Bota

Arkëmorti i gjithi i mbuluar me lule të bardha! Përcillet për në banesën e fundit Duka i Edinburgut, mbretëresha Elisabeth s’i mban dot lotët në kishë (ZHVILLIMET)

Përcillet për në banesën e fundit princi Philip. Gjatë ceremonisë për ndarjen e tij nga jeta, në Kishën e Ëinsdor, mbretëresha Elisabeth II u pa e përlotur. E vetmja që mungoi në ceremoni ishte bashkëshortja e princit Harry, Meghan Markle.
Featured image of article: Arkëmorti i gjithi i mbuluar me lule të bardha! Përcillet për në banesën e fundit Duka i Edinburgut, mbretëresha Elisabeth s’i mban dot lotët në kishë (ZHVILLIMET) Ceremonia e varrimit te princ philip

BRITANI E MADHE- Në heshtje, i shoqëruar nga simfonia e Bethovent, duka i Edinburgut, princi Philip është përcjellë për në banesën e tij të fundit. Arkëmorti i tij ishte mbuluar nga një flamur, i cili kishte në përbërje të gjithë vendet e origjinës së Philip, përfshirë atë grek. Kortezhin e princit të ndjerë e udhëhiqte djali i tij i madh, princ Charles, ndërsa pas ndiqej nga të gjithë motrat e vëllezërit e tij. 

Ndërsa të gjithë shkuan në këmbë në ambientet e kishës, mbretëresha Elisabeth II u dërgua me makinën e saj. Në kishë teksa po mbahej mesha, ajo u ul veç gjithë të tjerëve shumë pranë altarit dhe arkivolit. Në një moment, mbretëresha u kap e përlotur për humbjen e bashkëshortit. 

Për më shumë bëhu pjesë e grupit më viral në Facebook, Dosja.al

Ndërkohë që përveç mbretëreshës, e gjithë vëmendja u fokusua tek dy princat, Harry dhe William. Edhe pse në kishë u ulën larg njëri-tjetrit, jashtë u panë duke komunikuar me njëri-tjetrin. Ndërsa e vetmja që mungoi nga familja ishte bashkëshortja e HArry-it, Meghan Markle. Sipas mediave, shkak ishte shtatzënia dhe jo intervista e fundit që dha për “Oprah”, e cila trazoi ujrëat e pallatit mbretëror. 

(k.m/d.a/dosja.al)

  • 21:45

    Rastësia është “mbret i botës”! Dasmë dhe varrim bashkë, çifti lidhi kurorë në momentin kur u varros princi Philip

    Foto e ciftit

    Rastësia është “mbret i botës”! Teksa ceremonia e vdekjes së Dukës së Edinburgut po fillonte, në katedralen e Ëisdorit po zhvillohej një dasmë. Mikey Durnian, dhëndri, tha se kishin bërë rezervime për t’u martuar që me 4 korrik të vitit të kaluar në Uells dhe se ata nuk do të hiqnin dorë edhe pse Duka kishte ndërruar jetë.Sipas mediave të huaja, ai tha se ishte ndjerë “çuditshëm” në momentin kur mësoi javën e kaluar se dasma e tyre do të bëhej vetëm disa metra larg varrimit të princit Philip.“Padyshim që ne jemi shumë të lumtur. Kaluar një kohë të gjatë. Por padyshim, ka shumë njerëz përreth për të mbajtur zi”, tha ai.

  • 21:16

    Korfuzi nderon Dukën! Një tjetër ceremoni për nder të princ Philip zhvillohet në vendlindjen e tij

    Pamje nga ceremonia

    Një ceremoni tjetër u mbajt sot për nder të Princ Philip në vendin e lindjes së tij në Korfuz. Sipas mediave greke, ceremonia zgjati rreth 40 minuta dhe u zhvillua në të njëjtën kohë me varrimin e princit në katedralen e Agios Spyridon dhe u drejtua nga Mitropoliti i Korfuzit, Paxos & Diapontia, Nektarios. Në ceremoni kishte edhe autoritete të tjera si kryetari i bashkisë së Korfuzit M. Hydraiou, presidenti i këshillit bashkiak të Komunës Qendrore D. Metallinos dhe Deputeti St. Gikas.

