Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në reportazh është përfshirë një kast i gjerë folësish nga Shqipëria dhe Brukseli teksa thuhet se vendi ka rëndësi domethënëse pasi është një lidhje mes Lindjes dhe Perëndimit, por që nga rënia e komunizmit, luftohet me korrupsionin dhe krimin e organizuar.
TIRANA- Rrjeti mediatik franko-gjerman "Arte", ka publikuar reportazhin, referuar vendit tonë, me titull “Drogë, dollarë, diplomaci: Vallëzimi i Shqipërisë me BE-në”. Në reportazh është përfshirë një kast i gjerë folësish nga Shqipëria dhe Brukseli teksa thuhet se vendi ka rëndësi domethënëse pasi është një lidhje mes Lindjes dhe Perëndimit, por që nga rënia e komunizmit, luftohet me korrupsionin dhe krimin e organizuar.
Gazetarja Aleksandra Bogdani bën konstatimin se “ne po bëhemi gjithmonë e më shumë si një mini-Rusi” dhe ky mbetet një lajtmotiv i dokumentarit. Gjithashtu në reportazh thuhet se edhe pse zyrtarisht është një sistem shumëpartiak, shumë politikanë të rëndësishëm të opozitës janë në burg, ndërsa shtohet se prej 11 vitesh, që gjitha fijet i lëviz kryeministri Edi Rama, një bashkëpunëtor i ngushtë i Perëndimit.
Ky i fundit, po në këtë reportazh thotë se natyrisht në Shqipëri ka korrupsion, por vendi ka sot më shumë mënyra për të luftuar fenomenin më shumë transparencë, për më shumë garanci. Nga ana tjetër kundërshtari i tij politik Sali Berisha, (nën masën "arrest shtëpie" kur u xhirua reportazhi) thotë se u burgos pa asnjë akuzë penale dhe se Prokuroria është nën ndikimin e fortë të Edi Ramës.
Disa pjesë të shkëputura nga reportazhi:
Pjesë nga reportazhi: Për BE-në, ky vend ka rëndësi domethënëse pasi është një lidhje mes Lindjes dhe Perëndimit. Por që nga rënia e komunizmit, Shqipëria lufton me korrupsionin dhe krimin e organizuar. Edhe pse zyrtarisht është një sistem shumëpartiak, shumë politikanë të rëndësishëm të opozitës janë në burg. Prej 11 vitesh, që gjitha fijet i lëviz kryeministri Edi Rama, një bashkëpunëtor i ngushtë i Perëndimit.
Berisha: Që prej 31 dhjetorit 2023, unë jam një i burgosur politik në shtëpinë time. Unë jam burgosur pa asnjë akuzë penale. Prokuroria është nën ndikimin e fortë të Edi Ramës. Për katër vite kanë kërkuar dhe nuk kanë gjetur asnjë shkelje. Zero. Ky është një puç kundër parlamentit, nëse keni prova, paraqitini në parlament dhe unë do të bashkëpunoj. Nuk ka rëndësi se çfarë veprimi. Por pa asnjë provë, kjo është shkelje e Kushtetutës dhe këtë gjë unë si ish-president nuk e pranoj.
Rama: A ka Shqipëria probleme me korrupsionin? Natyrisht. Nuk ka asnjë dyshim. Por a ka Shqipëria sot më shumë mënyra për të luftuar korrupsionin, për më shumë transparencë, për më shumë garanci kundër korrupsionit? Sigurisht. Përndryshe nuk do të flisnim sot për sistemin e drejtësisë dhe rezultatet e tij. Dhe nuk do flisnim për njerëz që kanë pasur pushtet, madje edhe në qeverinë time, por që sot janë pas hekurave. Kjo është hera e parë në historinë tonë.
Pjesë nga reportazhi: Mbi të gjitha, janë rivalët e Ramës në shënjestër të drejtësisë. Në dhjetor të vitit 2023, lideri i opozitës, Sali Berisha u arrestua, ndërsa lirimi i tij u festua nga mbështetësti e tij. Më 21 tetor 2024 u arrestua në mënyrë brutale duke u nxjerrë nga makina një tjetër ish-president dhe drejtues i opozitës, Ilir Meta. Të dyja e kritikojnë ashpër kryeministrin Edi Ramën prej vitesh.
Berisha: Tre drejtuesit e tre partive kryesore të opozitës ose janë në arrest, ose janë nën akuzë. Kjo për shkak se kjo mënyra që ka zgjedhur Edi Rama për të fituar zgjedhjet e ardhshme. Në burg ka një zonë më të madhe për të ecur. Këtu kam të paktën pak hapësirë për të ecur dhe unë eci për të mbajtur trupin në formë. Shihni pak këto kulla? Çfarë janë këto? Të gjitha janë memoriale të drogës dhe korrupsionit. Një gazetare e guximshme ka zbuluar se nga 4 miliardë euro të investuara, vetëm 800 milionë vijnë nga sistemi bankar. 3.2 miliardë vijnë nga bota e nëndheshme. Edi Rama kërkon të kontrollojë të gjithë opozitën me çdo mjet. Që vendi të ketë një opozitë false. Prandaj ne duhet të luftojmë. Vendin ka nevojë për opozitën, nëse nuk e pëlqen ai apo jo, vendi ka nevojë për një zë që flet kundër kësaj diktature të bandave.
Andi Mustafaj TIRANË- Partia Demokratike ka reaguar pas një video-montazhi të shpërndarë në rrjet sociale nga kryeministri Ed...
TIRANË- Kryedemokrati Sali Berisha ka zhvilluar një takim me të rinjtë në Tiranë, së bashku me kryestrategun e fushat&...
Chris LaCivita TIRANË- Drejtuesi i fushatës së Partisë Demokratike, Chris LaCivita, dhe kryedemokrati Sali Berisha kanë zhvilluar ...
Sali Berisha TIRANË- Kreu i Partisë Demokatike Sali Berisha dhe kryestrategu i fushatës së PD, z.Chris LaCivita, kanë zhvill...
Inceneratori i Tiranës TIRANË- Gjykata e Posaçme ka dhënë sot vendimin për të akuzuarit për incenerato...
Lefter Koka TIRANË- Gjykata e Posaçme ka dhënë sot vendimin për ish-Ministrin e Mjedisit Lefter Koka për inceneratorin...
Florian Sulejmani BERAT- Drejtori i Përgjithshëm i Agjencisë së Mbikëqyrjes Policore, Florjan Sulejmani është pezulluar ...
Edi Rama CËRRIK- Kryeminstri Edi Rama ka zhvilluar ditën e sotme një takim me fermerët në Cërrik. Gjatë takimit Ram...
Vjosa Osmani KOSOVA- Presidenca e Kosovës ka pranuar letrën nga Kuvendi pas dështimit të djeshëm të konstituimit të...
Kryetari i LDK-së, Lumir Abdixhiku, së bashku me deputetë të tjerë të LDK-së në Kuvendin e Kosovës më 15 pri...
