Aktualitet

Komiteti Teknik i Ekspertëve nuk ndryshon masat, Shqipëria mbyllet në orën 20:00 edhe për dy javë të tjera, apel për fushatat zgjedhore: S’lejohet grumbullimi i më shumë se 10 personave

VIDEO
Vendi do të mbyllet gjatë fashës orare 20:00-06:00. Qytetarët nuk lejohet që të levizin gjatë kësaj fashe orare. Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme. Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00– 06:00. Përjashtim bëjnë shërbimet delivery. Shkollat e mesme në zonat e riskut të lartë vijojnë online. Universitetet do të vijojnë me mësimin online, ndërsa fluturimet me Britaninë e Madhe mbeten të pezulluara.
Featured image of article: Komiteti Teknik i Ekspertëve nuk ndryshon masat, Shqipëria mbyllet në orën 20:00 edhe për dy javë të tjera, apel për fushatat zgjedhore: S’lejohet grumbullimi i më shumë se 10 personave Komiteti Teknik i Ekspertëve
Përditësuar:

TIRANË– Shifrat kanë ardhur drejt rënies, por Komiteti Teknik i Ekspertëve ka konsideruar të arsyeshme që të lërë në fuqi masat kufizuese aktuale për shkak të pandemisë së Covid-19, të cilat vijojnë prej gjashtë javësh. Edhe për dy javë të tjera, deri më 7 prill 2021, Shqipëria do të vijojë të jetë e mbyllur gjatë fashës orare 20:00-06:00.

Gjatë kësaj fashe orare, siç edhe deklaroi Komiteti Teknik i Ekspertëve, nuk lejohet që të lëvizin qytetarët, përveç rasteve të emergjencës dhe arsye pune, raste kur duhet të jeni të pajisur me leje nga ‘E-Albania’. Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery. Shkollat e mesme vijojnë me skenarin e tretë, pra atë online, në zonat e riskut të lartë, si: Tiranë, Fier, Vlorë, Berat, Gjirokastër, Lezhë, Lushnje, Pogradec dhe Kamzë. Universitetet do të vijojnë me mësimin online, ndërsa fluturimet me Britaninë e Madhe mbeten të pezulluara

E pranishme në mbledhjen e Komitetit Teknik të Ekspertëve, kryetarja Mira Rakacolli u bëri apel të gjithë qytetarëve që të respektojnë masat. Ndërkohë që nesër pritet që Partia Demokratike dhe Partia Socialiste të zhvillojne mitingje në dy sheshet kryesore të Tiranës, Rakacolli tha prerë se grumbullimi i më shumë se 10 personave nuk lejohet, duke bërë kështu apel për respektim të masave. Mira Rakacolli, deklaroi se në spitale vijon të ketë shtrime të moshave të reja. Rakacolli tha se mes të rinjve që janë të shtruar në spitale, ka edhe që janë në gjendje të rëndë shëndetësore, por jo më shumë se më parë. Edhe Drejtori i Urgjencës Kombëtare Skënder Brataj deklaroi se ka rënë numri i telefonatave të emergjencës, por shtoi se në dy ditët e fundit ka pasur një rritje të vogël të telefonatave.

Për më shumë bëhu pjesë e grupit më viral në Facebook, Dosja.al

Drejtoresha e Institutit të Shëndetit Publik, Albana Fico theksoi se shifrat e Covid-19 kanë rënë në vendin tonë si për rastet e viktimave ashtu edhe për të infektuarit. Fico tha se meshkujt janë në disavantazh për numrin e fataliteteve, ndërsa bëri apel për respektim të masave. E pyetur nëse rekomandohet që një qytetar të marrë dy doza të vaksinave të ndryshme, Fico tha se ka përpjekje me Astrazeneca dhe Sputnik V, por janë në faza elementare, kështu që do të vijohet siç është bërë deri më tani.

