Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Presidenti Ilir Meta ka bërë përgjegjëse qeverinë shqiptare, për kaosin e krijuar në pikën kufitare të Kakavijës. Përmes një statusi në Facebook, me anë të një shkrimi të analistin Artan Hoxha, Meta shkruante se situata dhe radhët kilometrike në Kakavijë, mund të parandaloheshin.
“KAKAVIJA, KRIZA QË MUND TË PARANDALOHEJ! Nga Artan Hoxha: Dihet që edhe në kohë normale kthimi në Greqi në këto ditë të gushtit krijon radhë. Aq më shumë në këto kohë pandemie ishte i parashikueshëm krijimi i superradhës. Lidhur me rregullat e lëvizjes në kushtet e COVID-19, institucionet janë më të mirëinformuarat e më të parainformuarat. Ndaj prej tyre kërkohet fillimisht parashikim dhe parandalim, më pasnderhyrje lehtësuese e zgjidhëse. Shteti ynë u kap edhe këtë herë tërësisht i papërgatitur, a thua se ishte i tëri me leje të zakonshme. Mezi i shkund. Mezi u ngrit. U desh alarm medietik, transmetim me zë e figurë i hallit të madh dhe revoltës vluese të njerëzve që shteti të lëvizte më në fund për ca asistencë humanitare. Për parashikim e parandalim as që bëhet fjalë,”– shkruan Meta.
Ky status, mori përgjigjen e kryeministrit Edi Rama, i cili uroi për 76-vjetorin e lindjes ish-Presidentin, Rexhep Meidani. Kreu i qeverisë thekson se Meidani ishte një ndër intelektualët që iu vunë në shërbim vendit në momentet tejet sfiduese, pas përmbysjes së madhe të sistemit. Por, këtë urim për ditëlindje Rama e shfrytëzoi edhe për të sulmuar ish-kryeministrin Sali Berisha dhe presidentin Ilir Meta. Kryeministri shprehet se Berisha në rolin e presidentit ka qenë servil i komunistëve dhe më pas i kanosi ata. Ndërsa për Metën, shkruan se sot fatkeqësisht, Shqipërisë i mungon kaq shumë normaliteti në rolin e Presidentit.
Më pas, Meta, përmes një konference për shtyp, i vijoi kritikat ndaj qeverisë. Meta nënvizoi se gjatë 5 ditëve qeveria braktisi shqiptarët, pasi nuk u dha informacionin e duhur. Ai theksoi më tej se Edi Rama në të tilla situata drejton gishtin përtej kufirit, ndërsa Presidenca bëri të gjitha detyrat që i takonin. Gjatë konferencës së sotme për mediet, Meta u pyet edhe për ndërhyrjen e Pandeli Majkos tek Kryepeshkopi Janullatos, por presidenti theksoi se qeveria shqiptare sposton debatin tek gjëra që nuk kanë kuptim. Presidenti Ilir Meta i bëri edhe thirrje qeverisë, që të sigurojë tamponë falas për emigrantët. Sipas kreut të Shtetit, është e pamunduar që një familje të paguajë 120-140 euro për tamponë. Ndërkohë, ai shprehu edhe rezerva për stafin diplomatik në Greqi, i cili tha se ndryshimet janë bërë nga qeveria pa marrë një mendim nga presidenca.
“Nga dita e nesërme do t’i çoj një kalendar qeverisë për të parandaluar situata të tilla, si Pashkët, Viti Ri, pra kohët kur vijnë dhe ikin emigrantët. Çdo përpjekje për të fajësuar palën greke është pakuptim, qeveria greke edhe për të drejtat e një personi shqiptar me shtetësi greke e bën detyrën vet në mënyrë të jashtëzakonshme. Kjo ishte detyrë e qeverisë shqiptare. Rama ka përgjegjësi për të, si kryeministër dhe si ministër i Jashtëm. Ka detyrime ndaj qytetarëve të saj. Ne e dimë shumë mirë se ku është frekuenca më e lartë e qytetarëve shqiptarë. Këto gjëra nuk u bënë dhe u krijua një situatë e jashtëzakonshme dhe spostojmë debatin në gjërat që nuk kanë kuptim. Ne fajësojmë edhe viktimat e kësaj situate. Për kushtetutën do flasim në shtator. Jemi një vend rekord për emigrantë. Të gjithë strukturat duhet të ndjekin me përparësi lëvizjen e shtetasve Qeveria duhet të sigurojë tamponë falas për qytetarët. Një tampon nga 120-140 euro është i papërballueshëm. Qeveria duhet të subvencionojë tamponat dhe të marrë masa që situata në Kakavijë të mos përsëritet kurrë. Falenderoj mediat për rolin e jashtëzakonshëm dhe t’u kërkoj ndjesë qytetarëve që kaluan ato netë e ato ditë me sakrifica të jashtë zakonshme,”– tha Meta ndër të tjera.
Këtyre deklaratave, kryeministri Edi Rama iu përgjigj sërish përmes statuseve në rrjetet sociale. Nëpërmjet një postimi në Tëitter, Rama theksoi se Meta vazhdon me avazin e vjetër dhe se argumentet për fajësimin e tij janë parodi tipike alla Baba Xhike. Rama thekson më tej se Meta është president që abuzon me institucionin e lartë për qëllimet e ulta të LSI-së.
