Politike

Rama shpërthen në Kuvend kundër prokurorëve dhe gjyqtarëve: Do e godasim KÇK-në. Murrizi: I ke dhe deputetë e ministra

  • E plotë/ Rama për prokurorët dhe gjyqtarët, 'KÇK'
  • Seanca plenare sot u shoqërua me debate të forta. Deputeti Murrizi zhvilloi një interpelancë me Anila Denaj për aksionin anti-informalitet dhe gjobën e “Bankers”. Rama ka shpërthyer sot në fjalën e tij duke akuzuar prokuororët dhe gjyqtarët se janë pjesë e një grupi të strukturaur kriminal, KÇK. Kryeministri u shpreh se shumë shpejt do të ketë një ligj special për të goditur KÇK-në.

    TIRANË- Ishte parashikuar një seancë për interpelancën e deputetit Myslim Murrizi me minsitren e Finacave Anila Denaj, por në debate u përfshinë dhe deputetë të tjerë. Ishte një fjalë e gjatë Kryeministrit Edi Rama që solli debate të shumta si nga foltorja dhe nga vendi.

    Sipas një rendi dite të miratuar më herët Murrizi dhe Denaj u përplasën me njëri-tjetrin, në lidhje me aksionin anti-informalitet, por dhe për kompaninë “Bankers”. Murrizi kërkoi transperencë nga ministrja për gjobat e vëna bizneseve, duke thënë se nuk po gjobiten të mëdhenjtë, por vetëm të vegjlit.

    Nga ana tjetër shefja e Financave u shpreh se ligji është i njëjtë për të gjithë dhe kontrollet do të vijojnë deri kur të zhduket fare informaliteti. Po ashtu Denaj reagoi dhe për gjobën e falur për “Bankers”, duke thënë se se një gje e tillë nuk ka ndodhur, por thjesht është pezulluar.

    Pas përfundimit të këtij debati dhe replikave të deputetëve për ligjin për sektorin minerar në Shqipëri në skenë hyri Edi Rama. Fjalën e tij e nisi me negociatat, duke i sulmuar të gjithë opozitën dhe vet BE-në, dhe nuk hodhi asnjë faj për qeverinë.

    Por negociatat që priteshin të zinin një vend në fjalën e tij kaluan në pak minuta dhe më tej nisi sulmi ndaj gjyqtarëve dhe prokurorëve. Rama i quajti prokurorët dhe gjyqtarët, si pjesë e një grupi kriminal me emrin KÇK (Kam ç’a të kapësh). Duke bërë shembull prokurorin e Durrësit, Eduart Ndoji. Rama tha se  shumë shpejt do të bëhet një ligj special për ata që ai i quajti pjesë të grupit KÇK.

    Por humori nuk kishte si të mungonte dhe në këtë seancë, ku Rama shkëmbeu batuta me deputetët e opozitës dhe veçanërisht me Kujtim Gjuzin. Gjuzi së bashku me Korab Litën ndërhyrin teksa Rama fliste dhe ky i fundit nuk kurseu batutat dhe ironinë me ta.

    (A.B. Dosja.al)

    • 13:31

      Rama e quajti ‘naltmadhni’, nxehet sa nuk mban më Kujtim Gjuzi. Ruçi e zbut: Ulu se s’dua të të jap masë

      Kreu i Partisë Konservatore është nxehur keqazi me kryeministrin Edi Rama, teksa ky i fundit po fliste në foltore. Teksa Rama po shkëmbente batuta me deputetin Myslim Murrizi, në debat ka ndërhyrë demokrati Korab Lita, ndërhyrje e cila nuk është mikpritur nga kryeministri.

      RamaTi pse ndërhyn? Unë tani që po të flas nuk e di kush je. Unë ia lejoj Murrizit se e njoh. Mos më ndërprit. Vetëm një person mund të më ndërpresë mua. Ai është ndaltmadhnia e tij (Kujtim Gjuzi). 

      Ky epitet ka nxehur gjakrat duke bërë që Kujtim Gjuzi t’i drejtohet vendit ku edhe ulet kryeministri Rama duke shkaktuar trazira në Kuvend.

