Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
PRISHTINË– Kryeministri në detyrë i Kosovës, Albin Kurti ka dhënë një intervistë për “Foreign Policy”, ku edhe ka folur për mocionin e mosbesimit ndaj kabinetit të tij dhe marrëveshjen me Serbinë për shkëmbimin e territoreve.
Gjatë intervistës, Kurti i qëndroi deklaratave të tij duke u shprehur se ambasadori Richard Grenell nuk ka dijeni të plotë për çfarë shkruhet në marrëveshje pasi atij i duhet vetëm firma. Sipas Kurtit, Grenell dëshron një marrëveshje për t’i treguar botës se konfliktet mund të zgjidhen në mënyrë paqësore.
PJESË NGA INTERVISTA:
FP: Nëse do të zhvilloni zgjedhje të reja, kur e shikoni të përshtatshme për ta bërë këtë gjë? A do të kërkonit zgjedhje gjatë pandemisë?
AK: Jo, po kërkoj zgjedhje të reja menjëherë pas krizës pandemike.
FP: Në një konferencë shtypi në fillim të kësaj jave, ju thatë se i dërguari i Presidentit amerikan Donald Trump, Richard Grenell, luajti një rol integral në rrëzimin e qeverisë suaj.
AK: Kam takuar ambasadorin Grenell menjëherë pas zgjedhjeve. Në atë kohë, ai tha se Kosova duhej të hiqte tarifën 100 përqind të mallrave serbe dhe si kthim Serbia duhet të hiqte dorë nga fushata e saj për mosnjohjen e Kosovës, si shtet i pavarur. Ai erdhi sërish në janar dhe kërkoi sërish heqjen e takës, por ‘braktisi’ kushtin që Serbia të hiqte dorë nga fushata për mosnjohjen e Kosovës. Ky zyrtar specifik ka një qëndrim specifik, i cili është identik me atë të Beogradit. Kurrë, në marrëdhëniet tona 30-vjeçare që nga viti 1989, një i dërguar amerikan në Ballkan nuk ka pasur një qëndrim të tillë, identik me Beogradin.
FP: Pse mendoni se qëndrimi i tij është kaq i ngjashëm me atë të Serbisë?
AK: Ne kemi një president shumë të dobët që po përpiqet të jetë i ashpër nga brenda ndërsa numëron ditët e tij të fundit në detyrë. Unë mendoj se Ambasadori Grenell po e përdor situatën si një sukses në arenën ndërkombëtare për veten e tij. Ai nuk interesohet shumë për përmbajtjen e marrëveshjes, por për kohën. Atij i duhet që të nënshkruhet sa më shpejt dhe bën presion në anën më të dobët.
FP: Si lidhet kjo në votimin e mosbesimit kundër qeverisë tuaj dhe rolin e Grenell?
AK: Kur Ambasadori Grenell nuk mund të më thyente, ai filloi të bëjë presion ndaj partnerit tim në koalicion. Me sa duket jo vetëm duke i kërcënuar ata, por duke bërë ndoshta ndonjë ofertë tërheqëse për të ardhmen, ku ata do të drejtonin qeverinë, që në të vërtetë është ajo që ata dëshirojnë. Ai u ka thënë atyre: Ju jeni nën hijen e z. Kurti. Thjesht bëni një mocion për mosbesim dhe kështu me radhë.
FP: A mendoni se partnerët tuaj të koalicionit do të kishin kërkuar për një mocion mosbesimi nëse nuk do të ishte për inkurajimin e Grenell?
AK: Unë nuk mendoj kështu. Unë mendoj se motori që qëndron pas mocionit të mosbesimit, ishte padyshim Ambasadori Grenell.
FP: Grenell ka mohuar se ka folur ndonjëherë për shkëmbime territori. Si i përgjigjeni deklaratave të tij?