“Fajësimi qeverisë për situatën në Kakavi,thjesht një sebep i rradhës për avazin e vjetër të një Presidenti që abuzon me institucionin e lartë,për qëllimet e ulëta të Lëvizjes së tij të Çintegruar politike! Ndërsa argumentat për fajësimin pastaj pfff..parodi tipike alla Baba Xhike,”- shkruante Rama.
Pas këtij statusi, Meta iu përgjigj Ramës me një shkresë të datës 5 gusht, ku ish-ambasadorja e Shqipërisë në Greqi, Adriana Hobdari, njofton Drejtorinë e Rajonit dhe Vendeve Fqinje, për masat e reja të vendosura nga shteti grek në kufij, si pasojë e pandemisë, ku përfshihet bërja e tamponëve, kufizimi i orareve dhe karantinimi 7 ditor. Referuar shkrësës, presidenti akuzon Ramën, se ishte njoftuar për situatën, por e neglizhoi duke mos marrë masat e duhura.
“Edhe njëherë NDJESË TË GJITHË BASHKËQYTETARËVE TANË, të cilët hoqën vuajtje çnjerëzore sepse Ministri ynë i Jashtëm, i cili është edhe Kryeministër, po pushon për shtatë palë qejfe!”– shkruan ndër të tjera Meta.
Por as këtë radhë, kryeministri Rama nuk qëndroi në heshtje. Ai iu përgjigj sërish Presidentit Ilir Meta, i cili kritikoi qeverinë për radhët kilometrike që u krijuan në pikën e kalimit kufitar në Kakavijë. Përmes një statusi në rrjetet sociale, Rama ka publikuar një foto, dhe teksa citon mediat greke, shkruan se radha e kamionëve që u futën nga Bullgaria në Greqi kishte arritur në 15 kilometra.
Sipas Ramës, referuar të njëjtit shkrim, shton se në Bullgari nuk doli Presidenti që të fajësonte qeverinë, dhe nuk i cilësuan qytetarët si njerëz pa atdhe dhe pa shtet.
“Sipas gazetës “Ekathimerini” radha e veturave që pritën nga Bullgaria në doganën e Kulatas në Greqi,shkoi 10 km ,ndërsa ajo e kamionëve arriti 15 km!Por Presidenti bullgar s’doli të fajësojë qeverinë e as i quajti qytetarët pa atdhe e pa shtet!Mëso Ilir se s’të ka borxh Shqipëria!”- shkruan kryeministri Rama.
Por si u zgjidh situata në Kakavijë?
As Kryeministri Edi Rama dhe as Ministria e Jashtme nuk i dhanë dot fund sfilitjes së njerëzve që pritën për pesë ditë në radhë.
Ministri për Diasporën Pandeli Majko, përmes një postimi në rrjetet sociale, shkroi se për zgjidhjen e krizës është angazhuar personalisht Kryepeshkopi Anastas Janullatos, të cilit vetë Majko i kërkoi ndihmë.
Tashmë pikat e kalimit kufitar, Kapshtica dhe Kakavija janë kthyer në normalitet. Ndërsa, që nga dita e sotme, të gjithë personat që duan të udhëtojnë drejt Greqisë, duhet të kenë me vete përgjigjen negative të testit të Covid-19 të certifikuar si dhe të kenë plotësuar formularin e posaçëm. Nga sot në pikën e Kakavijës rikthehen kufizimet për kalimin e 750 udhëtarëve, ndërsa në Kapshticë do të kalojnë 300. Gjithashtu të gjithë do t’i nënshtrohen karantinës prej 1 jave në Greqi.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË -Partia Demokratike ka reaguar nëpërmjet nënkryetarit, Edi Paloka, ndaj gjestit të kryeministrit Edi Rama, i cili vendosi të ndihmojë me 500 mijë le...
TIRANË– Kryeministri Edi Rama i është përgjigjur sërish Presidentit Ilir Meta, i cili kritikoi qeverinë për radhët kilometrike që u krijuan në pikën e kali...
TIRANË -Presidenti Ilir Meta dhe kryeministri Edi Rama janë përplasur në distancë në lidhje me krizën e emigrantëve në Kakavijë. Kreu i Shtetit akuzoi qeve...
TIRANË– Kryeministri Edi Rama ka vendosur që në emër të qeverisë të asistojë me ndihmë monetare familjen e 10-vjeçarit nga Lezha, Samuel Ndoj, i cil...
Ministri për Diasporën Pandeli Majko ka komentuar ndërhyrjen e Kryepeshkopit, Anastas Janullatos për zgjidhjen e krizës së emigrantëve në kufirin e Kakvijës. Në...
TIRANË-Kryeministri Edi Rama i është përgjigjur presidentit Ilir Meta, pasi ky i fundit tha se qeveria është fajtore për krizën në Kakavijë. Nëpërmjet një ...
TIRANË -Presidenti Ilir Meta gjatë konferencës me mediat për krizën humanitare në Kakavijë, u pyet edhe për ndalimin që i bëri Këshilli i Emërimeve në Drej...
TIRANË-Presidenti i vendit, Ilir Meta për krizën e krijuar në Kakavijë bën fajor kryeministrin Edi Rama, i cili mban edhe postin e ministrit të Jashtëm. Gj...
TIRANË -Presidenti Ilir Meta i ka bërë thirrje qeverisë, që të sigurojë tamponë falas për emigrantët. Sipas kreut të Shtetit, është e pamunduar që një fami...
TIRANË- Gjatë një konference për mediet, presidenti Ilir Meta deklaroi se për kaosin e krijuar në pikën kufitare të Kakavijës, përgjegjësia bie mbi qeverin...
