Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
SHBA – Sekretari i Përgjithshëm i NATO-s, Jens Stoltenberg, ka thënë se ekziston një rrezik real për një konflikt të ri të armatosur në Evropë pasi bisedimet midis anëtarëve të aleancës dhe Rusisë përfunduan pa asnjë shenjë përparimi drejt zbutjes së krizës mbi Ukrainën.
Sipas The Guardian, zëvendësministri i Jashtëm rus, Alexander Grushko, doli nga bisedimet katër orëshe duke ripërtërirë kërcënimin e Moskës se do të ndërmerrte hapa ushtarakë nëse masat politike nuk do të mjaftonin për të neutralizuar kërcënimet me të cilat thotë se përballet. Vërejtjet e tij erdhën vetëm disa ditë pasi kolegu i tij diplomat rus, Sergei Ryabkov, i kishte siguruar gazetarët se Rusia nuk kishte ndërmend të pushtonte Ukrainën.
Grushko tha se ai u kishte thënë përfaqësuesve të NATO-s se rrëshqitja e mëtejshme e situatës mund të çojë në pasojat më të paparashikueshme dhe më të rënda për sigurinë evropiane. Zëvendësministri rus i mbrojtjes, Alexander Fomin, u citua të thoshte se marrëdhëniet me NATO-n ishin në një “nivel kritik”, ndërsa një zyrtar i ministrisë së jashtme u tha gazetarëve se nuk kishte fare axhendë pozitive.
Udhëheqësja e delegacionit amerikan, zëvendëssekretarja e shtetit, Wendy Sherman, tha se nuk kishte dëgjuar asgjë në Bruksel që të ndryshonte nga qëndrimi i Kremlinit të paraqitur në bisedimet dypalëshe në Gjenevë, duke kërkuar një fund të garantuar të zgjerimit të NATO-s dhe një tërheqje të trupave të aleancës në vendet e bllokut sovjetik që iu bashkuan aleancës pas vitit 1997. Këto propozime mbetën të papranueshme për SHBA-në dhe të gjithë aleatët e NATO-s sipas Sherman. Ajo gjithashtu vuri në dukje se kishte ende më shumë se 100,000 trupa ruse të dislokuara afër kufirit ukrainas, disa prej të cilave kishin kryer stërvitje me municion të vërtetë ditët e fundit.
Stoltenberg e quajti takimin e ditës një moment përcaktues për sigurinë evropiane, por tha se dallimet e rëndësishme mbeten.
“Ne patëm një shkëmbim shumë serioz dhe të drejtpërdrejtë për situatën rreth Ukrainës dhe implikimet për sigurinë evropiane. Dallimet tona nuk do të jenë të lehta për t’u kapërcyer, por është një shenjë pozitive që të gjithë aleatët e NATO-s dhe Rusia u ulën rreth të njëjtës tryezë dhe u angazhuan në tema thelbësore. Ekziston një rrezik real për një konflikt të ri të armatosur në Evropë. Rusia do të përballet me pasoja të rënda nëse përdor forcën ushtarake”, tha Stoltenberg.
Takimi i Këshillit NATO-Rusi do të pasohet të enjten në Vjenë nga një raund i tretë bisedimesh me Moskën, në Organizatën për Siguri dhe Bashkëpunim në Evropë (OSBE), aktualisht kryesuar nga Polonia. Pas kësaj, të gjitha palët do të duhet të kthehen në kryeqytetet e tyre për të marrë vendime udhëheqëse nëse do të vazhdojnë diplomacinë. Sherman tha se kishte hapësirë për dialog për të adresuar shqetësimet ruse të sigurisë dhe identifikimin e zgjidhjeve që rrisin sigurinë e të gjithëve. Në Gjenevë, SHBA ngriti mundësinë e marrëveshjeve reciproke për vendosjen e raketave dhe stërvitjet ushtarake.