      Për të shkuar gjakrat, ndërhyri kryeparlamentari Gramoz Ruçi, i cili kërcënoi Gjuzin se  do ta nxirrte jashtë. “Ulu mos më detyro të të jap masë. Nuk ke të drejtë fjalë,”-tha Ruçi.

    • 13:17

      Rama shpall nismën: Ligj Special për KÇK-në dhe të fortët, dalin nga burgu e shkojnë në bllok, me makina…bëjnë filma nga burgu

      Kryeministri Edi Rama nga foltorja e Kuvendit të Shqipërisë ka paralajmëruar goditje të mëdha për botën e krimit. Në fjalën tij, Rama ka premtuar se të gjithë emrat e botës së krimit që bëjnë ligjin do të futen pas hekurave.

      Pas hekurave ka emrat kryesore të krimit të organizuar, do t’i ndërpresim komunikimikin me jashtë.Do iu presim të gjitha fijet e krimit. Se ata bëjnë hollivudin, ata prodhojnë treçerekun e filmave që bëhen jashtë. Ka ardhur koha që të japim goditjen më ekstreme të gjithë atyre që në rrugë duan të dallojnë se kanë forcën e paligjshmërisë dhe zymtësinë e botës së krimit,”-tha Rama.

      PJESË NGA FJALA 

      Vettingu pastron dhe sistemi që del, dënon. Ata që kanë dalë jashtë thirren dhe të përballen më prokurorin e gjykatësin që i thotë ku i gjete lekët. Ai tjetri çon në burg zyrtarin se nuk i merr dot në favor për foprcat e zeza. Si vajtëm ne në pikën që të themi ta bëjmë ligjin e dekriminalizimit. Si e bëmë këtë ne? Nuk e ka asnjë vend i botës. E bënë dhe e bëmë shumë mirë. Institucioni më garantues, dmth kur e bëjmë për veten që të thonë ata se kë duan. Nuk e bëkemi dot ne një ligj special për ata që dalin rrugëve, bëjnë shfaqje, dalin nga burgu dhe shkojnë në Bllok. Ka ardhur koha ta ngrejmë stekën dhe t’i kundërvihemi me forcën më të egër KÇK. Nuk pranojmë që njerëzit në këtë vend të kenë frikë të dalin dëshmitarë. Pas hekurave ka emrat kryesore të krimit të organizuar, do t’i ndërpresim komunikimikin me jashtë.Do iu presim të gjitha fijet e krimit. Se ata bëjnë hollivudin, ata prodhojnë treçerekun e filmave që bëhen jashtë. Ka ardhur koha që të japim goditjen më ekstreme të gjithë atyre që në rrugë duan të dallojnë se kanë forcën e paligjshmërisë dhe zymtësinë e botës së krimit. Do t’i japim godtijen më të ashpër atyre që duan të dallohen se kanë forcën e paligjshmërisë. Për zgjedhjet e lira nuk kam lexuar askund, nuk i kërkon njeri sepse janë të tilla. E përcakton OSBE-ODHIR. Kam lexuar për Reformën Zgjedhore

    • 13:03

      ‘Drejtori në Durrës s’iu përkul krimit’, Rama: Gjyqtari kriminel, ata janë palaço…jam i tronditur… s’quhen as njerëz

