Politike

‘Ligjet’ kalojnë në Kuvend paketën anti-shpifje/ ‘Media’ ul gjobën për portalet, Basha zotohet: Do t’a anulojmë kur të vijmë në pushtet

  • ‘Ligjet’ miratojnë në parim paketën Anti-Shpifje, asnjë reflektim për gjobat dhe AMA
  • Paketa anti-shpifje, Basha premtim medias: Vija e kuqe
  • Rudina Hajdari thirrje të fortë Ramës: Tërhiq paketën anti-shpifje
  • Rama për paketën: Po e lexoni gabim, doni të prekni dinjitetin e njerzve në portale
  • Tërhiqet Partia Socialiste, ul gjobën për portalet: Maksimumi 4 mln lekë
  • Rama Po e lexoni gabim, e kemi konsultuar me OSBE-në
  • Opozita ka mbledhur sot përfaqësuesit të mediave dhe të shoqatave të gazetarëve dhe u diskutua për paketën anti-shpifje. Basha ka premtuar se do të anulojë dy ligjet sapo të vij në pushtet. Po ashtu kreu i PD u shpreh se ai do të ektë një qasje të re me median dhe nuk do lejojë të vendoset censura. Përfaqësuesit e medias u shprehën se me këto ligje liria e shprehjes është në rrezik.
    LIVE - Tryeza për Median dhe Fjalën e Lirë.

    LIVE - Tryeza për Median dhe Fjalën e Lirë.

    Gepostet von Lulzim Basha am Montag, 16. Dezember 2019
    Përditësuar:

    TIRANË- Opozita e bashkuar ka mbledhur sot në një tryezë, gazetarë, përfaqësues të mediave dhe të shoqatave mediatike për të diskutuar lidhur me paketën anti-shpifje të propozuar nga qeveria, e cila tashmë është miratuar në parim nga Komisioni i Ligjeve dhe qeveria nuk është tërhequr në asnjë nga pikat e kontestuara nga gazetarët. Gjobat për portalet, roli i AMA-s, i barazuar me atë të një gjykatë, dhe ekzekutimi i gjobave të AMA-s para se të pritet vendimi i gjykatës, janë të pandryshuara në draftin përfundimtar që sot Komisioni i Ligjeve i drejtoi Kuvendit.  Ndërkohë që Lulzim Basha iu tha gazetarëve se opozita mbështet median dhe fjalën e lirë, dhe shtoi se çdo akt i miratuar nga mazhoranca do të zhbëhet kur demokratët të vijnë në pushtet. 

    Basha në fjalën e tij tha se sapo të vijë në pushtet do të anulojë ligjet e paketës anti-shpifje dhe do të ketë një qasje të re me median, ku nuk harroi të bëjë edhe një ‘mea-culpa’.  Po ashtu dhe përfaqësuesit e medias që ishin të pranishëm, kanë treguar raste të tyre kur janë censuruar apo janë ndjerë të kërcënuar nga qeveria. 

    Nga ana tjetër, Komisioni i Medias ka vendosur të ndryshojë një nga pikat e parashtruara në paketën antishpifje, vlerën e gjobës që ishte paramenduar të vendosej për portalet online. Nga 10 milionë lekë të vjetra, gjoba për portlaet është ndryshuar dhe është ulur në 4 milionë lekë të vjetra. 

    Paketa anti-shpifje, pritet të kalohet në Kuvend në datën 19 dhjetor, pas investimit 2-vjeçar të qeverisë socialiste dhe vetë kryeministrit Edi Rama, i cili është shprehur se në ligj do të ketë klauzola me dënime të rënda për shpifësit.

    Për më shumë bëhu pjesë e grupit më viral në Facebook, Dosja.al

    Qeveria socialiste është investuar prej 2 vitesh në krijimin e një pakete të quajtur “Paketa Anti-shpifje”e cila do të kalojë në Kuvend në 19 dhjetor. Kjo paketë, e cila synon të vendosë rregulla në mediet online, është pritur negativisht nga gazetarët dhe organizatat që mbrojnë fjalën e lirë. Me këtë ligj, Shqipëria kthehet në vendin e vetëm në Evropë që gazetarët dhe mediat gjobiten me vendime administrative. Por përveç gjobave media online do të përballet dhe me mbyllje, ku parashikohet një gjë e tillë kur publikohet 5 “fake news”, bllokohet për një vit.