  • 20:56

    ME FOTO: U skuq nga sikleti! Momenti kur ushtari rrëzohet, ishte pjesë e gardës së princit Philip

    Ushtari i rrezuar

    Gjatë ceremonisë mortore të princ Philip teksa familjarët po hynin në kishë, njëri nga ushtarët i cili qëndronte në mes të dhjetra ushtarëve të tjerë ra përdhe.Ai po qëndronte në oborrin e kishës në diell, me armën e tij në dorë kur befasisht u rrëzua. Fytyra e tij ishte zverdhur dhe mbuluar nga djersët.Shkaku i rrëzimit të ushtarit mund të ketë qenë nga rrezet e forta të diellit si dhe gjendja e tij e zymtë pas humbjes së Dukës sipas mediave.Ushtarët në varrimin e Princ Philip janë anëtarë të ushtrisë, të zgjedhur posaçërisht nga karriera e gjatë e Dukës me shërbime të armatosura.

  • 20:36

    U pajtuan gjë? William dhe Harry shihen duke biseduar gjatë ceremonisë mortore, vdekja e Dukës mund t’i bashkojë…

    William dhe Harry

    Gjatë ceremonisë mortore të vdekjes së princ Philip dy nipërit e tij Princi William dhe Harry u panë duke biseduar me njëri tjetrin për herë të parë pas më shumë se një vitI distancim nga njëri tjetri.Vdekja e gjyshit të tyre mund të jetë edhe një arsye ku mund të fillojë procesi i afrimit të dy vëllezërve. Diskutimi i tyre erdhi pas një vedimi që anëtarët e familjes Mbretërore morën për të ecur nëpër kështjellë, pavarësisht se makinat mbretërore ishin të vendosura në dispozicion për ta sipas DailyMail.Dy vëllezërit nuk kanë arritur t’ju shpëtojnë kamerave gjatë momenteve të ecjes ku ata kanë shkëmbyer fjalë me njëri tjetrin, pavarësisht se ata dukeshin të zymtë në fytyrë për humbjen e gjyshit të tyre të dashur.

  • 16:59

    Kuptimi që ka flamuri që mbulon arkivolin e Princ Philip, është i personalizuar dhe nderon origjinën e tij

    ceremonia mortore

    Ka nisur pak minuta më parë ceremonia e varrimit të Princ Philip i cili humbi jetën të premten e kaluar në moshën 99 vjeçare. Flamuri i Dukës së Edinburgut është i ndarë në 4 seksione. Në pjesën e sipërme të majtë tre luanë simbolizojnë origjinën nga Danimarka, pranë kryqit të bardhë në një sfond blu është simboli i origjinës së tij greke, në pjesën e poshtme të majtë vija e bardhë dhe e zezë janë emblema e Mountbatten dhe në të djathtën e poshtme një kështjellë me tre kulla, simboli i Edinburgut. Gjatë ceremonisë janë ndjekur disa dëshira të lëna nga ai vetë, siç ishte makina Land Rover e cila mbante arkivolin me trupin e tij, ku ai punoi 16 vjet për ta modifikuar atë. Ajo që bie në sy është flamuri i tij personal, shpata dhe kapelja që mbante si oficer në Marinën Mbretërore.