      Të dy jemi të revoltuar po ke adresën e gabuar. I the ministres së Financave, që a ka fuqi të kontrollojë disa, se s’po ti jap me emra. Unë po të them që ajo i ka kontrolluar që të gjithë. Nuk bën vaki askund, që njerëz të zgjedhur të shfrytëzojnë foltoren që të hedhin nëpër gojë për njerëzit që merren me biznes. Ama të them se nuk ka zero kompani dhe zero që nuk kontrollohet. Disa kohë më parë, janë çuar në prokurori kompani të mëdha, me miliona e miliona e miliona euro të grabitura duke shmangur TVSH. Ku janë? Janë aty ku ishin para se të kontrolloheshin sepse KÇK iu mori kafenë dhe i lëshoi. Unë për këtë fola. Është kollaj të thuash, KÇK është aty e këtu, por s’jemi të gjithë njësoj. Përpjekja për t’i bërë njësoj është që thuash unë i zi jam por po i bëj të gjithë njësoj. S’jemi ëngjëj dhe djajë, por po flas për një organizatë kriminale që ka imunitet kushtetues. Për organizatën kriminale të prokurorëve dhe gjyqtarëve që e dinë që s’do kalojnë Vettingun. Ai rast që solla këtu është një nga qindra rastet që solla këtu. Ai vërtet ishte drejtor Hipoteke, por ishte drejtor që s’iu përkul krimit. Po të kishte plot të tillë s’do ishim këtu ku jemi. E vërtetë është që kështu na thanë dhe kështu thamë. Bëni këtë këtë këtë se do t’ju hapen negociatat. Dhe shumë mirë bëmë se e bëmë për veten tonë. Çdo gjë që bëmë e bëmë për fëmijët tanë. S’flasim në emër të Gjermanisë por në emër të Shqipërisë Evropiane. S’thashë që s’hapen negociatat, ia kam lenë presidentit dhe të tjerëve. Që Bundestagu s’votoi për hapjen e negociatave, por për çfarë votoi? Për kopshtin Botanik? Dhe s’thashë unë këtu që eja të bëjmë Vetting tjetër, se Vettingu është shumë në rregull. Thashë diçka tjetër… A ka ku të rrijë që ne mblidhemi ne këtu, përfaqësojmë popullin sovran dhe pavarësisht asaj që themi dhe bëjmë ne, prokurorë dhe gjykatës të këtij vendi e nisin ditën duke grabitur dhe dhunuar. Duke poshtëruar njerëz që kanë votuar që ne të vijmë këtu? Futi në burg thotë ajo. Pa lidhje fare… Futi në burg. Ne mund t’i biem shkurt. Ne mund të bëjmë ligje, mund të bëjmë reforma. Të mbështesim pa kushte Reformën në Drejtësi. Por s’fusim njerëz në burgje. Se përndryshe bie sistemi. Ama… s’mjaftohemi me kaq me KCK, me të fortët që vijnë vërdallë dhe bëjnë ligjin mbi ligjin duke thënë të presim procesin. Ju mbase mjaftoheni, unë vetë personalisht jo. S’jam shumë i zoti të di linjën e konventave evropiane, por jam i tronditur me ato që dëgjoj, më duket kot fare që të dal këtu pas atyre që dëgjoj atje. Të marrim masë ekstreme, saç është ekstreme ajo që bëjnë ata. Ata kriminelë, cfarë është ai gjyqtar që liron burrin që dy ditë më parë rrahu gruan? Është kriminel…vetëm kaq është një kriminel. Po të ishte ajo gruaja e njohura juaj? Do mbanit një fjalim emocional si ky imi, pa asnjë vlerë, duke mos bërë kapërcimin e fundit historik me këta palaco në prokurori, gjykatë dhe rrugë. Duhet të jemi tani, se do e marrim edhe mbështetjen, nga populli as diskutohet, por edhe nga partnerët. S’mund të pres unë që ai krimineli që i jep urdhër mbrojtjeje burrit që ka bërë gruan gjysmë njeriun, të iki nga Vettingu, që kapa ca kapa, s’jam më i interesuar, po bëhem avokat.

    • 12:54

      Shpërthimi i Ramës për gjyqtarët e prokurorët, Murrizi: Ju i zgjodhët, bashkë me të tjerët që ishin

      Deputeti i Kuvendit të Shqipërisë, Myslim Murrizi ka replikuar me kryeministrin Edi Rama. Pas thumbit që kryeministri Rama i bëri nga foltorja për fjalimin e tij, Murrzi ka replikuar. 

      Në fjalën e tij, Murrizi bëri me faj qeverinë dhe opozitën e bashkuar për anëtarët e zgjedhur për Vettinguin. 

      Nga pjesa e fundit pashë që kisha ton të lartë por para tonit tënd kam qënë më ulët se ai para meje. sot Gjermani ka dhënë dy kushte; kap hajdutët në qeveri dhe lufto krimin. Vettingun e votuam ju do të thoni që do të sillni tjetër, për kë? Ata që bëjnë Vetting i keni votuar si aleancë për KÇK këtu. Ju i zgjodhët bashkë me ata të tjerët që ishin këtu. Tek ju e morën porosinë. Kush gjyqtar e prokuror ka lidhje në këtë sallë të na pyesin edhe ne,”-tha Murrzi. 