AK: Ai ka ndihmuar për të ndërmjetësuar disa marrëveshje midis Kosovës dhe Serbisë në lidhje me hekurudhat dhe autostradat dhe (rifillimin) e fluturimeve të drejtpërdrejta ndërmjet Prishtinës dhe Beogradit. Unë mendoj se ai mund të mos ketë marrë pjesë në këtë marrëveshje Thaçi-Vuçiç, por jam i sigurt që ai është i vetëdijshëm për këto bisedime të fshehta dhe e di përmbajtjen e tyre. Ai ka nevojë për një marrëveshje. Ai ka nevojë për një marrëveshje ku të tregojë se krizat ndërkombëtare mund të zgjidhen në mënyrë paqësore, edhe nëse kjo nënkupton një shkëmbim tokash.
FP: Pra, vetëm për të sqaruar: Grenell nuk ka diskutuar kurrë për shkëmbimet e tokës në praninë tuaj apo të ndonjë prej përfaqësuesve tuaj?
AK: Jo. Unë e takova dy herë. Ai është një njeri i kohës, jo i hapësirës. Ai nuk flet për territoret në Ballkan. Ai thjesht ka nevojë për një marrëveshje.
Qeveria e Albin Kurtit u rrëzua 51 ditë pas mandatimit, me 82 vota pro nga Kuvendi i Kosovës, si shkak i mocionit të mosbesimit të organizuar nga partia në koalicion, LDK-ja. Shkak u bë shkarkimi i ministrit Agim Veliu nga radhët e LDK-së dhe moshpallja e gjendjes së emergjencës. Por Kurti pretendoi se shkak për rrëzimin e qeverisë së tij ishte një marrëveshje e fshehtë Msutafa-Thaçi për shkëmbimin e territoreve Kosovë-Serbi. Tanimë LVV-ja do të duhet të propozojë një tjetër emër për kryeministër dhe do të rinisin negociatat për formimin e një tjetër koalicioni. Nëse nuk ndodh mund të shpallen zgjedhje të jashtëzakonshme, që me koronavirusin janë një skenar i pamundur.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
SHBA- Departamenti i Sigurisë në SHBA ka publikuar një studim ku thuhet se drita e diellit vret qelizat e koronavirusit të mbetura në siperfaqe, mirëpo ky dokum...
ITALI– Italia është vendi më i goditur në botë nga koronavirusi ka vrarë mbi 25 mijë njerëz që nga fillimi i shpërthimit e deri më tani. Por në bazë të raportim...
Për paketën e parë për ndihmë të menjëhershme, 540 miliardë euro, në dispozicion që në qershor, qe rënë dakord para disa ditësh. Dje ajo u aprovua në samitin vi...
GREQI– Autoritetet shëndetësore në Greqi ditën e sotme kanë raportuar se janë infektuar nga koronavirusi të paktën 37 persona mes 226 pacientëve dhe punonjës...
KOSOVË– Bashkim Gllareva, mjeku që kreu ndërhyrjen kirurgjikale në trupin e Presidentit Hashim Thaçi, i ka dedikuar disa fjalë të ndjera, këti...
RUSI– Ditën e sotme autoritetet ruse kanë bërë me dije se të paktën 60 persona të infektuar nga koronavirusi nuk i kanë mbijetuar dot kësaj lufte të ashpër me v...
TIRANË– Së fundmi, një nismë të tillë ka marrë edhe Redi Llupa, pianisti i talentuar shqiptar me veprimtari artistike në SHBA.“Unë Luaj Shqip” do jetë nism...
BRITANI E MADHE- Në 24 orët e fundit Britania e Madhe ka shënuar 761 viktima si shkak i koronavirusit, duke e çuar numrin e vdekjeve nga Covid-19 në ...
SHBA- Bill Gates e ka krahasuar COVID-19 me Luftën e Dytë Botërore. Filantropisti miliarder detajoi se si ‘pandemia e parë moderne’ do të ndikojë një gjeneratë ...