Në një intervistë me Guardian, ish-ministri ukrainas i mbrojtjes Andriy Zagorodnyuk tha se një operacion rus kundër Ukrainës tani dukej i pashmangshëm, pasi bisedimet diplomatike me SHBA-në, NATO-n dhe OSBE-në përfunduan këtë javë. Ai tha se ishte shumë e pamundur që Kremlini të kryente një pushtim në shkallë të gjerë të Ukrainës. Megjithëse do të ishte relativisht e lehtë për ushtrinë ruse të kapte territorin teksa ushtarët okupues së shpejti do ta gjenin veten duke luftuar një luftë guerile të pafitueshme sipas tij. Ai tha se do të jetë e ngjashme me atë që rusët i bënë Napoleonit në 1812 e se lufta do të ishte brutale dhe e gjatë
Burimet e qeverisë ukrainase sugjerojnë se Rusia po shqyrton një “provokim të organizuar” brenda Ukrainës që më pas mund të përdoret për të justifikuar një sulm më të madh. Kjo mund të përfshijë një incident “të dhunshëm” në ambasadën ose konsullatën ruse, për të cilin Moska më pas mund të fajësojë ekstremistët ukrainas të ekstremit të djathtë. Ndërkohë, zyrtarët e Kievit konfirmuan raportet e lajmeve se administrata Biden autorizoi në heshtje një ndihmë shtesë prej 200 milion dollarësh (146 milion £) për sigurinë në Ukrainë në fund të dhjetorit. Dorëzimi do të përfshijë sisteme radari dhe pajisje detare. Pentagoni muajin e kaluar dorëzoi armë të vogla dhe municione sipas kushteve të një kësti të mëparshëm ndihme prej 60 milionë dollarësh.
Stoltenberg theksoi se NATO dëshiron të vazhdojë bisedimet me Rusinë dhe ka propozuar takime të mëtejshme për të diskutuar transparencë më të madhe mbi stërvitjet ushtarake, kontrollin e armëve dhe kufizimet reciproke për raketat. Mbledhja e fundit pasoi bisedimet jopërfundimtare midis zyrtarëve amerikanë dhe rusë në Gjenevë të hënën, ku të dyja palët parashtruan pikëpamjet e tyre të kundërta për Ukrainën.
(m.k/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
ROMË – Kisha Katolike në Romë dënoi fuqishëm si fyese dhe të papranueshm procesin e një funerali jashtë një kishe në kryeqytetin italian, në të cilin...
FRANCË – Shfaqja e omicron ka çuar në shifra rekord të të infektuarve por edhe zhgënjim edhe më të madh të shumicës së vaksinuar kundër mosvak...
BRUSKEL – Raportet e reja shkencore për temperaturat rekord të atmosferës dhe oqeaneve, sipas të cilave vitet e kaluara janë më të ngrohtat që nga fillimi...
FRANCË – Rusia po ndikon në furnizimin e pamjaftueshëm me gaz natyror të Evropës, tha të sot kreu i Agjencisë Ndërkombëtare të Energjisë (IEA) Fatih ...
RUSI – Një nënkolonel me lidhje të nivelit të lartë në Kremlini, një kapës spiunësh dhe një specialist i të dhënave të mëdha… identitetet e tetë rus...
MAQEDONI E VERIUT – Kreu i shtetit Ilir Meta priti në takim kryetarin e partisë shqiptare Alternativa në Maqedoninë e Veriut Afrim Gashi. Presidenti i Shq...
MAQEDONI E VERIUT – Programi qeveritar i dorëzuar nga mandatar Dimitar Kovaçevski, parasheh edhe legalizimin e marihuanës për përdorim personal dhe...
SHBA – Zv/ndihmës Sekretari i Shtetit për Europën Qendrore dhe Jugore Gabriel Escobar do të vizitojë së shpejti rajonin e Ballkanit Perëndimor së bashku m...
SIBERI – Zyrtarët rusë thanë ditën e sotme se foshnja e braktisur në temeperaturat nën zro është mirë dhe po rikuperohet.Sipas BBC, foshnja ishte braktisu...
NORVEGJI – Analizat paraprake nga Norvegjia tregojnë se ekziston një rrezik 69% më i ulët për t’u shtruar në spital me variantin omikron të koronavi...