    • 12:54

      Negociatat, Rama fajëson opozitën: Minoi procesin me bojkotin dhe djegien e mandateve

      “Opozita minoi integrimin me bojkotin dhe djegien e mandateve”, këtë mëshoi sot në Kuvend kryeministri Edi Rama. Në një fjalim të sikletshëm, iku përsëriti për të disatën herë se vendimi për negociatat nuk varet nga ecuria e Shqipërisë por nga debati i brendshëm në BE, Rama sot fajësoi opozitën se ka penguar vendimin për negociatat. Kryeministri tha se “Nga debati në parlamentin francez, kuptohet e vërteta”.

      Sipas tij, “kuptohet debati i brendshëm pro dhe kundër zgjerimit. Iu ka mjaftuar të gjithëve, për ata që japin një tablo bazuar në ngjyrat politike. S’ka parti politike në Shqipëri që të predikojë një plan tjetër apo të projektojë mesazh tjetër përtej horizontit të BE. Ata që janë përpjekur të thonë se ndarja në propagandë mes Shqipërisë dhe Maqedonisë së Veriut, do të çojë në një ndarje të përgjithshme, vetëm kanë dështuar.”.
      Kreu i qeverisë tha se kjo nuk lidhet me dallimin mes ecurisë së Maqedonisë së Veriut dhe Shqipërisë. “Ka një ndryshim të madh që ka përcaktuar edhe një pjesë të mirë dallimin në qendrime dhe ky ndryshim është qasja e opozitës në vendin fqinj dhe qasja këtu. Duan të minojnë çeljen e negociatave. Opozita bojkotoi zgjedhjet për të minuar integrimin. Opozita dogji mandatet për të minuar integrimin. Maqedonia e Veriut s’është një vend pa konflikte, por është një vend ku konflikti i brendshëm ka frymëzuar opozitën këtu, se duke kopjuar opozitën e deridjeshme do të deligjitimonte atë që bëhet këtu.”-tha Rama.
      Më tej, kryeministri tha se kupton edhe qasjen e vendeve skeptike. “Ata që janë kundër zgjerimit, s’kanë gjë me Shqipërinë por kanë një qasje tjetër. Keni dëgjuar ndonjë deklaratë në parlamentet që janë më ngurruese ndonjë fshat apo ndonjë qytet periferik të Maqedonisë së Veriut, siç kanë përfunduar nëpër gjermanisht apo hollandisht, Kavaja, Peqini e Dibra. Jo se aty s’ka patur probleme, jo se aty s’janë kontestuar zgjedhje, jo se aty s’ka patur refuzim për zgjedhje. Ata që janë sot në qeveri, ishin në opozitë të shtypur, kanë kërcënuar se s’do hynin në zgjedhje, por s’kanë marrë të transportojnë në Evropë, histori që jashtë kufijve kanë vetëm një efekt, atë të furnizimit me pseudo-argumente të importuara të forcave politike, kundër zgjerimit.”

      Nuk e la pas edhe ironinë për qendrimet e vendeve skeptike, ku tha se Gjermania s’ka standarte më të larta se Suedia, apo Franca më të larta se Gjermania. “Është e qartë, derisa të merret vendimi, se vendimi i KE nuk ka lidhje fare me çfarë kemi bërë apo nuk kemi bërë ne. Sepse e thashë këtu edhe herën e shkuar, unë s’mendoj se Finlanda qenka më pak ekzigjente dhe më tolerante ndaj krimit sesa Holanda. S’mendoj se Austria është më pak e interesuar për të patur zgjedhje më të mira në Shqipëri sesa Gjermania. S’besoj se Suedia i ka sytë e mbyllur përballë procesit të Reformës në Drejtësi, që s’është funksionale Gjykatës Kushtetuese, dhe kjo i bën përshtypje Gjermanisë. Ajo çka diskutohet sot në vendet e BE, është një debat brenda BE. Ashtu sikundër s’mendoj se Franca qenka më larg në këndvështrimin e saj ndaj të gjitha çështjeve që Gjermania është më afër për shkak të standarteve. Të parët që duhen ta kuptojnë, jo ta mohojnë dhe mos ta transformojnë qëndron tek një situatë në BE që s’ka lidhje fare me ne. S’jemi ne shkaku që BE s’është unanim sot në përgjigje të rekomandimit të KE që paguhet nga BE.”-tha Rama.

