Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Këshilli Evropian u shpreh sot për Shqipërinë, ku sërish përgjigja ishte: Jo, nuk ka zgjerim as në qershor. Kjo përgjigje nuk ishte e papritur, pasi zëra nga Evropa kishin bërë me dije se për t’u futur në familjen e tyre duheshin ende punë për t’u bërë. Ka nga ata që bllokimin e zjerimin, e shohin si një taktikë të vet BE-së dhe problem të brendshëm të saj. Por në raportin e Komisonit Evropian dhe në deklaratën e Këshillit Evropian që u lexua sot, kjo arsye nuk ekzistonte. E zëza mbi të bardhë, dy institucionet kanë deklaruar se vendi ynë dhe simotrat tona duhet të bëjnë më shumë punë që të marrin “dritën jeshile”.
Por Kryeministri i Shqipërisë, ai që për 6 vite ka thënë se ka vënë reformat para reagoi sërish sot dhe nuk pranoi asnjë faj, përkundrazi, e quajti një lajm “shumë pozitiv” shtyrjen e marrjes së përgjigjes në tetor, ose ndryshe në vjeshtë. Ky është i vetmi Kryeministër që një lajm negativ për kombin e tij e quan si pozitiv dhe nuk merr asnjë përgjegjësi, por e kalon fajin tek opozita, e cila pushtetin e saj të vetëm ka vetëm fjalën.
Por nëse sot Rama e quan një lajm pozitiv, një vit më parë mosmarrjen e një date e quante fitore, e cila dhe u festua dhe u shpërblyen ata që kishin kontribuar në të. Medaljet për disa ambasadorë që gjoja kishin bërë një punë shumë të mirë duket se kanë shkuar për skrap sot, pasi Shqipëria mbetet në vend numëro. Por në vend numëro vendi ynë ka që prej 2013-ës, kur Edi Rama erdhi në pushtet. E vetmja arrtitje e tij në këto 6 vite është se ka pas marrjes së statusit kandidat për në BE në qershor 2014, ka shtyrë me katër vite marrjen e një date për çeljen apo jo të negociatave.
Bilanci i Ramës është shumë i frikshëm, pasi “progresi” drej familjes të madhe dhe shumë të dashur Evropaine ka qenë zero. Shqipëria duket se ka bërë hapa pas qysh prej 2014-ës, kohë në të cilën morëm statusin kandidat për në BE. Kjo ka qenë data e fundit që mund të shënohet në kalendarin e arritjeve të Shqipërisë për integrimin, që ka qenë dhe një nga priortitet e qeverisë së Edi Ramës.
Qershor 2014- Qershor 2019, kur morën dhe njëherë notën negative nga BE, është një periudhë 5-vjeçare dhe në kalendarin e arritjeve është bosh. A duhet të mbajë përgjegjësi qeveria për këtë ngecje? A duhet të mbajë dikush përgjegjësi për këtë bllokim të një kombi që mezi pret ndezjen e dritën jeshile? A është qeveria fajtore që BE nuk na pranon në familjen e saj? Pse nuk mban përgjegjësi Edi Rama për këtë faj?
Por për të mos mjaftuar këto pyetje për fajtorët e bllokimit të negociatave ministri në Detyrë për Evropën dhe Punët e Jashmte, Genta Cakaj u shpreh sot me gjenialitetin që e karakterizon se: Për vendimet e drejta nuk është vonë asnjëherë. Për gjeniun e Ramës, tetori nuk është vonë dhe 5 vite janë pak, 5 vitet që shqipëria medaljen e vetme që ka marrë nga Evropa është “JO”-ja.
Por për të kuptuar ecurinë dhe lajmin “pozitiv” (Siç tha Rama) që kemi marrë sot nga Evropa, më poshtë janë disa data të rëndësishme të “udhëtimit” të Shqipërisë drejt familjes Europiane.
1992 – Marrëveshja e Tregtisë dhe Bashkëpunimit ndërmjet BE-së dhe Shqipërisë. Shqipëria përfiton financime nën programin “Pare” të BE-së.
1997 – Qasja rajonale. Këshilli i Ministrave i BE-së vendos kushtëzimin politik dhe ekonomik për zhvillimin e marrëdhënieve dypalëshe.
1999 – Shqipëria përfiton nga Preferenca Tregtare Autonome me BE-në.
1999 – BE-ja propozon një proces të ri të Stabilizim-Asociimit (SAP) për pesë vende të Europës Juglindore, duke përfshirë Shqipërinë.
Qershor 2000 – Këshilli Europian në Feira thotë se të gjitha vendet e SAP janë “kandidate potenciale” për anëtarësim në BE.
Nëntor 2000 – Takimi i Zagrebit lançoi Marrëveshjen e Stabilizim –Asocimit (SAP) për pesë vende të Europës Juglindore, duke përfshirë Shqipërinë.
2000 – Zgjerimi i hyrjes pa doganë në tregun e BE-së për prodhimet “made in Albania”.
2001 – Komisioni rekomandon ndërmarrjen e negociatave për MSA me Shqipërinë. Këshilli Europian i Goteborgut fton Komisionin të paraqesë draftin e direktivave për negocimin e SAA.
