Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Tre muaj pasi Komisioni i Venecias publikoi një analizë sakatuese ndaj një ligji të qeverisë “Rama” që synon të krijojë kontroll administrativ mbi median online, shumica socialiste në Kuvendin e Shqipërisë dhe vetë Rama duket se janë vënë sërish në lëvizje për të miratuar ligjin, një lëvizje që shtyu pesëmbëdhjetë organizata të bëjnë thirrje për ndërprerjen e kësaj përpjekjeje të re për krijimin e asaj që kritikët e quajnë një sistem të censurës dhe kërcënimit ndaj medias online.
Organizatat thonë se teknika e përdorur nga parlamenti, ajo e shqyrtimit të dekretit të Metës për kthimin e ligjit për rishqyrtim, po kryhet në tejkalim të afateve të sanksionuara në Rregulloren e Kuvendit si dhe në sfidë ndaj disa prej vërejtjeve më të rëndësishme të Komisionit të Venecias.
“Trajtimi nga ana e ligjvënësve i vetëm shqetësimeve të ngritura nga dekreti i Presidentit do të sillte injorimin e disa vërejtjeve shumë serioze të ngritura nga Komisioni i Venecias dhe për rrjedhojë, do të krijonte një ligj problematik dhe cenues të lirisë së shprehjes,” shkruhet në deklaratën e organizatave.
Dekreti i Presidentit
Kuvendi i Shqipërisë miratoi dhjetorin e vitit të kaluar mes protestave nga qytetarët dhe aktivistët e të drejtave të njeriut një ligj që krijon një kontroll administrativ të përmbajtjes së medias online, në një nismë të ndërmarrë nga vetë kryeministri Edi Rama, i cili thotë se këto masa nevojiten për të luftuar shpifjen në internet. Miratimi i ligjit nga shumica socialiste u krye pavarësisht kritikave të hapura publike nga Komisioni Europian dhe Këshilli i Europës.
Presidenti Ilir Meta e ktheu ligjin për rishqyrtim parlamentar duke e konsideruar atë si antikushtetues në disa aspekte ndërsa lavdëroi disa aspekte të tjera, të tilla si krijimi i një regjistri administrativ të medias online.
Socialistët deklaruan se do ta rrëzonin dekretin e Metës me votë në parlament por më 30 Janar, pasi Këshilli i Europës dorëzoi një kërkesë për opinion mbi ligjin në Komisionin e Venecias për Demokraci përmes Ligjit, Partia Socialiste u tërhoq nga rrëzimi i dekretit të Metës dhe pranoi të presë opinionin. Në qershor, Komisioni i Venecias e shpalli ligjin të papërshtatshëm ndërsa argumentoi se ai mund të përdorej mes të tjerësh nga oligarkët për të sulmuar lirinë e medias dhe lirinë e shprehjes.
I palëkundur në dëshirën e tij, Rama e shpalli opinionin e Venecias si “këshilla të çmuara” ndërsa deputetët socialistë të Komisionit të Medias raportohet se po punojnë për të kryer disa ndryshime në draft.
Problemi është se ndryshimet në draft po bëhen në kuadër të nenit 86 të Rregullores së Kuvendit, e cila thotë se Parlamenti bën ndryshime në një ligj të kthyer nga Presidenti vetëm për ato shqetësime që ka ngritur presidenti.
Organizatat e konsiderojnë këtë një anashkalim të disa prej vërejtjeve kryesore të Komisionit të Venecias.
“Organizatat vërejnë se kjo është mënyra e gabuar e trajtimit të problemit dhe nuk adreson shqetësimin kryesor të ngritur nga Opinioni i Komisionit të Venecias. Për rrjedhojë, organizatat i bëjnë thirrje Kuvendit të Shqipërisë të pranojë dekretin e Presidentit dhe të rinisë procesin nga e para në mënyrë që një nismë e tillë ligjore të ndërmerret vetëm pasi të jemi siguruar për respektimin e Kushtetutës së Republikës së Shqipërisë dhe standardeve ndërkombëtare mbi lirinë e shprehjes,” thuhet në deklaratën e organizatave.
Vërejtjet e Venecias
Organizatat vërejnë në deklaratë se shqetësimet e ngritura nga Komisioni i Venecias janë shumë më të gjera se sa vetë ligji “anti-shpifje” i Ramës dhe si të tilla, nuk mund të trajtohen me ndryshime të thjeshta ligjore.