    (J.V. A.B. F.G/Dosja.al)

    • 21:37

      Tensione në Komisionin e Medias, dy deputetët socialistë kundër paketës antishpifje, Ylli: Unë falimentova. Ulqini: S’është ligjore!

      Fidel Ylli dhe Musa Ulqini, janë dy deputetët e Partisë Socialiste që kanë hapur kundër paketës antishpifje të hartuar nga vetë maxhoranca.

      Në mbledhjen e zhvilluar mrbëmjen e sotme nga Komisioni i Medias, Ylli dhe Ulqini kanë parashtruar tezat e tyre, teksa shprehen se nuk është e drejtë hapësira që po i jepet AMA-s dhe se çdo gazetar ka të drejtë të shkojë në një jykatë për të ankimuar vendimin.

      Sipas Ulqinit, fakti që Këshilli i Ankesave është më i fuqishëm se sa vetë institucioni që e ka krijuar (AMA), është diçka jo në rregull ligjërisht.

      Biseda në mbledhje

      Fidel Ylli: Unë i përmbahem asaj që thashë dhe e shoh të pavend që në moment që bëhet një një vendim nga AMA, unë kam për detyrë të shkoj në Gjykatë. Nuk mund të marr gjobën sepse i kemi gjykatat në këtë nivel. Ne do mundohemi që me drejtësinë e re që po vjen t’i bëjmë gjërat ashtu siç duhet dhe do të operojmë shumë shpejt për këto vendime. Flas në konceptim e ligjit. Për mendimin tim është e gabuar, që pa marrë vendimin e gjykatës të paguaj gjobën. Po unë falimentova kështu. Unë mund ta fitoj të drejtën në Gjykatë, por çfarë vlere ka pastaj? Mendoj që kjo gjë duhet parë me shumë vëmendje.Musa Ulqini: Mbase është faji im, unë nuk jam jurist por megjithatë si deputet kuotoj dy tre gjëra që nuk shkojnë. Nuk e kam fare shqetësimin unë për asnjë lloj gjobe apo mase. Flasim thjesht. Bordi i AMA-S zgjidhet nga Kuvendi dhe ka shtatë vetë. Ky bordi i AMA-s zgjehd Këshillin e Ankesave që ka pesë persona, shumë në rregull. Tani ky Këshill merr një vendim, masë apo gjobë çfarëdo qoftë. Dhe ky vendim ankimohet tek bordi i AMA-s, nga i cili ka buruar Këshilli i Ankesave. Dhe ky Këshill prej pesë vetash vihet në një pozicion që ky vendim duhet të zbatohet, pasi AMA nuk ka fuqi dhe është institucion Kushtetues. Kjo është diçka që nuk është në rregull me ligjin. Sepse nuk ka mundësi që një institucion i zgjedhur nga Kuvendi me 500 firma, kërkesa e kritere, të barazohet dhe të mos ketë fuqi mbi institucionin që ka zgjedhur vetë. Pse duhet të krijohet ky problem? Nuk po them për keqpërdorimin ekstrem të mediave, etj, se kam fjalën aty flas ligjërisht. Dua të kem një aleat që e njeh mirë ligjin. Është normale që Këshilli i Ankesave dhe bordi të jetë në fuqi të njëjtë me AMA-n. kur kemi institucionin, pse duhet ta krijojmë këtë gjë.

    • 21:37

      Tërhiqet Partia Socialiste, ul gjobën për portalet: Maksimumi 4 mln lekë

      Komisioni i Medias është mbledhur sërish mbrëmjen e sotme për të diskutuar në lidhje me projektligjet e qeverisë për paketën “anti-shpifje”. Gjatë mbledhjes është ezaruaruar një nga pikat e hartuara nga vetë maxhoranca. Bëhet fjalë për gjobën që Autoritetit të Medias Audiovizive ka të drejtë t’u vendosë portaleve online.