  • 16:44

    Mbretëresha Elizabet fshin lotët e ulur e vetme pranë altarit në kishën ku po mbahet mesha për Princ Philip

    Mbretëresha e Britanisë Elizabet, është ulur në pjesën e përparme të ulëseve në kishë, afër altarit. Mbretëresha e Britanisë fshinte sot lotët e detyruar të mbajë zi e vetme në funeralin e bashkëshortit të saj Duka i Edinburg, në katadralen e St George, në kështjellën Windsor. Drejtpërdrejt përballë saj është Princi i Uellsit së bashku me dukeshën e Cornwall. Më afër mbretëreshës, dy vende në të majtë të saj, është Duka i Jorkut. Mbretëresha vendosi dje që asnjë nga mbretërorët në funeral të mos mbajë uniformë ushtarake, pas kërkesës së Princ Andrew, i cili është përfshirë së fundmi në skandalin seksual të pedofilit famëkeq Jeffrey Epstein.

  • 16:37

    Kryeministri britanik, Boris Johnson po ndjek funeralin e Princ Philip nga rezidenca e tij

    Boris Johnson

    Kryeministri britanik, Boris Johnson po shikon varrimin e Princit Philip, Duka i Edinburgut, nga rezidenca e tij në Checkers, konfirmoi të shtunën një zëdhënës i Downing Street. Numri i pjesmarrësve të pranishëm në varrimin e Dukës së Edinburgut ka qenë i kufizuar në 30 vetë, me Pallatin Buckingham duke theksuar se shërbimi po mbahej në përputhje me kufizimet e koronavirusit të qeverisë Britanike. Pak ditë më parë vetë Johnson njoftoi se nuk do të merrte pjesë në ceremoni për ti dhënë mundësi anëtarëve të familjes mbretërore që të ishin prezent.

  • 16:31

    Princ William dhe Princ Harry ulen përballë njëri-tjetrit për shërbimin fetar të funeralit të Princ Philip

    Princ William dhe Princ Harry

    Anëtarët e Familjes Mbretërore janë ulur me familjet e tyre gjatë shërbimit, në përputhje me rregulloret e koronavirusit. Vëllezërit Duka i Kembrixhit dhe Duka i Sussex janë ulur përballë njëri-tjetrit në Shën George’s Chapel, me William të bashkuar me anëtarët e familjes së tij ndërsa Harry është ulur vetëm. Gruaja e tij Meghan nuk ishte në gjendje të udhëtonte nga SHBA-ja pasi është shtatzënë. Megjithatë ata ecën së bashku si pjesë e procesionit të varrimit para shërbimit së bashku me kushëririn e tyre Peter Phillips.

  • 16:26

    Dekani i Windsor dhe Kryepeshkopi i Canterbury-t mbajnë meshën: Shumë janë frymëzuar nga besnikëria e tij e palëkundur ndaj Mbretëreshës sonë

    David Coner

    Shërbimi mortor i Princ Philip po drejtohet nga Dekani i Windsor, Reverendi i Djathtë, David Conner, i cili po mban meshën. “Ne jemi këtu sot në Kapelën e Shën Gjergjit për të dorëzuar në duart e Zotit shpirtin e shërbëtorit të tij Princ Filip, Duka i Edinburgut. Me zemra mirënjohëse, ne kujtojmë mënyrat e shumta në të cilat jeta e tij e gjatë ka qenë një bekim për ne. Shumë janë frymëzuar nga besnikëria e tij e palëkundur ndaj Mbretëreshës sonë, nga shërbimi i tij ndaj Kombit dhe Komonuelthit, nga guximi dhe besimi i tij.Jeta jonë është pasuruar përmes sfidave që ai na ka vendosur, inkurajimit që ai na ka dhënë, mirësisë, humorin dhe humanizmin e tij. Prandaj, ne lutemi që Zoti të na japë hir për të ndjekur shembullin e tij dhe që, së fundi, me vëllain tonë Filipin, të njohim gëzimet e jetës së përjetshme “, – tha Conner.

