vetëm data kalendari, por edhe rrugën e lirisë sonë.
Pas shumë shekujsh, më 28 nëntor 1912, ky flamur u ngrit prapë në Vlorën e Labërisë, kur u shpall mëvetësia e Shqipërisë së sotme Administrative. Ky ishte Nëntori ynë i Dytë. Në këtë shpallje u njëmendësua një pjesë e projektit larpamës të Sami Frashërit, i cili kishte paraparë një Shqipëri në kufijtë e përafërt të katër vilajeteve. Ai theksonte qartë që “qëllimi i vetëm i shqiptarëve është të ruajnë Shqipërinë të mos copëtohet prej të huajve, të mbajnë gjuhën e kombësinë e tyre”. Por kjo, për fat të keq, në atë kohë u arrit vetëm pjesërisht. Për më tepër, në kujtimet e tij, në përvjetorin e parë të pavarësisë, në vitin 1913, Luigj Gurakuqi shprehej se “në jetën e kombevet, si edhe në jetën e njerëzve ndodhin hera-herë disa rasa të paprituna, që trazojnë rrjedhën e punëve dhe shkaktojnë disa ngjarje, që as nuk pritej, as nuk shpresohej të ndodhnin. Ashtu kishte ngjarë në vitin 1912, mot i mbushur me mjerime e me pësime, por që, në mes të trazimeve e të ligave të panjohura, kishte sjellë edhe nji send të pashpresuar e të paçmueshëm, dmth. lirinë, bashkimin dhe pavarsinë e Atdheut!”
Megjithëkëto, historia e nëntorëve tanë nuk mbaron këtu. Në po këtë datë, në vitin 1955, në kullat e Jasharëve në Prekaz lindi Kryekomandanti i UÇK-së, Adem Jashari, njeriu që do të vihej në ballë të luftës për lirinë e Kosovës. Po ashtu, më 28 nëntor të vitit 1997, UÇK-ja, për herë të parë, doli publikisht për t’ia bërë me dije botës se ky popull ishte i gatshëm të bënte çdo flijim dhe nuk do të hiqte dorë kurrë nga lufta për liri. Gjithë këto përpjekje, luftëra e flijime të atdhetarëve shqiptarë nëpër shekuj janë kurorëzuar sot me Shqipërinë e pavarur dhe me Kosovën e pavarur.
Natyrisht, si komb evropian, sytë i kemi të kthyer kah e ardhmja, kah një Nëntor i Tretë, që duhet të vijë nëpërmjet përpjekjeve tona, punës dhe përkushtimit tonë të vazhdueshëm. Ky Nëntor i Tretë, edhe nëse nuk do të bjerë në këtë ditë, edhe nëse nuk do të jetë muaj i nëntorit, ne mund ta pagëzojmë që sot si 28 Nëntori ynë i Tretë. Atëherë amaneti i të gjithë atdhetarëve shqiptarë, të gjallë e të vdekur, do të përmbushet. Urojmë që kjo ditë të vijë sa më shpejt!
Vëllezër shqiptarë e motra shqiptare, kudo që gjendeni, mes familjeve e miqve tuaj, në këtë ditë gëzimi e feste:
Gëzofshi 28 Nëntorin, Ditën e Flamurit!/ Dosja.al
Memoriali “Nënë Shqipëri” TIRANA- Shqiptarët anembanë botës festojnë sot 113-vjetorin e shpalljes s&eum...
Flamur Noka TIRANË- Sekretari i Përgjithshëm i Partisë Demokratike, Flamur Noka ka komentuar incidentin e fundit të ndod...
Ervin Salianji TIRANË- Ervin Salianji ka reaguar, pasi kryetari i grupit parlamentar të PD-së, Gazment Bardhi e quajti takimin e S...
Ilir Alimehmeti TIRANË- Ilir Alimehmeti teksa po kometonte takimi me anëtarin e Kryesisë Ervin Salianji në selinë ...
TIRANË- Ilir Alimehmeti ka reaguar, pasi kreu i grupit Gazmend Bardhi e quajti takimin në selinë blu të anëtarit të Kryesis...
Gazment Bardhi TIRANË- Kryetari i Grupit Parlamentar, Gazment Bardhi ka deklaruar se nuk do të ketë asnjë bashk&eu...
Ilir Alimehmeti TIRANË- Ilir Alimehmeti ka dhënë detaje nga takimi në selinë blum ku të pranishëm ishin Anëta...
Gazment Bardhi TIRANË- Kryetari i Grupit Parlamentar i PD, Gazment Bardhi ka komentuar takimin e Ervin Salianjit me disa prej figurave të selis&e...
Edi Rama TIRANË- Kryeministri Edi Rama dha një intervistë për gazetën austriake ‘Die Presse’, ku foli për procesi...
Vjosa Osmani SHKODËR- Presidentja Vjosa Osmani deklaroi gjatë vizitës saj në Shkodër se përgatitjet për zgjedhjet e ja...
