Aktualitet

Librazhd/ 5 ditë të martuar, vdes nusja 19-vjeçare, burri në gjendje të rëndë në spital, dyshohet se i helmuan me fotoksinë

  • Valsi në ditën e fejesës së çiftit që sot vendosi të vetëflijohej: Je jeta ime!
  • Tezja e 27-vjeçarit: Do i përkushtohemi vetëm djalit
  • Në luftë për jetë a vdekje, del pamja e Olsian Hajdarit pas helmimit në spital
  • Helmohen në mënyrë të dyshimtë çifti i porsamartuar në fshatin Xhyrë në Librazhd. Rezarta dhe Olsian Hajdari, 19 dhe 27 vjeç u martuan të dielën, ndërkohë që e reja u gjet e vdekur në banesë.
    Featured image of article: Librazhd/ 5 ditë të martuar, vdes nusja 19-vjeçare, burri në gjendje të rëndë në spital, dyshohet se i helmuan me fotoksinë Olsi dhe Rezarta Hajdari, në cermonin e martesës
    Përditësuar:

    ELBASAN5 ditë pasi veshi fustanin e bardhë për t’u martuar me Olsianin, gjendet e vdekur në banesë, 19-vjeçarja Rezarta Hajdari, si pasojë e konsumimit të një sasie helmi (fotoksinë) . Të dy të rinjtë janë helmuar në rrethana të paqarta, në fshatin Xhyrë të Librazhdit, ndërsa ditën e diel kurorëzuan dashurinë e tyre me dasëm. Olsiani 27 vjeç, ndodhet në gjendje të rëndë në spitalin e Elbasanit, kurse Rezarta u gjet e vdekur në banesë.

    Fillimisht u raportua se dy të rinjtë ishin vetë-helmuar, por përgjatë orëve të fundit, policia po sheh me imtësi pistën e helmimit, pasi në dhomën ku u gjetën dy të rinjtë, nuk ka patur asnjë ambalazh të helmit, i dyshuar si fotoksinë, (bar miu).

    Për prindërit e djalit dhe të afërmit ngjarja është shokuese, ndërkohë që theksojnë se nuk kanë informacion për atë që ka ndodhur.  Ndërkohë që në rrjetet sociale çifti i ka shprehur dashurinë njëri-tjetrit duke mos lënë ende të kuptohet që mes tyre ka një konflikt që mund të çuar në aktin e rëndë. Jo më larg se dje, e reja tashmë e ndjerë, Rezarta falenderonte miqtë që e uronin për dasmën në rrjetet sociale.

    Për më shumë bëhu pjesë e grupit më viral në Facebook, Dosja.al

    (f.m;f.g/dosja.al)

    • 16:42

      VIDEO/ “Oj Rezarta, oj Rezarta”, fqinja që gjeti nusen e pajetë në Librazhd tregon ç’i panë sytë: E fërkova nga gjoksi, dashuria e tepërt qenka…

      Një fqinjë e çiftit nga Librazhdi që u helmuan ka treguar se çfarë ka parë në momenti që ka hyrë në banesën e Olsit dhe Rezarta Hajdarit dhe i ka gjetur të helmuar. Në një prononcim për “Top-Channel”, e moshuara shprehet se ka thirrur të ndjerën por që ajo nuk merrte më frymë.

      “Unë qava e para se më thirri kjo mua. Eja tha se çfarë më ka ndodhur. I thashë çfarë të gjeti moj bijë. Çunin nuk e parashikova dot se u mora me nusën. Oj Rezarta, oj Rezarta, thirr, thirr, e fërkova tek gjoksi, por ajo hiç. Shkonin shumë si çift, aq shumë sa s;di ç’të themi. Dashuria e tepërt qenka…,”- tregon ajo në video.

      Ndërsa një tjetër fqinjt shprehet se nuk di asnjë detaj tjetër, por që thjesht ka dëgjuar që dyshja kanë ikur në spital.

      “Na thanë që kanë ikur në spital. S’e dimë,”- tregon ai më tej.

    • 16:25

      Me fjongo, lule dhe dekore dasme, brenda shtëpisë së çiftit që u helmua në Librazhd, s’kishin hapur ende pajën

      Rezarta dhe Olsi Hajdari, çifti që u helmuan në banesën e tyre në Librazhd nuk kishin hequr ende dekoret e dasmës nga banesa e tyre.

      Në fotot e publikuara nga Top-Channel, shihet se si në dyert e banesës ka ende fjongo zbukurimesh dhe në portën e madhe të shtëpisë ku jetonte çifti është ende shiriti i kuq.

      Brenda në dollape shihen pako të pahapura nga paja e Rezartës, që e kishte sjellë vetëm pesë ditë më parë në shtëpinë e bashkëshortit.