Komisioni i Venecias, në opinionin e vet në pikën 71 shkruhet: “[Komisioni] këshillon kundër zgjerimit të mandatit të AMA në fushën e medias online pa një fuqizim korrespondues të pavarësisë dhe profesionalizmit të këtij institucioni.”
Organizatat vërejnë se pavarësia dhe profesionalizmi i këtij Institucioni të pavarur (AMA) që Venecia rekomandon, nuk garantohet me korrektime në legjislacion, aq më tepër në kushte të urgjencës/shpejtësisë, por kërkon një debat të mirëfilltë që më së pari duhet te vijë si nismë e vetë gazetarëve profesionistë dhe jo e ekzekutivit/parlamentit.
Organizatat rikujtojnë gjithashtu se në pikën 72 të opinionit, Venecia rekomandon trajtimin e problemit të sjelljes dashakeqe dhe të papërgjegjshme në internet përmes vetërregullimit dhe jo rregullimit administrativ, gjë që tregon se përpjekja e parlamentit për të çuar përpara këtë ligj bie ndesh me opinionin e Venecias.
Për këto arsye, organizatat i kërkojnë parlamentit të mos vijojë me planet për të korrigjuar ligjin aktual por të nisë punën në reflektim në tërësi të opinionit të Venecias, përfshirë nxitjen e vetërregullimit të medias si dhe përpjekjet për të bërë efikase mekanizmat aktualë ligjorë, në veçanti, atyre gjyqësorë për trajtimin e shqetësimeve të qeverisë.
Lista e organizatave nënshkruese:
BIRN Albania
Civil Rights Defenders
Citizens Channel
Faktoje
Grupi Shqiptar për të drejtat e njeriut
Këshilli Shqiptar i Medias
Komiteti shqiptar i Helsinkit
Lidhja e Gazetarëve të Shqipërisë
New Media Network
Qendra Res Publica
Qendra Shqiptare MediaLook
Qendra Shqiptare për Gazetari Cilësore
Shoqata e Gazetarëve Profesionistë të Shqipërisë
Shoqata e Gazetarëve Europianë të Shqipërisë
Unioni i Gazetarëve Shqiptarë
Marrë nga reporter.al
1 vit nga zgjedhjet e 25 prillit si e shikoni gjendjen e vendit:
TIRANË– Sekretari i Përgjithshëm i Partisë Demokratike, Gazment Bardhi i ka kthyer përgjigje “sfidës” së bërë nga zv.kryeministri Erion B...
TIRANË– Çështja e kufirit të detit me Greqinë është kthyer në një “mollë sherri” në politikën e vendit, ku opozita kërkon transparencë, ndërsa...
Për shumë njerëz në Shqipëri, por jo vetëm, ish-ministri i Shëndetësisë, Ilir Beqja, duhet të vendoset përballë drejtësisë, sidomos për kontratat e dyshimta kon...
TIRANE– Partia Demokratike ka bërë publike ditën e sotme një dokument ku njofton se nënpunësve iu kërkohet që të dorëzojnë emrin dhe kartën e identitetit që të ...
SHKODËR– Qeveria e Shqipërisë dhe ajo e Kosovës, do të mblidhen sërish më 25 shtator! Burime bëjnë me dije se mbledhja e përbashkët mes dy qeverive d...
TIRANË– Ministrja e Jashtme e Suedisë, Ann Linde ka zhvilluar një telefonatë me kryeministrin e Shqipërisë, Edi Rama. Lajmin e ka bërë të ditur e vetë krye...
TIRANË- Presidenti i Ukrainës Volodymyr Zelenskyy ka zhvilluar një bisedë telefonike me kreun e OSBE-së dhe kryeministrin Edi Rama, gjatë së cilës kanë dis...
TIRANE– Sekretari i Përgjithshëm i Partisë Demokratike, Gazment Bardhi ka reaguar në lidhje me rihapjen e kazinove në vend, duke sjellë në kujtesë deklaratat që...
TIRANE– Kryeministri Edi Rama ka bërë publik investimin për më shumë se 53 mijë banorë të Kamzës. Ai ka publikuar pamje nga kantieri i ujit në Bathore du...
TIRANË- Një javë para vizitës në Tiranë të delegacionit të deputetëve francezë, pjesë e grupit të miqësisë Francë-Shqipëri, media parisiane Le Monde i ka d...
