Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Nëse keni menduar se keni parë gjithçka nga kronikat e televizioneve, nëse keni menduar se ‘qokat’ ndaj kryeministrit përfundojnë dhe ndalen vetëm në raportimet nga kryeministria apo në titujt ‘lajkatarë’, s’keni dëgjuar ende ‘perlën’ që vjen nga redaksia e televizionit të Kukësit.
Një televizion që ndiqet të paktën nga banorët e zonës, ka transmetuar një kronikë mjaft speciale, që ka ngritur përtej qiellit e piedestalit, punën e kryeministrit Edi Rama, gjatë pandemisë së Covid-19.
Lidhur me kritikat dhe denoncimet e Opozitës, në kronikë ata quhen të humbur që mbledhin gozhdë të ndryshkura rreth Shqipërisë për të mbërthyer Ramën, por që sipas TVKukësit, nuk ja dalin dot. Përshkrim mjaft të veçantë kanë edhe ata që janë ankuar për izolimin dhe mbylljen në shtëpi, të cilët gazetarja në fjalë i quan ‘pijanecë e frekuentues pub-esh’ që mezi presin të dalin.
Përmbajtja e plotë e kronikës
Pandemia e koronavirusit ka prekur edhe Shqipërinë por falë masave të shpejta të Qeverisë dhe angazhimit personal të kryeministrit Edi Rama, ky është një fakt që askush nuk e mohon dhe merret shembull nga të gjithë ndërkombëtarët, efektet e dëmeve janë më të ulëta se në periudhat e zakonshme gripale, në humbjen e jetëve. Masat shtrënguese kanë qenë të studiuara mirë dhe shumë efektive. Kundër këtyre masave, vajtojnë duke çjerrë sytë vetëm hajdutët, kriminelët, dashakeqësit, pijanecët dhe qylxhinjtë e mejhaneve, si dhe frekuentuesit e pubeve, e disa politikanë të rënë nga fiku. Edhe pse me këto të drejta, kërkojnë të bëhen subjekt kriminal, të jetës së shumicës së popullit shqiptar. Të shëtisim sipas qejfit tonë thonë ata e të mos ndëshkohemi bazuar në rregullat e vendosura gjatë periudhës së Covid-19. Këta njerëz, me siguri nëse në Shqipëri do të kishte më shumë viktima dhe spitalet do të ishin në spital, do të organizonin protesta të dhunshme për marrjen e masave, ndërsa sot bëjnë thirrje kundër marrjes së masave. Po çirren e ngjiren përse nuk hapen lokalet e bizneset, ku dihet shumë mirë që një hapje e tillë, do t’i jepte krah virusit vdekjeprurës. Po kush është më i interesuar më shumë se vqë të dalim nga karantina, përveç kryeministri Edi Rama? Askush përveç atij. Ai sigurisht nuk dëshiron të mbyllen bizneset dhe të boshatiset arka e shtetit, duke bërë që të marrë lekë borxh e t’ua japë shqiptarëve, shumicës, siç edhe po jep sot disa, më shumë se në gjendje të zakonshme.
Duhet t’i jemi falenderues stafit mjekësor që po e përballojnë situatën në mënyrë shembullore prej më shumë se dy muajsh. Mirënjohje për qeverinë e kryeministrin që më shumë se kurrë u lidh me hallet e shqiptarëve në këtë luftë. Mirënjohja më e madhe i takon shqiptarëve për mirëkuptimin dhe solidaritetin e shqiptarëve që u treguan mirëkuptues dhe po e luftojnë këtë luftë. Kurrë më parë nuk janë treguar më të afërt qeveria dhe populli, sa në këto dy luftëra të natyrë, si tërmeti i nëntorit dhe pandemia e marsit. Vetëm për këto luftëra Shqipëria ka fituar respekt ndërkombëtar. Sot, emigrantët shqiptarë shihen si njerëz të një rrace me kulturë dinjitoze që meriton respekt të veçantë. Shqipërisë më shumë se askush tjetër do t’i mbyllë plagët e kësaj lufte dhe në gjysmën e dytë të këtij viti, vendin tonë do ta përfshijë vrulli i punës. Turizmi shqiptar me punën e bërë në luftën e pandemisë, po çertifikohet si aset prioritar për t’u vizituar nga turistë të huaj. Le të vazhdojnë të vajtojnë me kokën në dritare, zmirxhinjtë, privilegjhumburit dhe politikanët e mbirë në vazot e qelqit. Bashkë me militantët kollovarë të rrjeteve sociale që me fantazinë e tyre projektojnë varreza dhe arkivole. Të bindur plotësisht se janë të humbur, mbledhin anë e mbanë Shqipërisë gozhdë të ndryshkura, për të mbërthyer qeverinë dhe kryeministrin Edi Rama. Shqiptarët po e fitojnë të parët këtë luftë. Dita e fitores është pranë, jo më pak se dy tre javë. Durim.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Presidenti i vendit Ilir Meta i ka uruar homologut Hashim Thaçi shërim të shpejtë, pasi ky i fundit iu nënshtrua një ndërhyrje kirurgj...
TIRANË– Zv.kryeministri Erion Braçe u është përgjigjur deklaratave të biznesmenit Nikollaq Neranxi, i cili i ftuar në emisionin “Open” propozo...
TIRANË– Kreu i Partisë Demokratike, Lulzim Basha është shprehur se në Kryeministri po punohet ethshëm për të falsifikuar shifrat. Në një lidhje me Skype në...
TIRANË– Kryetari i Partisë Demokratike Lulzim Basha është shprehur se karantina nuk ka dhënë fryte, pas Qeveria ka lënë hapur fasoneritë, të cilat ai...
TIRANË– Kryetari i grupit parlamentar të Partisë Socialiste, Taulant Balla u ka dalë në mbrojtje kolegëve të tij ndaj kritikave të opozitës. Nga karrigia e...
TIRANË– Kryeministri Edi Rama i është përgjigjur me ironi Partisë Demokratike, e cila së fundmi denoncon shumë raste të shqiprtarëve që nuk kanë marrë pagë...
TIRANË– Sekretari i Përgjithshëm i Partisë Demokratike, Gazment Bardhi i është kundërpërgjigjur kryeministrit Edi Rama, lidhur me statusin e tij për ...
TIRANË- Kryetari i Partisë Demokratike, Lulzim Basha ka mbledhur sot në një takim në ambientet e selisë blu, aleatët opozitarë. Basha ka mbledhur në një ta...
DURRËS– Ditën e sotme Këshilli Bashkiak i Durrësit ka caktuar drejtusin e ri. Emirjana Sako do të jetë kryebashkiakja e komanduar, e cila do të zëvëndësojë...
DURRËS– Këshilli Bashkiak i Durrësit, ka vendosur që kryebashkiakia e qytetit të jetë Emirjana Sako. Sako do të zëvëndësojë, paraardhësin e komanduar Zhulj...