      Vijoi të përsëritë se debati për zgjerimin është debat politik në këto vende dhe se Shqipëria i ka bërë të gjitha detyrat. “Jemi të përfshirë si pasojë… i patë dje në parlamentin holandez ata që flisnin kundër Maqedonisë së Veriut. I patë sesi u futën në debat duke bërë copë vendin tjetër? Ça ishin ata? Dinë më shumë këta? Absolutisht jo, është çështje e qasjes së BE në tërësi, ndaj procesit të zgjerimit dhe elektoratit në tërësi. Është e qartë, siç është e qartë që qendrimi i Francës nuk është qendrim që do të formësohet për ndonjë lexim më të thellë të situatës së brendshme këtu apo atje. Është një qendrim që do të formësohet në funksion të një strategjie të re, që presidenti francez ka në raport me Evropën. Të gjitha këto s’duhet të na bëjnë më pak të interesuar apo të përgjegjshëm në raport me veten. Duhet të na japin të kuptojmë se kemi hyrë në një lojë shumë më të komplikuar. Kemi hyrë në fazën ku po kërkojmë të ngjitemi në një tjetër nivel me një familje të madhe interesash… interesash… në këtë familje të madhe interesat, normalisht që as ne, as Maqedonia e Veriut, as Ballkani, s’duhet të shikohemi sikur na ndjek ndonjë OJF, por shihemi në bazë të interesit. Është e ditur, s’bën asnjë risi.”

    • 12:34

      ‘Të shpallim në kërkim prokurorë e gjyqtarë’, Rama s’lë gjë në Kuvend: Një orë e më parë, të fortët bëjnë kërdinë, organizatë kriminale KCK

      Kryeministri Edi Rama ka kërkuar që të shpallen në kërkim me ligj nga parlamenti një grup prokurorësh dhe gjyqtarësh, që sipas tij janë pjesë e një grupi “Kap ça të kapësh (KCK)”. Teksa po fliste për vendimin e vendeve të Bashkimit Evropian për negociatat, Rama përmendi sërish prokurorin Arjan Ndoj në Durrës dhe tha se tashmë është krijuar një grup prokurorësh dhe gjyqtarësh, që sipas tij funksionojnë si një grup kriminal. 

      “Ka ardhur koha të reagojmë me forcë ndaj prokurorëve dhe gjykatësve që s’kanë kaluar Vettingun që e dinë që s’do kalojnë Vettingun dhe kanë krijuar edhe një shprehje. E keni dëgjuar ju? “KÇK, kap ça të kapësh.” Këtë grupin, ky parlament duhet ta shpallë grup në kërkim, jo në mënyrë metaforike. Duhet ta shpallim në kërkim me çdo mënyrë. Duke ushtruar pushtetin e sovranit këtu, është e kotë të bëjmë predikime. Është e kotë që nga tryeza e opozitës të ngrihemi të fajësojmë qeverinë. Vettingu do të kërkojë edhe disa vite, dhe ne s’lejojmë dot që prokuror si ai në Durrës dhe gjyqtare si ajo në Durrës të bëjnë kërdinë tek njerëzit.”-tha Rama.