      Nga 10 milionë lekë të vjetra, mësohet se çmimi tavan tashmë është ulur në vlerën e 4 milionë lekëve të vjetra.

      Mbledhja është shoqëruar edhe me debate, ku dy prej deputetëve të Partisë Socialiste kanë dalë hapur kundër kësaj pakete. Fidel Ylli dhe Musa Ulqini kanë parashtruar tezat e tyre, teksa shprehen se nuk është e drejtë hapësira që po i jepet AMA-s dhe se çdo gazetar ka të drejtë të shkojë në një gjykatë për të ankimuar vendimin.

      Sipas dy deputetëve, fakti që gazetari apo një media e caktuar është e detyruar të paguajë gjobën apo masën e marrë nga AMA, para se të marrë një vendim gjykate, është e padrejtë.

    • 13:03

      REPLIKA/ Shkullaku: Edhe ju kur keni qenë në pushtet keni bërë lloj lloj budadallëqesh me mediat. Basha bën ‘mea culpa: S’do ndodhë më, ja 3 kushtimet e mia

      Replika të forta mes gazetarit Armand Shkullakut dhe kryedemokratit Lulzim Basha në tryezën e sotme për lirinë e medias, e cila ishte organizuar nga opozita. Në fjalën e tij, gazetari Armand Shkullaku ka folur lidhur me problematikat e medias duke mos i kursyer kritikat as për opozitën, e cila sipas tij kur ishte në pushtet gjithashtu ka pasur sjellje jo të mira me median.

      “Edhe ju në ndërgjegjen tuaj s’do donit të ishin mediat, të mos dilnin gjërat në sipërfaqe, por kur e bën këtë gjë me ligj, kjo është shumë e rëndë. Sot Rama ka filluar bën filma me 2 fëmijë, film real, merr dhe Rakip Sulin atje për rol dytësor. Edhe ju kur keni qenë në pushtet, kishit media që i shtrëngonit, media që i donit, keni bërë lloj lloj budallalliqe, madje keni ngritur dhe komisione hetimore. Do të ishte mirë që ky takim të niste me një ‘meaculpa’ për atë që ka bërë PD kur ishte në pushtet,”- u shpreh Shkullaku.

      Fjala e tij u pasua dhe nga një ‘meacupla’ nga ana e liderit të PD-së, Lulzim Basha lidhur me ndërhyrjen e partisë që ai drejton për pengimin e fjalës së lirë. Gjithashtu Basha ka garantuar se ngjarje të tilla nuk do të ndodhin më në momentin kur demokratët të vijnë në pushtet.

      “Mea Culpa e PD për gjithcka në këto 30 vite. Jam i gatshëm ta bej një zotim solemn për anulimin e këtij akti apo akti tjetër që cenon standardet europiane të shrehjes së lirë. Kërkesën për të hartuar së bashku një kuadër rregullues që do të hyjë në fuqi në javën e parë të qeverisjes nga opozita e bashkuar. Zotimi im është dhënia fund e çdo praktike që ka për qëllim dobësimin apo korruptimin e medias në transmetimin e mesazhit me kaseta, bllokim të gazetarëve, listë e zezë e cila tek me nuk ekziston. Tre përkushtime i marr sot para jush. Me të 25 shoqatat e medias nga dita e mërkurë e tutje mirëpres çdo formë konsultimi me ne dhe ekspertët tanë,”- tha ndër të tjera Basha.

    • 11:07

      ‘Ligjet’ miratojnë në parim paketën Anti-Shpifje, asnjë reflektim në draftin final, Kuvendi e kalon për votim më 19 dhjetor

      Komisioni i Ligjeve ka miratuar në parim projekt-ligjet që janë pjesë e paketës Anti-shpifje. Kjo paketë, e kundërshtuar nga komuniteti i gazetarëve shqiptarë dhe një sërë organizatash të rëndësishme ndërkombëtare që mbrojnë fjalën e lirë, do të votohet më 19 dhjetor në Parlament. Paralelisht me këtë zhvillim, gazetarët kanë zhvilluar një takim me kryetarin e opozitës, Lulzim Basha dhe kryetaren e Lëvizjes Socialiste për Integrim, Monika Kryemadhi.  Në draftin përfundimtar, nuk ka asnjë ndryshim në lidhje me dy projektligjet e shumë-debatuara, që i japin AMA-s një fuqi të barabartë me atë të një gjykatë, por edhe sanksionet e tjera, që janë gjoba në vlerën 10 milionë lekë të vjetra, apo ekzekutimi i gjobës, para vendimit të Gjykatës.

