Politike

Ish-deputeti Shehaj: Qeveria mashtron qytetarët me pagën e luftës, do marrin 26 mijë, por duhet të paguajnë 24 mijë lekë sigurime

Sipas Shehajt, ndihma e vëtetetë që qeveria po jep për qytetarët janë thjesht 2 mijë lekë të vjetra dhe se e gjitha është një skemë mashtrimi pasi askush nuk do të ndihmohet.
Featured image of article: Ish-deputeti Shehaj: Qeveria mashtron qytetarët me pagën e luftës, do marrin 26 mijë, por duhet të paguajnë 24 mijë lekë sigurime Agron Shehaj

TIRANË– Ish-deputeti Agron Shehaj ka bërë një denoncim lidhur me pagat e luftës që qeveria ka vënë në dispozicion për të gjithë personat që e kanë të pamundur të punojnë për shkak të koronavirusit. Me anë të një statusi në Facebook, Shehaj shkruan se çdo person i vetëpunësuar duhet që të paguajë brenda 10 ditëve, 2400 lekë sigurimë shoqërore për 3 muajt e parë të këtij viti.

Sipas Shehajt, ndihma e vëtetetë që qeveria po jep për qytetarët janë thjesht 2 mijë lekë të vjetra dhe se e gjitha është një skemë mashtrimi pasi askush nuk do të ndihmohet.

Çdo i vetëpunësuar në biznesin e vogël duhet të paguajë brenda datës 20 prill rreth 24000 lekë sigurime shoqërore për periudhën janar-mars. Një pjese të vogël prej tyre qeveria do ju japë 26000 leke ne muajin prill për pagën e luftës. Atyre do t’u mbeten vetëm 2 mijë lekë në xhep. Ata që nuk do marrin as “pagën e luftës”, duhet të paguajnë nga xhepi i tyre të gjithë shumën 24000 Lekë. Paketa e qeverisë për të ndihmuar njerëzit dhe bizneset e vogla është një mashtrim: ato pak lekë që qeveria t’i jep në mëngjes, t’i merr në darkë. Madje shumicës së bizneseve qeveria nuk do t’u japë asgjë dhe do ja u marrë detyrimet fiskale njësoj si në kohë normale. Kjo është lojë e rrezikshme me jetët e njerëzve dhe me ekonominë e vendit,”-shkruan demokrati.

Për më shumë bëhu pjesë e grupit më viral në Facebook, Dosja.al

Për të gjithë të vetëpunësuarit, apo personat që nuk mund të punojnë për shkak të koronavirusit, qeveria ka akorduar një pagë, e cila konsiston në 260 mijë lekë të vjetra, aq sa është edhe rroga minimale në vend.

(k.m/dosja.al)

Shto Koment