Horasio dhe Emiliano Sala
ARGJENTINË- Pas lajmit për gjetjen e rrënojave të avionit, në të cilit po udhëtonte futbollisti Emiliano Sala, një reagim ka ardhur nga familja e tij. (Lexo këtu)
Bëhet fjalë për babain e tij, Horacio Sala, i cili në një prononcim për Cronica TV në Argjentinë tha se nuk mund ta besonte që i biri nuk ishte më gjallë.
“Nuk mund ta besoj, kjo është një ëndërr, një ëndërr e keqe, unë jam i dëshpëruar.”
Horacio ishte i vetmi nga familja që qëndroi në shtëpi, ndërsa familjarët e tjerë udhëtuan për në Nantes sapo morën vesh për zhdukjen e avionit.
Avioni i Emiliano Sala u zhduk nga radarët me 22 janar. Ai u gjet ditën e djeshme pas më shumë se 10 ditësh kërkime. Media ndërkombëtare BBC raporton se dyshohet se Sala dhe piloti David Ibbotson janë të vdekur.
