Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Zëdhënësi i BE-së, Peter Stano, tha se vendimi i Kosovës e largon atë nga qëndrimet e Bashkimit Evropian.
“Për BE-në çështja e Jerusalemit është diçka shumë, shumë e qartë kur bëhet fjalë për përfaqësimin diplomatik të shteteve anëtare. E theksoj se të gjitha ambasadat dhe delegacionet e shteteve anëtare të Bashkimit Evropian janë të vendosura në Tel Aviv, bazuar në vendimet përkatëse të rezolutës së Këshillit të Sigurimit, si dhe përfundimet e Këshillit Evropian”, tha ai.
Së këndejmi tha ai, është logjike që Bashkimi Evropian dhe shtetet anëtare presin nga Kosova që të përparojë në rrugën drejt BE-së duke u rreshtuar me politikat dhe parimet e Bashkimit Evropian.
“Ne nuk po kërkojmë nga Kosova të bëjë apo të mos bëjë diçka, ne po themi që ‘nëse ju po pretendoni se aspiratat tuaja dhe ambiciet tuaja të përgjithshme strategjike janë për anëtarësim në Bashkimin Evropian, është një kuadër kriteresh që duhet përmbushur. Ne po bëjmë vetëm këtë, dhe po rikujtojmë se cilat janë parimet e Bashkimit Evropian, qëndrimet që duhen përshtatur”, tha zoti Stano.Kosova dhe Izraeli vendosën marrëdhëniet diplomatike
Të hënën në një ceremoni virtuale, Kosova dhe Izraeli firmosën marrëveshjen për vendosjen e marrëdhënieve diplomatike ndërmjet të dyja vendeve, ngjarje që u cilësua si historike nga të dyja palët.
Më 4 shtator në Shtëpinë e Bardhë, Kosova dhe Serbia nënshkruan dakordimin për normalizimin ekonomik ndërmjet tyre në praninë e ish presidentit amerikan Donald Trump.
Pjesë e dakordimit ishte edhe pajtim i Izraelit për njohjen e Kosovës dhe vendosjen e marrëdhënieve diplomatike.
Dokumenti që u nënshkrua ndarazi parasheh që Kosova të hap ambasadën e saj në Jerusalem, ndërsa Serbia të lëvizë ambasadën e saj nga Tel Avivi në Jerusalem.
Jeta Krasniqi, nga Instituti Demokratik i Kosovës, i tha Zërit të Amerikës se gjuha e përdorur nga Bashkimi Evropian pas këtyre zhvillimeve është e papranueshme duke pasur parasysh se vendimi i Kosovës për hapjen e ambasadës në Jerusalem nuk është marrë kokë më vete, por është pjesë e marrëveshjes së Shtëpisë së Bardhë.
“As vet Bashkimi Evropian nuk është aq i unifikuar në qëndrimet e veta sa i takon politikës së jashtme. Në anën tjetër e kemi parë se si Serbia nuk ka respektuar shumë vendime të Bashkimit Evropian për politikën e jashtme dhe nuk kemi parë një reagim të tillë”, tha zonja Krasniqi.
Ajo tha se në vend të trysnisë ndaj Kosovës, përfaqësuesit e Bashkimit Evropian duhet t’u bëjnë trysni pesë shteteve të veta që ende nuk e kanë njohur Kosovën.
“Bashkimi Evropian duhet ta shfrytëzojë këtë moment për t’u thënë pesë shteteve anëtare që nuk ka nevojë që Serbia ta njoh Kosovën, në mënyrë që atë ta njoh një shtet tjetër që ende nuk e ka njohur, pra ta nxjerrë aspektin pozitiv duke parë vështirësitë nëpër të cilat Kosova është ndodhur për këtë hap dhe duke bërë unifikimin e politikës së vet të jashtme”, tha zonja Krasniqi.
I pyetur nga gazetarët për qasjen e Bashkimit Evropian ndaj Serbisë, meqë edhe përfaqësuesit e saj e kanë nënshkruar marrëveshjen në Shtëpinë e Bardhë, zoti Stano tha se “sot po reagohet lidhur me faktet dhe veprimet konkrete që tashmë janë bërë”.
“Kur flasim për Serbinë, Serbia ende nuk ka ndërmarrë ndonjë hap për hapjen e ambasadës në Jerusalem deri tash, por pas nënshkrimit të marrëveshjes në Shtëpinë e Bardhë Bashkimi Evropian ka përsëritur qëndrimin e vet dhe pritshmërinë nga Serbia që po ashtu të rreshtohet me qëndrimet e BE-së në politikën e jashtme”, tha zoti Stano.
Ushtruesja e detyrës së presidentit të Kosovës, Vjosa Osmani, njoftoi të martën se ka zhvilluar një bisedë telefonike me kryetarin e parlamentit të Izraelit, Yariv Levin, gjatë së cilës ka theksuar se marrëdhëniet e Kosovës me Izraelin janë të rëndësisë strategjike.
“Shteti i Kosovës me njohjen nga Izraeli e ka forcuar edhe më tej pozicionin ndërkombëtar, teksa ka shfaqur shpresën se veprimin e këtij shteti ta ndjekin edhe shtetet e tjera mosnjohëse”, thuhet në njoftimin e zyrës së zonjës Osmani.
Vendosja e marrëdhënieve diplomatike ndërmjet Kosovës dhe Izraelit është vlerësuar lartë edhe nga udhëheqësit tjerë të Kosovës dhe nga diplomacia amerikane.
Serbia e cila kundërshton pavarësinë e Kosovës është shprehur e pakënaqur duke paralajmëruar se kjo mund të ndikojë në marrëdhëniet e saj me Izraelin.
Marrë nga VOA
(kle.mu./dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË- Presidentja në detyrë e Kosovës, Vjosa Osmani do të jetë në listës së kandidatëve për deputet të Lëvizjes Vetëvendosje. Kjo gjë do të bëhet për shk...
SHBA- Kompania farmaceutike Pfizer, ka thënë se pret të marrë 15 miliardë dollarë nga shitja e vaksinave të koronavirusit gjatë këtij viti.Pfizer tha se ka dërg...
KOSOVË- Komisioni Qendror i Zgjedhjeve ka publikuar ditën e sotme fletën e votimit për zgjedhjet e 14 shkurtit. Në foto shihet mënyra se si qytetarët do të...
AUSTRALI– Një modele australiane nuk u lejua të udhëtonte nga Goald Coast për në Melburn për shkak të veshjes së saj disi të zbuluar.Modelja Isabelle Elea...
FRANCË- Franca ka miratuar ditën e sotme vaksinën anti-Covid të AstraZenecës dhe Universitetit të Oksfordit. Metro shkruan se vaksina e miratua në mënyrë t...
Kreu i Aleancës për Ardhmërinë e Kosovës Ramush Haradinaj ka kujtuar kohën kur ishte pjesë e luftës për pavarësinë e Kosovës. Në një status në Facebook, ai ka s...
RUSI- Kritiku i Kremlinit Alexei Navanly është dënuar ditën e sotme me 3 vite e 6 muaj burg. The Moscow Times shkruan se gjykata pas këtij vendimi që nxorri tha...
RUSI- Vendet perëndimore kanë reaguar pas vendimit të burgosjes së kritikut të Kremlinit, Alexei Navalny. The Moscow Times shkruan se Ministri i Jashtëm britani...
RUSI- Kritiku i Kremlinit, Alexei Navalny është burgosur ditën e sotme me 3 vite e 6 muaj burg. “Businessinsaider” shkruan se një gjykatë Navalny do të vuaj vet...