       

       

       

      Projektligji për paketën anti-shpifje (Klikoni këtu për të lexuar draftin e plotë)

    • 11:33

      ‘Rebelohet’ Erion Kristo: T’i bëjmë ndonjë skandal në OSBE, ata të marrin flamurin dhe në taaak…Do shpik gjuhë të re, ‘tigri’ ka vjedhur

      Erion KristoPedagogu Erion Kristo ka qënë i pranishëm në tryezën e shtruar nga opozita për lirinë e medias. Në fjalën e tij, Kristo ka propozuar që të gjithë mediat të bëjnë skandal në momentin kur Shqipëria të marrë flamurin e drejtimit të OSBE-së. Gjithashtu Kristo nuk i ka kursyer batutat me kryedemokratin Lulzim Basha, duke i kërkuar më pas këtij të fundit që të ngrejë një zyrë juridike për “të goditurit”.

      “Unë kam një pyetje? Bëjmë dot ndonjë skandal në OSBE? Ne do marrin flamurin e OSBE atje. A ka ndonjë mundësi që të bëjmë ndonjë skandal ne atje? Fjalë e madhe presidenca por s’është pronari ky. Duhet të jetë ndonjë njëri në Europë që ka mendim për mendimin e lirë. Ne mund ta bëjmë që t’i plasi buza edhe nga OSBE-ja. Sa fantasktike ditën që të marrin flamurin ata, taaak futemi në atje,”-tha Kristo.

      Fjala e plotë:

      Përshëndes Ilir Zelën që tregoi që ka edhe socialist me shtyllë kurrizore. Nëse ka edhe të tjerë le ta tregojnë veten se është momenti. Edhe në kohën e diktaturës shkodrënët e godisin diktaturën me humorin e tyre. Unë u them kolegëve që mos e ccani kokën farë nga ky ligji se mender jush një copë ligji është. Këtë bisht do shpik gjuhën dhe do them se tigri ose Voldemodri është hajdut. Nga do kuptohet se është shpifje, nga do e kuptojnë që është shpifje? Të godasim kompaninë Acromax, bashkojmë forcat, të zhvendosemi nga rrjetet që ajo kontrollon. Nuk dal në asnjë TV që nëse nuk më jep leje që ta botoj dhe ta postoj. Unë dua t’i postoj po si postoj dot. Unë dua të bëj çik inat por më thanë mos bëj inat kot. Unë kam një pyetje? Bëjmë dot ndonjë skandal në OSBE? Ne do marrin flamurin e OSBE atje. A ka ndonjë mundësi që të bëjmë ndonjë skandal ne atje? Fjalë e madhe presidenca por s’është pronari ky. Duhet të jetë ndonjë njëri në Europë që ka mendim për mendimin e lirë. Ne mund ta bëjmë që t’i plasi buza edhe nga OSBE-ja. Sa fantasktike ditën që të marrin flamurin ata, taaak futemi në atje. Edhe media të bëjë mea culpa jo vetëm opozita. Kemi gjigandin këtu kryeministrin e ardhshëm e quajnë të gjithë. Ai vetë njëherë u nxeh nja dy herë me ca mendia. Se s’dua t’i prish qejfin të zotit të shtëpisë. Edhe media është autore e fjalës kazan. Nëse opozita ka mundësi të nxjerrë ndonjë zyrë juridike për ne të goditurit. Një shoqëri që e mban gojën mbyllur, i qelbet erë.