      Kryeministri tregoi se ka marrë dhjetëra mesazhe, nga qytetarë që janë të prekur nga këta gjyqtarë dhe prokurorë. Rama solli në vëmendje rastin e biznesmenëve të arrestuar për abuzime me TVSH, të cilët janë liruar nga burgu pavarësisht abuzimeve. “Se kam telefonin me vete, marr mesazhe siç merrni edhe ju…nga njerëz që po capërlohen nëpër prokurorira dhe gjykata. E dëgjova të nderuarin gojëtar të opozitës…kur erdha thashe kush po zihet. Kur po fliste që shteti merret me të fortët dhe të mëdhenjtë. Po si i bëhet kur shteti, se shteti janë edhe gjykatat, që çon në prokurori dhjetëra sipërmarrje të mëdha e të vogla që bëjnë abuzime me TVSH dhe askush s’mbahet brenda, por paguajnë dhe ikin? Si i bëhet? Sepse bien në duar prokurorësh që janë KÇK.”-tha Rama.

      Me tone të larta, të cilat Myslim Murrizi i quajti edhe më të larta se të  të fortit të Lushnjes, Aldo Bare , Rama tha se ky është një objektiv i tij dhe duhet të jetë edhe një objektiv i parlamentit.

      “Shpallja në kërkim e KÇK duhet të jetë objektivi ynë, një orë e më parë. S’mjafton më…po bëhet bajate.”-tha Rama.

      Kryeministri tregoi rastin e një gruaje nga Gjirokastra, e cila është dhunuar nga i shoqi, dhe ai më pas për 2 ditë ka marrë një urdhër mbrojtjeje nga Gjykata e Gjirokastrës.

      “Një grua nga Gjirokastra e dhunuar nga burri që po më shkruante se gjykata ka vendosur në mbrojtje burrin, dhunuesin dhe e detyron gruan që ti hapë derën burrit, pasi në të kundër kthehet në objekt të forcave të rendit. Si mund të mjaftohen unë duke i thënë se këta janë kriminelë. Ti japim ‘KÇK’ me ligj mesazhin që është në kërkim. Reforma kërkon kohë. Dhe për këtë arsye shtohen viktimat e organizatës KÇK.”-tha kryeministri.

      Vazhdoi më tej me ata që i quajti të fortët e rrugës, dhe e kanë kthyer prokurorin në kafene, për të vjedhur toka. Kryeministri përmendi rastin e Durrësit, ku sipas tij, prokuroria dhe gjykata punon për krimin.

      “Për ata që janë rrugëve e që nuk iu hyn gjëmb në këmbë dhe e kanë bërë Prokurorinë si kafaene janë të përfshirë në procese grabitje të tokave. Dhe për të marrë tokën e tjetrit apo për të legalizuar pallate me shtatë kate arrijnë që të fusin prokurorin dhe Gjykatësen që të punojë për ta. *Burg. Atë e di unë po është organizata KÇK. Do t’ju sjell këtu sa herë policia ka dështuar me Gjykatën. Prokurorë dhe Gjykatës që e dinë se vettingun nuk e kalojnë dot. Si mund të regjistrojnë tokë të dhuruar në emër të gruas që ka qënë kontabiliste e filanit.”

      Rama foli për herë të parë për një ligj Special, i cili sipas tij, do të bëhet me patjetër, pasi nuk mund të pritet përfundimi i Reformës në Drejtësi. Rama tha se këta prokurorë dhe gjyqtarë, KCK, që do të preken nga ky ligj Special, nuk meritojnë të quhen as “njerëz”, prandaj deputetët s’duhet të shqetësohen për prekjen e të drejtave të njeriut.

      “Duhet të reagojmë në kushtet kur sot jemi në një proces tranzicioni që do të garantojë një sistem drejtësie të mjaftueshëm. Këtë garanci do e japë ky parlament, sepse është kollaj ta shohësh nga teoria e lartësive të ligjit, vuajtjen e tjetrit. Duke i thënë të vërtetën një viktime që jam me ty po s’kam ça të bëj se këtë e ka drejtësia. Le të thonë ça të duan, le të hidhen përpjetë. Ne duhet ta bëjmë këtë. Njerëzit s’janë procese, ajo gruaja në Gjirokastër s’është proces. S’është proces. Ai djali në burg s’është proces. Si shumë të tjerë që përballen me KÇK, s’janë procese. Të gjithë ata që janë të lidhur me krimin e organizuar, janë më të fortin, duhet të jenë imperativa të këtij parlamenti. Do sjell ligjet për këtë punë. Kush e ka rrugën tjetër, me kushtin që të mos thotë që është proces, e të mos më tregojë të drejtat e njeriut, për njerëzit që s’meritojnë të quhen njeri, shteti s’mund të jetë në mbrojtje, tërheqje, apo në gjunjë, para KÇK-së, e para atyre që shfaqen të fortë, duke patur KÇK-në si mbështetje.”