Albana Fico shpjegoi edhe procedurën se si Agjencia Kombëtare e Barnave në Shqipëri jep aprovimin për futjen e vaksinave në të gjithë botën. Fico tha se procedura është e kahershme dhe ndiqet njësoj si në të gjithë botën.  Ndërsa Eugena Tomini, shefja e Survejancës dhe Shërbimit të Inteligjencës Epidemike në ISHP nuk ka dhënë detaje në lidhje me vaksinën kineze që pritet të marrë Shqipëria. E pyetur se sa doza mund të vijnë në vendin tonë nga vaksina Coronavac, Tomini tha se çdo detaje pritet të zbardhet mbrëmjen e sotme.

Masat që mbeten në fuqi:

  1. Vendi do të mbyllet gjatë fashës orarë 20:00-06:00.
  2. Qytetarët nuk lejohet që të levizin gjatë kësaj fashe orare.
  3. Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.
  4.  Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.
  5. Shkollat e mesme në zonat e riskut të lartë vijojnë online.
  6. Universitetet do të vijojnë me mësimin online.
  7. Fluturimet me Britaninë e Madhe mbeten të pezulluara.

(f.m/dosja.al)

  • 15:33

    Si i pranon Agjenia e Barnave në Shqipëri vaksinat? Fico shpjegon procedurën: Siç ndodh në të gjithë botën, është e kahershme

    Albana Fico, drejtoresha e Institutit të Shëndetit Publik ka shpjeguar procedurën se si Agjencia Kombëtare e Barnave në Shqipëri jep aprovimin për futjen e vaksinave në të gjithë botën. Në mbledhjen e Komitetit Teknik të Ekspertëve ku u komunikua dhe vazhdimi i mbylljes së vendit në orën 20:00 edhe për dy javë të tjera, Fico tha se procedura është e kahershme dhe ndiqet njësoj si në të gjithë botën. 

    Pjesë nga biseda:

    Pyetje: Përshëndetje, a mund të dimë se cila është procedura që ndjek Agjencia jonë Aombëtare e Aarnave për futjen e vaksinave në vendin tonë?

    Albana Fico: Unë nuk jam përfaqësuese e Agjencisë por më lejoni t’ju them që është rregullatori strikt dhe përcaktohet në ligje të amenduara edhe kohët e fundit. Këto vaksina që janë shpërndarë në të gjithë botën, jo vetëm tek ne, vijnë bazuar në autorizime emergjence nga FDA ose certifikimin e EMA. Gjithmonë depozitohet një paketë dokumentash, i përcillët agjencisë. Është e kahershme në raport me vaksinat. Mbi bazën e vlerësimit të disa dokumenteve të rëndësishme siç është certifikiata e analizës, origjinës dhe shkojnë për llogari të sigurisë së vaksinës. Bazuar mbi këtë jepet autorizimi. Kjo është pjesa më e kollajtë. Pjesa tjetër është ndjekja e dinamikës së injektimit të vaksinës në popullatë.

  • 15:27

    A mund të merren dy doza vaksinash të ndryshme? Fico: Ka përpjekje me Astrazeneca dhe Sputnik V, por asgjë përfundimtare

    Drejtoresha e Institutit të Shëndetit Publik, Albana Fico ka treguar se deri më tani nuk rekomandohet që një qytetar të marrë dy doza të vaksinave të ndryshme. E pyetur për këtë gjë në mbledhjen e Komitetit Teknik të Ekspertëve ku u komunikua dhe vazhdimi i mbylljes së vendit në orën 20:00 edhe për dy javë të tjera, Fico tha se ka përpjekje me Astrazeneca dhe Sputnik V, por janë në faza elementare.

    Deri më sot prodhuesit kanë sugjeruar përdorimin e të njëjtës vaksinë. Bota sot po prodhon plot gjëra. Ka disa përpjekje, përshembull Astrazeneca dhe Sputnik V, por janë në faza elementare. Përsa kohë nuk është arritur në asnjë përfundim, ne do tu vijojmë siç kemi bërë, vaksinimin me të njëjtën vaksinë,”- tha ajo ndër të tjera. 