    • 11:28

      'Pa mediat, do shihnim si njerëzit i puthin dorën Ramës', Abilekaj: Shqipëria do bëhet si Koreja e Veriut

      Gazetari Enton Abilekaj foli për paketën anti-shpifje, duke e shtrirë atë përtej komunitetit gazetaresk. Abilekaj tha se kjo paketë nuk cënon vetëm mediat, por fjalën e lirë. Ai krahasoi situatën e raportimit me tërmetin, duke thënë se nëse kjo paketë do të ishte në fuqi, atëherë shqiptarët do të shihnin skenat që shfaqen në ERTV, por jo realitetin.

      Enton Abilekaj: Nëse nuk do të kishim mediat do të shihnim se si njerëzit do t’i puthnin dorën kryeministrit. Pas këtij ligji do të shohin vetëm skena të tilla. Do të jemi të ngjashëm në Korenë e Veriut. Media po mundohet të përfaqësohet tek të gjithë shqiptarët. Rama ka aftësi të aktrojë dhe media nuk llogaritet. Kush do pasqyrojë realitetin se njerezit nuk kanë ku të flenë? Pas këtij ligji nuk do të kenë ku të flasin. Duhet të vëmë përpara përgjegjësisë qeverinë. Mbështetja duhet të jetë nga të gjithë njerëzit. Opozita nëse nuk ka media të lirë nuk mund të jetë e lirë të shprehë shqetësimet e veta. Ujku nuk mund të zgjidhë problemet në këtë vend. Ne kemi gabimet tona sepse jemi në ballë të qeverisë. Ne duhet të mendojmë si do të veprojmë pas kësaj. Të thërrasim ambasadorët si të vetmit faktorë që të ndalin këtë. Nuk është një problem për një grup gazetarësh por për një standard që nuk duhet të preket. Nuk mund të jemi vend kandidat në BE nëse nuk ka liri të shprehjes dhe këtë e sfidon Edi Rama që vendi i tij është vend anëtar në KiE.

    • 11:28

      Aleksandër Çipa kundër paketës anti-shpifje: AMA agjenci censure, kërcënohet fjala e lirë

      Kreu i Unionit të Gazetarëve Shqiptarë, Aleksandër Çipa, tha se ligjet e paketës anti-shpifje janë një këcërnim për fjalën e lirë. Çipa tha se duhet bërë çdo gjë që të zhbëhen këto ligje, asi pasi draftet kanë probleme shumë serioze dhe kthejnë cencurën në vend.

      Ky ligj është një kërcënim për fjalën e lirë. Vijmë këtu në këtë takim sepse e konsiderojmë një çështje shumë të rëndësishme për pluralizmin. Asnjëherë nuk ka pasur një adresim të tillë censuruës mbi një draft të tillë siç po bën qeveria. Ky draft mbart në vetëvete probleme shumë serioze në institucionalizmin e censurës siç është AMA, bordi i AMA ka brendinë e një agjencie censure. Investoni që të zhbëhet ky draft”, u shpreh Çipa.

    • 11:19

      Basha bën mea culpa para medias: Zotohem se do i jap fund çdo praktime që dobëson dhe korrupton mediat

      Kreu i Partisë Demorkatike, Lulzim Basha ka bërë një mea culpa për të gjitha gabimet e bëra nga për në këto 30 vite. Ai bëri dhe një zotim solemn për anulimin e paketës anti-shpifje dhe media të ketë një kuadër vetrregullues e të jetë e lirë dhe e pavarur.

      Mea Culpa e PD për gjithcka në këto 30 vite. Jam i gatshëm ta bej një zotim solemn për anulimin e këtij akti apo akti tjetër që cenon standardet europiane të shrehjes së lirë. Kërkesën për të hartuar së bashku një kuadër rregullues që do të hyjë në fuqi në javën e parë të qeverisjes nga opozita e bashkuar.

      Zotimi im është dhënia fund e çdo praktike që ka për qëllim dobësimin apo korruptimin e medias në transmetimin e mesazhit me kaseta, bllokim të gazetarëve, listë e zezë e cila tek me nuk ekziston. Tre përkushtime i marr sot para jush. Me të 25 shoqatat e medias nga dita e mërkurë e tutje mirëpres çdo formë konsultimi me ne dhe ekepertët tanë”, u shpreh Basha.

