Politike

Pas Valdrin Pjetrit, PD kërkon “kokën” e Kajmakut: I dënuar në Greqi, ka 13 vite që s’shkel

  • Agim Kajmaku: Jam i pastër, vazhdoj punën në krye të bashkisë
  • PD i kërkon Prokurorisë së Përgjithshme të verifikoj figurën e Agim Kajmakut. Sipas PD-së, Kajmaku është arrestuar në Greqi. Kreu i Bashkisë Vorë ka ndërruar emrin kur ka qenë në Greqi. PD: Kajmaku është subjekt i ligjit të dekriminalizmit.
    Featured image of article: Pas Valdrin Pjetrit, PD kërkon “kokën” e Kajmakut: I dënuar në Greqi, ka 13 vite që s’shkel Agim Kajmaku

    TIRANË- Partia Demokratike kërkon “kokën” e një tjetër kryebashkiaku socialist. Në një letër drejtuar Prokurorisë së Përgjithshme, Gazment Bardhi, shkruan se ka dyshime që Agim Kajmaku, kryebashkiak i Vorës është subjekt i ligjit të dekriminalizimit.

    Ai dyshohet se ka qenë i arrestuar/ndaluar në Greqi dhe, më pas, ndaj tij është marrë masa e dënimit dhe dëbimit nga autoritetet përgjegjëse greke”- thuhet në kërkesën e Sekretarit të Përgjithshëm të PD.

    Ndër të tjera, theksohet fakti se për 13 vjet me radhë, Agim Kajmaku nuk ka udhëtuar në Greqi, megjithëse ka jetuar aty disa vjet me një emër tjetër.

    Në Formularin e Vetëdeklarimit shtetasi Agim Kajmaku alias Jorgo Toro ka deklarur se ka jetuar për 5 vite në Greqi. Nga verifikimi i të dhënave të sistemit TIMS rezulton se shtetasi Agim Kajmaku alias Jorgo Toro nga periudha 2004 – 2016 nuk ka udhëtuar në asnjë rast të vetëm në drejtim të Greqisë, çka përbën një indicie për saktësinë e të dhënave të bëra publike më parë”- argumenton PD në kërkesën për verifikimin e figurës së Agim Kajmakut, që mban.

    Për më shumë bëhu pjesë e grupit më viral në Facebook, Dosja.al

    Njësoj si në rastin e Valdrin Pjetrit, për të cilin prokuroria nuk ka akoma një përgjigje, PD e ka shoqëruar kërkesën e saj me 500 firma qytetarësh.

    Nisur nga interesi i lartë publik që paraqet kjo çështje, Partia Demokratike e Shqipërisë pret një verifikim dhe reagim institucional të shpejtë nga ana e Prokurorisë së Përgjithshme, me synimin që të arrihet qëllimin primar që ka ligji i dekriminalizimit. Konkretisht, qëllimi i ligjit është të garantojë besimin e publikut në funksionimin e organeve të zgjedhura shtetërore, nëpërmjet pengimit të zgjedhjes ose emërimit në to të personave, të cilët janë dënuar për kryerjen të krimeve.”- thuhet në kërkesën e firmosur nga Sekretari i Përgjithshëm i PD, Gazment Bardhi.

    Pak javë më parë Partia Demokratike i dërgoi një letër të ngjashme Prokurorisë së Përgjithshme, ku kërkonte verifikimin e Valdrin Pjetrit, i cili më pas u dorëhoq nga marrja e detyrës. Po ashtu PD pas akuzave publikoi dhe një vendim ku sipas saj Pjetri ishte dënuar në Itali.

    (A.B. Dosja.al)

    Shto Koment