  • 15:23

    Marrëveshja për vaksinat kineze, Tomini: Mbrëmjen e sotme mësojmë sa doza do vijnë

    Eugena Tomini, shefja e Survejancës dhe Shërbimit të Inteligjencës Epidemike në ISHP nuk ka dhënë detaje në lidhje me vaksinën kineze që pritet të marrë Shqipëria. E pyetur se sa doza mund të vijnë në vendin tonë nga vaksina Coronavac, Tomini tha se çdo detaje pritet të zbardhet mbrëmjen e sotme. Nga mbledhja e Komitetit Teknik ku u komunikua dhe vazhdimi i mbylljes së vendit në orën 20:00 edhe për dy javë të tjera, Tomini tha se në mbrëmje do të jepen detaje mbi dozat dhe mbi personat që do të vaksinohen.

    Për momentin jemi në përfundim të marrëveshjes, mbrëmjen e sotme do të përcaktohet dhe numri i dozave që oritet të vijnë apo detaje të tjera,”- tha Tomini ndër të tjera.

  • 15:21

    Mira Rakacolli: Në spitale ka pacientë të moshave të reja në gjendje të rëndë, jo më shumë se më parë

    Mira Rakacolli, kryetarja e Komiteti Teknik të Ekspertëve ka deklaruar se në spitale vijon të ketë shtrime të moshave të reja. Nga mbledhja ku u komunikua dhe vazhdimi i mbylljes së vendit në orën 20:00 edhe për dy javë të tjera, Rakacolli tha se mes të rinjve që janë të shtruar në spitale, ka edhe që janë në gjendje të rëndë shëndetësore, por jo më shumë se më parë. 

    Gjendja e të shtruarve në spital, pavarësisht nga moshat është një nga pikat më të diskutueshme për ne. personat që kanë nevojë për kujdes spitalor kanë rënë. Përsëri ka mosha të reja dhe ka edhe në gjendje të rëndë. fatmirësisht jo më shumë se më parë,”– tha ajo ndër të tjera.

  • 15:21

    A do rihapen auditoret? Rakacolli: Për momentin jo, shifrat në ditët në vazhdim do na tregojnë nëse mund të ndodhë

    Kryetarja e Komitetit Teknik të Ekspertëve, Mira Rakacolli nuk ka dhënë një dritë jeshile për rikthimin e studentëve në auditore dhe hapjen e universiteteve. Nga mbledhja e Komitetit ku u komunikua dhe vazhdimi i mbylljes së vendit në orën 20:00 edhe për dy javë të tjera, Rakacolli tha se për momentin nuk mund të lejohet një hape e tillë, por shifrat në vijim do të bëjnë që situata të ndryshojë. 

    Ne i kemi shqyrtuar të gjitha situatat dhe kemi parasysh që të mos rritet niveli i infeksionit. Masat që janë aktuale mund të sjellin një tjetër diskutim që mund të lejojë rihapjen e auditorëve, por për momentin nuk mun ta lejojmë një hapje të tillë,”– tha ajo ndër të tjera.

  • 15:18

    Fushata zgjedhor e 25 prillit/ Rakacolli: Nuk lejohen grumbullimet, të zbatohen masat

    Vetëm një ditë para se të nisë fushata zgjedhore për zgjedhjet e 25 prillit, Komiteti i Ekspertëve, në një konferencë për shtyp, ka lënë në zbatim sërish masat kufizuese për pandeminë e Covid-19. Zv.ministrja e Shëndetësisë, Mira Rakacolli ka thënë se nuk do të lejohen grumbullimet, sakaq ka shtuar se qytetarët duhet të zbatojnë masat parandaluese.

    “Vendi po hyn në fushatë zgjedhore dhe në vëzhgim të vendeve të tjera që kanë zhvilluar zgjedhje në kohë pandemie është vërë re se kur masat janë zbatuar nuk ka pasur tendencë rritje të infeksioneve. Ju bëjmë thirrje qytetarëve që të zbatojnë rregullat kundër Covid-19, edhe në fushatat zgjedhore.”– ka thënë ajo.