    • 15:55

      Çifti nga Librazhdi nuk u vetëvra, ‘misteri’ me erën e fotoksinës, kush i helmoi të rinjtë e sapomartuar

      Rezarta dhe Olsian Hajdari

      Detaje të reja të reja kanë dalë nga helmimi i çiftit nga Librazhdi. Burime për Dosja.al bëjnë me dije se dyshohet se Olsi dhe Rezarta Hajdari mund të jetë helmuar. Sipas ekspertizës mjeko-ligjore dy të rinjve u vinte aroma e fotoksinës, ndonëse në dhomën ku u gjetën nuk kishte asnjë ambalazh apo send me të cilën mund të ishte mbajtur lënda helmuese para konsumit.  Mjekët bëjnë me dije se sasia e fotoksinës në trupat e të rinjve është e madhe, dhe mendohet se ajo mund t’u jetë futur në ushqim ose në pije. Kjo pasi nëse në rastin që lënda helmuese pihet pa shoqërues era e saj nuhatet menjëherë, ndërsa kur ajo shoqërohet me një pije, apo ushqimi, era e saj fillon dhe ndjehet pas disa orësh. Ka qënë trupi i vajzës ai që ka filluar të mbajë erë në morgun e Elbasait, duke u zgjidhur kështu “misterin” e helmimit mjekëve. Ka qënë pikërisht ky detaj ai që ka ngritur dyshimet se çifti nuk është vetëhelmuar, duke shtuar faktin se nga familjarët u raportua se të rinjtë nuk kishin konflikte me njëri-tjetrin dhe as më pjesëtarë të tjerë të familjes.  Ndërkohë paraditen e sotme Policia e Shtetit ka shoqëruar në Komisariatin e Librazhdit familjarë të çiftit Hajdari. Mësohet se ata janë marrë në pyetje për dijeninë e tyre për helmimin dhe shkaqet që detyruan çiftin t’i japë fund jetës.

    • 12:31

      "Çfarë i bënë motrës, kush ta bëri këtë të keqen lali", i vëllai i 19-vjeçares vajton në derë të spitalit: Do to vras, do t'i shuaj (VD)

      Pamje dramatike, thirrje të dëshpëruara e kujë në zë. Vëllai i 19-vjeçares Rezarta Hajdari ka plasur në vaj sapo ka mbërritur në dyert e Spitalit të Elbasanit, në morgun e të cilit ndodhet e reja, ndërsa bashkëshorti i saj Olsiani mbahet nën vëzhgimin e mjekëve në gjendje të rëndë. “Kush ta bëri këtë krim? Një javë kishe që u martove…Çfarë mi bënë motrës? Kush qe ai që i helmoi, kush e ka bërë këtë punë? Ça mi bënë motrës time”, qan me ngashërima i vëllai teksa njerëz të afërm mundohen ta qetësojnë të riun. Çifti i të rinjve Rezarta dhe Olsian Hajdari kishin vetëm 5 ditë që ishin martuar. Ata u gjetën në banesë nga nëna e 27-vjeçarit. E reja u gjend pa shenja jete, ndërsa Olsiani është dërguar në spital në gjendje të rëndë.

      Marrë nga Ballkan web

    • 12:18

      "Djali u gjet me shkumë në gojë, nusja gjysmë e vdekur”, flet kryeplaku i fshatit Xhyrë: E ëma e Olsianit hapi derën me forcë

      Pak orë pas ngjarjes tragjike, ku në banesën e tyre në fshatin Xhyrë të Librazhdit, u gjetën në gjendje të rëndë çifti Olsian dhe Rezarta Hajdari, kryeplaku i fshatit ka dhënë më shumë detaje në një komunikim për Faxnews. Ai ka treguar se familja Hajdari ishte në gjendje të mirë ekonomike, ndërsa OIsiani punonte me kohë të pjesshme si emigrant në shtetin grek. Siç shihet dhe në pamjet e mëposhtme, në shtëpinë e çiftit nuk janë hequr ende as zbukurimet që ishin vendosur për dasmën e së dielës.

      “Ne ishim në dasëm, shkonin kaq mirë si familje, për mua ishin shumë njerëz të mirë. Habitem të gjithë kur ndodhi kjo ngjarje sot në mëngjes.

      Kishin 1 vit të fejuar bashkë, skanë hequr akoma lulet nga shtëpia, se ka 5 ditë që kanë bërë dasmën. S’dimë çfarë të themi, nuk kanë pasur ndonjë problem ekonomik, kanë bërë dasmë të shkëlqyeshme.