    • 11:08

      Kreu i KSHM: Gazetarët janë quajtur derra e qen, brenda janarit prezantojmë platformën e vetrregullimit

      Kreu i Këshillit Shqiptar të Medias, Koloreto Cukali, nga tryeza e organizuar nga opozita për paketën anti-shpifje. Në fjalën e tij Cukali u shpreh se  gazetarët janë krahasuar me derra dhe qen. Po ashtu ai u shpreh se brenda janarit Këshilli Shqiptar i Medias do të vijë me një alternative për vetrregullimin e medias.

      Kjo është një e keqe shumë e madhe. Nuk besoj se ka një vend demokratik pa lirinë e shtypit. Vetëm në Kinë shkon. Ky ligj është rimëshiruar tre herë. Është ulur steka e standardit të medias. Gazetarët nuk lejohen në konferencat e kryetarit të qeverisë ku gazetarët e marrin vetëm live.

      Ky ligj ka ardhur si pasojë se kryeministri ka krijuar një perceptim që mediat dhe gazetarët janë të këqinj. Pavarësisht se janë krahasuar me derra dhe qen. Brenda janarit Këshilli Shqiptar i Medias do të vijë me një alternative të re për veterregullimit. Për të thënë se nuk jemi vetëm kundër këtij ligji por kemi alternative për ta rregulluar”, u shpreh Cukali.

    • 10:55

      Kryemadhi kundër paketës anti-shpifje: AMA bëhet hetuesi e AKEP si xhelat

      Monika Kryemadhi e pranishme sot në tryezën e thirrur nga opozita për mediat për paketën anti-shpifje. Në fjalën e saj Kryemadhi tha se me ligjet e reja, do kemi një AMA si një hetuesi dhe një AKEP si xhelat. Më tej ajo tha se  sot situata është shumë e keqe, e ngjashme me situatën pas vitit 1945 kur nisi spastrimi i intelektuelëve.

      “Ne si opozitë kemi marrë një vendim largimin nga parlamenti, vetëm një veprim i tillë i opozitës do të shfaqje figurën e vërtetë të një artisti që në thelb ka censurën. Do të kemi një AMA si një hetuesi dhe një AKEP si xhelat. Strategjia e shpopullimit është e Ramës ku po ikën klasa e mesme, biznesi, gazetarët, opinionistët sepse kanë sigurinë e shëndetësisë për fëmijët etj, e më pas do të sjellë censurën. Jemi në krah të gazetarëve, jam kundër pronarëve që nëpërmjet gazetarëve të bëjnë qoka nëpërmejt ERTV. 

      Të mbyllësh gojën e gazetarëve është shkelje e të drejtave të njeriut. Duhet solidaritet me njëri-tjetrin. Kemi të njëjtën situatë si 1945 ku nisën spastrimin e intelektualëve. Shqipëria pritet të marrë presidencën e OSBE dhe kryeministri ecën me mashtrim dhe propagandë”, u shpreh Kryemadhi.

    • 10:26

      Basha premtim medias: Është vija e kuqe, e anuloj sapo të vij në pushtet

      Kreu i Partisë Demokratike, Lulzim Basha së bashku me opozitën kanë mbledhur sot në një tryezë, përfaqësues të medias dhe të shoqërisë civile. Në fjalën e tij Basha tha se kjo që po bëhet tani nuk është e lejueshme, pasi po vendoset censura me anë të ligjit. Kreu i PD shtoi se censura ndaj medias është vija e kuqe.

      Është një ofensivë kundër medias, kundër gazetarëve dhe kundër fjalës së lirë. Nuk jemi këtu që të përkrahim tuaj, por jemi kuëtu se pa lirinë e medias, pa lirinë e fjalës nuk ka as liri politike. Këtu jemi si partner që shoqëria të jetë e informuar. Kryeminsitri kërkon të ngushtojë hapësirën e informimit të qytetarëve. Kjo është vija e kuqe dhe nuk do e lejojmë”, u shpreh Basha. Në fjalën e tij, kreu i opozitës shtoi se do të anulojë ligjin sapo të vijë në pushtet nëse Parlamenti e miraton.

    Shto Koment