  • 15:16

    Komiteti Teknik: Mbeten në fuqi të njëjtat masa edhe për dy javë të tjera

    Kryetarja e Komitetit Teknik të Ekspertëve, Mira Rakacolli ka lajmëruar se Shqipëria do të vijojë të mbetet e mbyllur edhe për dy javë të tjera gjatë fashës orare 20:00-06:00. E pranishme në mbledhjen e sotme, Rakacolli tha se do të mbeten aktive të njëjtat masa kufizuese në vend edhe për dy javë të tjera.

    Situata vazhdon të jetë delikate jo në fazën që duhet të jemi të kënaqur. Komiteti ka vendosur që masat që kanë qenë aktive deri më tani, do të jenë edhe për dy javë të tjera. Vendi do të mbyllet gjatë fashës orarë 20:00-06:00. Qytetarët nuk lejohet që të levizin gjatë kësaj fashe orare. Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme. Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery. Shkollat e mesme vijojnë me skenarin e tretë, pra atë online, në zonat e riskut të lartë. Universitetet do të vijojnë me mësimin online, ndërsa fluturimet me Britaninë e Madhe mbeten të pezulluara,”- tha Rakacolli ndër të tjera.

  • 15:13

    Skënder Brataj: Numri i telefonatave është ulur gjatë kësaj periudhe dy javore, në dy ditët e fundit ka pasur një rritje

    Drejtori i Urgjencës Kombëtare Skënder Brataj deklaroi se ka rënë numri i telefonatave të emergjencës. I pranishëm në mbledhjen e Komitetit Teknik të Ekspertëve ku u komunikua dhe vazhdimi i mbylljes së vendit në orën 20:00 edhe për dy javë të tjera, Brataj tha se në dy ditët e fundit ka pasur një rritje të vogël të telefonatave. “Numri i urgjencave ka rënë. Numri i telefonatave është ulur gjatë kësaj periudhe dy javore, por në dy ditët e fundit ka pasur një rritje të vogël. Zonat e largëta me popullsi të vogël duhet të kenë më shumë kujdes. Përhapja e Covid-19 nuk ndalon,“- tha Brataj ndër të tjera.

     

  • 15:11

    Albana Fico: Shifrat kanë rënë, respektoni masat

    Drejtoresha e Institutit të Shëndetit Publik, Albana Fico theksoi se shifrat e Covid-19 kanë rënë në vendin tonë si për rastet e viktimave ashtu edhe për të infektuarit. E pranishme në mbledhjen e Komitetit Teknik të Ekspertëve, ku u komunikua dhe vazhdimi i mbylljes së vendit në orën 20:00 edhe për dy javë të tjera, Fico se meshkujt janë në disavantazh për numrin e fataliteteve, ndërsa bëri apel për respektim të masave.  

    “Ashtu siç dhe u theksua ne kemi monitoruar në mënyrë të vazhdueshme situatën e Covid-19. Poziitiviteti i mostrave ka rënë dhe është ulur, numri total i rasteve aktive ka pësuar ulje, ka shkuar në 33 974. Bashkitë e prekura kanë rënë në numra. Gjithmonë mbetet raporti femra meshkuj me 52-48 me fatalitete në grupin e meshkujve. Numri i të shtruarve ka rënë në 334 nga 476. Edhe pse ne kemi vzhduar me vaksinimin e popullatës, një gjë duhet ta kemi të qartë që nuk janë ulur në një mënyrë aq drastike që të konsiderojmë masa të një niveli tjetër. Harta e Evropës tregon rritje të numrave. Dua të apeloj tek qytetarët për vendosjen e maskave, distancimi, higjienizimi, respektimi i masave është thelbësore. Nëse keni nevojë për ndihmë mjekësore emergjente drejtojuni 127,”- tha ajo ndër të tjera. 

Shto Koment