    • 11:01

      Kujtim Gjuzi kërcënon hapur Gramoz Ruçin: Më jep fjalën ose në Kuvend do ketë incidente (VD)

      Seanca plenare në Kuvend ka nisur me një debat të parashikuar, pasi deputeti Kujtim Gjuzi ka kërkuar fjalën dhe “ka kërcënuar” Gramoz Ruçin.

      Gjuzi tha se disa herë nuk është lejuar të flasë dhe nëse ndodh sërish kjo gjë në Kuvend do të ketë incidente.

      KUJTIM GJUZI: Në seancën e kaluar nuk më lejuat të replikoj me kryeministrin, ju lutem zbatoni rregulloren mos thoni uluni në vend, pasi do të kemi incidente si ata të opozitës në breg të Lanës. Nuk mund të na trajtosh ne sikur kemi ardhur me zor. Unë kam të drejtë të replikoj me kryeministrin sa herë që herë të më përmend mbiemrin, kërkoj falje të gjithë shqiptarëve.

      GRAMOZ RUÇI: Nuk është shkelur rregullorja. Dua t’u kujtoj se radhën e kaluar u kam tërhequr mbi tre herë vërejtje, ju kam paralajmëruar, e vetmja iciativë është që nuk iu kam përjashtuar nga seanca për shkak të ndërhyrjeve që keni bërë.

    • 10:50

      Murrizi ‘shpërthen’ kundër Denajt: Pse e fale atë gjobën e Bankers? E ke kontrolluar ndonjëherë këtë kompani?

      Deputeti i opozitës, Myslim Murrizi ka ‘shpërthyer’ kundër Ministres së Financave, Anila Denaj në lidhje me aksionin anti-informalitet dhe gjobën e falur ndaj Bankers Petrolium.

      Murrizi i ka bërë disa pyetje Denajt, duke i kërkuar që të heqin dhe aplikacionin për raportime kundër binzeseve që nuk japin kupon tatimor, dhe e quajti aplikacion të spiunave.

      Ju jeni të pangopur nga diktatura dhe po kërkoni që të beni një ushtri me vullnetarë që të spiunojë. Unë nuk e shkarkoj atë aplikacionin për spiunët dixhital, pasi i kam përzënë në që në 1991 të gjithë spiunët dhe do i përzë dhe nga ky Kuvend nëse ka ende. Unë të them pse e ke falur atë gjobën e Bankers ti thua jo është pezulluar. Pse e ke pezulluar? Më thuaj kush e kontrollon këtë subjekt, pse nuk keni shkuar asnjëherë për kontroll tek Bankers? Më thuaj sa vjet ka kjo kompani që ka dorëzuar bilanc financiar?  Ke dërguar kontroll tek Gjikuria? Jo. Po pse nuk e keni dërguar, ajo thotë që ka fituar 1 milionë dollarë dhe kërkon që të bëj një investim miliona dollarë, por me çfarë lekësh do investojë kjo kompani?”, u shpreh ndër të tjera Denaj.

    • 10:43

      Anila Denaj flet për gjobën e Bankers: Nuk është falur, por është pezulluar

      Ministrja e Financave, Anila Denaj është duke zhvilluar një interpelancë me deputetin Myslim Murrizi, duke iu përgjigjur pyetjeve të këtij të fundit.

      Denaj për hërë të parë pas publikmit të lajmit se ministria që drejtohet prej saj ka falur një gjobë të majme kompnisë së naftës Bankers, ka thënë se se gjoba është pezulluar dhe nuk është falur.

      Është një proces që ne e kemi deklaruar pse e kemi pezulluar gjobën. Procesi i pezullimit është bërë për të marrë referenca nga avokatura e shtetit dhe instanca të tjera. Po e theksoj nuk është falje por është një pezullim”, tha Denaj.

    Shto Koment