2001 – Viti i parë i programit “Ndihmë Komunitare për Rindërtim, Zhvillim dhe Stabilizim” (CARDS) i projektuar posaçërisht për vendet në proces stabilizim-asocimi.
Tetor 2002 – U miratuan direktivat e negocimit të SAA-së.
Janar 2003 – Presidenti i Komisionit, Romano Prodi, hapi zyrtarisht negociatat për SAA-në midis BE-së dhe Shqipërisë.
Qershor 2003 – Procesi i Stabilizimit dhe Asocimit (SAP) u konfirmua në Këshillin Europian të Selanikut si politikë e BE-së për Ballkanin Perëndimor.
Qershor 2004 – Këshilli vendosi mbi partneritetin e parë europian për Shqipërinë.
Janar 2006 – Këshilli rishikoi partneritetin europian me Shqipërinë.
Maj 2006 – Hyrja në fuqi e marrëveshjes së ripranimit KE-Shqipëri.
Qershor 2006 – Nënshkrimi i Marrëveshjes së Stabilizim-Asociimit (SAA) në Çështjet e Përgjithshme dhe Marrëdhënieve me Jashtë me Këshillin në Luksemburg.
Dhjetor 2006 – Hyrja në fuqi e Marrëveshjes së Përkohshme.
Janar 2007 – Hyn në fuqi instrumenti i ri për paraanëtarësimin (IPA).
Maj 2007 – Adoptimi i Dokumentit të Planifikimit Shumëvjeçar Indikativ
Shtator 2007 – Nënshkrimi i marrëveshjes për lehtësimin e vizave midis Shqipërisë dhe BE-së.
18 tetor 2007 – Shqipëria nënshkruan Marrëveshjen Kuadër për IPA-n
Janar 2008 – Marrëveshja e lehtësimit të vizave hyn në fuqi.
22 janar 2008 – Shqipëria dhe KE-ja nënshkruajnë Marrëveshjen Financiare për Instrumentin për Paraanëtarësimin (IPA programi).
Mars 2008 – Nis dialogu për liberalizimin e vizave.
Qershor 2008 – Komisioni Europian paraqet udhërrëfyesin identifikues me kërkesat specifike për liberalizimin e vizave me Shqipërinë.
1 prill 2009 – Hyn në fuqi Marrëveshja e Stabilizim-Asocimit (MSA).
28 prill 2009 – Shqipëria dorëzon aplikimin e saj për anëtarësim në BE.
15 prill 2010 – Shqipëria dorëzon përgjigjet e Pyetësorit të Komisionit.
27 maj 2010 – Komisioni Europian miratoi një propozim mundësues për qytetarët e Shqipërisë dhe Bosnjë-Hercegovinës për të udhëtuar në vendet e Shengenit pa pasur nevojë për një vizë afatshkurtër.
24 qershor 2014-Këshillit i Ministrave i BE-së mori vendimin për dhënien Shqipërisë statusin e vendit kandidat.
Tirana është boshatisur për ditët e pushimit. Cilën nga ritet e shenjta po ndiqni:
Në këtë pikë Shqipërinë e solli politika e bërë nga dhe me bandat më të rrezikshme të krimit. Të gjitha të dhënat dëshmojnë tashmë se bandat e krimit janë përdo...
TIRANË- Gazetari gjerman Peter Tiede, pas një heshtje të gjatë sot reagoi sërish për Shqipërinë duke paralajmëruar se ai ka ende përgjime për krimin elekto...
TIRANË- Nëse në zgjedhjet e 30 qershorit partitë qeveritare rreth kryeministrit hyjnë vetëm, pa pjesëmarrjen e partive reale opozitare, demokracisë dhe plu...
Kur pashë Lindën që doli nga shtëpia e Nikos mendova në fillim se janë kushërinj. Niko qe shoku im prej vitesh. U ndamë në universitet,ai për oficer,unë për gaz...
Urime 20 vjetorin e çlirimit te Kosoves miq! ## Ku jemi pas 20 vitesh! Pa polici e ushtri serbe neper kembe dhe te lire e te pavarur (deri diku) etj etj!...
TIRANË– Kriza aktuale deri të martën, kishte një pikëpyetje të madhe: kush e nxiti atë? Kush shtyu Opozitën në aksionin e saj ekstrem politik të djegies së...
TIRANË– Një ditë më parë ish-kryeministri Sali Berisha publikoi një video kushihej kryebashkiaku i Durrësit Vangjush Dako në një drekë me shumë persona të ...
Ditën e sotme, presidenti Ilir Meta doli në një konferencë për shtyp, ku edhe shpjegoi arsyet se përse kishte vendosur anulimin e zgjedhjeve lokale të 30 qersho...
Presidenti Meta foli si hoxhë, ose si prift – e jo si president.Nga prizmi moral nuk mund të flasë presidenti që moralin nuk e ka pasur asnjëherë virtyt dhe as ...
TIRANË- Shtyrja e datës së zgjedhjeve lokale nga Presidenti, në kushtet e bojkotit të opozitës dhe mungesës prej më shumë se një viti të Gjykatës Kushtetue...