  • 16:11

    Familja Mbretërore drejtohet në vendet e tyre teksa kori po këndon një pjesë të Fjalive Funeral nga William Croft

    Ceremonia e varrimit te princ philip

    Ndërsa kori këndon, arkivoli çohet në vendin e tij në katalkal, platformën e ngritur ku do të pushojë gjatë shërbimit.Anëtarët e Familjes Mbretërore drejtohen në vendet e tyre në Quire.Kori po këndon një pjesë të Fjalive Funeral nga William Croft, vargje biblike të vendosura në muzikë nga kompozitori dhe organisti i Shekullit 18.Fjalët përfshijnë “Unë jam ringjallja dhe jeta” nga Ungjilli i Gjonit, kapitulli 11, vargjet 25 dhe 26 dhe “Unë e di që shëlbuesi im jeton” nga libri i Jobit, kapitulli 19, vargjet 25 deri në 27.

  • 16:07

    Princi Charles udhëheq kortezhin! Detaje nga varrimi i bashkëshortit të mbretëreshës së Anglisë, përcillet me muzikën e Bethoven

    Pamje nga kortezhi

    Princi Philip po përcillët për në banesën e fundit! Kortezhi po e “udhëheq” djali i tij, Charles, i cili ndiqet pas nga motrat dhe vëllezërit e tjerë. Në rreshtin e tretë është Duka i Sussex dhe Duka i Cambridge dhe midis dy vëllezërve, është kushëriri i tyre Peter Phillips. Po ashtu nënadmirali Tim Lawrence, burri i Princeshës dhe nipi i Mbretëreshës Earl of Snoëdon renditen në fund të rresht.Kortezhi shoqërohet nga banda, e cila po luan “Bethoven No 1” dhe Marshin Funeral të po të njëjtit autor.

  • 16:05

    Muzika funebre shoqëron mbërritjen e arkivolit të Princ Philip në mjediset e kalasë

    Ceremonia e varrimit te princ philip

    Muzika u luajt nga banda me tre shërbime në Katërkëndëshin e Kalasë Windsor para mbërritjes së arkivolit. Pjesët e luajtura ishin Unë Betohem për Ty Vendin Tim, Sakrifica Supreme, Jeruzalemi, Ishulli i Bukurisë dhe Nimrord. Ndërsa kortezhi i varrimit u largua, Banda e Gardave të Grenadierit luajti Marshin e Funeraleve Bethoven No 1 dhe Marshit Funeral të Beethoven.

  • 15:56

    Dukesha e Sussex, Meghan Markle do të ndjekë ceremoninë e varrimit nga shtëpia në Kaliforni

    Megan Markle, Princ Harry dhe Duka i Edingurgut

    Meghan Markle, Dukesha e Sussex nuk do të jetë ë pranishme në varrimin e princ Filip por do e ndjekë atë nga shtëpia në Kaliforni. Edhe pse dukesha shpresonte të shkonte në varrim bashkë me princ Harry, nuk ishte në gjendje të merrtë pjesë për shkak të shtatzanisë, pasi doktori ia kishte ndaluar udhëtimet. Meghan ka shkruar vetë një letër e cila do të shoqërohet bashkë me një kurorë që i kanë zgjedhur bashkë dhe Harry-n. Kurora është dizënjuar dhe punuar me dorë nga Willow Crossley, I cili ishte I zgjedhur gjithashtu për dekorine luleve në dasmën e princit me Meghan.

  • 15:56

    Mbretëresha Elizabeth II sapo ka lënë kështjellën e Winsdor për të marrë pjesë në ceremonië e varrimit të bashkëshortit të saj

    Mbreteresha Elizabeth

    Mbretëresha është larguar nga Kështjella Windsor për të marrë pjesë në varrimin e burrit të saj.Është hera e parë që ajo është parë zyrtarisht në publik që kur njoftoi se Princi Philip kishte vdekur.Sipas BBC, himni kombëtar u luajt nga muzikantë ushtarakë pasi Mbretëresha, e bashkuar me një Zonjë në pritje, u largua nga hyrja e Sovranit.Një Bentley që mbante kreun e shtetit dhe Zonja e saj në Pritje zuri vendin e saj në pjesën e prapme të procesionit të varrimit.

Shto Koment