      Djali punonte në emigracion, vajza papunë ka qenë, 5 ditë kishte që kishte ardhur. Kishte dy muaj që kishte ardhur nga Greqia, rrinte te motra e vetë, çtë themi ne, mos të flasim para kohe. Sipas informacioneve që kam marrë ka qenë e ëma e Olsit ajo që i ka gjetur të rinjtë, ka hapur derën me forcë, çunin e kishte gjetur me shkumë në buzë, ndërsa nusen e ka gjetur gjysmë të vdekur, sa kishte arritur në spital, kishte mbaruar punë”, tregon kryeplaku. Olsian dhe Rezarta Hajdari 27 dhe 19 vjeç, ishin martuar të dielën, ndërsa duket se kishin një lidhje të fortë mes tyre. Megjithatë kjo ngjarje e ndodhur sot, ku Rezarta humbi jetën për në spital, dhe Olsiani po lufton për të qendruar në jetë, ka shokuar së tepërmi familjarët dhe të gjithë të njohurit e familjes Hajdari.

      Marrë nga Faxweb

    • 11:07

      Vetë-helmimi i çiftit në Elbasan, shoqërohen familjarët e dy të rinjve

      Policia e Shtetit ka shoqëruar në Komisariatin e Librazhdit familjarë të çiftit Hajdari që u vetë-helmuan në fshatin Xhyrë. Prindërit e Olsianit janë marrë në pyetje për dijeninë e tyre për helmimin dhe shkaqet që detyruan çiftin t’i japë fund jetës.

    • 11:07

      FOTO/ Në luftë për jetë a vdekje, del pamja e Olsian Hajdarit pas helmimit në spital, me tub oksigjeni i riu kërkoi vdekjen për arsye misterioze

      Olsiani ne spital

      Kjo është pamja që vjen nga spitali i Elbasanit, ku i riu Olsian Hajdari, i martuar vetëm 5 ditë më parë me 19-vjeçaren, Rezarta Hajdari, 27-vjeçari po lufton në spital me vdekjen. Krah tij qëndron tezja e tij, e cila më herët është shprehur se nuk ka dijeni për ngjarjen e rëndë.

    • 11:07

      ‘Romeo&Zhulieta’ në Librazhd, flet tezja e 27-vjeçarit: Do i përkushtohemi vetëm djalit


      Flet tezja e çiftit që vendosi të vetë-helmohej në fshatin Xhyrë në Librazhd. E pyetur nga gazetarët, gruaja është shprehur: Nuk dimë asgjë. Unë jam tezja e djalit. S’jemi të informuar për asgjë. Tani do i përkushtohemi vetëm djalit“, -është shprehur gruaja.

    • 11:00

      VIDEO + FOTO/ Puthje në ballë dhe propozimi në ditën e të dashuruarve, valsi në ditën e fejesës së çiftit që sot vendosi të vetëflijohej: Je jeta ime!

      Olsi dhe Rezarta Hajdari, çifti që ndërmori vendimin tragjik për t’u vetëhelmuar pesë ditë pas ceremonisë së martesës, jetonin mes romanticitetit dhe dedikimeve.

      Në profilin e 27-vjeçarit në Facebook, i cili ndodhet në gjendje të rëndë në spitalin e Librazhdit, shihet që bënte dedikime plot dashuri për gruan e tij.

      Në shumë foto dhe video, Olsi duket mjaft detajist ndaj Rezartës, e cila ndërroi jetë pas vetëhelmimit. Madje në një video 27-vjeçari i ka dedikuar fjalët më të ëmbla, njeriut me të cilin zgjodhi të kalonte jetën, ëndërr e cila u re në mes një ditë më parë.

      “Jeta ime, të dua shumë dhe më mungon,”– shkruan ai ndër të tjera në video-dedikimin.

      Ndërsa në një tjetër postim, shihet që Rezarta, propozimin e martesës e ka marrë në ditën e të dashuruarve, më 14 shkurt. Madje në një foto të pulikuar nga Olsi, ajo tregon edhe unazën që mban në dorë.

      Edhe për fejesën e tyre, dyshja kanë vallëzuar çift. Të kapur për dore, Rezarta dhe Olsi shihen mjaft të dashuruar në këtë ditë speciale.

    • 10:24

      Dalin FOTOT dhe EMRAT/ Ky është çifti që u vetëhelmua pesë ditë pasi u martuan, nusja vdiq në spital

      Dosja.al ka zbardhur emrat dhe ka siguruar fotot e çiftit që vendosën të vetëflijoheshin pesë ditë pasi kurorëzuan dashurinë e tyre në martesë.

      Mësohet se Rezarta dhe Olsi Hajdari janë vetëhelmuar për arsye që ende nuk janë të qarta dhe kanë përfunduar në spital në gjendje të rëndë.

      19-vjeçarja ka ndërruar jetë në spital, ndërsa i shoqi është në gjendje kritike për jetën.

    Shto Koment